Morgunblaðið - 19.07.1960, Blaðsíða 8

8
MORCr\PT4»1Ð
Þriðjudagur 19. júlí 1960
Landsliðið við flugvél Flugfélagsins á Reykjavíkjirflugvelli.
Landsliöiö í Noregi
í GÆRMORGUN hélt
landslið íslands í frjálsum
íþróttum utan til Noregs.
Þar bíður liðsins það verk-
efni að heyja keppni við 5
önnur lið frá þremur þjóð-
um. Háð verður í Ósló á
morgun og fimmtudag,
„fjögra landa keppni“ í
venjulegum landsliðsgrein-
um.
Löndin fjögur sem hér er
um að ræða eru ísland Nor-
egur, Danmörk og Belgía.
Liðin sem mætast eru þó 6
talsins, því Norðmenn er
annast keppnina tefla A-,
B- og C-landsliði sínu
fram. Frá hinum löndun-
um er einn maður í hverri
grein og keppa um stig„
sem veitast þannig, að 1.
maður hlytur 7 stig, 2. mað
ur 5 stig, þriðji 4, fjórði 3,
fimmti 2 og sjötti 1 stig.
Þetta er nýstárlegt fyrir-
kdmulag landskeppni, en
keppni þessi verður áreiðan-
lega mjög tvísýn og skemmti-
leg. Ber þar margt til. 1 fyrsta
lagi gefur það smáþjóðum með
litla hópa afreksmanna í
hverri grein kost á að látaí
toppmenn sína njóta sín. Fyr-
ir ísland er þetta sérlega þýð-
ingarmikið, því við eigum í
mörgum greinum frjálsra
íþrótta mikla afreksmenn, sem
sóma sér vel í hópi beztu
manna stórþjóða. En við eig-
um í fæstum greinum tvo
„toppmenn". Af þéim sökum
er keppnin í Osló sér .ega hent
ug fyrir okkur hvað fyrir-
komulag snertir.
Liðið verður skipað sem hér
segir:
100 m hlaup: Hilmar Þor-
björnsson Á.
200 m hlaup: Hilmar Þor-
björnsson, Á.
400 m hlaup: Hörður Har-
aldsson, Á.
800 m hlaup: Svavar Markús
son, KR.
1500 m hl.: Svavar Markús-
son, KR.
5000 m hlaup: Kristleifur
Guðbjörnsson, KR.
1000 m hlaup: Hafsteinn
Sveinsson HSK.
110 m grindahlaup: Pétur
Rögnvaldsson, KR.
400 m grindahlaup: Guðjón
Guðmundsson, KR.
3000 m hindrunarhlaup: Haf
steinn Sveinsson, HSK.
4x100 m boðhlaup: Hilmar
Þorbjörnsson, Á; Vilhjálmur
Einarsson, ÍR; Valbjörn Þor-
láksson, ÍR; Hörður Haralds-
son, Á.
4x400 m boðhlaup: Hörður
Ilaraldsson, Á; Svavar Markús
son, KR; Guðjón Guðmunds-
son, KR; Þórir Þorsteinsson, Á.
Hástökk: Jón Pétursson,
KR.
Langstökk: Vilhjálmur Ein-
arsson, ÍR.
Þrístökk: Vilhjálmur Einars
son, ÍR.
Stangarstökk: Valbjörn Þor-
láksson, ÍR.
Kúluvarp: Gunnar Huseby,
KR.
Spjótkast: Valbjörn Þorláks-
son, ÍR.
Kringlukast: Hallgrímur
Jónsson, Á.
Sleggjukast: Þórður Sigurðs
son, KR.
Fararstjóri er Stefán Krist-
jánsson, formaður laganefnd-
ar FRÍ.
Ing berst um
Fyrirliði liðsins á leikvelli
er Vilhjáimur Einarsson.
Stærstu stjörnur þessa liðs
eru þeir þrír menn sem náð
hafa lágmarkinu til Rómar-
ferðar, Valbjörn Þorláksson,
Viihjálmur Einarsson og Hilm
ar Þorbjörnsson. Þeir munu
þó allir fá harða keppni og
engan veginn öruggt að þeir
hreppi efsta heiðurssess í sín-
um greinum.
Og það er sannarlega mjög
erfitt að spá um úrslit þess-
arar keppni. Talnalega séð
sjálfstætt fyrir hvert land á
Noregur (A-lið) mesta mögu-
leika, síðan Belgar og þá ís-
lendingar. En þegar keppt er
um stig eftir þeim reglum er
hér gilda, þá ræður það næst-
um öllu um endanleg úrslit
hvaða stigum hver þjóð „stel-
ur“ frá annari. Þ. e. a. s. þegar
tvísýnt er um úrslit getur ráð-
ið miklu hvort Belgíumaður-
inn verður í 2. eða 5. sæti
og hlýtur 5 eða 2 stig, eða
hvort Norðmaðurinn verður í
1. eða 3. sæti og hlýtur 7 eða
4 stig.
