Morgunblaðið - 15.09.1961, Blaðsíða 3

Morgunblaðið - 15.09.1961, Blaðsíða 3
Föstudagur 15. sept. 1961 M ort nvis BL AÐIÐ 3 Eldur hjá „Haraldi' DM hálf tvöleytið i gær var slökkviliðið kvatt að verzlun- arhúsi Haraldar Árnasonar við Austurstræti, þar sem Teppi h.f. er til húsa. Hafði kviknað í þakskcggi á kvisti, sem veit út að Austurstræti, og sviðnaði þakskeggið. Neon- ljós eru á framhlið hússins og kviknaði í út frá þeim. — Slökkviliðsmenn rj,fu eina plötu af þakinu og sprautuðu þar inn, en eldurinn náði ekki að komast í þakið. Flaggstöng, sem trónaði efst á kvistinum, brann nokkuð að neðan, og fjarlægðu slökkviliðsmenn hana til þess að hún félli ekki á gangstéttina. Var myndin tekin, er flaggstöngin var fjar lægð. — Loftur Erlendsson, slökkviliðsmaður, hefur náð taki á stönginni. (Ljósm. Mbl.: Ól. K. M.). 9% Sólveig hefur fengið nokkra sjón Nýtur nú talkennslu i Boston SAMKVÆMT einkaskeyti, sem Morgunblaðinu barst í gær frá AP, hefur Sólveig litla Jónsdóttir fengið nokkra sjón, og vonir standa til að hægt verði að kenna henni að tala, þótt heyrnarleysi hennar muni sennilega ekki hægt að lækna. Eins og menn minnast, var Sólveig, sem er sex ára, send vestur um haf í síðustu viku á vegum Moore aðmíráls á Keflavíkurflugvelli og konu hans, en Sólveig hefur verið daufdumb og blind frá fæðingu. Fór hún fyrst í sjúkrahús bandaríska flotans í Bethesda í Maryland, þar sem hún var rannsökuð af þekktum sérfræð- ingum. í ljós kom, að hún mun vera algerlega heyrnarlaus, og sjónskyn hennar er takmarkað vegna meðfæddra skýja á aug- um. Dr. Thomas D. Cone,' sem er augnasérfræðingur sjúkra- hússins, tókst að gera handa henni plastgler, sem veita henni nokkra sjón. Þar sem læknunum bar sam- an um, að Sólveig hefði góða möguleika til þess að læra að tala, var hún send á miðviku- dag í flotaflugvél frá Bethesda til Boston, í hinn heimsfræga Perkins-skóla. Þar verður sjón hennar þjálfuð og þess freistað að kenna henni að tala. Kenn- arar við skólann segja, að Sól- veig sé „óvenjulega vel gefin og hafi mjög tilfinninganæmar hendur“. Ætti því talkennslan<$^- að geta gengið vel, því að hvort tveggja er nauðsynlegt við talkennsluna. Bryndís Víg- lundsdóttir, kennari við Málleys ingjaskólann í Reykjavík, fylgdi Sólveigu til Boston. Landsfundur barnaverndar- félaga i LANDSFUNDUR barnaverndar- félaganna verður settur, að Frí- kirkjuvegi 11 á föstudaginn kl. 10 f. h. Á fundinum verða rædd ýmis barnaverndar- og æsku- lýðsmál. Athygli skal vakin á eftirfárandi erindum, og er á- hugafólki um uppeldismál heim ill aðgangur, meðan húsrúm leyfir: Sigurjón Björnsson sálfræðing ur flytur erindi um Geðvernd barna, kl. 11 á föstudag. Sama dag kl. 2 e. h. flytur Ingibjörg Stephensen erindi um talkennslu á íslandi. Á laugardaginn kl. 10 árdegis flytur María Finnsdótt- ir erindi um vandamál imgra stúlkna. Öll verða þessi erindi flutt í fundarsal templara, Frí- kirkjuvegi 11. Sérstök athygli skal vakin á fyrirlestri Jóhanns Hannessonar skólameistara: Skólakerfi og þjóðfélag, sem fluttur verður í hátíðasal Háskóla íslands á föstu dagskvöldið kl. 8,30. Þessi mynd var tekln í flugvélinni, sem flutti Sólveigu litlu vestur um haf. -------- Bryndís Víglundsdóttir, kennari í Málleysingjaskólanum, situr með Sólveigu, en til vinstri er W. Rr. Jones, læknir, yfirmaður sjúkrahúss varnarliðsins á Keflavíkurflugvelli. Sannleikurinn um ,Strompleik‘ VEGNA margvíslegra og stundum harla iausmálla um- ræðna í blöðum og manna á meðal um efnið í „Strompleik“ Halldórs Laxness, sem Þjóð- leikhúsið er nú að æfa, vill Morgunblaðið skýra stuttlega frá efni hans Og persónum, ef þeim yrði hughægara sem átt háfa svefnlausar nætur út af þessu mikla leyndarmáli. „Strompleikur" er farsi með alvarlegum undirtóni. Hann fjallar um hégómann og blekk ingarnar sem tröllríða þjóð- félagi nútímans og koma eink- um fram í alls kyns tildri og eftirsókn eftir frægð, sem er í