Morgunblaðið - 28.06.1960, Blaðsíða 15
Þriðjudagur 28. júni 1960
MORGUIVBLAÐIÐ
15
Ungmennasamband
Skagafjarðar 50 ára
SAUBÁRKRÓKI 9. maí. — Árs-
þing Ungmennasambands Skaga-
fjarðar var haldið á Sauðárkróki
dagana 7. og 8. maí. Um 40 full-
trúar frá 11 ungmennafélögum
sátu þingið.
Gestir þingsins voru: Skúli
Þorsteinsson, framkv.stj. UMFÍ,
Benedikt G. Waage, forseti ÍSÍ og
Árni Guðmundsson, skólastjóri
íþróttakennaraskóla Islands á
Laugarvatni.
Form. sambandsins, Guðjón
Ingimundarson, setti þingið. Bauð
hann fulltrúa og gesti velkomna.
Minnti hann á að nú væru 50 ár
liðin frá stofnun sambandsins og
rakti stuttlega starfssögu þess.
Brynleifur Tobiasson, fyrsti
formaður sambandsins
Gestir þingsins ávörpuðu full-
trúa og óskuðu sambandinu
heilla á þessum tímamótum þess.
Að venju voru mörg mál rædd
og afgreidd og þó einkum þau er
varða starfsemi sambandsins á
einn eða annan veg. Svo sem í-
þróttamál, slysatrygging íþrótta
manna, fjármál sambandsins o.
m.fl. I skýrslu formanna kom
það fram að starfsemin hefur
verið mikil á starfsárinu og fer
sívaxandi, en mjög miklum erfið-
leikum er háð að fá íþróttakenn-
ara til starfa og háði það starf-
seminni verulega.
í Iandhelgismálinu samþykkti
þingið svohljóðandi ályktun:
„Héraðsþing UMSS 1960 treyst
ir því að íslenzk stjórnarvöld
haldi fast á málstað þjóðarinnar
í landhelgismálinu og geri enga
samninga í því máli, sem tgk-
marka rétt þjóðarinnar til 12
nýinanna og frekari útfærslu
landhelginnar.“
Stjórn sambandsins var öll end
urkosin, nema Halldór Benedikts
son, sem baðst undan endurkosn-
ingu. í stjórn eru nú: Guðjón Ingi
mundarson, Sigurður Jónsson,
Reynistað, Gísli Felixson, Sauð-
árkróki, Eggert Ólafsson, Sauð-
árkróki og Stefán Guðmundsson,
Formaður þakkaði Halldóri
Benediktssyni langt og gott starf
hans í stjórn sambandsins, en
hann hefur setið í stjórn þess í 13
ár amtals og verið einn af for-
vigismönnum samtakanna yfir 20
ár.
Á ársþingi sambandsins 1959
var kosin nefnd til að sjá um að
afmælisins yrði minnst, en það
átti 50 ára afmæli 17. apríl sl. Var
stofnað að Vík í Staðarhreppi 17.
apríl 1910.
Nefndin hafði séð um útgáfu
afmælisrits, og kom það út nú
fyrir helgina. Er það hið mynd-
arlegasta.
50 ára afmælisins var minnzt
með hófi í Bifröst
Hófst það kl. 9 um kvöldið
með því að form. samb. bauð
félaga og gesti velkomna og fól
veizlustjórn í hendur Eyþóri
Stefánssyni. f hófinu fluttu þess
ir ræður: Guðjón Ingimundar-
son, Skúli Þorsteinsson UMFÍ,
Benedikt G Waage, forseti ÍSÍ,
Árni Guðmundsson, skólastjóri
íþróttakennaraskóla íslands,
Jón Sigurðsson, fyrrverandi
alþm. Reynistað, Árni J. Haf-
stað, bóndi Vík, Björn Jónsson,
bóndi Bæ Höfðaströnd, og Stef-
án Guðmundsson, form. Umf.
Tindastóls.
Form. sambandsins tilkynnti
kjör heiðursfélaga, en þeir voru:
Jón Sigurðssön, Reynistað, Árni
J. Hafstað, Vík, Þórarinn Sigur-
jónsson nú á Hvanneyri og Ól-
afur Sigurðsson, Hellulandi, en
þeir voru allir fulltrúar á stofn-
fundi sambandsins og tveir hin-
ir fyrst nefndu í fyrstu stjórn
þess, auk Brynleifs Tobíassonar,
sem nú er látinn. Þá var og
kjörinn heiðursfélagi Sigurður
Ólafsson, fræðimaður á Kára-
stöðum, sem setið hefur í stjórn
sambandsins lengst allra eða í
21 ár. Heiðursfélagarnir voru
allir mættir í hófinu nema Ólaf-
ur Sigurðsson, sem ekki gat
komið því við vegna fjarveru.
