Morgunblaðið - 26.09.1959, Blaðsíða 3

Laugardagur 26. sept. 1959
VORCVNBLAÐ1Ð
3
Sjóstanga-
félag
áformar
veiði
hámera
í SÍÐUSTU viku gerði brezk-
ur sjóstangaveiðigarpur,
Norton C. Bracy, ítrekaðar til-
raunir til þess að fanga há-
meri hér við land, en orð fer
af að sá fiskur dafni hvað
bezt við íslandsstrendur og sé
að sama skapi stærri hér en
annars staðar. Og hver er sá
veiðimaður, sem ekki vill
leggja dálítið á sig, til þess að
ná í stærsta fiskinn?
Tíðindamaður Mbl. var svo
heppinn að hitla á förnum vegi
Jóhann Sigurðsson, skrifstofu-
stjóra Flugfélags íslands í Lund-
únum. en hann var aðalhvata-
maður að komu veiðigarpsins
hingað og var með honum í öll-
um ferðunum. Skýrði Jóhann svo
frá, að gripið væri hvert tæki-
færi til þess að laða erlenda ferða
menn til landsins og löngum ver-
ið hafður augastaður á ýmiskon-
ar veiðum hér í því sambandi.
Um veiðar í ám og vötnum væri
það hins vegar að segja, að áhugi
landsmanna sjálfra fyrir þeim
væri svo mikill, að naumast væri
þar rúm fyrir fleiri. Þess í stað
hefur hugurinn beinzt að hugs-
anlegum stangaveiðum á sjó, sem
hin síðari ár hafa rutt sér til
rúms í ýmsum löndum og eiga
þar vaxandi vinsældum að fagna.
Njóta vaxandi vinsældar
Ég komst svo eigi alls fyrir
löngu í kynni við Bracy fyrir
milligöngu kunningja míns í
Lundúnum, forstjóra danskrar
ferðaskrifstofu þar, sagði Jóhann.
— Bracy er förvígismaður sjó-
stangaveiði í Bretlandi og hefur
m.a. beitt sér fyrir skemmtiferð-
um áhugamanna í þeirri grein til
annarra landa.
— Hvert hefur helzt verið leit-
að?
— Síðustu 2—3 árin hafa nokk
ur hundruð manns farið árlega
til Danmerkur, þar sem íþrótt
þessi breiðist talsvert ört út. ír-
land er einnig vinsælt hjá brézk-
um áhugamönnum, sem nú orð-
ið fara þangað þúsundum saman
á hverju ári, Önnur lönd hér í
álfu, sem ég veit með vissu, að
þessar veiðar eru stundaðar í,
eru Belgía, Frakkland og Portú-
gal, en eflaust tíðkast þær í fleiri
löndum.
— Hvaða fisktegundir eru það
iýrir utan hámeri, sem freistað
Framh. á bls. 22.
STAKSTEINAR
Eina úrræðið
ÖUum íslendingum er þa8
ferskt í minni, að vinstri stjóm-
in, undir forystu Framsóknar-
flokksins átti það úrræði eitt i
dýrtíðarmálunum, að leggja stór-
. kostlega nýja skatta og tolla á
almenning til þess að geta haldið
framleiðslutækjunum í gangi og
greitt niður hið síhækkandi verð-
lag. í þessu skyni lagði vinstri
stjórnin á almenning rúmlega
1200 milljónir króna í nýjum op-
inberum álögum á þeim rúmlega
tveimur árum, sem hún fór með
völd.
Nú deilir Tíminn hins vegar
harðlega á núverandi valdhafa
fyrir að hafa aukið nokkuð nið-
urgreiðslur á verðlagi til þess að
koma í veg fyrir að til algerrar
stöðvunar kæmi á framleiðslu-
tækjum þjóðarinnar. Framsókn-
armenn láta nú sem þeir hafi
ævinlega verið á móti niður-
greiðslum á verðlagi innanlands,
til þess að halda dýrtíðinni í
skefjum.
Þannig er samræmið í orðum
og athöfnum Framsóknarmanna.
Það sem var þeirra eina úrræði
meðan þeir sjálfir fóru með
stjórnarforystu í vinstri stjórn-
inni, er nú allt í einu orðið hrein-
asta skaðræði!
Silkihúfur Framsóknar
Á Keflavíkurflugvelli og í
stjórn varnarmálanna er eins og
kunnugt er hver silkihúfa Fram-
sóknarflokksins upp af annarrri.
Þegar Framsóknarmenn tóku við
yfirstjóm varnarmálanna árið
1953, settu þeir flokksmenn sína
í flestar trúnaðarstöður í sam-
bandi við varnarmálin. Sérstök
varnarmáladeild var sett á lagg-
irnar og yfir hana settur ungur
Framsóknarpiltur. Framsóknar-
maður var gerður að lögreglu-
stjóra á Keflavíkurflugvelli og
Framsóknarmaður var gerður
að flugvallarstjóra.
Þegar á það er litið, að Fram-
sóknarmenn skipa þannig allar
þýðingarmestu stöðurnar, sem
varnarmálin og Keflavíkurflug-
völlur heyrir undir,sætir það ekki
lítilli furðu, að málgögn Fram-
sóknarflokksins skuli leyfa sér
að ásaka andstæðinga sína fyrir
það sukk og óstjórn, sem ríkt
hefur undanfarið i stjórn varnar-
málanna. Allur almenningur veit
til dæmis, að Sjálfstæðisflokkur-
inn hefur ekki komið nálægt
stjórn þessarra mála sl. 6 ár. Á
árunum 1953—1956 heyra þau
undir einn af ráðherrum Fram-
sóknarflokksins, og á tímabilinu
frá 1956 til þess dags, hafa þau
heyrt undir Alþýðuflokksráð-
herra.
Botnlaust brask
Framsóknarmanna
Það er líka á allra vitorði, að
aldrei hefur annað eins brask átt
sér stað á Keflavíkurflugvelli og
í sambandi við varnarmálin og
einmitt á þessu tímabili, síðan
Framsóknarmenn og Alþýðu-
flokksmenn tóku að öllu leyti i
sínar hendur stjórn varnarmál-
anna. Nægir í því sambandi að
minna á olíuhneykslið, sem mun
vera eitthvert víðtækasta brask-
mál, sem um getur hér á landi.
Rannsókn þess stendur enn yfir
og er það áreiðanlega krafa al-
mennings, að þar verði öll kurl
látin koma til grafar.
Þannig eru efndirnar á því lof-
orði Framsóknarflokksins að upp
ræta allt „hermang“ í sambandi
við Keflavíkurflugvöll og varnar
liðið. Óstjórn og botnlaust brask
hefur siglt í kjölfar Framsóknar
silkihúfanna í varnarmálunum og
á Keflavíkurflugvelli.