Vilhjálmur
fyrirliði landsliðsins
dýrmæt stig
Þessar tvísýnu greinar eru
margar og gera alla spádóma
lítilsgilda. Ein þeirra er kúlu-
varpið. Þar getur hálfur meter
skipt öllu máli. Varpi Huseby
t.d. 15.70 m getur hann hlotið
fyrsta sæti og 7 stig Varpi
hann 15.20 m kann hann að
hljóta neðsta sæti og aðeins
1 stig.
Vegna þessara. óvissu greina
þar sem centimetrar eða sek-
úndubrot skera á milli jafn-
vel 7 og 1—2 stiga, getur hið
óvænta skeð í þessari keppni.
Þegar þess er og gætt, að
okkar 'liðsmenn sem berjast
hér við rok og erfiðar veður-
aðstæður langst af, hafa yfir-
leitt alltaf náð betri árangri
erlendis en hér heima, þá er
ekki útilokað, þó af bjartsýni
sé talað, að þeim takizt að
hreppa annað sætið.
Me/ra um íþrótfir bls. 18
Óvœnt úrslit;
Keflavík vann
Akureyri
VEÐURGUÐIRNIR hafa ekki
verið hliðhollir knattspyrnu-
mönnum á Suðurnesjum í sum-
ar. Venjulega hefur verið rok eða
rigning, þegar leikir hafa farið
fram, nema þá að hvorttveggja
hafi verið. En á sunnudaginn brá
til hins betra. Heit júlísólin helti
geislum sínum yfir grænan gras-
völlinn í Njarðvík, þegar lið ÍBA
og ÍBK hlupu inn á völlinn. —
Ahorfendumir hreiðruðu um sig
í grasigróinni brekkunni og þeir
jakalegustu af piltunum fóru úr
skyrtunni og létu sólina skína á
brjóstkassann.
Það var beðið eftir þessum
leik með nokkurri eftirvæntingu,
því almennt var talið að það lið,
sem tapaði leiknum, tapaði einn-
ig sæti sínu í fyrstu deild. Hér
var því til mikils að vinna fyrir
báða aðila.
Nokkrar breytingar höfðu ver-
ið gerðar á báðum liðum, t. d.
lék Skúli Skúlason nú aftur með
ÍBK í stöðu vinstri innherja og
Haukur Jakobsson hafði flutt sig
í framlínuna og lék hægri inn-
herja fyrir ÍBA.
Akureyringar byrjuðu á upp-
hlaupi, sem brotnar á Hafsteini,
og þegar á annarri mínútu nær
ÍBK skemmtilegu upphlaupi með
góðum skiptingum Skúla, Högna
og Páls, sem endar með tveim
hornspyrnum, sem notast ekki.
Liðin skiptast á með upphlaup
og þreifa fyrir sér og á 9. mín-
útu á Skúli hörkuskot eftir góða
fyrirgjöf frá Högna, en knöttur-
inn fer öfugu megin við stöng-
ina. Örfáum mínútum síðar á
Skúli aftur gott skot, sem lendir
í varnarleikmanni og knötturinn
hrekkur út fyrir endamörk.
Á 16. mínútu eiga Akureyring-
ar sitt fyrsta marktækifæri, þeg-
ar Þórhallur bjargar á línu skalla
bolta, en þegar á næstu mínútu
nær ÍBK góðu upphlaupi; Skúli
gefur fyrir markið til Högna,
sem rennir knettinum til Hólm-
berts, sem skaut í þverslána,
knötturinn hrekkur út til Skúla,
sem sendir þrumuskot í netið.
Liðin skiptast á með upphlaup
á næstu mínútum og eru Kefl-
víkingar öllu hættulegri fyrir
framan mark iBA. Það er ekki
fyrr en á 32. snín., sem mark
iBK kemst í hættu, þegar Jens
átti gott skot og tveim mínútum
síðar á Haukur Jakobsson hörku-
skot í þverslá. Og stangarskotin
halda áfram, því einni mínútu
síðar á Skúli Skúlason stangar-
skot og Sigurður Albertsson skot
í þverslá af 25 metra færi.
Á 41. minútu kemst Haukur
inn fyrir vörnina, en skaut í
fangið á úthlaupandi markverði.
Hálfleiknum lauk 1:0 fyrir ÍBK.
I síðari nálfleik léku Keflvík-
ingar undan nokkurri golu og
þegar á annarri mínútu tekur
Páll Jónsson aukaspyrnu fyrir
utan vítateig, gefur fyrir markið,
þar sem Högni er vel staðsettur
og skallar í hendurnar á Einari
markverði, sem missir knöttinn
inn í markið.
