Morgunblaðið - 11.05.1961, Page 3
r
Fimmtudágur 11. maí 1961
MORVUNBLAÐ1Ð
Þ A Ð hefur heyrzt að for-
ráðamenn hins íslenzka Ríkis
útvarps séu að velta því fyr-
ír sér, hvort það ætti að reisa
sjónvarpsstöð hér á landi. —
Heyrzt hefur að um þetta sé
jafnvel deilt, hvort það sé
bókstaflega mögulegt tækni-
lega og fjárhagslega, að
stofna íslenzkt sjónvarp.
En á meðan rætt er fram
•g aftur um þetta, er sjón-
varpsstöð þegar í gangi á
Iandinu og fjöldi fólks horfir
á útsendingar hennar sér til
afþreyingar og ánægju.
1 Keflavík
Myndin, sem fylgir þessari
grein, var ekki tekin vestur í
Ameríku, heldur smeliti
t stofunni hjá Kristni Þorbergssyni, Suðurgötu 26, Kefiavík.
Sjdnvarp á íslandi
Sveinn Þormóðsson henni af
í húsi einu við Suðurgötu í
Keflavík.
Við vorum staddir í stofu
Kristins Þorbergssonar, verk-
stjóra, Suðurgötu 28. Á mynd
inni sjást Kristinn, lengst til
vinstri, en hægra megin
Ingvar Guðmundsson, kenn-
ari, og Geirmundur, seytján
ára sonur húsráðanda. Auk
þeirra sátum við fréttamenn
Mbl. í stofunni og horfðum á
söguna „Bréfið“ eftir Somer-
set Maugham. Áður en þessi
mynd hófst hafði verið sýnd-
ur þáttur með fjölbragða-
glímu.
Kristinn á sjónvarpstæki
með 21 tommu skermi. Mynd
in sást skýrt og truflunar-
laust á tækinu, jafnvel betur
en víða í sjálfum Bandaríkj-
unum.
Kostnaðarsöm byrging
Eins og kunnugt er hefur
varnarliðinu í Keflavík verið
gefið leyfi til að starfrækja
sónvarpsstöð á flugvellinum.
En það undarlega er, að á
sama tíma og ráðamenn ís-
lenzkra útvarpsmála eru að
bollaleggja um það hvernig
hægt sé að leysa þann óyfir-
stíganlega vanda tækni og
fjármála að opna sjónvarps-
stöð, þá eru varnarliðinu sett
þau skilyrði að það verði
með öllum ráðum að inni-
byrgja sjónvarpið, setja upp
járntjald um flugvöllinn, svo
að íslenzkur almenningur fái
alls ekki að njóta þeirrar
dýrðar að horfa á sjónvarpið.
Varnarliðið framkvæmir
svo þessa byrgingu, en segir
að hún sé margfallt kostnað-
arsamari en sjálf starfræksla
sjónvarpsstöðvarinnar. Gár-
ungarnir segja meira að
segja, að byrgingin kosti
meira en rekstur íslenzkrar
sjónvarpsstöðvar, svo öfugsnú
ið er allt þetta mál.
Fræðandi efni með léttmeti
— Hversvegna heldurðu,
Kristinn, að það sé talið svo
nauðsynlegt að byrgja sjón-
varpsstöðina inni? Er efni
hennar kannski eitthvað sið-
spillandi?
— Það get ég ekki merkt,
segir Kristinn. — Efnið er
að vísu mestallt léttmeti,
gamanþættir, leikþættir og
teiknimyndir, en þó oft fræð-
andi og skemmtilegt. Oft hafa
verið í því kvikmyndir til
kynningar á ýmsum löndum
heims. Til dæmis var einu
sinni sýndur kvikmyndaþátt-
ur um ísland, sem mér virt-
ist mjög skemmtilegur.
— Er mikið af glæpakvik-
myndum í Sjónvarpinu?
— Nei, því fer fjarri. Aub-
vitað eru margar kvikmyndir
sýndar, en fáar þeirra eru
leynilögreglumyndir og engar
þeirra svæsnar. Ég held að
það ætti fyrr að loka fyrir
kvikmyndahúsin. Þau sýna
myndir með glæpaverkum og
siðspillingu, sem aldrei koma
í sjónvarpinu.
Fréttaþættirnir beztir
— En hvað um amerísku
auglýsingaþættina, sem mörg
um þykja svo hvimleiðir í
Bandarík j unum?
