Morgunblaðið - 06.02.1964, Blaðsíða 2
2
MORGUNBLAÐIÐ
Fimmtudagur 6. febr. 1964
*
Hér getur að líta frú Christine Bungay við símann í hunda-
snyrtistofu sinni í London. (Ljósm. AP)
Frú Bungay kveðst
vera af ísl. ættum
Segir alla ættingja sína látna
EINS og Mbl. skýrði frá í gaer
var brotizt inn hjá konu í Bret-
landi, og stolið frá henni dýrmæt
um skartgripum. Brezk blöð
sögðu konuna, sem heitir Mrs.
Christine Bungay, vera íslenzka.
í fréttaskeyti sem Mbl. barst frá
AP í gær, ítrekar konan þetta
enn, en segir alla ættingja sína
hér Iátna. Hér fara á eftir fregn-
ir þær, sem Mbl. bárust um þetta
mál í gær.
London, 5. febr. — AP.
Christine Bungay, sem fædd
er á íslandi, lýsti í dag „hræði-
legasta viðburði“ lífs síns, þeg-
ar „manntröll“ batt hana og stal
ellefu þúsund sterlingspunda
virði (um 1.340.000 ísl. kr.) af
skartgripum úx íbúð hennar í
Lundúnum.
Maðurinn komst inn í íbúð
(hennar, með því að þykjast vera
simskeytasendill.
Frú Bungay kom heim til sín
kl. 16,30 frá stofnun, sem hún
rekur í námunda við Oxford-
stræti. Er það kjölturakkasýn-
ingasalur.
„Ég kveikti á útvarpsviðtæki“,
segir hún, „og fór að þvo matar-
diska. Þá heyrðist suð frá dyra-
símanum. Ég spurði hver þar
væri, og karlmannsrödd svaraði:
„Símskeyti til frú Bungay". Ég
ýtti á hnappinn, sem opnar úti-
dyrnar. Við dymar stóð afarstór
maður, a.m.k. sex fet og fjóra
þumlunga á hæð. >að var eins
og mannfjall kæmi á móti mér.
Hann hafði dregið nælonsokk á
höfuð sér, svo að andlit hans
sýndist afskræmt. Ég varð skelf
ingu lostin.
Hann ýtti mér á undan sér
inn í íbúðina og hrinti mér upp
ó borð í forstofunni. Síðam tók
hann mig upp og bar mig inn
í svefnherbergið. Hann leit út
eins ög tröllaukinn glimumaður.
Hann batt hendurnar á mér
fyrir aftan bak og batt öklana
saman með nælonsokk. Þetta var
mjög sárt. Síðan reif hann dem-
antshringa af fingmm mér og úr
af úlnliðnum. Þá fleygði hann
fötum ofan á mig, og ég heyrði
hann ganga ruplandi um íbúð-
ina. Hið eina, sem hann sagði
við mig, var: „öskraðu ekki neitt,
og þó meiðirðu þig ekki neitt“.
Eftir nokkum tíma heyrði ég
hann fara, og hurðin skall í lós“.
Frú Bungay lá bundin og kefld
í klukkutima. Þá kom vinkona
hennar, sem hún býr með, heim,
frú Dorothy Foxon. Með aðstoð
dyravarðar tókst Dorothy að
leysa Christine og hringja á lög-
regluna.
Christine Bungay er fædd í
Reykjavík og hét Christine Pet-
ers. Hún fór frá íslandi með for
eldri sínu, þegar hún var eins
árs gömul, og fór til Þýzkalands.
Þar bjó hún í Berlín. Hún giftist
í Berlín og fór til Englands fyrir
níu árum. Hún er nú fráskilin.
Christine heldur ekki, að hún
eigi nokkra ættingja á lifi á ís-
landi. Afi hennar var smiður í
Reykjavík og hét August Peters
(Ágúst Pétursson?)
