Morgunblaðið - 08.05.1960, Blaðsíða 6

6
MORCUNTtLAÐlL
Sunnudagur 8. mai 1960
lír verinu
Eftir Einar Sigurðsson
Togararnir:
UM miðja vikuna gerði snarpa
austanátt, en annars liefir tíðin
verið góð, a. m. k. hjá þeim
togurum, sem hafa verið á heima
miðum.
Síðustu viku dró til muna úr
aflanum á Selvogsbanka, og mun
nú enginn íslenzkur togari vera
þar að veiðum. Nokkur skip
ferfgu allgóðan afla djúpt út af
Jökli og út af Breiðafirði.
Skipin eru dreifð um allan sjó.
Nokkur eru á heimamiðum, á
Eldeyjarbanka og út af Breiðu-
bugtinni. En önnur eru við Vest-
ur-Grænland, og 2—3 fyrstu skip
in eru farin vestur á Nýfundna-
landsmið. Hefur frétzt þar um
góðan afla, en stormasamt er þar.
Togararnir við Vestur-Græn-
land hafa verið að fá fullfermi,
og eru fyrstu togararnir væntan-
legir þaðan um helgina.
Fisklandanir sl. viku:
Fylkir ......... 148 t. 10 dagar
Neptúnus ........ 216 - 11 —
Þorst. Ingólfsson 48-11 —
saltfiskur 68 -
Geir ........... 234 - 11 —
Sölur erlendis sl. viku:
Þorkell máni.... 186 t. £ 14.392
Bjarni riddari .. 138 t. £ 9.002
Þorst. Þorskab. 80 t. £ 7.054
Bjarni Ólafss. .. 183 t. £ 11.803
Hallv. Fróðad. .. 164 t. £ 10.521
Karlsefni ....... 165 t. £ 11.117
Narfi ........... 180 t. £ 12 691
Öll skipin að þrem síðasttöldu
skipunum undanskildum voru
með þó talsvert meiri fisk, en
hann var dæmdur ósöluhæfur. —
Voru togararnir búnir að vera
lengi á veiðum, vegna þess að
þeir máttu ekki selja fyrr en eftir
mánaðamót vegna takmarkana á
fisklöndunum í Bretlandi.
Reykjavík.
Veðrið var gott alla vikuna
utan einn dag, sem gerði land-
synnings stormstrekking.
Afli hjá netabátunum er mjög
misjafn, og eru margir að taka
upp netin, en nokkrir eru þó að
búa sig í útilegu og ætla að halda
út fram að lokum. Algengasti afli
eftir 2 nætur, er 10—15 lestir hjá
þeim, sem bezt afla, og það niður
í ekki neitt.
Handfærabátar hafa orðið lítils-
háttar varir, sérstaklega einn
dag. Fengu þó nokkrir bátar upp
í 1000 kg. á færi yfir daginn.
Einn bátur, Guðmundur Þórð-
arson, hefur hætt netaveiðum og
farið út með snyrpunót. Nótin
var léleg, en samt veiddi hann
70—80 tunnur af síld. Síldin er
horuð og ekki full, sem kallað
er, og því ekki hæf til frysting-
ar. Fór aflinn í verksmiðju.
Aflahæstu útilegubátarnir frá
áramótum:
t. sl. og ósl.
Helga ......................... 945
Hafþór ........................ 920
Guðm. Þórðarson ............... 912
Björn Jónsson.................. 816
737
719
Auður ..................
Rifsnes ................
Aflamagn dagróðrabáta
frá 1/3:
t. ósl.
Svanur .................... 607
Ásgeir .................... 593
Kári....................... 558
Keflavík:
Sæmileg sjóveður hafa verið,
en heldur ekki meira, miðað við
hve áliðið er orðið.
Afli hefur verið lélegur, og er
æði lokalegt, nokkrir bátar að
taka upp og hættir, þó eru það
aðallega aðkomubátar.
Nokkrir bátar hafa farið í lengri
veiðiferðir vestur að Jökli og
verið að koma með sæmilegan
afla, 20—35 lestir eftir 3—5 daga
útivist.
Á heimamiðum hefur afli verið
6—12 lestir eftir 2 nætur, þó fékk
einn bátur á miðvikudaginn 19
lestir.
10 aflahæstu bátarnir frá ára-
mótum: t. sj.f.
Askur ,. 1012 87
Ól. Magnússon 933 89
Bjarmi 805 82
Jón Finnsson 87
Bára 766 81
Svanur 755 87
Guðm. Þórðarson ... 752 81
Júlíus Björnsson ... . 729 87
Kópur 714 76
Gylfi II 706 71
Akranes.
