Morgunblaðið - 22.11.1963, Blaðsíða 22
22
MORCUNBLAÐIÐ
Föstudagur 22. nov. 1963
Körfuboltamenn
til Qlympíuleika?
Bogi Þorsteinsson endurkjörinn form. KKÍ
ÁRSÞING Körfuknattleikssam-
bands Islands var haldið sl. sunnu
dag. Var þar flutt skýrsla stjórn-
arinnar og af henni kom í ljós að
KKÍ vann að mörgum og merki-
legum málum á liðnu ári. Bogi
Þorsteinsson var endurkjörinn
formaður sambandsins, en með
honum í stjórn Magnús Björns-
MOLAR
England vann Norður-frland í
knattspyrnulandsleik á Wembley
á miðvikudag með 8 mörkum
gegn 3. í hálfleik stóð 4-1.
Skotland vann Wáles með 2-1
í knattspyrnulandsleik, sem fram
fór á Hampden Park leikvangin-
um í Glasgow. í hálfleik stóð 1-0
fyrir Skota.
— • —
Knattspyrnulandslið Rússa fer
í mikla keppnisför til Afríku og
Evrópu í vor. Leikur liðið í mörg-
um Afríkuríkjum áður en það
þræðir Norður-Evrópu.
son, Einar Ólafsson, Gunnar Ás-
geirsson, Gunnar Petersen, Hall-
dór Sigurðsson og Ingi Þór
Stefánsson.
Af framtíðarverkefnum KKÍ er
merkast mála undirbúningur að
þátttöku í Ólympíuleikunum. —
Undanrásir fyrir Evrópulið verða
í Sviss. KKÍ hefur leitað hóf-
anna hjá Ólympíunefnd um það
hvort hún vilji styrkja þátttöku
íslenzkra körfuknattleiksmanna í
undankeppnina. Svar Ólympíu-
nefndarinnar var jákvætt, en
óskaði frekari upplýsinga, sem
nú er beðið. Endanleg ákvörðun
er ekki fyrir hendi en líklegt að
úr þessu geti orðið.
Þá er og undirbúningur hafinn
að þátttöku íslands í Polar Cup
keppninni, sem er einskonar
Norðurlandameistaramót í körfu-
knattleik. Keppnin verður í Finn
landi 20.—22. marz nk.
Nánar verður ekki farið út í
skýrslu KKÍ að sinni, en þar
kemur fram að f jármálin eru sam
bandinu erfiðust og reyndar
stendur erfiður fjárhagur í vegi
fyrir framkvæmd margra hug-
sjóna til ■ eflingar körfuknattleik
hér á landi.
Allt tilbúið í Innsbruck
NÚ er allt tilbúið til þess að
halda Vetrar-Ólympíuleikana
í Innsbriick, sem ákveðnir eru
eftir 2 mánuði. Eitt mikilvægt
atriði vantar þó ennþá — snjó
inn. Af og til í haust og vetur
hefur komið snjóföl á aðal-
keppnissvæðið, en nú sem
stendur er þar alauð jörð. En
Austurríkismenn eru ekki
svartsýnir, þeir búast við hörð
um vetri og snjóþungum.
Fimm 10 hæða hús standa
og bíða þátttakendanna. Síðar
verða þau almenn skíðahótel.
Stærsta vandamálið verður,
segja forsvarsmenn, að flytja
fólk milli keppnisstaða í alpa-
greinum. Verða 200 50-sæta
bílar settir til þess, auk þeirra
venjulegu samgangna sem eru
milli staðanna.
Nýja skautahöllin í Innsbrúek.
Op/ð bréf frá mesta af-
reksmamni frjálsíþrótta
ÞEGÁR núverandi stjórn Frjáls-
iþróttasambands Islands tók við
stjórn sambandsins á sl. hausti,
var það eitt fyrsta verk stjórn-
arinnar að gefa út skrá yfir þau
mót er fram skyldu fara á kom-
andi starfsári. Þetta var skemmti
leg nýbreytni, og vel þegin af
frjálsíþróttamönnum, því með
því að vita hvað væri framund-
an, gátu flestir hagað æfingum
sínum eftir þessari mótaskrá.
