Morgunblaðið - 19.12.1961, Side 2
2
MORGVNBLAÐIÐ
Þriðjudagur 19. des. 1961
Útgerð Brimness
Greinagerð frd Axel Kristjdnssyni
V E G N A skrifa dagblaðanna
Þjóðviljans og Tímans fimmtu-
daginn 14. desember sl., um út-
gerð mína á togaranum Brim-
nes á árunum 1959 og 1960,
leyfi ég mér að biðja blað yðar
fyrir eftirfarandi:
Framangreind blöð byggja
skrif sín á athugasemdum yfir-
skoðunarmanna ríkisreikning-
anna, en þær er að finna í
ríkisreikningunum fyrir árið
1960, bls. 238—241.
Þar sem þarna er ekki farið
allskostar rétt með staðreyndir,
auk þess sem framangreind
blöð hafa leyft sér að hagræða
athugasemdum yfirskoðunar-
manna á þann hátt sem þeim
hefur þótt henta, vildi ég á
þessu stigi málsins láta þetta
koma fram.
Ég tók við Brimnesi rétt fyr-
ir miðjan apríl 1959 og skilaði
þvi rétt fyrir miðjan júní 1960,
auk þess voru ýmsir snúningar
í sambandi við útgerðina eftir
að skipinu var lagt hér í höfn-
ina í Reykjavík í byrjun júní
1960, og hef ég því talið að af-
skipti min af Brimnesi hafi
staðið yfir í 15 mánuðL
Strax eftir að skipinu hafði
verið lagt lét ég hefja samn-
ingu bráðabirgðayfirlits um
rekstur skipsins. Vegna sumar-
leyfa (þó ekki sumarleyfis mins)
og tafa sem allir kannast við
hér um þetta leyti árs, gekk
þetta ekki eins greitt og æski-
legt hefði verið.
Bráðabirgða rekstrar- og
efnahagsreikningur fyrir tíma-
bilið 21. maí 1959 til 31. júlí
1960 var afhent fulltrúa ráðu-
neytisins, Jóni Sigurðssyni, 1.
ágúst 1960, og honum tjáð að
endanlegt uppgjör yrði afhent
strax og tök væru á, en eins og
hann vissi var þá enn ósamið
um björgunarlaun m.a. Jón taldi
nauðsynlegt að hraða uppgjöri
sem mest og var því lofað.
Fyrstu daga ágústmánaðar
fór ég burt úr bænum í 5 daga.
Er ég kom aftur var mér tjáð
að bókhald Brimness hefði, að
mér fjarstöddum og án þess að
samband hefði verið við mig
haft þar um, verið flutt í ríkis-
endurskoðun samkvæmt kröfu
Jóns Sigurðssonar og þar með
komið í veg fyrir að ég gæti
látið ganga frá bókhaldinu eins
og mér bar. Ég hef enn ekki
fengið skýringu á hversvegna
þessi óeðlilega aðferð var við-
höfð. '
Var mér nú tjáð að nefnd
hefði verið skipuð til þess að
sjá um uppgjör útgerðar Brim-
ness. Næst gerðist það í októ-
ber 1960 að mér er afhent
skýrsla um endurskoðun á bók-
haldi bv. Brimnes þann tíma
sem ég sá um rekstur þess 1959
og 1960. Ég var þá á förum er-
lendis, en samdi þó í flýti svör
við þeim atriðum sem ég gat í
flýti svarað og afhenti Jóni Sig-
urðssyni.
Upp úr áramótum 1960—61
varð ég þess áskynja að skila-
nefnd hefði sent skýrslu til fjár-
málaráðuneytisins. Átti ég þá
tal við Jón Sigurðsson og spurð
ist fyrir um hvað þessum mál-
um liði, skýrði hann mér frá
nefndri skýrslu og jafnframt að
svör mín hefðu verið ófullnægj-
andi í ýmsum atriðum. Bað ég
þá um afrit af skýrslu skila-
nefndar til fjármálaráðuneytis-
ins til nánari athugunar, en
var neitað um hana. Hinsvegar
skýrði Jón mér frá helztu atrið-
um sem ábótavant var talið.
Varð þetta til þess að ég Hóf
nánari athugun á þessum liðum
og kom þá í ljós ýmis atriði
sem ég skrifaði Jóni Sigurðs-
syni um (bréf 16. maí 1961) og
bað um að leiðrétt yrði. End-
aði ég þetta bréf mitt með ósk
um að nú verði hægt að ganga
endanlega frá málinu og að ef
enn sé fyllri upplýsinga óskað
þá sé strax haft samband við
mig þar um.
Framh. á bls. 13.
Bretarnir þrír á City Hótel á sunnudaginn. Taylor skipstjóri er í miðið. (Ljósm. Sv. Þormóðss.
1 „Erum þakklátir fyrir náöunina"
Bretarnir þrír heldu Heimleiðis í gær
BRETARNIR þrír, sem náð-
aðir voru á dögunum, héldu
heimleiðis gærmorgun, en
svo sem kunnugt er voru þeir
dæmdir í tveggja mánaða
fangelsi fyrir árás á islenzkan
lögregluþjón 3. desember.
