Morgunblaðið - 31.03.1960, Blaðsíða 16
16
MORClilSfíLAÐIÐ
Fimmtudagur 31. marz 1960
Tilk ynning
um söluskatt af innSendum viðskiptum
samkvæmt lögum nr. 10, 22 marz 1960
L Frá 1. apríl 1960 skal greiða 3% söluskatt af andvirði
seldrar vöru og verðmæta og endurgjald fyrir hvers-
konar starfsemi og þjónustu. Til skattskyldra við-
skipta telst öll sala eða afhending vöru, þar með
talin sala pöntunarfélaga, umboðssala, sala við
frjáls uppboð, svo og öll vinna og þjónusta, sem látin
er í té af iðnaðar- og þjónustufyrirtækjum, einstakling
um eða stofnunum, er stunda hverskonar sjálfstæða
starísemi. Einnig er skattskyld úttekt eiganda úr eig-
in fyrirtæki, jafnt vara, vinna og þjónusta.
H. Söluskattskyldir eru allir þeir, sem annast söluskatt-
skyld viðskipti og skiptir ekki máli í því sambandi
hvort hlutaðeigandi er einstaklingur, firma eða félag,
opinber stofnun, fyrirtæki ríkis- eða sveitarfélaga,
eða aðrir aðilar þótt undanþegnir séu skattskyldu
samkv. lögum nr. 46/1954 um tekjuskatt og eignar-
skatt eða öðrum lögum. Einnig eru umboðsmenn og
fyrirsvarsmenn erlendra aðila, sem hafa söluskatt-
skylda starísemi hér á landi, skattskyldir af slíkri
starfsemi.
TTT Skattskylda er almennt bundin við siðasta stig við-
skipta. Það er því aðalregla að sala til neytanda er
skattskyld, sala til endurseljanda skattfrjáls. Neyt-
andi telst sá, sem kaupir vöru, vinnu eða þjónustu til
eigin nota eða neyzlu, endurseljandi sá, sem kaupir
vöru eða vinnu til að selja aftur eða notar vöruna
sem efni í vöru, sem framleidd er í atvinnuskyni. Þetta
gildir þó ekki um óvaranlegar rekstrarvörur og hjálp-
arefni til framleiöslustarfsemi, sem ekki mynda efnis-
þátt framíeiðslunnar, og skal endurseljandi greiða
söluskatt af kaupverði slíkra vara.
IV. Því aðeins er heimilt að selja endurseljanda vöru,
vinnu eða þjónustu án söluskatts aö hann hafi til-
kynnt skattyfirvöldum um starfsemi sína og sýni
skírteini er sanni að hann hafi heimild til að kaupa
viðkomandi vöru án söluskatts sem endurseljandi.
Eyðublöð þessi ásamt leiðbeiningum fást hjá skatt-
stofum og skattanefndum. Skulu aliir söiuskattskyld-
ir aðilar í síðasta Jagi 1. maí n.k., hafa tilkynnt
skattyfirvöldum um atvinnurekstur sinn eða starf-
semi eftir því sem fyrir er mælt og fengið viðurkenn-
ingu fyrir móttöku tilkynningar. Gildir sú viðurkenn-
ing sem bráðabirgða heimild til kaupa á vöru án
söluskatts. Þeir sem hefja starfsemi eftir að iögin
öðlazt gildi skulu tilkynna það áður en starfsemi
hefst. Ef söluskattskyldur aðili hættir starísemi
þeirri, sem tilkynnt hefur verið, feilur umrædd heim-
ild úr gildi, og skal tilkynnt um það til skattyfirvalda,
V. Eftirfarandi sérákvæði gilda um innheimtu sölu-
skatts áf neðantalinni starfsemi og viðskiptum:
a. Seljendur skulu taka söluskatt af verði allrar vöru
og þjónustu, sem seld er í smásölu og skiptir þá
ekki máii, hvort um er að ræða sölu til neytenda
eða endurseljenda, þó skal ekki innheimta söluskatt
af sölu á timbri, trjávörum, steypustyrktarjárni
og sementi til endurseljenda.
b. Söluskattur af aðgangseyri að skemmtunum skal
innheimtur með skemmtanaskatti.
e. Af vörum þeim, sem Tóbakseinkasala ríkisins
selur, greiða þeir aðilar, sem hafa með höndum
smásölu slikra vara, einkasölunni söluskatt af þeim
vörum um leið og þeir greiða kaupverð varanna og
er skatturinn miðaður við smásöluverð.
d. Innflytjendur olíu og benzíns skulu taka söluskatt
við sölu eða afhendingu þessara vara til umboðs
manna sinna eða annara aðila. Skatturinn miðast
við smásöluverð.