Afhenti' form. þeim, heiðursskír
teini og oddveifu sambandsins
með þökkum fyrir unnin störf.
Sýndir voru tveir þættir úr leik
ritinu íslandsklukkan eftir Hall
dór Kiljan Laxness. Leikendur:
Kári Jónsson, Sigurður Ármans-
son, Þorkell Halldórsson og frú-
Stefanía Frímannsdóttir.
Karlakvartett söng. Söngvar-
ar: Árni Kristjánsson, Stefán
Haraldsson, Pétur Sigfússon og
Halldór Benediktsson. Undir-
leik annaðist Björn Ólafsson.
•Halldór Benediktsson las upp
kvæði.
Gjafir bárust sambandinu
■nargar og góðar. Blómjvendir
bárust frá ungmennafélögunum
Æskunni, Fram og Tindastól.
UMFÍ gaf sambandinu fallega
fánastöng. Ungmennafélag ís-
lands, Hvítabláinn, ÍSÍ gaf því
odveifu íþróttasambands ís-
lands. Báðar þessar gjafir voru
áletraðar í tilefni afmælisihs.
Árni Guðmundsson, skólastjóri
gaf fagran silfurbikar, sem
keppt skal um í stigakeppni
milli félaga á héraðsmóti og
sundmóti sambandsins. UMF
Tindastóll gaf fagran silfurbik-
ar, sem keppt skal um í stiga-
keppni á héraðsmóti sambands-
ins milli félaga.
Benedikt G. Waage, forseti
ISI afhenti form. sambandsins
þjónustumerki ÍSÍ vegna langr-
ar þjónustu í þágu sambandsins,
en hann hefur verið í stjórn þess
í 18 ár. Frá Þorsteini Einarssyni
íþróttafulltrúa barst honum vin-
arkveðja, Ferðabók Dr. Helga
Péturss.
Að lokum var dansað
Notum
ÞAÐ var ekki laust við að
blaðakona Mbl. tryði því
mátulega, þegar henni var
sagt, að til væri hér á landi
hreingerningarvél, sem ynni
á við sex, algerlega hljóð-
laust og notaði ekkert vatn.
Klútur, bursti og sterkur
lútur væru úr sögunni sem
hreingerningartæki.
Það var Ragnar Bjarnason,
hreingerningamaður, Ránar-
götu 1 B, sem festi kaup á
fyrstu vélinni, sem hingað
kom, og hefur hann þvegið
með henni fyrir heimili og
fyrirtæki frá áramótum. Við
hringdum í Ragnar fyrir
skömmu og spurðum hann,
hvernig vélin hefði reynzt:
— Vel, var svarið, og alltaf
betur og betur. Ég er einmitt
að gera vorhreingerningu
heima hjá mér, má ég ekki
bjóða ykkur að koma og skoða
gripinn?
★
Hreingerningavélin stóð á
miðju gólfi í stofunni hjá
Ragnari og lconu hans, Huldu
Knútsdóttur. Er hún á stærð
við eplakassa, aðeins hærri.
Ragnar og einn manna hans,
Eyjólfur Eyjólfsson, stóðu á
fjöl, sem lá milli tveggja stiga,
og voru tæplega hálfnaðir að
gera loftið hreint. Þeir höfðu
í höndunum tvö „bretti“, lík
múrbrettum, en utan um þau
voru vafin handklæði.
Blandan missterk
— Eins og þið sjáið, sagði
Ragnar, þá notum við ekki
dropa af vatni. Þetta er allt
kemiskt. Annað brettið er í
sambandi við loftkút í vél-
inni. I honum er hreinsunar-
blandan og er hún misjafn-
lega sterk. Það fer allt eftir
því hvað við hreinsum. í vor
gerðum við t. d. Borgina
hreina og þar er mjög við-
kvæmt silkidamask-veggfóð-
ur, sem aldrei hefur áður ver-
ið gert hreint. Á það urðum
við að nota mjög veika
blöndu. Með hinu brettinu
strjúkum við óhreinindin
burt, og þurfum oft að skipta
um handklæði.
— Og hvaða kosti hefur
þessi hreingerningaaðferð
fram yfir þá gömlu?
— Aðalkosturinn er sá, að
hún er hreinlegri og setur
Ragnar og Eyjólfur við hreingerningu.
gólfinu á milli þeirra.
