Morgunblaðið - 25.03.1965, Blaðsíða 15

Fimmtudagur 25. marz 1965
MORGUNBLADIÐ
15
. • : • ' . _ ' . ’ • -
Ungt fólk í níræðum hreppi
Samtal við Sigurgeir
Sigurðsson, sveitarst|óra
á Selt|arnarnesi
SIGURGIiIR Sigurðsson tók
um síðustu áramót við staríi
sveitarstjóra í Seltjarnarnes-
hreppi af Bjarna Beinteins-
syni, sem gegnt hafði því um
nokkurt skeið. Morgunblaðið
kom fyrir nokkru að máli við
Sigurgeir og spurði um þau mál,
esm efst eru á baugi á Seltjarn-
arnesi um þessar mundir.
— Efst í huga okkar er skipu
lagið, sagði Sigurgeir. Hrepps-
nefndin hefur gert tillögur um
skipulagið í samráði við skipu-
lagsnefnd ríkisins. í næsta mán
uði reikna ég með að búið verði
s' komast að fastri niðurstöðu.
Það sem gerir skipulag Sel-
tjarnarness svo sérstætt, er hin
ákveðna stærð skipulagssvæðis-
ins. Hér eru engir möguleikar
til útvíkunnar byggðarinnar, er
hún hefur náð því hámarki, sem
nesið hltýur að ákveða, og ekki
mun líða á löngu, þar til svo
verður komið.
— Á síðasta Alþingi voru
samþykkt ný skipulagslög, hélt
Sigurgeir áfram. Með þeim lög-
um fá sveitarfélögin u.þ.b. ’A
af skipulögðum landssvæðum
fyrir t.d. götur, leikvelli og
önnur opin svæði. Einnig er
gert ráð fyrir því að sveitarfé-
lögin fái gatnagerðargjöld af
lóðaeigendum.
Borað eftir heitu vatni
— Þið hafið verið að gera
athuganir á hitaveitufram-
kvæmdum, er það ekki?
— Jú, við höfum verið að
bora í þeim hluta af Bakka-
landi, sem hreppurinn keypti
fyrir tveimur árum. í þeirri
holu fannst 26 stiga heitt avtn á
100 metra dýpi. >á hefur verið
borað í landi Bygggarðs, sem
einnig er eign Seltjarnarnes-
hrepps, og þar kom upp 29
stiga heitt vatn úr 80 metra
djúpri holu. Þetta er aðeins
byrjunin. Við höfum samið við
Jarðhitasjóð um allt að 40 daga
borun í viðbót. Þá munum við
þiggja ráð af þeim um það,
hvora holuna skuli nota. Hrepps
búar hafa sýnt athugunum þess
um mikinn áhuga og bíða árang
ursins með eftirvæntingu.
— Hvað er að segja um iðnað
á Seltjarnarnesi nú og í fram-
tíðinni?
— Hér eru staðsett nokkur
ágæt iðnfyrirtæki, meðal ann-
ars stærsta frystihús landsins,
ísbjörninn. Væntum við góðs
af þessum atvinnurekstri í
framtíðinni og er þeim ætlað
rými á skipulaginu fyrir starf-
semi sína.
Bygging íþróttahúss
— Þurfa börn af Seltjarnar-
nesi að sækja skóla til Reykja-
víkur?
— Nei, við stöndum ágætlega
að vígi í skólamálunum. Verið
er að ljúka við byggingu nýrrar
álmu við nýja Mýrarhúsaskól-
ann, sem er bæði barna- og
unglingaskólii. Er þessi viðbót
kemst í notkun, verður skólinn
nokkurn veginn einsetinn, en
það teljum við mjög æskilegt.
Þá er verið að teikna íþrótta-
hús og verður bygging þess von
andi hafin á næsta ári. Við höf-
um orðið að fá KR-heimilið
leigt til leikfimikennslu. í
íþróttahúsinu nýja verður
sennilega einnig aðstaða fyrir
ýmis konar félagsstarfsemi að
auki.
— Hvaða fleiri menningar-
Loftmynd af Seltjarnarnesi, tekin fyrir mörgum árum, áðuren nýju hverfin voru reist þar.
Helztu örnefni nessins eru merkt á myndina.
Sigurgeir Sigurðsson við loftmynd af Seltjarnarnesi í skrif-
stofu sinni í gamla Mýrarliúsaskólanum.
stofnanir eru í hreppnum?
— Við eigum því láni að
fagna að hafa hér sérstaklega
gott bókasafn, um 6400 bindi
alls. Eldri hlutinn, um 2000
bindi, er arfur frá Framfarafé-
lagi Seltirninga, sem hér var
starfandi rétt eftir aldamótin.
Sumt þeirra bóka er mjög verð
mætt.
Tiltölulega dýr gatnagerð
— Hve margir íbúar eru í Sel
tjarnarneshreppi?
