Morgunblaðið - 21.09.1961, Blaðsíða 11

Fimmtudagur 21. sept. 1961
MORGVNBLAÐIÐ
II
Valgeir Þ. Kristjánsson
F Y RI R rúmum tveim vikum
bitti ég hann Geira Kristjáns,
en svo var hann ætíð kallaður,
á Laugaveginum. Við vorum
báðir á hraðri ferð og töluðumst
því stutt við. Hann var glaður
og hress og viðmótið ástúðlegt
að vanda. Frá þessum skamma
fundi fór ég svolítið léttari í
spori og lund og þeir munu
margir, sem hafa sömu sögu að
segja af viðkynningu sinni við
þennan sérstæða manna. í dag
verður hann borinn til moldar
og það munu margir sakna
hans. Hér á landi eigum við
ekki svo ýkja marga er hafa
hlotið náðargjöf glaðrar lundar
og hæfileikann til að veita öðr-
um hlutdeild í henni. Hið langa
skammdegi hefur löngum þrúg-
að okkur niður, á dimmum
dögum hreykja allir erfiðleikar
sér hátt. Því er það að við
viljum njóta slíkra manna, sem
lengst. Því miður tókst ekki
þannig til með Valgeir en fyrir
það, sem við nutum, ber okkur
að þakka.
Valgeir Þorbjörn Kristjánsson
var fæddur að Dalsmynni í
Eyjahreppi þann 7. ágúst árið
1900. Foreldrar hans voru þau
hjónin Guðný Guðnadóttir og
Kristján Eggertsson. Þau bjuggu
í Dalsmynni til ársins 1923,
fluttust þá til Reykjavíkur og
eru nú bæði dáin. Systkini Val-
geirs heitins eru þau Eggert,
stórkaupmaður i Reykjavík, og
Lóa, gift Friðsteini Jónssyni,
bryta. í Dalsmynni var mikið
fyrirmyndarheimili og nutu
þau systkini mikils ástrikis í
uppvexti, ekki sízt Valgeir,
enda átti hann við töluverða
vanheilsu að stríða fram á
fullorðinsár.
Það fór snemma að bera á
því hjá honum að hugur hans
stóð ekki til búskapar eða
slíkra starfa. Hann lék sér að
pjötlum og saumadóti og lán
hans var að foreldrar hans
skildu þessa hneigð. Strax eftir
fermingu var hann sendur suð-
ur til Reykjavíkur og nam
klæðskeraiðn hjá G. Bjarnason
& Fjeldsted. Við þessa iðn
starfaði hann, svo að segja ó-
slitið, til æviloka og eg held að
það sé á engan hallað þó eg
fullyrði að fáir hafi staðið hon-
um þar á sporði. Hann hafði
sj álf stæðan atvinnurekstur f rá
árinu 1925 og þó að hann gengi
á stundum dálítið skrykkjótt gat
enginn sett út á handbragð
hans og margir viðskiptavinir
héldu við hann órofa tryggð til
eeviloka.
Árið 1924 giftist Valgeir fyrri
konu sinni, Kristínu Benedikts-
dóttur. Með henni eignaðist
hann 4 böm, Egil, Þorbjörgu,
Kristján og Guðnýju. Þau hjón
báru eigi gæfu til samlyndis og
slitu samvistum. Árið 1942 gift-
ist hann í annað sinn Unni Run
ólfsdóttur og með henni eignað-
ist hann einnig 4 böm, Birnu,
Víði, Guðrúnu og Auði. Þessi
kona reyndist honum tryggur og
ástríkur lífsförunautur og öllum
börnum hans, sönn móðir. Veit
eg að Valgeir taldi hana sína
mestu gæfu. Sjálfur var hann
börnum sínum góður og holl-
ráður faðir og vildi gera gæfu
þeirra sem mesta. Þetta er í
stórum dráttum æviferill Val-
geirs, þau atriði, sem skráð hafa
verið í heimildir. En þau segja
ekki söguna hálfa. Hvergi er
getið um góðvild þess manns
er ætíð vildi greiða götu þeirra
er minna máttu sín. Þau segja
heldur ekki , frá æðruleysi
manns, er oft átti við vanheilsu
að búa og þröngan fjárhag en
ftldrei flíkaði því. Ekkert orð
«m fágaða framkomu, snyrti-
mennsku og glaða lund. Valgeir
heitinn var ætíð velkominn á
vinafund, þar var hann hrókur
ells fagnaðar, léttur í máli en
laus við niðrandi ummæli, lagði
fáum til vamms en flestum til
góðs. Það mun þeim er þekktu
hann minnisstæðast og því frá-
klæðskerameistari
sagnarvert.
Milli foreldra okkar Valgeirs
voru náin tengsl skyldleika og
vináttu. Þar var yfir mikil birta
og bar aldrei skugga á. Það er
einnig bjart yfir minningu Val-
geirs og hans þætti í þeirri
mynd. Ég og mín skyldmenni
viljum þakka honum fyrir þá
birtu og vonumst til að hún
eigi eftir að fylgja honum á
ókunnum leiðum. Fjölskyldu
hans og ættmennum viljum við
votta hluttekningu okkar og
samúð.
Gísli frá Tröð.