— Við erum mjög' þakklátir
forseta íslands fyrir að hafa
náðað okkur þannig að við
getum verið heima um jólin,
sagði Richard Taylor skip-
stjóri, er fréttamaður Mbl.
hitti hann að máli á City
Hótel á sunnudaginn, en þar
'hafa Bretamir búið síðan þeir
komu frá Litla-Hrauni á
laugardaginn.
— >að var ekki farið illa
með okkur í fangelsinu. Eftir
þrjá daiga vorum við látnir
fara að vinna við landbúnað-
arstörf. Það var nokkuð erfið
vinna, en við erum svo sem
vanir erfiðinu af sjónum. Mat-
urinn var kjarnmikill og við
fengum nóg af honum, en
þetta var samt ekki veizlu-
matur.
— Við vissum ekki annað
en að við þyrftum að sitja af
okkur þessa tvo mánuði, og
fréttin um náðunina kom okk-
ur þægilega á óvart.
— Ég er giftur og á þrjú
börn, Manning háseti er einn-
ig giftur og á eitt barn ec
Celey háseti er ókvæntur. Við
erum forsetanum allir mjög
þakklátir fyrir að hafa gert
okkur kleift að dveljast með
fjölskyldum okkar um jólin,
sagði Taylor skipstjóri að lok-
um.
Á laugardagskvöldið snæddu
Bretamir þrír máltíð í Nausti
og skoðuðu bæinn og jólaös-
ina í verzlununum. Þeir héldu
heim flugleiðis í gærmorgun.
— Indverjar
Framh. af bls. 1.
faranótt mánudags og tilkynntu
Indverjar strax að þeim yrði vel
ágengt. Náðu þeir þegar nokkr-
um borguan og þorpum á sitt
vald, gerðu loftárásir á flugvelli
í Goa og sendu herskip til að loka
höfnunum. Segjast þeir hafa
sökkt tveim hersnekkjum Portú-
gala og eyðilagt flugvöllinn í
Panjim. Þá segja Indverjar að
það eina, sem hafi tafið sóknina
í upþhafi, hafi verið jarðsprengj
ur Portúgala. Indverjar halda
því. fraim að herir þeirra hafi
lagt undir sig portúgölsku nýlend
urnar Daman og Diu, sem eru á
vesturströnd Indlands fyrir norð
an Bombay, en herstjórnin í Goa
neitar þessu.
Indversika herstjómin til-
kynnti í dag að her hennar hafi
fellt 7 portúgaiska hermenn og
tekið 30 til fanga. Eru þetta einu
tölurnar, sem birtar hafa verið
um mannfall vegna innrásarinn
ar. En í óistaðfestum fréttum frá 1
Indlandi er sagt að mannfall hafi
verið mikið á báða bóga.
Indverski herinn á nú eftir að
sækja fram í gegnum frumskóg,
sem er mjög erfiður yfirferðar,
til að komast að höfuðborginni.
Hafa Portúgalar sprengt allar
brýr og lagt jarðsprengjur á
stór svæði. Talið er að portú-
galski herinn hafi komið sér fyr-
ir í skotgröfum skammt frá höf-
uðborginni.
Indverska útvarpið skýrði frá
því í dag að portúgalski herinn
hafi lagt borgina Bioholim í
rúst áður en hann yfirgaf hana
og muni þeir taka upp þá reglu
annars staðar í Goa.
EKKI ANNARS ÚRKOSTA
Talsmaður utanrikisráðuneyt-
isins í Nýju Delhi sagði i dag að
Indverjar hafi ekki ákveðið inn-
rásina í Goa fyrr en augljóst var
að Portúgalar vildu aðeins setj-
ast að samningaborði á þeim
grundvelli að Goa, Daman og
I Z*' NA /5 hnúfar\H SnjóAcma
[ / SVS0hnúlor\ * ÚSiQm
V Siúrir
K Þrumur
KuUoM
Hitaskr!
H Hm$
L Lsú.
Höfundarnafn
féll niður
SL. laugardag birtist í blaðinu
grein undir fyrirsögninni „Tvær
bamabækur", eftir Ármann Kr.
Einarsson. Þau mistök urðu að
nafn höfundar féll niður, en
höfundur er Stefán Jónsson,
námsstjóri. Blaðið biður vel-
Virðingar á þessum mistökum.
1 G Æ R var mjög djúp og
nærri kyrrstæð lægð skammt
norðaustur af Nýfundna-
landi, en mikil hæð yfir
Norðursjó og Vestur-Evrópu.
Hlýtt og rakt loft er komið
hér inn yfir landið, en nær
ekki til Norðausturlands,
eins og sjá má á kortinu. í
Vestur-Evrópu og á Englandi
er mjög léttskýjað og stillt
veður og nokkuð frost, en
vestast á írlandi er sama
hlýja loftið og hér suðvestan
lands. Engar horfur eru á
snöggum veðurbreytingum
hér á landi.