í samtali við fréttamann i gær
kvaðst frú Bungay ekkert vilja
segja frekar um þessi mál; hún
hefði skýrt frá því, sem hún vildi
segja, og hefði engu þar við að
bæta. Aðspurð hvort hún væri
viss um að hún væri af íslenzk-
•um ættum, svaraði hún því ját-
andi. Það væri alveg öruggt. Hún
hefði flutzt til Þýzkalands, lengst
af búið í Berlín, og m.a. verið þar
á stríðsárunum, þá þýzkur ríkis-
borgari. Hún kvaðst hafa flutzt
til Englands fyrir 8—9 árum Og
væri nú brezkur ríkisborgari.
Aðspurð um skyldmenni hér á
íslandi sagði frúin að það væri
öruggt mál að öll skyldmenni
hennar væm látin. Afi sinn hefði
heitið Ágúst Peters. Hann væri
dáinn og allir hennar ættingjar;
hún væri nú ein eftir.
Fréttamaður vék að því að hún
væri skilin, og spurði um nafn
eiginmanns hennar fyrrverandi.
Spurði frúin þá: „Hvern þeirra?"
(Whioh one?) og bætti síðan við:
„Þér sjáið af þessu hvers vegna
ég vil ekki meira tala um þetta
mól. Ég kæri mig ekki um að
það verði þyrlað upp neinu ryki
í sambandi við þetta“.
Loks sagði frúin að hiún hefði
áíhuga á því að heimsækja ís-
land, en nú stæði hún uppi pen-
ingalaus eftir ránið. Hún bætti
því við að hún ætti hárgreiðslu-
stofu, þar sem viðskiptavinir
væru hundar fyrirmenna, sem
kæmu með þá í „lagningu".
Kópavogur
SPILAKVÖLD Sjálfstæðisíélag
anna i Kópavogi er annað kvöld
og hefst kl. 20,30 í Sjálfstæðis-
húsinu í Kópavogi.
Fleiri farþegar í áætlunarflugi
F.l. en nokkru sinni fyrr
FLtJGVÉLAR Flugfélags ís-
lands fluttu árið 1963 fleiri far-
þega á áætlunarflugleiðum en
nokkru sinni fyrr, bæði á flug-
leiðum innanlands og milli
landa en minnkuðu innanlands,
en tvisvar á árinu lamaðist starf
semi vegna verkfalla.
íslendingar
eru 186,525
MORGUNBLABINU hafa borizt
bráðabirgðatölur frá Hagstofu
Islands um mannfjölda á íslandi
1. des. 1963. Skv. þeim er mann-
fjöldi á landinu öllu 186.525;
94.292 karlar og 92.233 konur.
í Reykjavík voru 38.976 kon-
ur og 37.081 karl, samtals 76.057
manns. í kaupstöðum utan
Reykjavíkur bjuggu: í kaupstöð-
um 50.080, í sýslum 60.273, og
óstaðsettir voru 115.
Ibúatala í kaupstöðum voru
sem hér segir:
Reykjavfk ............. 76.057
Aiureyri ................ 9.3Ö0
Kópavogur ............... 7.652
Hafnarfjörður .......... 7.615
Keflavik ............... 4.011
Vestmannaeyjar .......... 4.803
Akranes ............... 4081
ísafjörður ............. 2.722
Siglufjörður ............ 2.574
Húsavík ................ 1.754
Neskaupstaður .......... 1.441
Sauðárkrókur ........... 1.317
Ólafsfjörður ............ 1.030
Seyðisfjörður ............. 785
Mannflestu sýslurnar voru Ár-
nessýsla (7.288), Gullbringusýsla
(6.038; með Kjósarsýslu 8.852) og
Suður-Múlasýsla 4.604. Mann-
fæstu sýslurnar eru Austur-
Barðastrandarsýsla með 523 íbla
og Vestur-Skaftafellssýsla með
1.348 íbúa. Mannfæstu hreppam
ir eru Grunnavíkurhreppur (7)
og Loðmundarfjarðarhreppur
(11).
