Morgunblaðið - 11.11.1963, Blaðsíða 3

Mánudagur 11. nóv. 1963
MORCUNBLAÐIÐ
3
Erient
Duong Van Minta,
hershöfðingí.
Diem, forseti.
fréttayfirlit
HÉR verða raktar í stuttu
máli helztu fréttir, þann
tíma, sem verkfall prent-
ara stóð. í næstu blöðum
birtast nánari frásagnir af
stærstu viðburðunum, þ.
á. m. byltingunni í S-Viet-
nam o. fL
Myndir þær, sem birtast
með frásögnum þessum,
hafa borizt frá AP-frétta-
stofunni. — Stuðzt er við
frásagnir AP- og NTB-
fréttastofanna.
Bylting í S-Vietnam
Saigon, Washington, 1. nóv.
Skömmu eftir hádegi í dag
brauzt út bylting í Saigon,
höfuðborð S-Vietnam. Stóðu
bardagar allan daginn, og
næstu nótt, fram til kl. 4 að
morgni 2. nóvember. Þá hafði
Gia Long-höllin, aðsetursstað-
ur Ngo Dinh Diem, forseta,
verið umkringd.
Það var her landsins, undir
forystu Duong Van Minh,
hershöfðingja, sem uppreisn-
ina gerði. Var Minh í fyrra
skipaður hermálaráðunautur
forsetans, en sú staða er al-
mennt talin valdalítil.
Van Mingh hringdi til for-
setans, áður en bústaður hans
féll í hendur uppreisnarmönn-
um, og bauð honum og bróður
hans, Ngo Dinh Nhu, að þeir
skyldu halda lífi, ef þeir gæfu
sig fram. Þeir höfnuðu boð-
inu.
Bræðurnir komust undan,
en náðust 3 klukkustundum
síðar, og urðu hermenn þeim
að bana. Þeir voru þá hempu-
klæddlr, og höfðust við í
kirkju í Cholon, skammt frá
Saigon.
Byltingarstjórnin segir þá
hafa framið sjálfsmorð, en
fæstir leggja trúnað á það.
Diem lét lífið fyrir byssu-
kúlu, en greinilegt var, að
Nhu hafði verið illa leikinn,
og síðar rekinn í gegn.
Byltingarmenn hafa lofað
frjálsum kosningum innan 6
mánaða. Stjórnir Bretlands,
Bandaríkjanna, Ástralíu, Jap-
an og S-Kóreu hafa tekið upp
stjórnmálasamband við ráða-
mennina nýju, en forsætisráð-
herra bráðabirgðastjórnarinn-
ar er Nguyen Ngoc Tho, fyrr-
um varaforseti Diems.
Nýtt, sovézkt geimfar
Moskvu, 1. nóvember.
Sovétríkin skutu í dag á loft
nýju, ómönnuðu geimfari, sem
sagt er búið sérstökum tækj-
um til að tengja saman geim-
för, eftir að þeim hefur verið
Hermaður stendur yfir ónýtum húsgögnum í höll Diems, forseta, í Saigon, að Iokinni byltingu.
Þannig var umhorfs, eftir sprenginguna miklu í Indianapolis.
Erhard, kanzlari V-Þýzkaiands, kallar um hljóðnema til náma-
mannanna 11, meðan þeir voru enn innilokaðir við Lengede.
komið á braut umhverfis
jörðu. Nokkrum klukkustund-
um eftir að frá þessu hafi ver-
ið skýrt, lýsti Krúsjeff, for-
sætisráðherra, því yfir, að
hann væri hlynntur samstarfi
við Bandaríkin, er miðaði að
því að koma manni til tungls-
ins.
62 farast í sprengingu
ÍUSA
Indianapolis, 1. nóvember.
Skautasýning, sem haldin
var í gærkvöld, fimmtudags-
kvöld, í Indianapölis í Banda-
ríkjunum, endaði í hryllilegu
blóðbaði, er sprenging varð á
sýningarsvæðinu. 62 létu lífið
og 365 særðust.
