Morgunblaðið - 23.11.1963, Side 1

24 siðu?
50 árgangur
251. tbl. — Laugardagur 23. nóvember 1963
Prentsmiðja Morjrmblaðsins
Óþekktur maður (sennilega Öryggisvörður) stekkur upp á bifreið Kennedys, forseta, augnabli'.d eftir, að hann hefur orðið fyrir skoti árásarmannsins. Jaqueline
Kennedy greip um höfuff manns síns. Hún beygir sig yfir hann, er myndin var tekin — Símamynd frá AP
Skotinn úr launsátri í Dallas
Johnson 36. forseti Bandaríkjanna - hefur svarið
embættiseið
SÁ HÖRMULEGI atburður gerðist í Bandaríkjunum í gær, að John F. Kenne-
dy, forseti Bandaríkjanna var skotinn til bana í borginni Dallas í Texasríki.
Fyrstu áreiðanlegu fréttirnar, sem Morgunblaðinu bárust um morðið komu frá
AP-fréttastofunni um sexleytið síðdegis í gær eftir íslenzkum tíma. í frétta-
skeytinu stendur: „Kennedy forseti og Connally frá Texas voru skotnir úr
launsátri á föstudag. Ekki er vitað hvort þeir hlutu af bana“.
Nokkru síðar skýrði fréttastofan frá því að forseti Bandaríkjanna væri
látinn. Orðrétt stóð í fréttaskeytinu: „Kennedy hlaut augsýnilega skot í höf-
uðið. Hann féll fram á andlitið í aftursæti bifreiðar sinnar, blóð var á höfði
hans. Frú Kennedy hrópaði „Ó, nei“, og reyndi að lyfta höfði hans“.
Bandaríska útvarpsstöðin Voice of America skýrði þegar í stað frá hinum
sorglega atburði, en af þeim upplýsingum, sem hún gat aflað sér, kom greini-
lega fram hversu erfitt var um vik fyrsta hálftímann að fá góðar upplýs-
ingar um það sem gerzt hafði. Fréttastofan skýrði frá því, að Kennedy lifði,
þó hann væri mjög mikið særður. Um hálf sjö leytið eftir íslenzkum tíma
skýrði Voice of Amerca frá því, að forseti Bandaríkjanna væri látinn. Síðan
voru þessi orð endurtekin, en nokkru síðar sagði þulurinn, að óstaðfestar
fregnir hermdu, að hann væri enn á lífi. Nokkru síðar kom svo fyrsta áreiðan-
lega fregnin í útvarpinu um lát forsetans: hann hafði látizt af skotsári á
höfði rétt um sexleytið eftir íslenzkum tíma, eða um 35 mínútum eftir að morð
inginn hafði skotið á hann úr launsátri sínu.
f fréttastofufregnum í nótt
er frá því skýrt, að augljóst
sé að morðið a Kenndy hafi
verið mjög vel skiplagt. —
Nokkrir menn hafa verið
handteknir og mun grunur
leika á því að einn þeirra, Lee
Harvey Oswald, hafi átt þátt
í morðinu. Hann er Banda-
ríkjamaður, giftur rússneskri
konu. Hefur hann skýrt frá
því, að hann hafi fyrir f jórum
árum beðið um rússneskan
ríkishorgararétt. Ekki hefur
Oswald viljað viðurkenna, að
hann hafi átt neinn þátt í ó-
dæðinu. Annars staðar í blað-
inu í dag er nánar sagt frá
manni þessum.
Vitni segjast hafa heyrt
þrjú skot. Tvö þeirra munu
hafa hitt forsetann, annað í
höfuðið, hitt í hálsinn. Þriðja
skotið særði John B. Conn-
ally, ríkisstjóra í Texas, hættu
lega, en hann sat í bíl forset-
ans. Áhorfendur urðu þrumu
lostnir, þegar þeir sáu hvað
gerzt hafði. Sumir leituðu
skjóls í örvílnan, enda óttuð-
ust þeir meiri skothríð. Jack
Bell, fréttamaður AP, lýsir
því þegar hann sá forsetann í
bílnum fyrir utan inngang
spítalans, þar sem hann lézt
nokkru síðar. Segir fréttamað
urinn, að hann hafi legið
hreyfingarlaus í aftursæti bif
reiðarinnar, en ekki hefði
sézt blóð á fötum hans. Aftur
Framh. á bls. 3
| Sjá fleiri
myndir á !
síðu 3, og
baksíðu