Morgunblaðið - 17.11.1964, Blaðsíða 30
v» «• r i •» * #* •■*> •»» 'i'. » , i,»h<'
MORGUNBLAÐIÐ
ttf V r<.'
Þriðjudagur 17. nóv. 196
* * "* *•* ................................................................
s*—
Gunnlaugur Hjálmarsson var stærsta tromp Fram. — Myndir Sveinn Þorm
Fram hafði algera yfirburði
yfir dðnsku meistarana
lirnu þá 27:16 á stora vellinum i Keflavík
ÍSLANDSMEISTARAR F r a m
léku Danmerkurmeistara Ajax
heldur grátt í íþróttahúsinu á
Keflavíkurflugvelli á sunnudag.
Höfðu Framarar yfirburði á öll-
um sviðum handknattleiksins og
varð raunar aldrei um keppni að
ræða í þess orðs fyllstu merk-
ingu. Slíkir voru yfirburðir
Fram. f raun var á löngum tím-
um leiksins um aðeins eitt lið á
vellinum að ræða.
FORYSTA FRAM
Hvort Fram náði slikum tök
um á þessum leik vegna
þreytu hjá Dönunum sem
komu til landsins nóttina fyrir
leikinn eða vegna eigin yfir-
burða skal ekki fullyrt. En
staðreynd er .að íslandsmeist-
ararnir voru í öðrum og betri
flokki en þeir dönsku.
Sérstakan þátt í leiknum á
Gunnlaugur Hjálmarsson sem nú
keppir fyrir Fram, þó ennþá sé
"“hann varaformaður ÍR. Hann
sýndi slíkan afburðaleik að Dan-
irnir fengu aldrei rönd við reist
og af 27 mörkum Fram skoraði
hann 11 og átti þátt í nokkrum
öðrum. Að öðrum ólöstuðum
„átti“ Gunnlaugur þennan sigur
Fram.
YFIRBURÐIR KOMA I LJÓS
Ekki verður annað sagt en að
leikur dönsku meistaranna hafi
valdið nokkrum vonbrigðum. Fá-
ir hafa mætt í Keflavík án þess
að búast við jafnri og tvísýnni
keppni. En hvorugt varð — Fram
náði forystu í upphafi og for-
ystan jókst jafnt og þétt allan
leikinn. Gunnlaugur skoraði 3
fyrstu mörk Fram og eftir 10
mínútur stóð 5—3 fyrir Fram. Og
yfirburðirnir komu fram æ meir
og í hálfleik stóð 14—7.
Það skipti ekki máli þó Gylfa
mistækist vítakast um miðbik
fyrri hálfleiks og að vítakast frá
Gunnlaugi var vel og glæsilega
varið í upphafi síðari hálfleiks.
Bezti leikmaður danska liðsins
var Ove Andersen, traustur mað-
ur bæði í vörn og sókn. Mark-
vörðurinn Morten Petersen átti
góðan leik og sýndi mikla hæfi-
leika þó ekki fengi hann ráðið
við fleiri markskot Framara. En
hann forðaði enn stærri ósigri.
Peter Nielsen (5) átti og ágæt-
an leik, þó ekki nyti hann sín til
fulls fyrr en líða-tók á leikinn.
Geta danska liðsins verður
ekki metin að verðskulduðu af
þessum fyrsta leik. Danirnir
sögðu sjálfir að þreytu hefði gætt
í liðinu. En í kvöld sjáum við þá
móti hinu unga en efnilega liði
Vals að Hálogalandi og á fimmtu
dag móti FH á sama stað og loks
móti tilraunalandsliði á laugar-
dag suður á Keflavíkurvelli.
Valsmenn eiga þakkir skilið
fyrir að fá hingað heim þessa
ágætu gesti og Fram má sannar-
lega vel við una að fá slíka „æf-
ingu“ þremur vikum áður en lið-
ið leikur móti sænsku meistur-
unum í keppninni um Evrópu-
bikarinn.