Það var sýning á „Holiday
on Ice“, sem yfir stóð, og var
komið að lokaatriðinu. Þá
varð allt í einu óskapleg
sprenging, og um 130 sæti
þeyttust í loft upp. Sjónarvott
ar segja, að fólkið hafi flogið
um svæðið eins og fallbyssu-
kúlur. Stór stykki losnuðu af
sviðinu og sentust í áhorfend-
ur.
f fyrstu var ekki vitað um
orsök, en talið er nú víst, að
gasleki hafi valdið sprenging-
unnL
Mesti jarðskjálfti
sögunnar?
Einn mesti jarðskjálfti, sem
um getur, varð í dag í norð-
vesturhluta Ástralíu. Ekki er
vitað um nein dauðsföll, en
mörg hús hrundu til grunna,
og háar byggingar léku á reiði
skjálfi. Starfsmenn háskólans
í Canberra halda því fram, að
aldrei hafi mælzt svo miklar
jarðhræringar fyrr.
Vopnahlé í Alsír
Rabat og Kairó, 4. nóv.
Tilkynnt var í morgun, að
vopnahléð milli Marokkó og
Alsír hefði gengið í gildi ár-
degis í dag, mánudag. Utan-
ríkisráðherra Marokkó, Ah-
med Balafrej, beindi í dag
þeim tilmælum til Bandalags-
ins til einingar í Afríku
(OAU), að efnt yrði til fund-
ar utanríkisráðherra til að
ræða deilur Alsír og Marokkó.
Raddir hafa verið uppi um
það í Marokkó, að rétt sé, að
Sameinuðu þjóðirnar fái mál-
ið til meðferðar.
Hailie Selassie, Eþíópíukeis-
ari, sem reyndi að miðla mál-
um í deilunni fyrir skemmstu,
lýsti því yfir í Kairó í dag, að
hann vonaðist til, að um var-
anlegan frið yrði að ræða milli
ríkjanna.
Atök við Berlín
Berlín, 4. og 5. nóvember.
Til alvarlegra tíðinda dró
við Berlín, er sovézkir gæzlu-
menn hindruðu bandaríska
bílalest í að komast til V-
Berlínar. í lestinni voru marg
ar bifreiðir með hermönnum,
sem voru á leið til heræfinga.
Er langt síðan til slíkra at-
burða hefur komið, og hefur
málið verið litið alvarlegum
augum af ráðamönnum Vest-
urveldanna.
Alls var lestinni haldið rúm
ar 42 stundir, en þá fékk hún
að halda leiðar sinnar. Fyrir-
skipun um, að hún fengi að
halda áfram, var gefin, er frétt
ist um, að Kennedy, Banda-
ríkjaforseti, hefði efnt til
fundar með ráðgjöfum sínum
um málið.
Atburður þessi, sem átti
sér stað við Marienborn, hef-
ur vakið ugg margra ráða-
manna í V-Evrópu um, að
Sovétríkin ætli e. t. v. að
herða kalda stríðið um Berlín.
Sovézku yfirvöldin halda því
fram, að ekki hafi verið farið
að settum reglum, en banda-
rísk heryfirvöld telja, að hér
hafi verið á ferðinni yfirgang-
ur, sem miði að því að koma í
veg fyrir frjálsar samgöngur
við V-Berlín.
Nóbelsverðlaun veitt
Stokkhólmur, 5. nóvember.
í dag, þriðjudag, var út-
hlutað Nóbelsverðlaunum í
eðlis- og efnafræði. Verðlaun-
in í eðlisfræði skiptust milli
Eugen Wigners, prófessors við
Princeton-háskóla í USA,
Maríu Göppert Mayer, prófess
ors við Kaliforníu-háskóla, og
Hans D. Jensen, prófessors
við Heidelberg-háskóla í V-
Þýzkalandi.
Efnafræðiverðlaunin skipt-
ust milli Karl Zieglers, pró-
fessors við Max Planck-stofn-
unina í Ruhr í V-Þýzkalandi,
og Giulpo Natta, prófessors
við háskólann í Mílanó, Ítalíu.
Wennerström minnislaus
Stig Wennerström, ofursti,
sem situr nú í haldi, sakaður
um víðtækar njósnir í þágu