Morgunblaðið - 13.11.1963, Blaðsíða 1

Morgunblaðið - 13.11.1963, Blaðsíða 1
32 siður atnJWte>í> 50 árgangur 242. tbl. — Miðvikudagur 13. nóvember 1963 Prentsmiðja Morsunblaðsins Olaíur Thors senir öí sér embætti lorsætisráðherra Tekur sér hvíld frá störfum að læknisráði Bjarna Benediktssyni formanni Sjálfstæðisflokksins verður falin myndun nýrrar ríkisstjórnar ÓLAFUR THORS forsætisráðherra gaf í gærkvöldi út tilkynningu um það, að hann hefði ákveðið að biðjast lausnar frá embætti sínu. Hafa læknar hans ráðlagt honum að taka sér algera hvíld frá störfum í nokkra mánuði. Tilkynning sú sem forsætisráðherra birti um þetta í gærkvöldi er svohljóðandi: „Læknar mínir hafa tjáð mér að mér sé nauðsynlegt að taka mér al- gera hvíld frá störfum í nokkra mánuði. Ég get því ekki unnið að lausn hinna ýmsu vandamála, sem framundan bíða. Haustið 1961 stóð svipað á fyrir mér. Tók ég mér þá hvíld frá störfum í þrjá mánuði. Ég tel ekki rétt að hafa sama hátt á nú og hef því ákveðið að biðjast lausnar frá embætti mínu. Reykjavík, 12. nóv. 1963 Ólafur Thors." Samtal við forsætisráðherra Morgunblaðið átti stutt samtal við Ólaf Thors í gærkvöldi og spurði hann, hvað blaðið mætti frekar hafa eftir honum. Komst forsætisráðherr- ann þá á orði á þessa leið: — Ég hef í raun og veru engu við að bæta. Ég viðurkenni að það er engan veginn auðvelt að taka slíka ákvörðun. En þegar læknarnir segja: „Þú getur orðið allra karla elztur ef þú tekur þér hvíld, ella er ekkert líklegra en að þú farir þér að voða," er auðvitað ekki skynsamlegt að þrjózkast. Það skar þó ekki úr, heldur hitt, að eftir 4—5 vikna erfiða legu í sumar og hörkuvinnu síðustu 6—8 vikurnar er starfsorkan ónóg, án hvíld- ar, til að etja við ýmsan vanda, sem framundan er. Ég tel mig því hafa gert rétt gagnvart sjálfum mér og bðrum, enda Verða nú taumarnir lagðir í traustar hendur. Að sjálfsögðu mun ég halda áfram þingmennnsku, enda þótt ég verði að taka mér hvíld frá henni einnig í bili, sagði Ólafur Thors að lokum. Olaíur Thors — forsætisráffherra í fimm ríkisstjórnum. Bjarni Benediktsson, íormað ur Sjálfstæðisflokksins, myndar nýja ríkisstjórn á morgun. Bjarni Benediktsson taki við embætti forsaetisráðherra Ákvörðun Ólafs Thors var til- kynnt á fundi sem haldinn var í þingflokki Sjálfstæðismanna kl. 5 síðdegis í gær. Var þar sam- þykkt með samhljóða atkvæðum að óska þess að Bjarni Bene- diktsson, formaður Sjálfstæðis- flokksins, tæki við embætti for- sætisráðherra. Jafnframt var Ólafi Thors þakkað stórbrotið starf í þágu íslenzku þjóðarinnar. Á fundi, sem haldinn var á sama tíma í þingflokki Alþýðu- flokksins var samþykkt með sam- hljóða atkvæðum að afstaða Al- þýðuflokksins til stjórnarsam- starfsins um núverandi ríkis- stjórn væri óbreytt, þar sem heilsufarsástæður einar réðu lausnarbeiðni forsætisráðherra. Gert er ráð fyrir að forseti ís- lands muni í dag fela Bjarna Benediktssyni myndun nýrrar ríkisstjórnar og hún muni form- lega taka við á ríkisráðsfundi á morgun. Forsætisráðherra í 5 ríkisstjórnum Ólafur Thors var fyrst kosinn á þing árið 1925 fyrir Gull- bringu- og Kjósarsýslu. Var hann þingmaður þess kjördæmis óslit- ið þar til er kjördæmaskipuninni var breytt árið 1959. Þá gerðist hann 1. þingmaður hins nýja Reykjanesskjördæmis og hefir verið það síðan. Hefir hann setið lengst allra núverandi þingmanna á Alþingi, samtals á 46 þingum og er jafnframt aldursforseti þingsins. Verður hann 72 ára 19. janúar n.k. Ólafur Thors mun gegna áfram þingmennsku enda þótt hann hafi sagt af sér forsætisráðherra- embætti. Hann varð fyrst ráðherra í ráðuneyti Ásgeirs Ásgeirssonar árið 1932. Árið 1939 varð hann atvinnumálaráðherra í þjóð- stjórninni og gegndi því embætti til vors 1942. Þá varð hann í fyrsta skipti forsætisráðherra er hann myndaði flokksstjórn Sjálf- stæðisflokksins þá um vorið. En hún fór með völd til ársloka það ár. Árið 1944 varð hann forsætis- og utanríkisráðherra í Nýsköp- unarstjórninni sem sat til árs- byrjunar 1947. í byrjun desember 1949 mynd- aði Ólafur Thors þriðja ráðu- neyti sitt. Var það minnihluta- stjórn Sjálfstæðisflokksins, sem fór með völd þar til í marz 1950, er Steingrímur Steinþórsson myndaði nýja samsteypustjórn Sjálfstæðisflokksins og Fram- sóknarflokksins. f þeirri ríkis- stjórn varð Ólafur Thors síðan atvinnumálaráðherra. Formaður Sjálfstæðis- flokksins 1934—1961 Sumarið 1953 myndaði Ólafur Thors fjórða ráðuneyti sitt, sem var samsteypustjórn Sjálfstæðis- flokksins og Framsóknarflokks- ins. Sat hún til miðs árs 1956. Framh. á bls. 2

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.