Morgunblaðið - 10.06.1960, Blaðsíða 3

Föstudagur 10. júnl 1960
MOnnviSBLAÐlÐ
3
★
SL. föstudag fór fram sögu-
legt próf við Háskóla íslands.
Sex guðfræðistúdentar gengu
til prófs í hebresku, sem ekki
hefur verið þreytt hér á landi
síðan árið 1878. Kennsla í he-
brezku hófst við guðfræði-
deildina í haust og hefur Þór-
ir Kr. Þórðarson prófessor
haft kennsluna á hendi. Próf-
dómari við þetta hebreskupróf
var dr. theol. Bjarni Jónsson.
★
Tíðindamaður Mbl. og ljós-
myndari brugðu sér upp í há-
Prófessor Þórir hlýðir fyrsta nemandanum, Aðalsteini Eiríkssyni, yfir hebreskuna.
(Ljósm. Mbl. Markúsj.
Presfar skulu vera menntaðir
skóla á föstudagsmorguninn.
Á tröppum háskólans hittum
við prófessor Þóri að máli og
tókum hann tali.
— Telur þú gagnlegt fyrir
presta að kunna hebresku?
— Hin nýja reglugerð, sem
sett hefur verið fyrir guð-
fræðideildina miðar að því að
auka guðfræðimenntun á
marga vegu og gefa meiri og
staðbetri þekkingu en áður
var, segir prófessor Þórir. —
Hebreskan er einn liður í þess
ari nýju skipan. I guðfræði-
deild skipa biblíufræði ailt
af veglegan sess af sögulegum
ástæðum og biblíufræði verða
ekki rækt við háskóla nema
menn leggi áherzlu á ‘þau út
frá frumtexta.
Gamla testamentið hefur
sína miklu þýðingu fyrir guð-
fræðina og kirkjuna, bæði
sögulega, trúarlega og guð-
fræðilega. Til þess að gamla-
testamentisfræðin séu rækt
Próf i hebresku við Háskóla Islands
ásamt nýjatestamentisfræðun-
um þarf að fara fram einhver
kennsla í hebresku. Þá styður
það einnig kennarann í sínum
rannsóknum og fræðiiðkun-
um, ef hann getur vísað til
hebreskra hugtaka og he-
breskra orða við kennsluna.
Þá er í guðfræði nútímans
lögð æ meiri áherzla á rann-
sóknir og eru rannsóknirnar
í biblíufræðum ein af nýj-
ungum nútíma guðfræði. Við
höfum þá stefnu á okkar
landi, að prestar skuli vera
menntaðir menn. Skiptir því
miklu máli að þeir hafi ein-
hverja nasasjón af biblíu-
rannsóknum nútímans.
★
Prófið á að fara að hefjast
svo, við tefjum prófessor Þóri
ekki lengur. Þrír guðfræði-
nemar standa utan við dyr
prófstofunnar og bíða þess að
ganga upp.
— Eruð þið ekki baráttu-
glaðir? segir Ágúst við féiaga
sína, en á þessari stundu er
baráttugleði hinna ekki meiri
en svo að þeir taka ekki undir.
Nú byrjar prófið og við
heyrum stúdentana snúa köfl-
um úr Gamlatestamentinu af
hebresku á íslenzku af mik-
illi list. Þeir virðast hafa lagt
sig fram við námið í vetur
og gengur vel, sumum afburða
vel. Einn fær 16, Björn Björns
son og annar, Felix Ólafsson,
fær 14. Hinir tóku lægri eink-
unnir, en allir stóðust prófið.
★
Eftir prófið náðum við tali
af dr. Bjarna Jónssyni vígslu-
biskupi.
— Það mun vera langt síð-
an þér tókuð próf í hebresku,
séra Bjarni?
— Það var árið 1903, í júlí,
sem ég tók undirbúningspróf
í hebresku í Kaupmannahöfn.
Ég las hebreskuna s'vo áfram
í sambandi við nám í gamla-
testamentisfræðum og gekk
upp í Gamla testamentinu á
hebresku á kandidatsprófinu
1907.
— Hafið þér haldið hebresk
unni við síðan?
— Ég hef verið að glugga
í hana öðru hvoru að gamni
mínu, einkum í sambandi við
athuganir á einstökum text-
um.
— Hvað getið þér sagt mér
um hebreskukennslu hér á
landi á fyrri öld?
— Hebreska var kennd á
Bessastöðum, en einnig í
Lærðaskólanum hér í Reykja-
vík. Lásu nemendur hana hjá
Gísla Magnússyni, kennara.
Vorið 1877 tóku þrír nemend-
ur próf í hebresku, Halldór
Daníelsson, Jón Þórarinsson
og Þórhallur Bjarnarson bisk
up. Árið eftir tók einn nem-
andi próf í hebresku, próf-
essor Finnur Jónsson, og var
hann sá síðasti sem tók he-
breskupróf hér á landi þar
til nú.