Eitt af þeim nýmælum sem
var að finna í áðurnefndri skrá,
var unglinga og kvennakeppni,
sem haldin skyldi í Reykjavík
í ágústmánuði, og yrði þar um
úrslitakeppni að ræða, því þátt-
takendur þeir er skyldu keppa í
Reykjavík, áttu að vera fjórir
beztu í hverri grein í hinum
ýmsu aldursflokkum. Mót þetta
fór fram á Laugardalsvellinum á
tilskyldum tíma og voru mörg
frábær afrek unnin og var árang-
ur yfirleitt góður og fengu marg-
ir efnilegir unglingar utan af
landi keppni við viðunandi að-
stæður í fyrsta sinn. Eitt af því
sem varð til þess að utanbæjar-
fólk fjölmennti á mótið, var það
að stjórn Frjálsíþróttasambands
íslands tók þátt í greiðslu ferða-
kostnaðar, þó misjafnlega mikið
eftir þar til gerðum reglum.
Að móti loknu var keppendum,
starfsmönnum og forráðamönn-
íþróttamála boðið til kaffi-
drykkju og mótsslita í húsi S.V.
F.í. við Grandagarð og var ætl-
unin að þar yrðu afhentir verð-
launapeningar til þeirra er höfðu
til þeirra unnið með frábærum
afrekum og þar með sýnt að
von er á því að merki frjálsra
íþrótta verði borið hærra á kom-
andi árum en hinum eldri tókst
á sl. ári.
Er líða tók á fundinn kvað
form. FRÍ sér hljóðs og kvað því
miður ekki unnt að afhenda verð
launapeninga þá er til stóð að
afhenda, þar sem sá stjórnar-
meðlimur sambandsins, er hefði
undir höndum verðlaunapening-
ana væri erlendis um þessar
mundir, en er hann kæmi heim,
sem yrði innan fárra daga, yrðu
verðlaunapeningarnir sendir með
það sama. Þetta var að kvöldi
24. ágúst, og nú er þetta bréf er
ritað, 17. nóvember, næstum
þrem mánuðum seinna, hafa
þessir unglingar, frjálsíþrótta-
fólk framtíðarinnar, ekki feng-
ið þau verðlaun er þeim bar fyr-
ir frábæra frammistöðu á um-
ræddu móti. Þó skal það tekið
fram að einhvernveginn tókst að
tína saman nokkra verðlauna-
peninga og voru þeir afhentir
ásamt nokkrum bókum, en flest-
ir fengu ekkert. Þetta eru fyrstu
kynni hins unga afreksfólks af
frjálsíþróttaforustunni, sem þess-
um málum ráða í dag. Er leitt til
þess að vita, að á svo gott mót
sem þetta mót var, hafi fallið
þessi skuggi, og er það von mín
að stjórn FRÍ sendi þau verð-
laun til þeirra unglinga er þau
hafa ekki fengið.
Þar sem ég hefi tekið mér
penna í hönd, er ekki úr vegi að
drepa á önnur atriði skyld þeim
er að ofan greinir.
Árið 1954 gaf forseti íslands,
hr. Ásgeir Ásgeirsson, bikar til
keppni á þjóðhátíðarmótinu 17.
júní, og skyldi keppt um bikar
þennan árlega og sá er ynni bezta
afrekið á landinu samkv. stiga-
töflu 17. júní skyldi hljóta bikar
þennan til varðveizlu, þar til
aftur yrði keppt um hann að ári.
Innan raða frjálsíþróttamanna
er bikar þessi talinn sá virðuleg-
asti af þeim bikurum, sem í um-
ferð eru og er oft hörð keppni
um bikarinn. Að venju var keppt
um þennan bikar 17. júní sl.
