Morgunblaðið - 10.05.1960, Blaðsíða 1

Morgunblaðið - 10.05.1960, Blaðsíða 1
24 síður i»ip$iMa§rttS> 47. árgangur 105. tbl. — Þriðjudagur 10. maí 1960 Prentsmiðja Morgunblaðsíns r verkf allið um þúfur? Grimsby, 9. maí. (Frá fréttaritara Mbl., Haraldi J. Hamar) ÝMISLEGT bendir nú til þess, að verkfall það sem tog- aramenn í Grimsby með Denis Welch í broddi fylk- ingar boðuðu, sé að renna út í sandinn. Um helgina bárust Welch fréttir sem valda því, að þunglega horfir fyrir verk fallshreyfingu hans. Forustumaður yfirmanna á togurum í Hull, Oliver skip- stjóri, lýsti því yfir á laugar- daginn eftir stuttan fund í fé- lagi yfirmanna, að skipstjórar í Hull myndu ekki taka neinn þátt í verkfalli því sem yfir- menn togara í Grimsby hafa hótað frá og með miðjum máiiuði. Allir á móti Welch Denis Welch og aðrir verk- fallsæsingamenn virðast nú hafa alla á móti sér, ríkisstjórn- ina, togaraeigendur, hafnarverka menn og nú síðast sjálfa starfs- bræður sína í Hull. Þá hef ég fengið upplýsingar um það, að Welch hefur engan verkfallssjóð fyrir sína menn, en slíkt verkfall í Grimsby myndi ná til 4000 sjómanna. Er nú almennt álitið í Grimsby, að Welch muni litlu fá áorkað með verkfallshótunum sínum. Hann hefur alla tíð síðan Parísarsamn- ingurinn var gerður verið að skipuleggja mótspyrnu gegn löndunum úr erlendum togurum, sérstaklega þó úr íslenzkum tog- urum. Kveikt í Beet- hoven-satninu BONN, 9. maí. (Reuter) — Sex- tugur maður fór í dag inn í Beethoven-safnið í Bonn og framdi íkveikju. Þótt bálið yr'ði skjótlega slökkt gereyðilögðust í eldinum handrit að þremur verk um Beethovens og skemmdir urðu á gólfteppum og húsgögn- um í saIninu. Með bakpoka Beethoven húsið er 250 ára en í því fæddist hið heimsfræga tón skáld Ludwig van Beethoven ár- ið 1770. Hefur húsið verið varð- véitt sem dýrgripur með ógrynni minjagripa um líf tónskáldsins og kemur fjöldi ferðafólks frá Framh. á bls. 23 .v.y.- -.;.-. •.-.ry--..ý:^-:-:::::::r:: |>SS3£-v&v1v*y>Vra i::«ffm: v: ¦:•>:-:->>:•:?: ¦:¦ ¦ Mynd frá hernámsdeginum 10. maí 1940. Brezkt herlið á hafnarbakkanum. Fremst á bryggjunni er hópur þýzkra fanga, sem tekinn var í Reykjavík og bíður eftir flutningi út í brezka beitiskipið Berwick. 20 ár trá her- námi íslands I DAG eru 20 ár liðin síðan Bretar hernámu ísland, 10. maí 1940. í Morgunblaðinu á þeim tíma birtist frásögn af landgöngu Breta í Reykjavík og er byrjun þeirrar lýsingar svohljóðandi: „Lm klukkan þrjú aðfara- nótt föstudags sást stór flug- vél á sveimi yfir bænum. Hún var fyrsti boðberi þess, er síð- ar kom fram. Klukkan laust fyrir fjögur komu brezk herskip inn á ytii höfnina. Enginn vissi í upphafi hverrar þjóðar þau voru — nema hvað ráðið varð af líkum. Þeir sem á ferli voru, en þeir voru ekki margir, urðu þess varir, að ræðismenn Breta voru á ferð niður á hafn arbakka. Þá þótti enginn vafi lengur um þjóðerni komu- manna. Herskipin, sem hingað komu þessa nótt voru alls 7, 2 beitiskip og 5 tundurspillar. Sum þeirra hurfu inn í Sund, en einn tundurspillir lagðist upp að hafnarbakkanum fyrir framan Hafnarhúsið. Þá var klukkan 5. Þá gekk fyrsta her- liðið á Iand. Á hafnarbakkan- um var strjálingur af fólki. Nokkrir höfðu vaknað við ferðir flugvélarinnar