— Þeir eru alls ekki sýndir
hér. Ég man að þeir voru
sýndir í fyrstunni, en síðan
hafa þeir alltaf verið kipptir
úr. Þannig verður sjónvarps-
sýningin samfelldari og betri
hér en í sjálfum Bandaríkj-
unum. Ég hef ekki heldur
séð, að Bandaríkjamennirnir
séu með neinn áróður í sjón-
varpinu fyrir landi sínu eða
lífsskoðunum. Það er and-
stætt þeirra eðli — þvert á
móti eru þeirv oft að gera
grín að sjálfum sér, hæðast
að heraganum og ýmsum sér-
kennum þjóðar sinnar.
— Mér finnst ágætt að hafa
sjónvarpið, heldur Kristinn
áfram. — Sérstaklega finnst
mér fréttaþættirnir góðir. Ég
horfði t.d. á það um daginn,
þegar Kennedy hafði fund
með blaðamönnum um Kúbu-
og Laos-málin. Þá var um
daginn sérstakur þáttur í sjón
varpinu um Eichmann-málið
og sýndar þar gamlar kvik-
myndir úr fangabúðum naz-
ista. Annars hef ég íslenzka
útvarpið miklu lengur opið
og líkar margt vel í dagskrá
þess.
— Hvað stendur dagskráin
lengi?
— Venjulega vikudaga er
hún frá kl. 5 síðdegis til kl.
11,30, en á laugardögum byrj
ar hún kl. 9 á morgnana og
er þá allan daginn til mið-
nættis.
Ekkert launungarmál
— Hvað heldurðu að marg-
ir eigi sjónvarpstæki hér í
Keflavík?
— Líklega eru sjónvarps-
tæki í 30—40 húsum. Það fer
enginn í launkofa með þau,
því hin stóru sjónvarpsloft-
net segja til sín. Og þó
reynt sé að banna íslending-
um að horfa á sjónvarpið,
hafa menn getað flutt sjón-
varpstækin inn með lögleg-
um hætti og jafnvel keypt
þau í búðum.
Þeir feðgarnir, Kristinn og
Geirmundur, eru sammála um
það að margt skemmtilegt og
fræðandi sé í Keflavíkursjón-
varpinu. Ékki segjast þeir
samt verða neitt háðir því,
heldur opna þeir við og við
og segja að enginn endist til
að horfa á það langtímum
saman. En hitt er fáránlegt
að vera að eyða stórfé í að
byrgja inni og bægja íslenzk-
um almenningi frá því, þá
ætti alveg eins að loka kvik-
myndahúsunum sem sýna öll
útlendar myndir eða hindra
að íslendingar geti hlustað á
útlendar útvarpsstöðvar. —
Slíkri vitleysu geti enginn
mælt bót.
Björgunarsýning
við Ingólfsgarð
Fjáröflunardagur slYsavarnadeildar-
innar Ingólfs
BÚIÐ er að rifa oll herbergl
í þvi merka húsi Hótel Heklu,
nema þau sem myndin sýnir
og snúa að Lækjartorgi. Eins
og sjá má, hefur Slysavarna-
félagið merkt sér þessi her-
bergi, því í öðru þeirra verð-
ur sölumiðstöð fyrir merkja-
sölu slysavarnadeildarinnar
Ingólfs á lokadaginn 11. maí
og munu það verða síðustu
afnot hússins. Allir sölustaðir
Ingólfs, alls 11 í bæraim, verða
merktir eins og hér sýnir, með
bjarghring.
LOKADAGURINN 11. maí er
hinn árlegi fjársöfnunardagur
slysavarnardeildarinnar Ingólfs í
Reykjavík. Nú er hann á upp-
stigningardag og verða merki
seld í bænum í dag til ágóða
fyrir Slysavarnafélag íslands.
Einnig verður björgunarsýn-
ing með þyrlu (helikopter) kl. 4.
e.h. við Ingólfsgarð, nOrðan fiski
félagshússins við Skúlagötu.
Gefst fólki þar kostur á að sjá,
hvernig þyrla tekur mann úr
gúmmíbjörgunarbáti, sem verður
á floti á ytri höfninni.
Þá verður kaffisala í Slysa-
varnahúsinu við Grandagarð frá
kl. 4 og ennfremur verður sýnd
þar kvkimynd frá björgunaraf-
rekinu við Látrabjarg, sem er
eitt mesta afrek í íslenzkri björg-
unarsögu.