Vélin stendur á
ekki dropa af vatni
ekki allt heimilið á annan
endann. Það eina, sem þarf að
gera, er að taka niður af
veggjunum. Við færum hús-
gögnin yfirleitt til sjálfir eftir
því sem okkur hentar og eng-
in hætta er á að þau blettist,
þar sem við notum engan lút.
Þess utan fylgir henni enginn
hávaði og því er hún sérlega
hentug fyrir sjúkrahús, og
svo er hún fljótlegri....
Allir vilja láta gera
hreint í einu
— Þið segið að vélin vinni
á við sex?
— Sex, það er nú heldur
mikið sagt, eigum við ekki
heldur að segja fjóra. En við
erum tveir, sem fylgjum
henni, við fáum okkar kaup
og vélin sitt.
— Fer þá ekki að verða at-
vinnuleysi í stétt hreingern-
ingamanna?
— Nei, ætli það. Reykjavík
er orðin það stór borg að hún
ætti að geta veitt öllum starf-
andi hreingerningamönnum
næga atvinnu. En það er nú
einu sinni svona, allir vilja
láta gera hreint á sömu árs-
tímum og við höfum ekki und-
an, og svo koma róleg tíma-
bil. Þetta þarf að breytast.
— Og hefurðu í hyggju að
flytja inn fleiri vélar þessarar
tegundar?
— Já, markmiðið er að fá,
ekki eingöngu vélar sem gera
hreint loft og veggi, heldur
líka fleiri vélar, t. d. teppa-
hreinsunarvél o. fl., þannig
að við getum látið í té þá full-
komlegustu þjónustu sem völ
er á. Þessar hreingerningar-
vélar geta komið inn í allar
íbúðir, bæði stórar og smáar.
Og ég er sannfærður um að
þær eiga framtíð fyrir sér.
Hg.
Castro i olíudeilum
HAVANA, KÚBU, 25 júní (Reut
er) — Dr. Fidel Castro, forsætis-
ráðherra Kúbu sagði í sjónvarps-
ræðu í gær, að brezkum, hollenzk
um og bandarískum olíufélögum
væu óheimilt samkvæmt lögum
að neita að hreinsa rússneska
olíu, sem keypt hefir verið til
Kúbu. Lög sem sett hafi verið 19.
maí 1958 skuldbindi félögin til að
hreinsa olíuna ef ríkisstjórnin
fyrirskipar það.
Hann kvaðst enn mundu gefa
félögunum tækifæri til að hugsa
sig betur um.
900.000 tonn
Ríkisstjórnin hefur farið fram
á það að olíufélögin, sem eiga
miklar olíuhreinsunarstöðvar á
Kúbu, hreinsi 900.000 lestir af
rússneskri olíu, sem Kúbustjórn
kaupir samkvæmt samningi gerð
um við Sovétríkin í febrúar sl.
Olíufélögin neituðu að verða við
þessari beiðni fyrir hálfum mán-
uði. Olíufélögin, sem hér eiga
hlut að máli, eru brezk-hollenzka
félagið Shell og bandarísku fé-
lögin Esso-Standard og Texaco.
Heimta aðalf tmd
í samtökum Fél. ísl.
bifreiðaeigenda
FYRIR nokkrum dögum var hald
inn hér í bænum fundur, þar sem
nokkrir félagsmenn í Fél. ísl. bif
reiðaejgenda héldu fund um mál-
efni félagsins.
Var einkum rætt um hið alvar-
lega ástand sem ríkjandi væri í
þessum samtökum einkabílaeig-
enda, en þar hefur ekki verið
haldinn aðalfundur síðan á árinu
1958.
Var samþykkt á fundinum
áskorun til stjórnar félagsins að
halda nú þegar aðalfund í fé-
laginu.
Fél. ísl. bifreiðaeigenda var
stofnað fyrir um 25 árum. Hef-
ur starfsemi þess verið mjög
lítil hin síðari ár og lítt lífsmark
með því.
Tilkynning
til kaupenda Morgunblaðsins utan
Reykjavíkui*
Póstkröfur voru nýverið sendar til kaupenda blaðsins
úti um land, sem fá blaðið beint frá afgreiðslu þess
í Reykjavík.
Athugið að innleysa kröfurnar, sem allra
fyrst svo komizt verði hjá að stöðva út-
sendingu blaðsins.
Smurstöðin Sœtúni 4 ]
Seljum allar tegundir af smurolíu.
Fljót og góð afgreiðsla. — Sími 16-2-27.