Morgunblaðið - 31.03.1960, Blaðsíða 8
8
MonarnsnT 4niÐ
Fimmtudagur 31. marz 1960
ÍJTGEFANDI: SAMBAND UNGRA SJÁLFSTÆÐLSMANNA RITSTJÖRI: BJARNI BEINTEINSSON
íslenzk æska mun vernda sjálfsfæði lands síns
Viðreisnaraðgerðirnar eru grund-
völlur allra framfara I framtíðinni
j Háðuleg útreið kommúnista á kappræðufundinum j
KAPPRÆÐUFUNDURINN í
Sjálfstæðishúsinu sl. þriðju-
dagskvöld var einn fjölmenn-
asti fundur, sem þar hefur
verið haldinn. Strax klukkan
7 fór fólk að streyma að dyr-
um hússins og þegar húsið
var opnað kl. 8 fylltist það
á örfáum mínútum, og stóðu
hópar manna fyrir utan og
hlýddu á kappræðurnar, en
gjallarhornum hafði verið
komið þar fyrir.
Það kom greinilega í Ijós að
langmestur meirihluti þess unga
fólks, sem fundinn sat, var fylgj-
andi viðreisnaraðgerðum ríkis-
stjórnarinnar. Voru ræðumenn
Heimdallar hylltir ákaflega, en
dauflega tekið undir hjá ræðu-
mönnum kommúnista, enda voru
ræður þeirra gömul slagorð og
fjandskapur gegn því frelsi ein-
staklingsins, sem ungt fólk hlýt-
ur að aðhyllast. Ræðumenn
Heimdallar voru í sókn allan
tímann og varð lítið um varnir
af hálfu Æskulýðsfylkingar-
manna.
Stundvíslega klukkan 20.30
setti fundarstjóri, Sigurður Guð-
geirsson, fundinn. Aðstoðarfund-
arstjóri var Jóhann J. Ragnars-
son.
Fyrstur tók til máls af hálfu
Æskulýðsfylkingarinnar Ingi R.
Helgason. Hóf hann mál sitt á
því að beina orðum sínum til
Péturs Sigurðssonar alþingis-
manns, en fundarmenn hylltu
Pétur þá ákaflega. Var það sam-
merkt með öllum ræðumönnum
kommúnista, að þeir veittust sér-
staklega að Pétri Sigurðssyni og
var auðsætt að þeir hræddust
mjög vaxandi fjölda ungra Sjálf-
stæðismanna á Alþingi.
Það vakti athygli fundar-
manna, að Ingi kvaðst í ræðu
sinni aðallega mundu styðjast við
útreikninga Eysteins Jónssonar
og hældi hann Eysteini mjög fyr-
ir fjármálaspeki. Hefði það ein-
hvern tíma þótt talið til tíðinda,
að kommúnistar gætu ekki vitnað
til hagfræðinga úr sínum hópi, en
þyrftu í þess stað að sækja all-
ar sínar tölur til fyrrverandi fjár
málaráðherra Framsóknar.
Ingi minntist í ræðu sinni á
hinar stórkostlegu aukningu á al-
mannatryggingum, og niðurfell-
ingu tekjuskattsins og kvað
hann bætur þær, sem hver fjöl-
skylda kemur til með að fá með
börnum sínum, hundsbætur, og
þótti mönnum það furðuleg sam-
líking.
Hann hvatti og til stéttaátaka,
eins og aðrir ræðumenn komm-
únista.
Fyrsti ræðumaður af hálfu
Heimdallar var Birgir ísl. Giinn-
arsson stud. jur. Flutti hann
ýtarlega ræðu, þar sem hann
rakti aðdraganda og nauðsyn
efnahagsaðgerða ríkisstjórnarinn
ar. Gerði hann síðan ýtarlega
grein fyrir aðgerðunum sjálfum
og bar þær saman við úrræða-
leysi vinstri stjórnarinnar.
í upphafi ræðu sinnar benti
hann á, hve nauðsynlegt það væri
fyrir litla þjóð eins og íslend-
inga, sem aðeins hefði verið
sjálfstæð í 15 ár á síðustu 700
árum, að standa saman, þegar
erfiðleikar steðjuðu að þjóðinni.
Frelsi sérhverrar þjóðar byggðist
að verulegu leyti á efnahagslegu
sjálfstæði hennar. Sú þjóð, sem
ekki reyndist fær um að stjórna
efnahagsmálum sínum væri fyr-
irfram dæmd til að glata frelsi
sínu og sjálfstæði.
Gerði ræðumaður síðan grein
fyrir þeim helztu örðugleikum,
sem steðjuðu að þjóðinni í efna-
hagsmálum, verðbólgunni og hin-
um mikla greiðsluhalla, og
hversu mjög alvarlegar afleiðing-
ar það hefði haft, ef ekkert hefði
verið að gert til að spyrna við
fótum.
Síðan sagði ræðumaður:
Eg hef nú hér í stuttu máli
sýnt fram á, að yrði ekkert að
gert væri framundan óðari verð-
bólga en áður hefur þekkzt, gjald
eyrisskortur og greiðsluþrot,
vöruskortur, atvinnuleysi, stöðn-
un og hrun.
Menn hafa að vísu fyrir löngu
Asér þessa óheillaþróun fyrir og
verið á einu máli um að hana
þyrfti að stöðva, en nú verður
ekki beðið lengur.
Forsvarsmenn vinstri stjórnar-
innar sögðu það t. d. í upphafi
valdatímabils síns að nú skyldu
þeir finna hina varanlegu lausn.
Þeir gerðu sér þá þegar grein
fyrir því að einhverja lausn yrði
að finna, sem væri varanleg.