— Fyrsta desember sl. voru
íbúarnir 1692. Fjölgunin í
hreppnum hefur að undanförnu
verið talsvert á annað hundrað
manns á ári. Við höfum reynt
að láta íbúafjölgun og gatna-
gerðarframkvæmdir fylgjast
sem mest að, svo að við drög-
umst ekki aftur úr með þjón-
ustuna. Svæðaskipulagsnefnd
gerir ráð fyrir því, að árið 1983
verði íbúatalan hér á Nesinu
komin upp í 4000 manns. Lóð-
ir eru hér talsvert stórar, hin-
ar minnstu um 700 fermetrar,
svo að götur verða hlutfalls-
lega langar og dýrari en víða
gerist annars staðar, svo að við
verðum að gá vel að okkur. Við
erum komnir með holræsi og
a.m.k. bráðabirgðagötur í öll
byggð hverfi hér og allflestar
götur undirbyggðar, þannig að
við erum tiltölulega vfel á vegi
staddir. Þá er búið að endur-
nýja holræsa- og vatnslagnir í
Lambastaðahverfi.
— Hvenær býst þú við að
Nesið verði fullbyggt?
— Eftir svo sem 20 til 25 ár
og þá er lokið öllum fjárfest-
ingum til nýrra gatna og ann-
arra slíkra framkvæmda, ekki
verður hægt að byggja fleiri
hús og þá verður farið að létta
mjög á opinberum gjöldum
hér. Ekki hefur verið gert ráð
fyrir byggingum innan Skóla-
brautar, sem liggur umhverfis
Valhúsahæð, en við erum að
láta fara fram athugun á því,
hvort ekki sé gerlegt að byggja
einlyft hús þeim megin göt-
unnar. Virðist það í góðu lagi
og ekkert skerða túsýnið af
hæðinni. Gatnagerðargjöldin af
þessum húsum, sem ekki var
gert ráð fyrir í fyrstunni,
mundu nægja til að greiða
helming kostnaðarins við göt-
una.
Landbrot d Seltjarnarnesi
— Eru öldur Atlantshafsins
að sverfa af nesinu ykkar?
Já, hafið hefur fært upp
fjöruborðið um allt að einum
metra á ári á tveimur köflum
hér, við Gróttu og í víkinni
sunnan á nesinu. Þarna þörfn-
umst við góðrar "aðstoðar vita-
málastjórnarinnar að halda til
Nýi Mýrarbúsaskólinn með nýju álmunni. (Allar myndirnar tók ÓI. K. Magnússon).
að hefta landbrotið með grjót-
varnargörðum á þessum stöð-
um.
— Hvernig er samstarf ykk-
ar Seltirninga við Reykjavík-
urborg?
— Það er mjög gott. Við er-
um háðir Reykjavík um stræt-
isvagna, * rafmagns- og vatns-
veitu, slökkvilið og fleira. Eng-
in snurða er á samstarfsþræð-
inum. Þá er samstarfið innan
hreppsnefndarinnar hér frábær
lega gott. I nefndinni eru ein-
göngu ungir menn, sem eru
samhentir, með augun opin fyr-
ir ýmsum nýjungum og óhrædd
ir við að færa sér þær í nyt.
Þá má geta þess, að við réðum
til okkar verkfræðing nú um
áramóíin, Hallgrím Sandholt,
sem einnig mun verða bygging-
arfulltrúi hreppsins. Skortur á
verkfræðingum hefur háð mjög
öllum framkvæmdum hjá okk-
ur. Eftir verkfræðingaverkfall-
ið töfðust framkvæmdir tals-
vert, þár sem ekki var hægt
að skipuleggja verkefnin nógu
langt fram í tímann.
— Hafið þið samstarf við
önnur sveitarfélög í sýslunni?
— Já, í nóvember siðastl. var
stofnað Sambánd sveitarfélaga
í Reykjanesumdæmi, sem við
væntu mokkur góðs af í fram-
tíðinni til að vinna að þeim
mörgu hagsmunamálum, sem
sameiginleg eru með félögum
þessum.
— Við höfum verið aðilar að
viðræðum við Véltækni h.f.
ásamt Vegagerð ríkisins, Hafn-
arfirði, Kópavogi og Garða-
hreppi, um tilraunir með lagn-
ingu olíumalar á vegi í stað
malbiks. Kostnaður við slíka
vegagerð er um 1/3 af malbik-
unarkostnaði og gæti slíkt þvi
komið að góðu haldi, þar sem
umferð er fremur lítil og bæj-
ar- og sveitarfélögin félítil.
Ekki verður þó lögð nein olíu-
möl á Seltjarnarnesi á næsta
sumri.
Vilja halda sjálfstæðinu
— Hefur aldrei verið rætt um
það, að Seltjarnarneshreppur
sameinist Reykjavík?
— Jú, náttúrulega hafa þær
hugmyndir heyrzt, en yfirgnæf
andi meirihluti hreppsbúa er
andvígur slíkri sameiningu og
vill halda sjálfstæði hreppsins,
sem hefur blessazt prýðilega síð
an árið 1875, en Seltjarnarnes-
hreppur verður níræður á
næsta hausti, nánar tiltekið 4.
nóvember. Annars hafa ráða-
menn Reykjavíkur sýnt þessum
sjálfstæðisvilja okkar fullan
skilning, og ríkir því engin mis-
klíð um þetta mál.