senn innantóm og óverðskuld uð. Höfuðpersónur leiksins eru mæðgur, kona og dóttir látins kaupmanns. Móðirin er útblás- in af stórkostlegum hugmynd- um um dóttur sína og hefur ákveðið að gera hana heims- fræga söngstjörnu, Dóttirin býr raunar yfir miklu meira en stórkostlegri rödd, að áliti - móður sinnar, því hún hefur ekki aðeins útlit heldur líka sálardýpt til að vera kvik- myndastjarna, segir mamman. Þriðja persónan er söng- kennari, sem hefur það verk- efni að gera dótturina heims- fræga. Þá koma við sögu tveir kaupmenn, skemmtilegur gam all sveitamaður, dularfull karlpersóna, sem lumar á ýmsu, og loks unnusti dóttur- innar sem er bæði sjómaður og barnakennari. Leikurinn er í 3 þáttum og 4 myndum. Fyrsti og þriðji þáttur fara fram á heimili » mæðgnanna, en tvö atriði ann ars þáttar á flugstöð og í vöru- skemmu. Leikurinn er víst mjög skemmtilegur, en jafnframt hörð þjóðfélagsádeila, eins og vænta mátti. Og ættu menn nú að geta sofið rólegir fram að frum- sýningu. 8TAKSTEII\EAH Vaxtahækkunin tryggði jafnvægi Allir íslendingar kannast sjálf* sagt við þann áróður stjórnar- andstöðunnar, að með nokkurri lækkun útlánsvaxta hefði verið hægt „að leysa allan vanda“, sem leiddi af kauphækkununum á sl. vori. Að þessu atriði er nokkuð vikið í hinni nýju greinargerð ríkisstjórnarinnar um efnahags- málin, og þar segir m.a.: „Sú hækkun vaxta. sem fram- kvæmd var í ársbyrjun 1960, hef- ur átt mikinn þátt í því jafnvægi, sem náðst hefur í peningamálum og þar með í efnahagslífinu öllu. Þetta var tilgangur hækkunar- innar og var því mögulegt að lækkanir munu síðan geta átt sér stað eftir því sem öruggara jafn- vægi næst, en sérhver truflun á jafnvæginu tefur fyrir lækkun- um. Af þessu sést á hve algerum misskilningi þar er byggt, að Iækkun vaxta geti dregið úr áhrif um kauphækkana á efnahagslífið. Vaxtalækkim hefur sömu áhrif og kauphækkun, þ. e. a. s. aukna eftirspurn eftir vörum og þjón- ustu. Með því að lækka vexti í kjölfar kauphækkunar myndi því vera aukið við áhrif kauphækk- unar á efnahagslífið í stað þess að draga úr þeim.“ Samtök almennings misnotuð I ræðu, sem Bjarni Benedikts- son forsætisráðherra hélt um síð- ustu helgi á héraðsmóti sjálfstæð ismanna á Blönduósi, ræddi hann nokkuð um hina nánu samstöðu framsóknarmanna og kommún- ista og vakti athygli á þeirri stað- reynd, að kommúnistar róa að því öllum árum að koma Iýð- ræðisskipulag- inu fyrir kattar- nef. Síðan sagði hann: „Engu að síður sameinast Fram sókn og kommún istar nú um að misrrota samtök verkalýðsfélög og samvinnufélög, £ stjórnmálabar- áttunni. Þessi félög eru þó ætluð fyrir menn af öllum stjórnmáia- flokkum. Þvílík misbeiting þeirra er jafnhættuleg fyrir félögin sjálf og þjóðfélagið allt. Nú er hótað með því að afli þessara samtaka skuli verða beitt til þess að gera lögiegar ákvarðanir ríkisstjórnar °g Alþingis að engu. Þar með er baráttan orðin um það, hvort lög, réjtur og iýðræði eigi að ríkja í landinu.“ Endurbætur veg;na almennings Gunnar Thoroddsen fjármála- ráðherra ritar grein í Vísi í fyrra- dag, þar sem hann ræðir nokkuð hinar fyrirhuguðu breytingar á skattalöggjöfinrri. „En hvers vegna eru endurbæt ur í skattamálum atvinnulífsins nauðsynlegar?“ spyr ráðherrann. „Því er fljótsvarað. Það er ekki vegna einhverra „auðkýf- inga“, heldur vegna almennings í landinru. Þeir skattar, sem. at- vinnureksturinn hefur orðið við að búa, eru að dómi allra hlut- Iausra og sérfróðra manna með þeim hætti, að þeir lama atvinnu fyrirtækin, draga úr eðlilegri endurnýjun og aukningu véia, tækja og húsa, minnka afköstin og draga þar með úr þjóðartekj- unum. Þess vegna kemur minna til skiptanna milli landsins barna, þess vegna kemur minna í hlut. Velmegun almennings veltur á blómlegu atvinnulífi. Umbætur í skattamálum atvinnulífsins eru hagsmunamál og kjarabót fvrir allan almenning". almennings,

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.