Um helmingur af bátunum hef
ur nú tekið upp netin og róa þeir,
sem enn eiga net í sjó, ekki nema
annan hvern dag.
Afli hefur verið sáratregur,
hæst komizt upp í 12 lestir í
róðri.
Þrír aflahæstu bátarnir frá
áramótum:
Sigrún........... 1082 t.
Sigurvon........... 965 t.
Sigurður........... 920 t.
Vestmannaeyjar.
Þrálát austanátt var fram eftir
vikunni, en hægði síðari hluta
vikunnar, og var ágætt sjóveður
á föstudag og laugardag. |
Sárafáir bátar eru enn með
netin úti og búizt við, að þeir
taki upp næstu daga.
Afli hefir verið rýr í netin,
þó hefur verið reytingur hjá bát
og bát.
Nokkrir bátar róa með línu og
afla 5—8 lestir í róðri, er það
mest langa og ýsa. Er viðbúið,
að þeir hætti líka næstu daga,
því að illa gengur að fá menn
til að beita.
Aflamagn bátanna er lítið
breytt frá fyrri viku. Lokaskýrsla
kemur næst.
5000 milljónir króna.
Það er talið, að síðan á ófrið-
arárunum og fram að síðustu
áramótum, hafi þetta þrennt,
stríðsgróðinn, gjafaféð og erlendu
lántökurnar, numið 5000 millj.
kr.
Þessi upphæð er 5 ára útflutn-
ingur fyrir gengisbreytinguna.
Tímabilið nær yfir kringum 20
ár og nemur því um 250 millj.
króna á ári að meðaltali.
Einfaldari stjórnarhættir.
Nú á næstunni verður inn-
flutningsskrifstofan lögð niður og
við verkefni hennar taka bank-
arnir, að svo miklu leyti, sem
innflutningurinn verður ekki
Nú líður að vertíðarlokum.
gefinn frjáls. Þá verður fjár-
festingarhömlum aflétt.
Á innflutningskrifstofunni unnu
um 40 starfsmenn, og þar voru
4 forstjórar.
Þá verður útflutningsnefndin
lögð niður, og var þar nokkuð
starfsfólk. Eftirlitið með útflutn
ingnum annast starfsmenn stjórn
arráðsins.
Perú ráðgerir
að veiða 400.000 lestir af fiski,
aðeins minna en heildarársafli
íslendinga, og framleiða úr öllu
fiskimjöl og fullnægja þar með
þörf heimsins fyrir þessa vöru.
Það er gert ráð fyrir, að Perú
sjöfaldi framleiðslu sína af fiski-
mjöli á næstu órum.
Eins og kunnugt er, veldur
liin mikla mjölframleiðsla Perú
íslenzkum fiskimjölsframleiðend
um miklum erfiðleikum. Mjölið
hefur fallið um þriðjung í verði
frá því í haust og selzt þó ekki,
en hrúgast hér upp. Perú er búið
að selja sína framleiðslu til af-
greiðslu ár fram í tímann.
Tröllauknar fiskveiðar Japana
Japanir eru sem kunnugt er
mesta fiskveiðiþjóð heims. Jap-
anir eru nú í þann veginn að
senda til veiða í Beringshafinu
4 móðurskip og 105 togara til að
fiska í þau.
Bird’s Eye
hið kunna br'ezka fyrirtæki,
sem fæst aðallega við frystingu
matvæla og þá ekki sízt fisks, er
nú með á prjónunum fram-
kvæmdir á næstu 3 árum fyrir
700 millj. króna, eða sem svarar
% hluta af útflutningi íslend-
inga. Fyrirtækið hefur nú 7500
manns í þjónustu sinni, og selja
65 000 búðir framleiðslu þess.
Það færist nú í vöxt að kaupa
fisk til frystingar fyrir fyrir-
fj.am umsamið verð, en slíkt
hefur verið nær óþekkt í Bret-
iandi, heldur allt selt á uppboði.
Velgengni í útgerð Þjóðverja
Tvö af stærstu útgerðar- og
fiskverkunarfyrirtækjum Þjóð-
verja greiða fyrir sl. ár 10% og
12% í arð.
• Tveir ólíkir flugvellir
Fyrir skömmu lenti Vel-
vakandi í því, sér til sárra
leiðinda, að biða nokkra
klukkutíma á tveimur flug-
völlum, sínum hvoru megin
við Ermarsund.