Lokadagurinn er nú sem óð-
ast að hverfa úr meðvitund þjóð-
arinnar, í sinni gömlu merk-
ingu, sökum breyttra atvinnu-
hátta og því fer vel á því að
slysavarnasamtökin hafa gefið
þessum degi nýja merkingu með
því að helga hann stuðningi við
eitt af mestu nauðsynjamálum
þjóðarinnar
STAKSTEIMAR
„Hinar nýstárlegu
aðferðir“
Þjóðviljinn er mjög geðvondur
í gær yfir því, að blöð lýðræðis-
flokkanna skyldu skýra satt og
rétt frá tildrögum óeirðanna, sem
urðu við lok Keflavíkurgöngunn
ar svonefndu. Öll blöð lýðræðis-
flokkana fordæma að sjádfsögðu
grjótkast og rúðubrot, en auðvit
að hljóta þau líka að benda á
þá vanstillingu fullorðinna
manna að ráðast með ofbeldi að
börnum innan fermingaraldurs,
þótt þau í glensi tækju þátt í
gönguæfingu kommúnista og
bæru pappaspjöld með áletrun-
um, sem kommúnistum likaði
ekki.
Þjóðviljinn talar um „hinar ný-
stárlegu aðferðir samtaka her-
námsandstæðinga til að vekja at-
hygli“. Já, víst enu aðferðirnar
nýstárlegar hérlendis, þótt þær
þekkist úti í löndum, þar sem
mikil rækt hefur verið lögð vi»
múgmennskuna. En það er nú
einu sinni svo, að börn eru nýj-
ungagjörn. Þess vegna hefðu
göngumennirnir átt að hafa um-
burðarlyndi til að láta hóp þeirra
afskiptalausan, enda hefði þá
ekki komið til þeirra óhappa-
verka við rússneska sendiráðið,
sem mjög ber að harma.
Tíminn með
Eins og við mátti búast, segja
kommúnistar að Heimdellingar
hafi staðið fyrir óspektunum og
blaðið nafngreinir meira að segja
æskumenn, sem ekki hafa annað
til saka unnið en þiggja boð
kommúnista um að sækja fund
þeirra og sjá og heyra, hvað þar
færi fram. En menn kippa sér
ekki upp við ummæli kommún-
istablaðsins. Hitt er furðulegt, aS
málgagn Framsóknarflokksins
skuli halda þvi fram, að óeirðirn
ar séu að kenna skrifum Morgun
blaðsins, Vísis og Alþýðublaðsins
um Rússa.
„í skrifum þessara blaða er lit
il tilraun gerð til þess að ræða
utanrikismál af yfirsýn og byggja
viðhorfin á rökrænum grund-
velli“, segir Tíininn í gær. Og
þess vegna æsast menn til óhæfu
verka. En grínið í þessum orðum
sjá menn væntanlega. Tíminn er
þannig eina íslenzka blaðið, sem
ræðir utanríkismál af yfirsýn og
byggir viðhorfin á rökrænumi
grundvelli!!!!!
Skrítin hagspeki
Kollega okkar við Alþýðublað
ið er margt til Iista Iagið, en hag
speki verður ekki talin hans
sterka hlið. i gær ræðir hann um
það, að Ióðirnar í miðbænum í
Reykjavík séu svo góðar og verð
miklar, að þess vegna vilji eng-
inn byggja á þeim. Sökin sé svo
Sjálfstæðisflokksins, sem hafi
„látið lóðabrask viðgangast og
eignarlóðir í gamla bænum verða
milljóna virði“. i fyrsta lagi er
það athugavert við þessi um-
mæli, að gefið er í skyn að upp
tæk eigi að gera lóðaverðmæti
andstætt eignaréttarákvæðum ís-
lenzku stjórnskrárinnar, en liitt
er skemmtilegri niðurstaða, að
menn skuli ekki vilja hagnýta
lóðir til bygginga vegna þess að
þær séu svo góðar og verðmikl
ar. Sannleikurinn er auðvitað sá,
að hér hafa verið í gildi bönn við
byggingum, skrifstofu- og verzl
unarhúsnæðis og líklega teljandi
á fingrum annarrar handar þau
leyfi, sem veitt hafa verið til
bygginga í miðbænum síðustu ár
in. Af þvi stafar það fyrst og
fremst, að miðbærinn hefur ekki
byggzt upp. Hitt er að vísu líka
rétt, að til skamms tíma heimti
bærinn ekki lóðagjöld af þeim,
sem úthlutað var verðmætum lóð
um og vildu menn gjarnan njóta
þeirra hlunninda. En ekki hefur
heyrzt að Alþ.bl. berðist fyrir þvi
að menn greiddu réttmæt gjöld
fyrir slík gæði.