Smásalar og umboðssalar sem að kveldi hins 31.
marz 1960 eiga óseldar slikar vörur skulu inn-
heimta söluskatt af söluverði þeirra og standa skil
á honum í ríkissjóð.
VI. Skatturinn miðast við heildarandvirði eða heildar-
endurgjald vöru, vinnu eða þjónustu, án frádráttar
nokkurs kostnaðar. Verð vöru vinnu og þjónustu
má hækka sem söluskatti nemur.
Vartræki einhver að taka söluskatt af skattskyld-
um viðskiptum, ber honum eigi að síöur að standa
skil á skattinum.
VTL Undanþegin söluskatti er sala eftirtalinna vara og
verðmæta:
Vörur seldar Úr landi, nýmjólk, nema í veitinga-
sölu, fiskumbúðir og kjötpokar, fiskinet, fiskilínur,
önglar og öngultaumar (þó ekki sporttæki), salt,
annað en í smásöluumbúðum, beitusíld, tilbúinn
áburður, annar en í smásöluumbúðum, grasfræ
fóðurvörur, flugvélaeldsneyti, innlend dagblöð og hlið-
stæð blöð, svo og tímarit, sem ekki eru gefin út í
ágóðaskyni. Énnfremur fasteignir, skip, flugvélar og
flugvélavarahlutir, einnig lausafé, sem seljandi hefur
notað í eigin þágu éða við starfsemi sína, enda geti
salan ekki talist til atvinnurekstrar. Ekki skal skatt-
lögð heimilisnotkun framleiðenda landbúnaðar og
sjávarafurða á eigin framleiðsluvörum.
VIII. Undanþegin söluskatti er ' eftirtalin starfsemi og
þjónusta:
a. Vinna við húsbyggingar og aðra mannvirkjagerð
eða við endurbætur og viönaid SJÍKra eigna. Und-
anþágan tekur þó einvörðungu til þeirrar vinnu^
sem unnin er á byggingarstað, en ekki til vinnu
við framleiðslu eða aðvinnslu byggjngaxvara í verk-
smiðju, verkstæði eða starfsstöð.
b. Vinna við skipa- og flugvélaviðgerðir, vöruflutn-
ingar, ennfremur fólksflutningar almennra leigu-
bifreiða á stöð.
c. Húsaleiga, þó ekki leiga gistihúsa og samkomuhúsa,
útfararþjónusta, rekstur sjúkrahúsa, fæðingar-
stofnana, heilsuhæla og annara þvilíkra stoínana,
sala fasteigna, skipa, flugvéla, verðbréfa og annara
þvílíkra verðmæta. Ennfremur lækningar, lögfræði-
störf og önnur hliðstæð þjónusta, sala listamanna
á eigin verkum, sala neyzluvatns, póst- og síma-
þjónusta, svo og þjónusta banka og sparisjóða.
IX. Allir söluskattskyldir aðilar skulu senda hlutaðeig-
andi skattyfirvaldi skýrslu um heildarveltu sína hvern
ársfjórðung á þar til gerðum eyðublöðum, ásamt
upplýsingum um einkaúttekt, skattfrjálsa sölu og
annað er máli skiptir við ákvörðun skattsins.
X. Söluskatt skal greiða til innheimtumanns ríkissjóðs
í síðasta lagi fyrir lok framtalsfrests hvers ársfjórð-
ungs.
Hafi einhver, sem greiða skal söluskatt, eigi skilað
honum til innheimtumanns ríkissjóðs inxian mánaðar
írá gjalddaga, skal hann greiða 1%% í dráttarvexti
fvrir hvern byrjaðan mánuð frá gjalddaga.
Verði vanskil á greiðslu skattsins, má innheimtu-
maður láta lögreglustjóra stöðva atvinnurekstur
þess sem eigi hefur staðið í skilum, þar til full skil
eru gerð, með því m. a. að setja verkstofur, skrif-
stofur, útsölur, tæki og vönir undir innsigli.
Hér eru aðeins rakin höfuðatriði hinna nýju sölu-
skattslaga og því nauðsynlegt að allir söluskattskyld-
ir aðilar kynni sér sem bezt lögin í heild, og sölu-
skattsreglugerð sem birt verður.
