Morgunblaðið - 16.03.1961, Blaðsíða 7
Fimmtudagur 16. marz 1961
MORGVNBLAÐIÐ
— Ræða Jóhanns
Hafsteins
Framh. af bls. 8
eftir þróuninni, 20—30 árum,
þegar það liggur fyrir að í því
eina máli þessarar tegundar,
sem lagt hefur verið undir
hann, vann hann brautryðjenda
starf og okkur íslendingum
alveg sérstaklega ómetanlegt
brautryðj endastarf“.
Finnbogi R. Valdimarsson
vitnaði í gamlar norskar reglu-
gerðir frá byrjun 18. aldar og
sagði að í dómi Alþjóðadóm-
stólsins hefði ekkert nýtt kom-
ið fram, aðeins staðfesting á
hundrað ára reglum!
Hér fer bezt á því, að dóm-
stóllinn tali sjálfur:
„Meðfram stöndinni eru
grunn tiltölulega há upp í sjó,
raunverulegir neðansjávarhjall-
ar, þar sem eru sérstaklega
fiskauðug mið, er norskir fiski-
menn hafa þekkt og stundað frá
ómunatíð. Með því að grunn
þessi voru innan sjónvíddar frá
landi, fundu menn og greindu
beztu miðin með miðunarað-
ferðinni (,,meds“), þar sem
tvær línur til tiltekinna staða á
ströndinni eða eyjunum skerast.
1 þessum hrjóstugu landshlut-
um hafa íbúar strandhéraðanna
framfæri sitt einkum af fiski-
veiðum.
Þetta eru staðreyndir, sem
verður að hafa í huga, er dóm-
ur er lagður á réttmæti þeirrar
staðhæfingar Hins sameinaða
konungsríkis, að þau takmörk
norska fiskiveiðasvæðisins, sem
ákveðin voru í úrskurðinum frá
1935, fari í bág við alþjóðalög".
Það er þarna, sem Alþjóða-
dómstóllinn sýnir hinn réttar-
skapandi eiginleika sinn. Setur
fram nýja réttarkenningu —
sem ekki var áður til — og
grundvallar dómsúrskurð á
henni — að lífshagsmunir fólks
ins skapi alþjóðarétt, sem ekki
var áður viðurkenndur.
Það er á þessum rétti, sem
ísland hefur staðið á báðum
Genfarráðstefnunum 1958 og
1960 þegar íslenzka sendinefnd-
in hefur flutt um það tillögur
að þar sem þjóð byggir afkomu
sína á fiskveiðum meðfram
ströndum, beri strandríkinu sér
staða, umfram hin almennu
fiskveiðitakmörk, enda skuli
ágreiningur borinn undir gerð-
ardóm.
Og nú vek ég loks athygli á,
að ef 12 mílna fiskveiðiland-
helgi hefði verið samþykkt á
Genfarráðstefnunni og það var
út af fyrir sig vilji Islendinga,
þá hefðu íslendingar samkvæmt
því verið við 12 mílurnar bundn
ir um aldur og ævi — með
sama hætti og nú er vitnað til.
Þá hefðu íslendingar engan ein-
hliða rétt til að hverfa frá því
samkomulagi!
Við lausn fiskveiðideilunnar
við Breta hefur ekkert rétt-
indaafsal átti sér stað og ekkert
boðið umfram það sem við
höfum áður verið reiðubún-
ir að fallast á og sjálfir lagt
til á Genfarráðstefnunni.
Hitt er rétt að við afsölum
okkur þeirri athöfn, að færa út
fiskveiðilögsöguna með þeim
hætti, sem ekki á stoð í lögum
og rétti, þ.e. alþjóðarétti og ís-
lenzkum lögum —• á sama hátt
og Bretar afsala sér því, að
beita vopnavaldi gegn okkur ef
ágreiningur rís — en bera mál-
ið undir úrskurð Alþjóðadóm-
stólsins.
★
Stórveldin þurfa ekki á dóm-
stólum að halda. Þau hafa vald
ið. En það eru smáþjóðirnar —
minnstu ríkin, . sem verða að
láta sér nægja réttinn.
Herra forseti! Góðir áheyr-
endur!
