Morgunblaðið - 13.05.1962, Blaðsíða 3
SunnacTagur 13. maí 1ÍH52
3
MORCijynriiÐiÐ ^
\ Baseball er þjóðaríþrótt
Bandaríkjanna og eitt þekkt-
asta liðið er Dodges, sem nú
eru til heimilis í Los Angel-
es. Mynd þessi var tekin úr
lofti af leikvangi Dodges með
an keppni fór þar fram. Um
52.000 áhorfendur voru mætt
ir en allt umhverfis leikvang
inn sjást bifreiðir áhorfenda,
og munu þær hafa verið um
13.000. (Nr. 8225). _____
Síðastliðinn laugardag var
efnt til mikillar flugsýningar
við Riverside í Kaliforníu. —
Meðal sýningaratriða var það
að flugmaðurinn Cliff Winters
flaug Fairchild PY-19 vél
sinni á fullri ferð gegnum hús,
eins og myndin sýnir. Flug-
vélin eyðilagðist að sjálf-
sögðu, en flugmaðurinn slapp
ómeiddur. (Nr. 8227).
Verið er að þrífa Empire
State bygginguna í New York,
hæsta hús heims, og sjást hér
tveir þeirra manna er að því
vinna. Eru þeir þarna á vinnu
palli við 71. hæð. Þetta er í
fyrsta skipti, sem húsið er
hreinsað að utan frá því
smíði þess lauk 1931. Ekki má
vinna við efstu hæðirnar fyrr
en í júlí vegna hættu, sem
mönnunum stafar af roki svo
háitt uppi. Þrífa þarf 6.500
glugga og hreinsa ryðfría stál
teina, sem teigja sig upp eftir
hliðum hússins i nærri 450
metra hæð. Notaðir verða um
12.000 lítrar af hreinsi- og
þéttiefni og um 1.000 litrar
af málningu. (Nr. 8224).
3. sunnudagur eftir páska
Hjarta yðar
mun fagna
Eftir sr. JóncLS Gíslason, Vík í Mýrdal
„Innan skamms sjáið þér mlg
ekki, og aftur innan skamms mun
uð þér sjá mig Þá sögðu nokkrir
af lærisveinum hans hver við ann-
an: Hvað er þetta, sem hann segir
við oss: „Innan skamms sjáið þér
mig ekki, og aftur innan skamms
munuð þér sjá mig!" og: „Eg fer
til föðurins?" Þeir sögðu því:
Hvað er það, sem hann er að
segja: .Innan skamms?“ Vér skilj
um ekki, hvað hann er að tala.
Jesús varð þess var, að þeir
vildu spyrja hann, og hann sagði
við þá: Þér spyrjist á um það, að
ég sagði: Innan skamms sjáið þér
mig ekki, og aftur innan skamms
munuð þér sjá mig. Sannlega,
sannlega segi ég yður: f>ér mun-
uð gráta og kveina, en heimurinn
mun fagna. í>ér munuð verða
hryggir, en hryggð yðar mun
snúast í fögnuð. Þegar konan el-
tu: barn, er hún hrygg í lund,
því að stund hennar er komin.
En þegar hún hefur alið barnið,
minnist hún ekki framar þján-
ingarinnar af gleðinni yfir þvi, að
maður er í heiminn borinn. Eins
eruð þér nö hryggir í lund, en
ég mun sjá yður aftur, og hjarta
yðar mun fagna, og enginn mun
taka fögnuð yðar frá yður. Og á
þeim degi munuð þér ekki spyrja
mig neins."
Jóh. 16, 16—23. , ■
„Tnnan skamms sjáið þér mig
ekki, og aftur innan skamms
munuð þér sjá mig“.
Jesús Kristur átti oft í erfið-
leikum með að klæða boðskap
sinn þeim búningi’ að hann
væri mönnunum auðskilinn.
Það er ekki auðvelt að lýsa
Guði og því, sem honum heyr-
ir til, með mannlegum orðum
og hugtökum. Jafnvel læri-
sveinarnir, sem fylgdu Jesú og
þekktu boðskap hans langbezt,
áttu oft erfitt með að skilja til
fulls það, sem hann var að
reyna að útskýra fyrir þeim.
Þess vegna greip Jesú oft til
þess ráðs að segja dæmisögur
eða nota likingar úr daglegu
lífi af atburðum, sem allir
þekktu vel. Þannig gat hann
oft aukið skilning áheyrenda
sinna á leyndardómum Guðs.
Guðspjallið í dag segir frá
því, er Jesús var að búa læri-
sveina sína undir krossfesting-
una. Hann vissi, að framundan
voru erfiðir dagar, ekki aðeins
fyrir hann sjálfan, sem átti að
ganga gegnum hina ólýsanlegu
kvöl krossfestingarinnar, heldur
einnig fyrir lærisveina hans.