Til að byrja með var þetta
ekki svo fjarska leiðinlegt.
Það er tilbreyting í því að
sitja á Lundúnaflugvelli
nokkra stund og virða fyrir
sér manngrúann, sem. þar
gengur um. Bretar með yfir-
skegg og kanínutennur spíg-
spora þar um virðulegir með
kúfhattinn og regnhlífina á
handleggnum, og hvergi gef-
ur að líta betur klæddar kon-
ur en brezkar auðmannakonur
í dýrindis loðfeldum sínum.
Öðru hverju koma svo inn
flugfarmar af gulbrúnum Ind-
verjum, þar á meðal nokkrum
konum í sari og körlum með
vefjahetti, fslendingum á leið
út í flugvél með alla pinklana
sína og kápurnar á handleggn
um eða háværir Bandaríkja-
menn með myndavélar, ljós-
mæla og alls kyns dót dingl-
andi um hálsinn.
♦ En sú mæða
En allir, sem eru að koma
inn í landið líta heldur mædd-
ir út eftir að hafa staðið í röð
og svarað bjálfalegum spurn-
ingum útlendingaeftirlitsins
og farið í gegnum tollinn, því
hvergi í heiminum er þessi
manngerð jafn leiðinlega ein-
strengingsleg og í Bretlandi.
Velvakandi lenti í því í
sÖmu ferð að koma kl. 12.30
um nótt í norðurafgreiðslu
flugvallarins, og það tók rúm-
an klukkutíma að tollafgreið*
þennan eina flugvélarfarm.
Tollverðirnir tveir, sem þarna
störfuðu voru ekkert að flýta
sér að líta í hverja tösku,
sekta menn um 14 shillinga
fyrir að koma inn með flösku
af áfengi og skrifa vandlega
kvittun fyrir hverjum 14
shillingum. En allt fór þetta
fram með einstökum virðu-
leikablæ og enginn lét það
henda sig að sýna óþolinmæði.
• Annað andrúmsloft
Velvakanda gekk illa að fá
far yfir sundið, þó flugvélar
færu á klukkutíma fresti og
var því dvölin á flugvelli þess
um lengri en skemmtilegt gat
talizt.
Klukkutíma eftir brottför
þaðan, var hann kominn á
Orly-flugvöll, sunnan við
París. En nú var það ekki af-
greiðslunni að kenna, að dvöl-
in varð lengri en skyldi, því
farþegar fóru gegnum toll, án
þess að opna nokkra tösku og
lögðu af stað í áætlunarvagni
í bæinn nærri samstundis.
Velvakandi ætlaði að bíða
eftir að vera sóttur, og hélt
því upp í veitingasalinn, til
að fá þar matarbita á meðan.
Þar var heilmikið um að
vera. 7 þjónar þutu um og af-
greiddu gesti við 10—12 borð.
í hvert skipti sem einhver
kvaðst vilja borga, upphófst
heilmikið írafiár. Ekki kom
reikningurinn, viðskiptavin-
urinn gerðist óþolinmóður og
kallaði aftur. Þjónninn yppti
öxlum: — Það er ekki mér að
kenna. Það er þessi kona við
kassann. Hún er alveg ómögu-
leg.
Er gesturinn loks lýsti því
yfir að ef hann fengi ekki
reikninginn sinn samstundis,
þá væri hann farinn, því hann
þyrfti að taka flugvél. — Hér
☆
NAND
-— —-----,. - - .-i > k--- m . 1
☆
— í ll
eru ‘allir að taka ákveðna flug
vél, var svarið. Þjónarnir
hlupu hver innan um annan
og lýstu því yfir hvað hún
væri ómöguleg þessi við kass-
ann; en enginn gat ráðið fram
úr þessu. Einn gesturinn henti
einhverri ákveðinni upphæð á
borðið og strunsaði út, annar
fór sjálfur til gjaldkerans en
Velvakandi, sem ekki þurfti
að taka neina flugvél,
skemmti sér vel.
Loks voru fáir eftir í veit-
ingastofunni. Þjónarnir voru
að búa sig undir að loka.
Klukkan var 10.30. Tilkynn-
ing í hátalaranum: — Vegna
bilunar á flugvél, seinkar
flugi 707 til kl. 12.30. Farþeg-
ar eru beðnir um að ganga
upp í veitingasalinn og fá sér
hressingu á kostnað Air
France.
Nú hættu þjónarnir að
hlaupa. Þeir horfðu alveg upp
gefnir á svip hver framan í
annan og stundu.