Morgunblaðið - 02.06.1961, Blaðsíða 8

8
r
M o rt n rnv R r 4 n i ð
Föstuclagur 2. júní 1961
Vöndum til veðurs eins og Svarta-
skólamenn
Amnar dagur IMoregskonungs
*
á Islandi
Próf. Ármann Snævarr háskóiarektor kveður Ólaf konung á tröppum háskólans. Einnig- sjást
á myndinni Gylfi I\ Gíslason, menntamálaráðherra, rektorsfrú Valborg Sigurðardóttir og
fleiri gestir.
Heimsókn
í Háskóla íslands
SKÖMMU fyrir klukkan 10 í
gærmorgun, kom Ólafur Noregs
konungur í fylgd með forseta-
hjónunum í Háskólann. Hlýddi
hann þar á ræðu Ármanns
Snævarrs, háskólarektors, sem
birt er í heild á öðrum stað í
blaðinu í dag. Að ræðu rekt-
ors lokinni söng Dómkórinn
fjögur norsk og fjögur íslenzk
þjóðlög undir stjórn dr. Páls ís-
ólfssonar, einsöngvari var Guð-
mundur Jónsson, óperusöngvari.
Að söngnum loknum þakkaði
konungur fyrir skemmtunina.
Hann sagði við Pál ísólfsson:
„Hvaða kór er þetta?“ „Dóm-
kór Reykjavíkur,“ svaraði Páll.
„Eg hafði mikla ánægju af
söngnum," sagði þá konungur
og bætti við: „Þakka yður fyrir,
þetta var fallegur söngur.“ —
Síðan gekk hann út úr hátíða-
salnum með fylgdarliði sínu.
Á leiðinni niður tröppurnar sá
hann norskan kvenstúdent, Ing-
er Idsöe, með norska stúdents-
húfu og þótti honum það á-
nægjuleg sjón. Konungur brosti
til Inger og hún hneigði sig
fallega fyrir þjóðhöfðingja sín-
um. Konungur spurði háskóla-
rektor, hvort margir norskir
stúdentar stunduðu nám í há-
skólanum og gaf rektor honum
upplýsingar um þá. Úti á tröpp
unum sagði konungur: „Það er
dósamlegt veður í dag“. Rektor
svaraði: „Við höfum eins og
Svartaskólamenn reynt að
vanda til veðurs með nokkrum
töfrum.“ Þá hló Ólafur kon-
ungur og sagði: „Ykkur hefur
tekizt vel sú konst.“
Áður en konungur fór, spurð-
ist hann fyrir um það, hvort
sér gaefist kostur á að skoða
háskólann aftur en þá var hon-
um skýrt frá því að ekki væri
unnt að koma því við, vegna
þess hve naumur tími væri af-
3ögu.
Meðal viðstaddra í hátíðarsaln
um voru prófessorar háskólans
og aðrir kennarar, skáld og
rithöfundar og diplómatar, svo
nokkurra sé getið.
Heimsókn
í Þjóðminjasafnið
Prá háskólanum óku Ólafur
konungur og forseti íslands, að
Þjóðminjasafninu ásamt Gylfa
Þ. Gíslasyni menntamálaráð-
herra, Lange utanríkisráðherra,
Og öðru fylgdarliði. Einnig voru
með í förinni sendiherrar ým-
issa erlendra ríkja hér. Konung
ur stóð við í safninu í klukku-
stund og sýndi mikinn og al-
hliða áhuga á safngripum.
Kristján Eldjám, þjóðminja-
vörður, tók á móti konungi og
gekk með honum um safnið.
Virtist konungur einkum hafa
áhúga á að skoða sögualdar-
safnið og lét þau orð falla að
gripir væru margir svipaðir
norskum safngripum. Einnig
ræddi hann við þjóðminjavörð
um íslenzka alþýðulist og bar
saman við norska, sagði að
hvortveggja væri sýnilega af
sömu rótum runnin, þó síðar
hefðu við tekið tvær stefnur
í þessum löndum. íslenzku bún
ingana fyrir enda stóra salar-
ins skoðaði konungur með á-
huga, hefur sennilega þekktþar
aftur frá veizlunni á Hótel
Borg kvöldið áður skautbún-
inginn, sem vafalaust hefur ver
ið glæsilegri á þeim 13 konum,
er þar skautuðu, en á styttunni í
glerskápnum.
Ásgeir Ásgeirsson, forseti,
benti konungi á útskorin rúm-
stokk, sem var í Laufási á 18.
og 19. öld, og sagði að í þessu
rúmi hefði tengdafaðir sinn,
Þórhallur biskup Bjarnason,
fæðst. Hafði biskupi alla ævi
staðið útskorna mannsmyndin á
rúmstöplinum skýrt fyrir hug-
skotssjónum, svo vel greyptist
hún í hug hans á æskuárunum.
Þá skoðaði konungur norska
safnið með athygli, en Norð-
menn gáfu íslendingum safn-
gripina í sambandi við Snorra-
hátíðina 1947, er Ólafur þá
krónprins, kom til íslands og
komu gripirnir til landsins 1950.