• Millilandaflug
Á flugleiðum félagsins milli
landa flugu 28.937 arðbærir far-
þegar á móti 25.750 árið áður.
Aukning 12.3%. Arðbærir vöru-
flutningar milli landa námu
332.5 lestum á móti 286.5 lestum
árið á undan og varð aukning
16%. Þá jukust póstflutningar
einnig, námu 90,6 lestum á móti
72 lestum árið á undan. Aukning
25,7%.
Innanlands voru arðbærir
farþegar á áætlunarleiðum fé-
lagsins 62.056 á móti 61.554 árið
áður. Aukning 0.8%. Vöruflutn-
Fornleifa-
fundur
*
í Israel
LEIÐANGUR fornleifafræð-
inga hefur að undanförnu
unnið við uppgröft í Masada
í ísrael, þar sem Heródus
mikli byggði hallarvirki við
Dauðahafið. Hafa þeir þar
fundið ýmsa fornmuni, en auk
þess slitur af biblíuhandriti.
Er það hluti af fjórða til sjötta
kafla fyrstu bókar Móses.
Forstöðumaður leiðangurs-
in er Yigael Yadin prófessor,
og skýrir hann svo frá að fund
izt hafi ýmsir gripir bæði frá
tímum Heródusar í Masada
og frá þvi þegar Gyðingar
gengu í dauðann er Rómverj-
ar bertóku borgina árið 73 e.
Kr. Þá hafa fundizt um 1000
peningar, sumir þeirra mjög
fágætir.
Tveir Eyjabátar kærðir
fyrir ólöglegar veiðar
X V E IR Vestmannaeyjabá.tar
voru teknir að meintum ólögleg-
um veiðum innan landhelgi á
þriðjudagskvöld.
Um kl. ellefu á þriðjudags-
kvöld kom varðskipið Ægir að
vb. Gullþóri, VE. 39, að veiðum
8.2 sjómílur innan fiskveiðimark
anna undan Ingólfshöfða. Fylgd-
ust skipin að til Vestmannaeyja;
komu þangað rétt fyrir hádegi í
gær; og síðan hófust réttarhöld.
Játaði skipstjóri brot sitt. Var
honum gert að greiða 20.000 kr.
í sekt. Afli var gerður upptækur;
svo og veiðarfæri. — Sagt er í
Eyjum, að þegar skipstjóri hafi
játað brot sitt, hafi hann bætt
við: En ég gat hvergi fiskað ann-
ars staðar.
__ i
35. sýning
á Gísl
í K V Ö L D, fimmtudag,
verður leikritið Gísl sýnt í
35. sinn í Þjóðleikhúsinu. —
Þessi sjónleikur hefur orðið
vinsæll og aðsókn að leiknum
mjög góð. Lekritið verður
sýnt í örfá skipti ennþá. Rétt
er að benda á það að lögin,
sem sungin er-j í leiknum, eru
nú sungin og leikin á mörg-
um skemmtistöðum í bænum
og eru mörg af þcim nú á
allra vörum.
Flugvél Landhelgisgæzlunnar,
Sif, kom að vb. Sindra, VE 203,
þar sem hann var að ólöglegum
veiðum, skv. staðsetningu Land-
helgisgæzlumanna, undan Vík í
Mýrdal. Málið kom fyrir Saka-
dóm Reykjavíkur í dag, þar sem
framburður áhafnar flugvélar-
innar Sifjar var staðsettur. Mál-
ið var síðan sent til bæjarfóget-
ans í Vestmannaeyjum.
• VERZLUNARMENN
Kaffifundur verður í kvöld
kl. 20.30 með skrifstofu og verzl-
unarfólki. Heimdallarfélagar
meðal verzlunarfólks hvattir til
að mæta.