.og samkv. íþróttasíðum dagblaða
daginn eftir var ég sagður hafa
fengið hann. En það verður að
segja söguna eins og hún er, að
ég hef ekki séð tangur né tetur
af bikarnum og hafi fréttir dag-
blaðanna verið rangar á sínum
tíma, hefur það algerlega farið
fram hjá forráðamönnum ÍSÍ að
leiðrétta misskilninginn. Á sínum
tíma var bikarinn afhentur ÍSÍ
til varðveizlu, svo og til að af-
henda bikarinn þeim, er hann
ynni hverju sinni, en svo_ virð-
ist sem forráðamenn ÍSÍ hafi
gleymt því síðarnefnda, þ.e.a.s.
að afhenda bikarinn. Nú eru senn
liðnir fimm mánuðir síðan um
i ikarinn var keppt síðast og
brátt verður keppt um hann aft-
ur. Á þeim tíma sem liðinn er
frá því að um bikarinn var keppt,
hefur ÍSÍ gefizt góður tími til að
afhenda bikarinn og geta þeir
sjálfum sér um kennt að þetta
er orðið að blaðamáli, því að
þrátt fyrir það að ég hafi aðvar-
að þá fjórum sinnum um það a8
ég skyldi fara með þetta í blöð-
in, ef þeir vöknuðu ekki, hafa
þeir ekki rumskað.
Nánar ætla ég mér ekki að
ræða um bikarinn, en hver veit
nema að ÍSÍ hafi einhverjar af-
sakanir og hverjar skyldu þær
vera? Kannski kemur eitthvað í
ljós.
Hvað viðvíkur ÍSÍ, væri einn-
ig fróðlegt að vita hvað líður af-
hendingu merkja þeirra er af-
hent eru íþróttamönnum þeim er
setja 10 ísl. met á sama árinu?
Á sl. ári unnu tveir iþróttamenn
til merkisins og settu samtals 24
ísl. met árið 1962, og þriðji mað-
urinn setti níu met, þannig að
þrír menn settu alls 33 ísl. met
í sundi og frjálsum íþróttum
samtals. Á sl. vori gekk það
meðal íþróttamanna að búið væri
að fella merkið niður, en svo
mikið er víst, að innan við 10
ísl. met hafa verið sett í frjálsum
íþróttum og sundi í karlagrein-
um það sem af er af þessu ári.
Af hverju hafa ekki verið sett
fleiri met? Hver veit nema það
liggi í þessari bannfæringu á
merkinu? Er þetta leiðin til þess
að auka áhugann hjá íþróttafólki
fyrir bættum afrekum? Er Ben.
G. Waage, fyrrv. forseti ÍSÍ réði
þessum málum var það venja
hans að afhenda þetta merki 29.
janúar ár hvert.
Ef til vill á að slá öllum verð-
launapeninga- og verðlaunabik-
ara-afhendingum saman, og af-
henda öll þau kynstur ásamt þeim
verðlaunabikurum, sem fyrrver-
andi frjálsíþróttamenn, methaf-
ar og meistarar, gáfu til keppni
á árlegu meistaramóti íslands i
frjálsum íþróttum, en bikarar
þessir, sem gefnir voru með góð-
um hug til eflingar frjálsra í-
þrótta í landinu, hafa legið frá
því í ágústbyrjun á Laugardals-
vellinum og að því er ég bezt
veit eru þeir þar enn.
Þessir bikarar voru afhentir til
þeirra er þá áttu að varðveita
Framhald á bls. 23.
í þessi blaðahverfi vantar Morgunblaðið nú þegar unglinga, röska krakka eða eldra fólk til að bera
Blað- blaðið til kaupenda þess. Laugaveg, milli Bankastrætis og Vatnsstígs
burðar- Herskólahverlii við Suóurlandsbraut
börn og Karlagata Gjörið svo vel að tala við atgreiðslu blaðsins eða skrifstofu.
óskast Jttwgpiiitðjflfrfr
Sími 2 2 4 80