Akureyringar ná nú góðri
sóknarlotu og á 5. mínútu er
Páll hægri útherji kominn inn á
vítateig í skotfæri, þegar Haf-
steinn kom aðvífandi og kippti
honum til hiiðar. Heppinn að
sleppa við vítaspyrnu þar. ÍBA
ræður miðju vallarins um tíma
og Haukur á skot framhjá úr
dauðafæri, Tryggvi á gott skot og
vinstri innherji brennir af fyrir
opnu marki.
Á 16. mínútu á Þórhallur Stígs-
son gott skot af löngu færi á
mark ÍBA. Knötturinn kemur
neðan í þverslána, niður á mark-
línu og hrekkur út aftur.
Á 21. mínútu skoruðu Akur-
eyringar sitt fyrsta mark eftir
gott upphlaup, þar sem Stein-
grími tókst að opna vörn Kefl-
víkinga og gefa síðan knöttinn
til Skúla Agústssonar, sem skor-
aði viðstöðulaus.
Þremur mínútum síðar er
önnur aukaspyma . á ÍBA, sem
Páll framkvæmdi á sama hátt.og
hina fyrri, en Högni tók við
knettinum og skallaði að marki,
en knötturinn hrökk í Jens Sum-
arliðason og af honum í netið.
Keflvíkingar herða nú sóknina
og á 29. mínútu gaf Hólmbert
góðan knött fyrir markið og
Högni var vel staðsettur og skall-
aði í netið.
Rúmri mínútu síðar átti
Tryggvi Georgsson gott skot af
vinstra kanti, Heimir hálfver, en
missir knöttinn frá sér til Páls,
sem skorar auðveldlega og staðan
er 4:2.
Keflvíkingar sækja á og Páll
Jónsson rennir knettinum á 33.
minútu fyrir tærnar á Högna,
sem er í dauðafæri, en tekst að
koma knettinum yfir þverslána.
Nokkrum mínútum síðar skorar
Páll Jónsson fimmta mark Kefl-
víkinga eftir mjög skemmtilegt
og vel útfært upphlaup, þar sem
knötturinn gekk viðstöðulaust á
milli Högna, Skúla og Páls, þar
til tækifænð hafði verið skapað.
iBA gefst ekki upp og mark-
tækifærin iáta ekki standa á sér.
Á 40. mínútu bjargar Gunnar
Albertsson ó línu og mínútu síð-
ar ætlar hann að gefa knöttinn
til Heimis úti á vitateigslínu, en
hægri útherji ÍBA nær knettin-
um og rennir honum þvert fyrir
opið og mannlaust markið. Stein-
grímur er fljótur að knettinum,
en í stað þess að ýta knettinum
lauslega í opið markið, átti að
skjóta og knötturinn lyftist yfií
þverslána. Þarna varð lítið úr
góðu tækifæri.
Leiknum lauk með nokkuð
óvæntum sígri Keflvíkinga, 5:2.
Eftir að hafa séð leik Akur-
eyringa gegn Fram á Laugardals-
vellinum, þá kom víst fáum til
hugar að ÍBK myndi sigra með
yfirburðum. En Keflvíkingarnir
sýndu að með því að breyta um
leikaðferð þá eru til nægilega
sterkir einstaklingar í liðinu til
að gera það að hættulegum
keppinaut. Koma Skúla Skúla-
sonar í stöðu innherja ger-
breytti framlínunni og samleik-
ur Skúla, Högna og Páls var oft
með ágætum.
Liðið reyndi yfirleitt að leika
knattspyrnu, en þó kom fyrir að
vörnin var óþarflega gróf í
hreinsunum sínum. Beztu menn
liðsins voru Skúli Skúlason og
Páll Jónsson, sem nú lék sinn
bezta leik á sumrinu. Högni er
hættulegur miðframherji, en þó
hefur hann nú hvorki þá skot-
hörku né flýti, sem einkenndi
leik hans í fyrra. Guðmundur
Guðmundsson var óvenju þungur
og svifaseinn og Hafsteinn átti í
nokkrum erfiðleikum með Stein-
grím, en annars stjórnaði hann
liðinu röggsamlega.
Lið ÍBA átti oft góðan leik á
miðju vallarins, leikmennirnir
hafa yfirleitt góða knattmeðferð
og ná góðum.samleik upp að víta-
teig, en þá fer allt í handaskol-
um. Tryggvi var of lítið notaður
í framlínunni, því frá honum
koma góðar og oft vel hugsaðar
sendingar. Haukur var duglegur,
en hraði og knattleikni Stein-
gríms bregzt þegar að markinu
er komið. Framverðirnir áttu all-
ir góðan leik.
Dómar> var Guðbjörn Jónsson.
— B. Þ.