F. 7. ágúst 1900, d. 10 sept. 1961
HANN Valgeir er dáinn, mig
setti hljóðan, er frétti að þú
værir dáinn, kæri vinur. Og er
ég ekki búinn að átta mig á
því enn, að alúðlegt bros þi*t
sé slokknað og horfið augum
okkar, sem eftir lifum. Að við
eigum nú ekki lengur að verða
aðnjótandi hlýleika persónuleika
þíns, né mæta elskulegri fram-
komu þinni, sem þú sýndir öll-
um sem þú hittir á lífsleið
þinni.
Ég var svo lánsamur, góði
vinur, að kynnast þér árið 1936
og eignast þá vináttu þína og
eiga hana óslitið síðan. En nú
er hérvist þín öll, en þú ert
ekki allur, heldur ertu horfinn
oss um stund, farinn til bjartari
heimkynna á fund frelsara vors,
sem þú trúðir á af hreinleika
hjarta þíns. Én góðum dreng
sem þér er hans náðarfaðmur
opinn, og „það er huggun harmi
gegn“ að vita að þar mun þér
ljúft að dvelja, og „meira að
starfa Guðs um geim“.
Um leið og ég kveð þig,
hinztu kveðju, vil ég votta konu
þinni, Unni Rimólfsdóttur, og
börnum þínum fyllstu samúð
mína og aðstandendum öllum.
Vertu sæll og Guði falinn.
Hákon Guðmundsson.
Skr if stof ustú I ka
óskast hálfan daginn. — Tilboð sendist atgr. Morg-
unblaðsins fyrir 27. þ.m. merkt: „147“.
Trípolíbíó til sölu
Húseign Tónlistarfélagsins við Melaveg ('l’rípolíbíó)
er til sölu og flutnings. Húsið á að flytjast fyrir
áramót. Tilboð óskast send til Trípolibíós Box 186
Reykjavík. Og verða þá nánari upplýsingar gefnar.
Börn
vantar til blaðburðar í eftirtalin hverfi
LYIVGHAGA
KVISTHAGA

Með vaxandi samskiptum við aðrar þjóðir verður
málakunnátta íslendingum æ nauðsynlegri með hverju
ári, sem líður. Auk þess opnar hún líka mönnum sýn
inn í nýjan og framandi heim, sem býr yfir óþekktum
töfrum. Þetta vita allir, sem hafa lært mál.
Þeir sem kunna bara móðurmál sitt geta síður fylgst
með því, sem er að gerast í viðskiptum og verklegum
framkvæmdum, listum og vísindum. Ósjaldan er klifað á
því hve mikil menningarþjóð við íslendingar séum, en
getum við með réttu talizt það fyrr en hver fulltíða
maður á landinu kann að minnsta kosti eitt erlent
tungumál.
ísland er ekki lengur einangrað. Það er komið í þjóð-
braut. Fylgist með tímanum og lærið talmál erlendra
þjóða í fámennum flokkum.
Auk flokka fyrir fullorðna, eru sérstök námskeið fyrir
börn.
Innritun daglega frá 5—7 i síma 3-78-08.
Málaskóli
Halldórs Þorsteínssonar
Skiilstofuheibergi
á bezta stað í Miðbænum fást leigð nú begar. Her*
bergin eru f jögur og fást leigð eitt eða fleiri saman.
Upplýsingar í síma 2-40-49.
Vélritun
Verzlunarfyrirtæki í Reykjavík óskar eftir að ráða
vélritunarstúlku á skrifstofu sína nú þegar eða 1.
október n.k. — Kunnátta 1 ensku nauðsynleg. —
Gott kaup. — Umsóknir sendist afgr. Mbl. fyrir 23.
sept. n.k. merktar: „Vélritun — 5855“.
Vélritunarstúlka
óskast nú þegar á málflutningsskrifstofu. — Tilboð
merkt: „Lögmenn — 5998“, sendist afgr. Mbl. fyrir
24. þ.m.
FiskbúB
á góðum stað í bænum til sölu. — Upplýsingar í fast-
eignamiðstöðinni, Austurstræti 14, sími 14120.
Ung hjón óska að taka á leigu
2—3fa herb. íbúð
til eins árs. Fyrirframgreiðsla ef óskað er.
Upplýsingar í síma 13143.
3—4 herberg'a
íbúð óskast frá 1, október i ca. 8 mánuði. — Upplýs-
ingar í síma 16719.
3;a herb. íbúð
er til sölu á 1. hæð hússins nr. 61 við Bergþórugötu.
íbúðin er í góðu standi.
MÁLFLUTNINGSSKRIFSTOFA
Vagns E. Jónssonar
Austurstræti 9 — Símar 14400 og 16766
Til sölu vörubíll
Opel—Blitz
með nýlegri vél og sturtum ásamt ýmsum verk-
færum tilheyrandi bílaverkstæði. — Upplýsingar
frá kl. 1 í dag að Kirkjuvegi 20, Hafnarfirði.
Jóhanna Sæberg, sími 50721
Glæsileg hæð til sölu
í tvíbýlishúsi í Háaleitishverfi. Á hæðinni eru 6
herb., eldhús, bað, skáli og sér þvottahús. í kjallara
fylgir 1 íbúðarherbergi, geymsla o. fl. Er seld upp-
steypt með járni á þaki eða lengra komin. Bílskúrs-
réttur. Gott fyrirkomulag. Hagstætt verð, ef sainið
er strax.
ÁRNI STEFÁNSSON, hri.,
Málflutningur — Fasteignasala
Suðurgötu 4 — Sími 14314