Meðan konungur gekk um
safnið í fylgd með þjóðminja-
verði, skoðuðu aðrir gestir safn
muni. Lange utanríkisráðherra
var ýmist í fylgd með próf.
Sigurði Nordal eða Gísla Gests-
syni safnverði, og Þorkell
Grímsson, safnvörður, var þar
einnig til leiðbeiningar.
Konungur og forseti íslands
yfirgáfu safnið kl. 11.30 og óku
að ráðherrabústaðnum, ásamt
fylgdarliði sínu. Tveir erlendir
sendimenn, Luigi Cottafavi,
Charge d’affaires Ítalíu og Le
Chevalier de Fontaine, sendi-
herra Belgíu, urðu eftir og báðu
leyfis til að skoða Listasafn
ríkisins. Var það fúslega leyft
og sýndi Selma Jónsdóttir þeim
það.
En áður en þeir gengu upp
á loftið stönzuðu þeir við mynd-
ina á endaveggnum í anddyri
safnsins, og höfðu sýnilega
gaman af að virða fyrir sér
myndirnar af Hólabiskupnum,
með konurnar sínar þrjár, sem
sú síðasta lét mála að honum
látnum.
Heimsókn
að Bessastöðum
Laust eftir hádegi lagði kon-
ungsfylgdin af stað suður til
Bessastaða. Á leiðinni þangað
voru á nokkrum stöðum hópar
fólks, börn með fána, sem kom-
in voru út að Hafnarfjarðar-
vegi til að veifa kónginum,
eins og krakkarnir sögðu. Hinn
gljáfægði bíll brunaði framhjá
hópunum. Við heimreiðina að
Bessastöðum blöktu fánar Nor-
egs og íslands á háum fána-
stöngum í sólskininu. Heima
við Bessastaðakirkju var slang-
ur af fólki. Á tröppum hinnar
gömlu kirkju stóðu hempu-
klæddir prestar er konungur og
forseti komu að kirkjudyrum
ásamt fylgdarliði, biskupinn yf-
ir íslandi og séra Garðar Þor-
steinsson dómprófastur, er bar
að þessu sinni norska orðu, sem
Ólafur Noregskonungur hafði
sæmt hann. í kirkjunni voru
þá allmargir kirkjugestir, sókn-
arbörn og sveitungar forseta-^
hjónanna á Bessastöðum. Nor-
egskonungur og forsetahjónin
sátu inni í kór, en gegn þeim
sat biskup meðan Sveinn Er-
lendsson, meðhjálpari Bessa-
staðakirkju, flutti bæn og séra
Garðar Þorsteinsson þjónaði fyr-
ir altari. Biskupinn sté í stól-
inn og flutti ræðu á norsku.
Hann lagði út af þess-
um orðum í guðspjalli
Math.: „Mér er gefið allt vald
á himni og á jörðu.“ — Ræddi
biskup um valdið yfirleitt og í
hverju það vald váeri fólgið.
Hann vitnaði í gömul norsk
lög um afstöðuna milli konungs
og þjóðarinnar og hvernig hún
væri nú í Noregi. Hann minnti
kirkjugesti á að þeir væru í
dag samankomnir á fornu að-
setri Snorra til þess að biðja
fyrir Noregskonungi og hinni
norsku þjóð.
Við guðsþjónustu þessa söng
kirkjukór Bessastaðakirkju ís-
lenzka og norska sálma undir
stjóm organista kirkjunnar,
Páls Kr. Pálssonar. Tókst sá
söngur mjög vel. Konungur var
með gleraugu meðan á guðs-
þjónustunni stóð. Meðal kirkju-
gesta voru ráðherrar og nokkr-
ir gestir forsetahjónanna er að
lokinni guðsþjónustu sátu há-
degisverðarboð þeirra. ^ " ^
Er Noregskonungur kom a8
opnum dyrum forsetabústaðar-
ins, sagði Ásgeir Ásgeirsson:
— Velkommen i vort hjem!
Móttaka
Reykjavíkurbæjar
Um fjögur-leytið í gærdag
kom Ólafur Noregskonungur,
ásamt forsetahjónunum, í Mela-
skóla, þar sem var móttaka fyr-
ir hann af hálfu Reykjavíkur-
bæjar. Viðstaddur var fjöldi
boðsgesta, ráðherrar, diplómat-
ar, bæjarstjórnar- og bæjarráða
menn, bæjarstarfsmenn og ýms-
ir fleiri. Geir Hallgrímsson,
borgarstjóri, ávarpaði konung
og er ræða hans birt á öðr-
um stað hér í blaðinu. Að ræðu
borgarstjóra lokinni flutti kon-
ungur ræðu og fara hér á eftir
meginatriði hennar:
Ég leyfi mér að þakka hjart-
anlega fyrir þau vingjarnlegu
orð, sem hér hefur verið beint
til mín og samtímis vildi ég
þakka fyrir allar þær móttök-
Framh. á bls. 17.
Ólafur konungur skoðar Þjóðminjasafnið undir lciðsögn dr.
Kristjáns Eldjárns, þjóðminjavarðar.