Reykjavík, 30. marz 1960.
Skattstjórinn i Reykjavík
Litprentuð
niynztur fyrir
krosssaiím
HEIMILISIÐNAÐARFÉLAG fs-
lands hefur nýlega gefið út þrjú
litprentuð mynztur fyrir kross-
saum, glitsaum eða vefnað.
Fyrirmyndir eru forn tréskurð
ur og vefnaður á Þjóðminjasafn-
inu. Teikningarnar eru gerðar af
handavinnukennurum og mynztr
in prentuð í litum í Lithoprent.
Heimilisiðnaðarfélag íslands
vill með útgáfu þessari enn sem
fyrr freista þess að auka áhuga
isl. kvenna fyrir því að leita
til fornra listrænna muna um
fyrirmyndir að útsaum og vefn-
aði.
Verði tilraun þessari vel tekið,
hyggst það beita sér fyrir áfram-
haldandi mynzturgerð af þessu
tagi.
Mynztrin eru til sölu í hann-
yrðaverzlunum í Reykjavík og í
nokkrum bókabúðum úti um
land. Aðalútsalan er að Skóla-
vörðustíg 4B.
Fyrstu gjafirnar
FYRIR nokkrú skýrðu blöðin
og útvarpið frá fyrirhugaðri
stofnun dvalar- og hressingar-
heimilis í Kaupmannahöfn. Hafa
margir látið í ljós ánægju sína
með þessa hugmynd og telja að
slíkt íslenzkt heimili í Kaup-
mannahöfn geti orðið mörgum að
liði, ekki aðeins aldurhnignu
fólki, heldur og ekki síður þeim
fjölmörgu sjúklingum, sem leita
sér lækninga þar í borg. —
Fyrstu gjöfina, kr. 500, afhenti
mér kona úr Hafnarfirði fyrir
tveimur vikum, og í dag kom
ein af vistkpnunum á Grund með
aðrar fimm nundruð krónur. —■
Það er ekki nein tilviljun að
fyrstu gjafirnar eru frá könum.
Konurnar hafa ávallt látið sig
mannúðar- ’ og líknarmál miklu
skipta og þær hafa glöggt auga
og viðkvæmt hjarta fyrir því,
sem gera þarf öðrum til hjálpar.
Með þessum línum þakka eg
þeim innilega gjafirnar. —
Miklu fé þarf að safna áður
en draumurinn um dvalar- og
hressingarheimilið rætist, en eg
er sannfærður um, að skilning-
ur þjóðarinnar á þessu máli er
slíkur, að ekki liði á löngu áður
en hægt verður að hefjast handa
um framkvæmdir.
Gjöfum hér á landi veiti eg
viðtöku, sem og skrifstofa Elli-
og hjúkrunarheimilisins Grund,
en í Danmörku séra Finn Tulini-
us, Strö Præstegárd, Skævinge
og hr. stórkaupmaður Jón
Helgason, Rádmands Steinsalle
17, Frederiksberg, Kaupmanna-
höfn.
26. marz 1960
Gísli Sigurbjörnsson.
Skákmót Hafnar-
fjarðar liálfnað
H AFNARFIRÐI: — Skákmót
Hafnarfjaröar hefir staðið yfir
undanfarið og er það nú hálfnað.
í meistaraflokki eru þátttakend-
ur 9 og eru þar efstir Sigurgeir
Gíslason, sem hefir teflt fjórar
skákir og unnið þær allar, og
Jón Kristjánsson, sem er með
fjóra vinninga, en hefir teflt 5
skákir. Þá er Haukur Sveinsson
með 3 vinninga, teflt 3 skákir,
Kristján Finnbjörnsson 2*4 af 3,
Sigurður B. Þorsteinsson 1% af
4, Guðm. Jóhannsson 1 vinning
af 5 tefldum, Aðalsteinn Knud-
sen % af 4 og Grímur Arsælsson
yz af 5 tefldum.
í öðrum flokki eru þeir Ragn-
ar Konráðsson og Garðar Ast-
j valdsson efstir með 3yz vinning
■ af 4 mögulegum. I þeim flokki
eru fimm þátttakendur, og þar
er mótið einnig hálfnað.
Teflt er í Alþýðuhúsinu á
sunnudögum og miðvikudögum.
. - G.E.