Diu lytu áfram portúgalskri
stjórn. Nehru forsætisráðherra
flutti ávarp í tilefni innrásarinn-
ar og sagði m. a.: Við höfum lagt
út í þennan hernað í Goa vegna
þess að við áttum ekki annars
úrkosta að okkar dómi. Það er
okkur engin ánægja að fara með
hemað, en Portúgalar gáfu okk-
ur ekki kost á öðru. Eg vona að
þessu verði brátt lokið svo íbú-
arnir í Goa geti lifað friðsömu
og frjálsu lífi.“ Sagði Nehru að
hann óskaði þess að Portúgalar
kæmust einnig í Angola að þvi
að nýlendustefnan gamla ætti
ekki lengur rétt á sér.
f fregnum frá Portúgal er sagt
að faerinn í Goa hafi varizt hraust
lega þrátt fyrir ofurefli Ind-
verja á landi, sjó og í lofti. Ut-
anríkisráðherra Portúgals krafð-
ist þess að Öryggisráð SÞ yrði
tafarlaust kallað saman til að
ræða ástandið í Goa. Og sendi-
herra PortúgaLs í Washington
skýrði frá því að í loftárás Ind-
verja á flugvöll í Goa hafi fjöldi
kvenna og barna, sem verið var
að flytja burt, verið drepinn.
RÚSSAR MÓTMÆLTU
Öryggisráðið kom svo saman
í kvöld. Valerian Zorin aðalfull-
trúi Sovétríkjanna mótmælti því
að Goa-málið yrði tekið til um-
ræðu í Örygigisiáðinu og sagði
að innrásin væri algjört innan-
ríkismál Indlands. gamiþykkti
ráðið þó með 7 atkvæðum gegn
2 að taka málið til umræðu.
Sovétríkin og Ceylon greiddu at-
kvæði gegn umræðuim, en
Lfbería og Arabisika Sambands-
lýðveldið sátu hjá.
Vasco Garin fulltrúi Portúgala
hjá SÞ óskaði eftir að fá að mæta
á fundi Öryggisráðsins, en hvorki
Portúgal né Indland eiga fulltrúa
í ráðinu. Var samþykt að bæði
ríkin sendu fulltrúa á fundinn.
Garin sagði í ræðu sinni á
fundinum að innrás Indverja
væri freklegt brot á réttindum
Portúgals og á sáttméla Samein-
uðu þjóðanna. Bauð hann SÞ að
senda eftirlitsnefnd til Goa til
að rannsaka ástandið þar og
semja um brottflutning ind-
verska hersins úr nýlendum
Portúgala. Bað hann Öryggisráð-
ið að fordæma innrásina og
vinna að þvi að koma á vopna-
hléi.
Fulltrúi Indverja sagði það
vogað af fulltrúa Portúgal að
þora að nefna sáttmála SÞ þar
sem Portúgalar hafi frá upphafi
virt þann sáttmála að vettugi.
Sagði hann að aðgerðirnar beind-
ust að því að útrýma síðustu
sporum nýlendustefnunnar hvað
sem Öryggisráðið eða sáttmáli
SÞ segði.
Fulltrúi Bandaríkjanna, Adlal
Stevenson sagði að árás Indverja
væri augljóst brot á sáttmála
SÞ og harmaði hann að Indverj-
ar skuli hafa tekið þessa ákvörð-
un þrátt fyrir áskoranir SÞ og
Bandaríkjanna um að reyna að
ná samkomulagi á friðeamleg-
an hátt.
MÓTMÆLI
Yfirleitt hafa aðgerðir Ind-
verja mætt gagnrýni um al'.an
heirn. Fjögur ríki, Sovétríkin,
Arabíska Samibandslýðveldið,
Indókína og Afghanistan, hafa
þó lýst fylgi sínu við aðgerðirn.
Utanríkisráðuneytið í Pakistan
segir að árásin varpi nýju Ijósl
á yfirlýsta friðarstefnu Indlands,
frelsishyggju og lýðræðishættL
Sagði talsmaður ráðuneytisins að
árásin sannaði að Indverjar væra
enn árásaiþjóð. Hann sagði að
Pakistan kysi beldur að leysa
vandamál sín með samningum
og að í hvert skipti, sem aðildar-
ríki að SÞ leysti ágreining við
annað ríki með valdbeitingu,
kastaði það rýrð á gildi samtak-
anna.
Óháðu blöðin í Hong Kong
lýstu í dag ótta sínum yfir því
að ef innrás Indverja í Goa
heppnaðist gæti hún orðið til
þess að Kínverjar beittu valdi
til að innlima Hong Kong og
Formósu. Segja blöðin að Ind-
verjar haldi þvá fram að Goa og
Indland séu órjúfanleg heild. Á
sama hátt geti Kínverjar bent
á að Hong Kong, Macao og For-
mósa séu hlutar af Kina.