— Hverjir hafa hebresku-
próf frá Kaupmannahöfn?
— Við, sem tökum guðfræði
próf í Kaupmannahöfn, höfð-
um allir próf í hebresku, en
af þeim erum við séra Svein-
björn Högnason einir lifandi.
Hinir allir dánir, Ásmundur
Guðmundsson, biskup, hafði
einhig hebreskupróf frá
Kaupmannahöfn, en hann
lauk guðfræðiprófi hér. Af
öðrum mönnum með hebresku
próf má nefna Gústaf Sveins-
son lögfræðing, sagði séra
Bjarni að lokum.
j.h.a.
Guðfræðistúdentarnir, sem luku prófi í hebresku með prófessor
og prófdómara. Sitjandi: Dr. Bjarni Jónsson, dr. Þórir Kr.
Þórðarson. Standandi frá vinstri: Ágúst Sigurðsson, Bragi
Benediktsson, Aðalsteinn Eiríksson, Björn Björnsson, Felix
Ólafsson og Jón Einarsson. (Ljósm. Stúdíó).
STAKSl IIWIS
Tímiiui
og njósnatogarinn
Það hefur vakið mikla athygli,
að Tíminn, aðalmálgagn Fram-
sóknarflokksins, hefur ekkl
minnzt á komu rússneska njósna-
togarans, sem heimsótti ratsjár-
stöðvar Bandaríkjamanna á
Straumnesfjalli og á Snæfells-
nesi. Þessi viðburður, sem vakið
hefur alþjóðarathygli virðist ger-
samlega hafa farið framhjá Tíma-
mönnum.
Hvað skyldi nú valda þessu
eftirtektarleysi Tímamanna?
Um það þarf ekki að fara í nein
ar grafgötur. Leiðtogar Fram-
sóknarflokksins vita, að allt tal
um njónir Rússa hér á landi og
annars staðar er kommúnistum
mjög ógeðfellt. Þjóðviljinn er
beinlínis fokreiður yfir því, að
athygli skuli hafa veriö vakin á
njósnum Rússa við radarstöðv-
arnar hér á landi. Og þá finnst
Tímanum að hann verði að þókn-
ast Rússadindlunum við Þjóðvilj-
ann með því að reyna að breiða
yfir hina rússnesku „kurteisis-
heimsókn að ratsjárstöðvunum.
Svona náið og innilegt er sam-
bandið orðið milli Framsóknar-
manna og kommúnista hér á
landi.
S jómannad agurinn
er á sunnudaginn
Á SUNNUDAGINN kemur verð-1
ur sjómannadagurinn haldinn há
tíðlegur. Hann á annars að bera
upp á fyrsta sunnudag í júní, en
er nokkru seinna á ferðinni í
þetta skipti
í Reykjavík hefjast hátíða-
höldin þegar klukkan átta um
morguninn, með því að fánar
verða dregnir að húni á skipum
í höfninni. Kl. 10 verður hátíða
messa í Laugarásbíói. Prestur
verður síra Garðar Svavarsson.
Kl. hálftvö leikur Lúðrasveit
Reykjavíkur á Austurvelli, þar
sem fánaborg verður mynduð. Kl.
2 minnist síra Óskar G. Þorláks-
son dómkirkjuprestur drukkn-
aðra sjómanna af svölum Alþing-
ishússins. Síðan syngur Kristinn
Halisson og Emil Jónsson, sjávar-
útvegsmálaráðherra, Hafsteinn
Baldvinsson, skrifstofustjóri og
Egill Hjörvar, vélstjóri, flytja á-
vörp f. h. ríkisstjórnarinnar, út-
gerðarmanna og sjómanna, en þá
fer verðlaunaafhending fram.
Henry Hálfdánarson, form full-
trúaráðs sjómannadagsins, af-
hendir Fjalarbikarinn, og 5 aldr-
aðir sjómenn fá heiðurmerki
dagsins. Kristinn Hallsson syng-
ur þá aftur, en lúðrasveitin leik-
ur á milli atriða.
Þeir, sem þörf hafa fyrir hress-
>ngu, geta labbað sig inn í Sjálf-
stæðishúsið, þar sem sjómanna-
konur bera mönnum ilmandi
kaffi og indælis kökur. Allur á-
góði af kaffisölunni rennur til
jólaglaðnings vistfólks í Hrafn
istu.
+,0, -0 0> 0 0 |
Þegar hátíðinni á Austurvelli
linnir, um kl. stundarfjórðung
fyrir fjögur, hefst kappróður í
Reykjavíkurhöfn. Eyjólfur sund-
kappi mun þá koma svamiandi
utan úr Viðey og leggjast upp í
róðrarvörina.