Vinstri stjórnina brast hins veg-
ar bæði þrek og þróttur til að
gera slíkar ráðstafanir. Hún kaus
áð hörfa undan erfiðleikunum,
en þorði aldrei til atlögu og
daginn, sem hún hrökklaðist frá
lýsti forsætisráðherra hennar
nýrri, yfirskellandi verðbólgu-
öldu, sem innan tíðar hefði þeytt
vísitölunni upp í 270 stig hefðu
aðrir ekki komið til. V-stjórninni
tókst þó að velta á almenning
meiri byrðum en þekkzt hafa
nokkurn tíma. Vinstri stjórnin
lagði á nýja skatta alls að upp-
hæð rúmlega 1200 milljón króna.
Viðbótarskattar stjórnarinnar
námu því 2.200 krónur á hverri
einustu mínútu, sem hún sat að
völdum. Og voru þessir skattar
lagðir á hina ríku, eins og komm-
úriistar þykjast nú vilja láta
gera, þegar þeir eru komnir úr
ríkisstjórn? Lögðu kommúnistar
þessa skatta ekki á stóreigna-
menn og gróðafyrirtæki, sem þeir
svo kalla? Nei. Af þessum rúm-
um 1200 milljónum var lagður
á stóreignaskattur, sem kemur til
með að nema aðeins um 70 millj.
kr. Allar hinar milljónirnar varð
hinn almenni borgari í landinu
að greiða, verkamenn, sjómenn,
iðnaðarmenn, við öll, sem hér
erum í kvöld, 2.200 kr. á mínútu
hverri í rúm tvö ár. Hver tekur
nú mark á hjali kommúnista um
það að unnt sé að krefja hina
ríku, sem þeir kalla svo, um allar
þær fórnir, sem viðreisnarstarf-
ið leggur á þjóðina?
Vinstri stjórnin skildi við
vandamálin óleyst. Hún lét öðr-
um eftir að glíma við þau.
Síðan gerði ræðumaður ýtar-
lega grein fyrir viðreisnaráform-
um ríkisstjórnarinnar, og sagði
svo m. a.:
Engum, sem um þessi mál hef-
ur fjallað, dylst nauðsyn þess að
viðurkennt sé sannvirði krón-
unnar. Röng gengisskráning öllu
lengur hefði getað haft í för með
sér hinar alvarlegustu afleiðing-
ar. Kommúnistar hamast nú
gegn gengisfellingunni, en þeir
hafa áður viðurkennt nauðsyn
hennar, bæði í orði og reynd.
1 reynd með þeirri gengisfellingu,
sem þeir létu framkvæma í tíð
vinstri stjórnarinnar og I orði
hefur t. d. helzti efnahagsmála-
sérfræðingur kommúnista, Har-
aldur Jóhannsson, formaður út-
flutningssjóðs vinstri stjórnarinn
ar og fyrrverandi formaður
Æskulýðsfylkingarinnar, látið
frá sér eftirfarandi orð í nýút-
kominni bók, Efnahagsmál, sem
gefin er út af hinu opinbera út-
gáfufyrirtæki kommúnista á ís-
landi, Heimskringlu. Hann segir
svo orðrétt: „Þjóðin sem heild
lifir um efni fram. Krónan er
ofmetin."
f lok ræðu sinnar skoraði Birg-
ir á ræðumenn kommúnista að
koma fram með sínar tillögur
til lausnar efnahagsvandamálun-
um.
Þá talaði næstur af hálfu
kommúnista Eysteinn Þorvalds-
son, blaðamaður við Þjóðviljann.
Þuldi hann upp mikla langloku
við litlar undirtektir fundar-
manna. í lok ræðu sinnar kvaðst
hann ekki hafa tíma til að svar
áskorun Birgis um það, hverjar
væru tillögur kommúnista í efna
hagsmálum, en það yrði gert síð-
ar á fundinum.
Þá tók til máls Othar Hansson,
fiskvinnslufræðingur og talaði
af hálfu Heimdallar. Svaraði
hann á mjög hnyttinn og
skemmtilegan hátt mörgum atr-
iðum í ræðum kommúnista við
góðar undirtektir fundarmanna.
Gerði hann síðan að umtalsefni
samstarf Framsóknar og komm-
únista um að grafa undan efna-
hagskerfi landsmanna, en þetta
samstarf hefði hafizt með verk-
fallinu mikla 1955. Fletti hann
síðan ofan af niðurlægingu
vinstri stjórnarinnar í hinum stór
kostlegu lántökum erlendis.
Þá gerði ræðumaður söluskatt-
inn að sérstöku umræðuefni og
mælti á þessa leið:
Öll viðleitni ríkisstjórnarinnar
miðar að því, að skapa heilbrigt
efnahagslíf byggt á ráðdeild og
sparnaði einstaklinganna. Einn
liðurinn í þessari viðleitni er ein-
mitt söluskatturinn, sem komm-
únistar hamast svo mjög gegn.
Maður skyldi halda, þegar hlust-
að er á málflutning þeirra komm-
únista, að söluskattur væri eitt-
hvað, sem hinn vondi Gunnar
Thoroddsen hefði fundið upp af
illmennsku sinni. Sannleikurinn
er sá, að söluskattur er ein aðal
tekjulind kommúnistasjórnarinn-
ar í Sovét. Ég er hræddur um að
félaga Krúsjeff bregði í brún,
þegar hann fréttir að félagi Guð-
mundur, hefur lýst hann sem
svarinn óvin alþýðuheimilanna.
I bókinni Upplýsingar um
Sovétríkin, en þessi bók fæst í
KRON, enda gefin út af komm-
únistastjórninni í A-Þýkalandi,
Framh. á bls. 17.
Ræðumenn kommúnista.