og þvi var fleira um manninn. Nu var fylgt liði a hafnar- bakkanum. l'.n þegar þar voru komin nokkur hundruð manns dreifðust liðsveitir víðs vegar um bæinn. — Allir voru hermenn þessir mjög vopnum búnir. Þeir gengu hratt upp í bæinn og var sýnilegt, að hver sveit hafði sitt ákveðna hlut- verk að vinna. Þegar upp i bæinn kom, tóku sumir liðs- foringjarnir upp hjá sér upp- drátt af bænum, er þeir höfðu meðferðis, svo eigi yrði um yillzt, hvert haldið væri. Á örskammri stundu var liðið dreift um allan Miðbæ- 'mn. Var hervörður á götu- hornum og fyrir framan sima- stöðina, pósthúsið og gistihús- in. i"n aldrei kom neinn her- maður inn á lóð Stjórnarráðs- ins. I'.in af þeim liðssveitum, sem fyrst kom upp í bæinn, gekk að Landssimastöðinni í Thor- valdsensstræti. Reyndu her- mennirnir fyrst að opna úti- dyrahurðina. En er það ekki tókst, var hurðin brotin um- svifalaust. Þjóðverjarnir sem i gisti- húsunum voru, voru handtekn ir og þeir fluttir um borð í eitt herskipanna." <zArcí. G E R ^Cdáb* Murmansl :L fl '^yjcm^öi Uppdráttur þessi úr New York Times sýnir flugleið þá sen» Rússar segja, að bandariska könnunarflugvélin hafi farið og segja þeir að hún hafi verið skotin niður yfir miðjum Sovét- ríkjunum við borgina Sverdlovsk. Bandaríska utanríkisráðu- neytið viðurkennir að umrædd flugvél kunni að hafa verið i könnunarflugi, en hinsvegar þykir frásögn Rússa af flugleiS hennar ótrúleg. jósnaflugið gagnrýnt Samt er margt óskiljanlegt 1 skýrslu Rússa af furðuflugvélinni London, 9. maí. (Reuter) TILKYNNING bandaríska utanríkisráðuneytisins síðast- liðinn laugardag um njósna- flug við landamæri Rúss- lands hefur vakið furðu um allan heim og viða gætir mikillar gremju í garð Bandaríkjamanna vegna þess, að þeír skuli efna til slíkra snjósnaferða rétt áður en „toppfundurinn" í París hefst. Mönnum kemur saman um það, að Bandaríkjamenn hafi farið mjög halloka fyrir Krúsjeff í þeirri orðasennu, sem fram hefur farið vegna þessa atburðar. í fyrstu þótt- ust Bandaríkjamenn geta hallmælt Rússum fyrir það að þeir hefðu skotið niður bandaríska flugvél, en við frekari skýringar virðist sem öll sökin falli á Bandai ikin og eru margir þeirrar skoðunar að Rússum hafi verið rétt og skylt að skjóta niður slika njósnaflugvél. Margt óskiljanlegt Enn er þetta mál þó óljóst á ýmsa lund og má vera að erfitt verði að komast til botns í því. Bandaríska hermálaráðuneytið hefur enga dul dregið á það, að það hafi látið framkvæma myndatökur úr lofti undanfarna mánuði meðfram járntjaldinu. Er til dæmis alllangt síðan það var upplýst, að flugvélar Vestur- veldanna, sem flygu meðfram landamærum Austur-Þýzkalands gætu tekið skýrar myndir af mannvirkjum allt að 200 km fyrir austan járntjaldið. Slíkar flugferðir og myndatökur geta Rússar ekki bannað og er ekk- ert við þær að athuga. Flugvélar af tegundinni U-2 hafa einmitt verið notaðar við slíkar aðgerð- ir. — Hitt þykir með ólíkindum, sem fram kemur af skýrslu Rússa í þessu máli, að bandarík njósnaflugvél hafi flogið langt inn yfir landamæri Rússlands og verið komin alla leið til Sverdlovsk, eða 2500 km inn fyr- ir landamaerin, eða þriggja klst Framh. á bls. 23.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.