Dómari í leiknum var Karl Jó-
hannsson og dæmdi af röggsemi
þó Danir væru ekki ásáttir með
alla hans dóma.
Skemmtileg keppm
í körfuknattleik
KÖRJFUKNATTLEIKSMÓT Rvík
ur var sett á laugardagskvöldið
og fóru þá fram tveir leikir og
aðrir þrír á sunnudagskvöld.
í meistaraflokki karla léku á
laugardag KR og stúdentar og
unnu KR-ingar auðveldan sigur
skoruðu 65 stig gegn 35.
Á sunnudagskvöld léku Reykja
víkurmeistararar ÍR og Árrnenn-
ingar. Framan af gekk á ýmsu
en ÍR hafði þó öllu betur. í hálf-
leik hafði ÍR 3 stiga forskot.
Leiknum lauk með sigri ÍR 69-53.
Þorsteinn Hallgrímsson var lang-
bezti maður á vellinum en hið
unga lið Ármanns átti ágæta
leikkafla.
Tvísýnasti leikurinn um helg-
ina var í 3. flokki karla þar sem
a-lið ÍR og KR var. ÍR-ingar
unnu þann leik með 2 stiga mun.
Dennis Lnw
rekinn
nf Ieikvelli
ENN dró til tíðinda í enskri
knattspyrnu um helgina. Hinn
heimsfrægi leikmaður Manch.
Utd, (fyrirliði liðsins) Dennis
Law var vísað af velli í leik gegn
Blackpool eftir orðakast við dóm-
arann. Márlið þykir hið alvarleg-
asta fyrir Law því í fyrra var
hann rekinn af velli og fékk þá
28 daga képpnisbann í refsingu.
Þykir einsýnt nú að refsing hans
verði mun strangari nú og telja
sum ensku blöðin að Dennis Law
fái strangari hegningu en nokkur
knattspyrnumaður hefur áður
fengið.
Cassius Clay .
Sonny Liston
Clay var skorinn upp
»■ og engínn velt hvenær
hann getur mætt Liston
í hringnum
Einn ai leikmönnum Dana brýzt í gegn og skorar.
CASSIUS Clay sem sl. nótt
átti samkvæmt samningi að
verja heimsmeistaratitil sinn
í þungavigt hnefaleika, liggur
nú í sjúkrahúsi í Boston og er
á batavegi eftir uppskurð við
kviðsliti.
Það var á föstudagskvöld að
Clay sat við matborðið í
hóteli því er hann gisti á í
Boston að hann fékk kvala-
kast og var í skyndingu send-
ur með sjúkrabíl í sjúkrahús.
Fréttamenn sem þegar komu
á staðinn sögðu að Clay hafi
virzt mjög þjáður er hann
var borinn í sjúkrahúsið.
Um nóttina var framkvæmd
skúrðaðgerð á honum og tókst
vel að frásögn læknisins er
hana framkvæmdi. Var Clay
um klukkustund á skurðar-
borðinu og nú er hann á góð-
um batavégi.
En hvenær leikurinn fer
fram milli hans og Listons get
ur enginn sagt um.
Margir bandariskir blaða-
menn — og reyndar evrópskir
starfsbræður þeirra — telja að
í sambandi við þennan atburð
sé ekki allt með felldu. Sumir
minna á að Clay og Liston
hafi áður gabbað fólk, þá er
þeir kepptu í fyrra skiptið og
Liston hætti keppninni eftir 6.
lotu. Nú sé sjónarspilið á ann-
an veg, en Clay þori ekki í
hringinn á móti Liston.
Eitt er þó víst að læknar
töldu ástæðu til uppskurðar-
ins og með þá staðreynd í
huga er vart hægt að trúa
sögunum um að veikindin séu
tilbúningur, hvort sem svo
hugur Clays er nógu sterkur
til að mæta Liston að nýju.
Meðfylgjandi myndir sýna
nýjar hliðar á köppunum
tveimur.