Við leyfum okkur að treysta
því að almenningur beri traust
til þeirrar ríkisstjórnar, sem
hefur með áræði og festu á-
orkað því að reisa efnahag þjóð
arinnar úr rústum og leggja
grundvöll að öryggi og festu í
framtíðinni — jafnframt því
sem henni hefur auðnazt að
leysa erfiða og viðsjárverða
milliríkjadeilu með þeim hætti
sem íslendingum er bæði sómi
og styrkur að.
Nýja Testamentið
í nýrri enskri
þýðingu
LONDON, 14. marz. (Reuter). —
f morgun kom á markaðinn í
Englandi ný þýðing Nýja Testa-
mentisins, sem unnið hefur ver-
ið að síðustu fimmtán árin. Að
útgáfunni standa háskólarnir í
Oxford og Cambridge .Þýðing-
in er gerð á nútíma ensku úr
grísku og hebresku. Seinasta
ensk þýðing biblíunnar kom
fyrst árið 1611.
Hin nýja útgáfu var prentuð
í einni milljón eintaka, en þegar
ií gær var stöðugur straumur
fólks í bókaverzlanir víðs veg-
ar um England til að tryggja sér
eintak. Og fáum klukkustundum
eftir að sala hófst í morgun var
bókin orðin metsölubók. Er nú
verið að prenta 350 þúsund ein-
tök til viðbótar.
Fyrirhugað er, að gera sams
konar þýðingu á Gamla Testa-
mentinu, en það verk mun taka
allt að 18 árum.
Stjórn SÞ 1 Leo-
poldville neitar að
gefa upplýsingar
LEOPOLDVILLE, 14. marz. —
(Reuter: — Stjórn Sameinuðu
þjóðanna í Kongó hefur stöðvað
allar fréttasendingar af aðgerð-
um herliðs samtakanna í Kongó
og öðrum atburðum þar. Tals-
maður stjórnarinnar hefur neit-
að að svara nvaðan ákvörðun
þessi sé komin.
Síðast fékkst eðlileg fréttaþjón
usta í Leopoldville á laugardag-
inn. í gær einskorðaði talsmaður
stjórnar SÞ upplýsingar sínar
við menn þá, er tækju þátt í
samningaviðræðum um sendingu
hermanna SÞ til hafnarbæjarins
Matadi jafnframt því, sem hann
skýrði frá komu evrópska flótta-
fólksins frá Kivu héraðinu.
í dag skrifaði hann hjá sér
spurningar fréttamanna, og
kvaðst skyldu reyna að fá svör
við einhverjum þeirra, án þess
að hann gæti nokkru lofað þar
að lútandi.
JOHANNESBURG, 14. m.arz. —
(NTB/Reuter). Hinn 34 ára gamli
Suður Afríkubúi, Peter White,
sem tekinn var höndum fyrir
skömmu ásamt sænsku skáld-
könunni Söru Lidman hefur ver-
ið ákærður fyrir að hafa í fórum
sínum vopn og skotfæri í leyfis-
leysi. Hann hefur nú verið látinn
laus gegn tryggingu.
£ B
KABELWEBK ADLERSHOF
Berlin Adlershof, Buchnerweg 81/91
Deutsche Demokratische Republik
framleiðir:
Tengivíra- og fjölvírastrengi í síma-, útvarps-
og sendistöðvar.
Sterkstraums-Ieiðslur fyrir hreyfanleg tæki.
Umboðsmenn: 1
RAFTÆKJASALAN HF., Reykjavík Pósth. 728,
Allar upplýsingar veitir:
Deutsher Innen-und Aussenhandel
Berlin N 4 — Chaussestrasse 112
Deutsche Demokratische Republik
Mófmæla skeyti til
Hammarskjölds
Elisabethville, 14. marz. (NTB).
KONGÓSKU stjórnmálaleiðtog-
arnir, sem þátt tóku í ráðstefn-
unni í Tananarive héldu með sér
fund í Elisabethville í morgun.
Þá samþykktu þeir endanlega að
næsti fundur hins nýstofnaða sam
bandsráðs Kongórikja skuli hald-
inn í Bakwanga í Suður Kasai
eftir tvær vikur.