Richard Beck, prófessor, mun
flytja vistmönnum á Hrafnistu
ávarp þar innfrá í síðdegiskaff-
inu.
Um kvöldið skal svo dansinn
duna á fjöium fimm samkomu-
húsa.
Auk merkis dagsins, sem selt
verður á sunnudaginn, verður
einnig á boðstólum myndarlegt
hefti af Sjómanadagsblaðinu, en
ritstjórar þess eru Halldór Jóns-
son og Guðmundur H. Oddsson.
Enginn verður svikinn af að
kaupa það, því að efni þess er
sérlega fjölbreytt og skemmti-
legt. Þar að auki er þ%ð ríkulega
myndskreytt.
Á sjórnannadaginn verður haf-
in sala á nýrri hljómplötu á veg-
um sjómannadagsráðs. Öðrum
ímegin verður lag Sigfúsar Hall-
+ 0 *
dórs, Stjáni Blái, leikið af sin-
fóníuhljómsveitinni undir stjórn
Jóns Þórarinssonar, en kvæðb
Arnar Arnarsonar er sungið af
Fóstbræðrum. Einsöng syngur
Kristinn Hallsson. — Sjómanna-
dagurinn á útgáfurétt á öllum
kvæðum Arnar.-----Hinum megin
verða 5 íslenzk alþýðulög. Á sjó-
mannadaginn mun platan ein-
ungis kosta 100 kr., en í verzlun-
um verður hún síðan seld á 140
kr.
Henry Hálfdánarson, formaður
fulltrúaráðs Sjómannadagsins,
skýrði fréttamönnum frá því i
gær, að hafinn væri undirbún-
ingur að smíði nýrrar álmu við
Hrafnistu, sem á að rúma 70 vist-
menn. Talið er, að fullsmíðuð
muni hún kosta um 7 milljónir,
svo að kostnaður við hvern nýjan
vistmann verður þá 100 þúsund
krónur.
í stjórn fulltrúaráðsins eru auk
Henrys Hálfdánarsonar þeir Guð ‘
mundur H. Oddsson, gjaldkeri, |
Tómas Guðjónsson, ritari, Garðar
Jónsson og Gunnar Friðriksson.
FríliStinn
Framsóknarmönnum er ákaf-
lega illa við hið aukna verzlunar-
og framkvæmdafrelsi, sem nú-
verandi ríkisstjórn hefur beitt
sér fyrir. Tíminn streitist við að
halda því fram dag eftir dag,
að frílistinn, sem gefinn hefur
verið út, sé í raun og veru „eng-
inn frílisti“. Sækja þurfi um leyfi
fyrir innflutningi fjölda vara.
Þesfiu er því til að svara, að
því hefur aldrei verið haldíð
fram af háifu ríkisstjórnarinnar
að með þessum frílista væri inn-
flutningur til landsins gefinn að
öiiu leyti frjáls. Þvert á móti hef-
ur verið á það bent, að af vöru-
skiptaverzluninni við mörg lönd
í. Austur-Evrópu leiði það, að
ekki sé hægt að gefa innflutning
á öllum vörum fr jálsan. Hins veg-
ar er það þannig, að menn geta
nokkurn veginn hindrunarlaust
fengið þær vörur innfluttar, sem
gert er ráð fyrir að við kaupum
í vöruskiptalöndunum.
Þrátt fyrir þetta er auðvitað
stórkostleg bót að hinum nýja
frílista og aukna viðskipta- og
framkvæmdafrelsi. Það mun all-
ur almenningur finna fyrr en var
ir. Þetta vita Tímamenn. Þess
vegna reyna þeir að gera frílist-
ann og verzlunarfrelsið tortryggi
legt fyrirfram. Reynsla íslend-
inga er hins vegar sú, að því
frjáisari sem verzlun og viðskipti
eru, þeim mun hagstæðari eru
þau öllum almenningi í landinu.
Heimiliserfiðleikar
Framsóknar
Margvíslegir erfiðleikar steðja
nú að á heimili Framsóknar. Leið
togar hennar hafa miklar áhyggj-
ur af þvi að vera utan ríkisstjórn-
ar og af framvindu olíumálsins
fræga. Út um allt Iand, ekki hvað
sízt í sveitum landsins, hefur hið
fáheyrða svindl þessa dótturfyrir-
tækis Sambands íslenzkra sam-
vinnufélaga vakið almenna reiði
og undrun. Eru margir félags-
menn samvinnufélaganna ekki
hvað sízt reiðir yfir því, að for-
stjórar Sambandsins hafa jafnvel
á aðalfundum þess haldið þvi
fram að málsrannsóknin á hend-
ur Olíufélaginu væri fyrst og
fremst „pólitísk ofsókn“ á hendur
Framsóknarmönnum. Allt veldur
þetta leiðtogum Framsóknar-
flokksins þungum áhyggjum.