• MENN MEINSVARA!
Skyldi kommúnistaþingmað
urinn, er hvatti landslýð til þess
fyrr í vetur, að virða ekki lög
Alþingis, hafa gleymt því, að
hann lagði eitt simn eið að
Stjórnarskrá íslands?
• SKÁKÁHUGAMENN
Hraðskákmót verður haldið
í Valhöll sunnudaginn 9. febr.
Skráið ykkur til þátttöku á skrif
stofu Heimdallar. Simi 17102.
ingar og póstflutningar urðu
hinsvegar minni en árið á undan;
fluttar voru 973.7 lestir af vör-
um á móti 1109.6; rýrnun 12.2%
og 117.4 lestir af pósti á móti
126.9 lestum árið áður, sem er
7.5 % minna.
• Leiguflug og aðrir farþegar
Farþegar í leiguflugi voru á
árinu 6510 á móti 8000 árið áður.
Arðbærir farþegar í áætlunar-
flugi og leigufiugi voru samtala
97.503 á árinu. Auk arðbærra
farþega fluttu flugvélar Flugfé-
lags íslands svo sem jafnan íyrr,
allmarga farþega milli staða ínn
anlands og milli landa og er þar
um að ræða hópa ferðaskrifstöfu
manna, blaðamanna og sjón-
varpsmanna, sem FlugfélagiS
bauð hingað til þess að kynna
Island og starfsemi sína á fer-
lendum vettvangi, svo og starfs-
menn o. fl.
Alls flugu með Flugvélum
Flugfélagsins á árinu 103.615 ea
104.043 árið áður.
Þess ber að gæta í þessu sam-
bandi, að á árinu lamaðist rekst-
ur félagsins tvisvar sökum verk
falla x júní og desember, og hef-
ir það óhjákvæmilega áhrif á far
þegafjöldann og afkomu félags-
ins í heild.
— Deferre
Fraxnhald af bls. 1.
að hann væri í grundvallaA.
atriðum fylgjandi slíkum
fundi.
Deferre, sem nú er borgarstjóri
í Marseille, svo sem kunnugt er,
sagðist hafa mikinn áhuga á að
hitta þessa tvo menn að máli hið
fyrsta, því að báðir væru þeir
frambjóðendur flokka sinna í
mikilvægum kosningum á næst-
unni — Willy Brandt, frambjóð-
andi sósíaldemókrata til kanzl-
araembættisins í Vestur-Þýzka-
landi, og Wilson, frambjóðandi
brezka verkamannaflokksins til
embættis forsætisráðherra i
næstu kosningum í Bretlandi.
nMHHMRHHHMHfH
Teresjkovo
í ófaeyrn Eng-
landsdrottn-
ingar
London, 5. febr. NTB.
• SOVÉZKI geimfarinn, Val
entína Teresjkova, kom til
London í gær, þriðjudag, í
þriggja daga heimsókn. í dag
gekk hún á fund Elísabetar
Englandsdrottningar og rædd
ust Þær við með aðstoð
túlks í nær hálfa klukku-
stund — um heima og geima,
að því er fréttir frá London
segja.
Ekki er þess getið, hvort
þær ræddu um sameiginlegt á-
stand Þeirra, — sem kunnugt
er á drottningin von á bami
í næsta mánuði og Teresjkova
í sumar, að sagt er. Viðstadd-
ur fund þeirra var sendiherra
Sovétríkjanna í London, A.A.
Soldatov.
Á leiðinni til Buckingham
hallar var Teresjkovu fagnað
af miklum mannfjölda, er
hafði safnazt þar saman. í
dag var hún heiðursgestur í
miðdegisverðarboði Julian
Amery, flugmálaráðherra
Bretlands og í gærkveldi var
hún sæmd heiðursmerki
brezka geimrannsóknafélags-
ins fyrir ferðalag sitt um-
hverfis jörðina 49 sinnum.