Jafnframt var tilkynnt, að und
inn yrði bráður bugur að því, að
koma á nánu sambandi yfirher-
stjórnanna í Leopoldville, Elisa-
þetville og Bakwanga í því
augnamiði að koma í framkvæmd
hernaðarlegri samvinnu hlutað-
eigandi ríkja.
Á fundinum í morgun var einn
ig samþykkt að senda tvö sím-
skeýti til Hammarskjölds, frkv.-
stjóra S. Þ. I öðru skeytinu er
ákaft mótmælt því að indverskir
hermenn séu sendir til Kongó til
styrktar liði SÞ en í hinu skeyt-
inu var mótmælt síðustu sam-
þykkt öryggisráðsins í Kongó-
málinu. Segir í skeytinu, að sú
samþykkt sé í ósamræmi við
stofnskrá Sameinuðu Þjóðanna,
þar sem hún feli í sér afskipti af
innanríkismálum Kongó.
Husqvarna
ELDAVÉLASETT
GERIR ELDHÚSIÐ
Þ LGILEGRA OG
FALLEGRA.
Evrópumenn sœta ógnun
um í Kivu-héraði
LEOPOLDVILLE, 14. marz. —
(Reuter). — Belgíska fréttastof-
an Belga skýrir frá því í dag,
áð allmargir kongóskir hermenn
hafi týnt lfi síðustu daga í bar-
dögum við hermenn frá Malaya
úr liði Sameinuðu þjóðanna.
Bardagarnir urðu, að sögn Belga,
í Kindu í Kivu héraðinu, en þar
eru Malayahermennirnir að
*eyna að bjarga 300 Evrópu-
mönnum, sem sæta ógnunum af
hálfu kongóskra hermanna. —
Belga segir, að kongóhermenn-
irnir hafi tekið af lífi liðsfor-
ingja úr liði Malayamanna, sem
hafi þá hafið skotárás.
Óstaðfestar fregnir herma að
kongóskir hermenn hafi haldið
uppi ógnunum í Kivu sl. tvær
vikur. Yfirvöldin í héraðinu, sem
hafa lagt blátt bann við brott-
för hinna þrjú hundruð Evrópu-
manna, m.a. virðast ekki hafa
nokkurn hemil á hermönnum
sínum. Talsmaður SÞ segir, að
öruggar fregnir séu um, að nunn
ur hafi verið svívirtar og prestar
barðir í Kivu. síðustu daga.
Létta efnahagsþvingunum
Yfirvöldin í Leopoldville hafa
ákveðið að aflétta að nokkru
leyti efnahagsþvingunum þeirra
gegn Oriental-héraði og stjórn-
inni í Stanleyville. Er talið að
ákvörðun þessi sé skref í áttina
til þess að reyna að koma á eðli-
legu sambandi milli yfirvaldanna
í Stanleyville og Leopoldville.
Krefst sætis í ráðgjafanefnd
um Kongó
Þegar Kasavubu forseti og Ileo,
skipaður forsætisráðherra komu
til Leopoldville, var þeim fagn-
að af miklum mannfjölda. Stóðu
þeir uppi í bifreiðinni, sem þeir
óku í frá flugvellinum og svör-
uðu hyllingu fólksins.
Sendinefnd Kasavubus hjá SÞ
hefur krafizt þess að fá sæti í ráð
gjafanefnd Hammarskjölds í mál
efnum Kongó. Hefur sendinefnd-
in gefið út tilkynningu í New
York, þar sem segir, að SÞ reyni
að þröngva lausn Kongómálsins
upp á þjóðina án nokkurs tillits
til óska hennar. Krefst nefndin
þess að fá að minnsta kosti á-
heyrnarfulltrúa í ráðgjafanefnd-
inni, ef ekki fastan fulltrúa, jafn
framt því sem hún fái með vissu
millibili aðgang að þeim nefnd-
um, sem fjalla um málefni Kongó.
Bökunarofn með sjálf-
virkum hitastilli og glóð
arrist.
ELDUNARPLATA
með 3 eða 4 hellum.
Fullkomin viðgerðarþjónusta
j varahlutir jafnan fyrirliggj-
andi.
Gunnar Ásgeirsson hf.
Suðurlandsbraut 16 S. 35200.
J. Þorláksson & Norðmann
j Bankastr. 11 — Sími 11280.