Þeim var erfitt að skilja nauð-
syn krossdauðans. Þeim var
erfitt að skilja, að brottför
hans frá þeim, gæti orðið þeim
til góðs. Hann vissi, að þeir
mundu missa kjarkinn.
Þess vegna tekur hann lík-
inguna af barnsburði.
Fæðing litla barnsins er upp-
fylling sælustu vona foreldr-
anna. Þeir horfa fram til henn-
ar með eftiryæntingu og fögn-
uði, sem þó er blandin nokkr-
um kvíða. Fæðing barnsins
kostar þjáningar og erfiðleika
fyrir móðurina. Hún verður að
þola kvöl, þar til allt er afstað-
ið.
En þegar barnið er fætt,
gleymist fljótt öll þjáningin,
sem fæðingin olli. Við tekur
gleðin og fögnuðurinn yfir
nýja lifinu, sem séð hefur dags-
ins ljós. Stundin er komin, er
óskirnar hafa rætzt.
Þannig var það einnig með
þjáningu og dauða Jesú Krists.
Krossfestingin hlaut að valda
hryggð og vonleysi hjá læri-
sveinunum, meðan hún stóð
yfir, ólýsanlegri kvöl.
En síðar mundu þeir skilja.
Þá gleymdist vonleysið og kvíð-
inn. Þá yrðu þeir aftur fagn-
andi og glaðir. Þá skildu þeir,
að þrátt fyrir allt var brottför
hans þeim. til góðs. Smán og
niðurlæging krossins snerist
upp í sigurhrós upprisunnar.
Þeir höfðu eignazt upprisinn og
lifandi frelsara.
Og Jesús Kristur gaf þeim
fyrirheitið um Andann, sem
leiða mundi þá í allan sann-
leika um sig. Þá fyrst gætu
þeir skilið allt, sem hann hafði
sagt þeim. Þá fyrst gátu þeir
skilið, að allt, sem Guð gerir,
er til góðs og blessunar. Ein-
mitt fyrir krossfestingu og upp-
risu Jesú Krists fæðumst við
inn í náðarhimin Guðs.
Enn í dag erum við menn-
irnir oft álíka skilningssljóir
gagnvart boðskap Jesú Krists
og lærisveinarnir voru forðum.
Við þekkjum að vísu flest
helztu atriðin úr sögu hans og
kunnum ef til vill utan að sum-
ar sögurnar af máttarverkunum
og líknarverkunum, sem hann
vann, meðan hann gekk um á
þessari jörð, íklæddur mann-
legu holdi. Samt er eins og
raunverulegt gildi hans fyrir
okkur hafi ekki enn lokizt upp
fyrir fjölda mörgum.
Við þurfum að skilja gildi
Jesú Krists fyrir okkur. Okkur
er einnig gefinn Heilagur andi,
að hann leiði okkur í allan
sannleikann um frelsarann.
Trúin er ekki fólgin í ein-
hverri lágmarksþekkingu á ytri
sögu Jesú. Trúin er fólgin í
varasamsinningu, sem kemur
ekki^frá hjartanu.
Nei, trúin er sannfæring um
Jesúm Krist sem frelsara okk-
ar frá synd og dauða, lífgjafa,
sem gaf eigið líf okkur til
bjargar. Trúin er fullvissa þess,
að öll velferð okkar er komin
undir því, sem Guð hefur fyrir
okkur gert í honum. Trúin er
traust á þeirri náð, sem Guð
gefur óverðskuldað fyrir Jesúm
Krist.
Með fórnardauða sínum á
krossinum á Golgata fullkomn-
aði Jesús hjálpræðisverk sitt
okkur til handa. Með uppris-
unni vann hann sigur yfir dauð-
anum í okkar stað. Án krossins
gat hann ekki lokið því verki, >
sem Guð hafði sent hann hing-
að til að vinna.
Þannig fæddi hann okkur inn
í himin Guðs með þjáningu
sinni og fórn. Fyrir trúna á
hann eigum við hlutdeild í
allri þeirri náð Guðs, sem hann
kom til að. veita mönnunum. f
trúnni á hann eigum við borg-
araréttinn í ríki himnanna, ei-
líft líf með Guði.
Þess vegna erum við ekki
hrygg- Við eigum fagnaðarefn-
ið mesta, sem mönnum er gefið
á þessari jörð. Hjarta okkar
fyllist gleði og fögnuði yfir náð
og kærleika Guðs. Allt hefur
hann gert yel fyrir okkur af
kærleika sínum.
Þess vegna eru páskarnir
okkur mesta fagnaðarhátíðin.
Þess vegna þökkum við fyrir,
að krossinn var reistur á Gol-
gata. Krossinn er öruggasta
sönnunin um kærleika Guðs til
okkar. Þar var hann fús til að
gefa líf sitt í okkar stað. Þess
vegna er krossinn okkur sigur-
tákn.