Morgunblaðið - 31.08.1966, Síða 5

Miðvikudagur 31. ágúst 1966
MORGU N BLAÐIÐ
5
ÚR
ÖLLUM
ÁTTUM
NÚ FER að líða að því að
íslenzka sjónvarpið taki
til starfa. Útvarpsstjóri,
Vilhjálmur Þ. Gíslason
tjáði Mbl. ekki alls fyrir
löngu að það yrði f sept-
ember október og áreiðan-
legt er að landsmenn bíða
með eftirvæntingu.
Við brugðum okkur nú
fyrir skömmu inn í húsa-
kynni sjónvarpsins að Lauga-
vegi 176 og fengum að vera
viðstaddir upptöku á skák-
þætti, þar sem stórmeistar-
inn Friðrik Ólafsson tefldi
við Inga R. Jóhannsson, al-
þjóðlegan meistara. Skýring-
ar taflsins annaðist Guð-
mundur Arnlaugsson, rektor.
Stjórnandi þáttarins er
Tage Ammendrup og heitir
þátturinn „í uppnámi", og er
við spyrjum Guðmund Arn-
laugsson, hvers vegna þetta
heiti hafi verið valið á þátt-
inn, segir hann okkur að
þetta nafn sé gamalt nafn á
skáktímariti, sem gefið var
út á árunum 1901-’02, auk
þess, sem nafnið er haft um
skák í Sturlungu.
Upptökusalurinn er um
300 fermetrar og við eirin
vegginn, sem skreyttur hefur
verið með svörtum ferning-
um í líkingu við taflborð sitja
þeir félagar Friðrik og Ingi
og tefla hraðskák á meðan
upptökuvélarnar tifa án af-
láts. Skammt frá situr svo
Guðmundur Arnlaugsson og
bíður þess, að til sinna kasta
komi.
f skála, sem enn er ekki að
fullu frágenginn, og er við
hlið upptökusalarins stendur
hin sænska Scania Vabis-
sjónvarpsbifreið með áletrun-
inni „Sveriges Radio“. Bif-
reiðinni er skipt í þrennt og
fremst í henni sitja mynd-
stillingarmennirnir. Fyrir
miðju er stjórnandi þáttarins, ||
Tage Ammendrup, og fil
vinstri handar honum situr
aðstoðarstúlka hans, en
hægra megin situr maður,
sem skiptir á milli mynda-
tökuvéla, en þrjár mynda-
tökuvélar taka upp þáttinn
Frá upptöku skákþáttarins. Lengst til hægri er hrokur, sem notaður er sem skreyting í upp
hafi myndarinnar. _________ J
„í uppnámi“
Fylgzt með upptöku sjónvarpsþáttur um skúk
og eru allar að störfum i einu,
en stjórnandi þáttarins velur
hvaða mynd kemur fram á
skerminum hverju sinni. Aft-
ast í vagninum er svo hljóð-
upptaka og þar situr magn-
aravörður yfir tækjum sín-
um.
í>essi upptaka, sem við
fengum að vera vitni að, var
einungis æfing. Að æfingu
lokinni átti að taka upp hinn
eiginlega þátt. Er hann tek-
inn upp á sérstakt segulband,
sem á ensku er kallað video-
tape. Sjónvarpsbifreiðin er
einungis til bráðabirgða, þar
eð afgreiðslufrestur á upp-
tökutækjum er mjög langur
og er hún eins og áður hef-
ur komið fram í fréttum lán-
uð hingað til lands frá
sænska sjónvarpinu. Vélar
sjónvarpsins eru hins vegar
Friðrik og Ingi að tafli. (Ljó sm. Sv. Þorm.)
Guðmundur Armaugsson, rektor skýrir skákina.
væntanlegar í marz, að þvl
er Jón Hermannsson, tækm-
fræðingur tjáði okkur.
Eftir æfinguna er fimm
mínútna hlé, þar til upptaka
hefst. Við náum tali af Guð-
mundi Arnlaugssyni, rektor,
og spyrjum hann álits á
þessu, en hann er eins og
kunnugt er gamalkunnur út-
varpsmaður, hefur séð um
skákþátt ríkisútvarpsins um
margra ára skeið.
— Þetta er mjög skemmti-
leg reynsla, að fá að vera
með svona frá byrjun. Þetta
er ólíkt öllu því, er maður
hefur áður kynnzt, allt ferskt
og nýtt. Þetta er jafnnýtt
fyrir öllum og gaman er að
sjá hvernig menn fikra sig
áfram.
Þeir Friðrik og Ingi hafa
nú staðið upp og rabba sam-
an um skákina. Við svifum á
þá og spyrjum hvernig sé að
tefla undir smásjá mynda-
tökuvélanna.
— Ég gleymi því nú brátt
að hún sé viðstödd, er út í
hita skákarinnar kemur, seg-
ir Friðrik.
— Skákin er ekki undir-
búin fyrirfram?
— Nei, segir Ingi — ég er
hræddur um að þátturinn
yrði of daufur, ef það yrði
gert. Það er um að gera að
hafa þetta sem eðlilegast.
— Þið ræðið um skákina á
eftir. Er tíminn ekki of naum-
ur eða hafið þið ótakmarkað-
an tíma?
— Við erum nú ekki al-
gjörlega bundnir af timan-
um, segir Ingi, — auk þess,
sem ekki gerir svo mikið til
þótt við förum nokkrar mín-
útur fram yfir.
Undirtónn skákþáttarins
verður tifið í skákklukkunni,
og við og við heyrast smellir,
er skákmennirnir þrýsta á
hnapp klukkunnar. Annars
ríkir dauðaþögn og áhorfend-
um gefst ýmist kostur á að
horfa á taflborðið eða svip-
brigði skákmannanna, sem
virðast í þungum þönkum
yfir taflinu. Við viljum ekki
uppljóstra neinu um gang
leiksins að öðru leyti en því,
að annar skákmannanna
vann. Þetta var annar þáttur
þessarar tegundar, sem tek-
inn er upp af íslenzka sjón-
varpinu. Hann fáum við vænt
anlega að sjá í haust.
1 KILI SKAL KJÖRVIÐUR
IÐNSYNINGIN
1966
Opin fyrir kaupsýslumenn kl. 9—14 og almenning 14—23
KAUPSTEFNA ALLAN DAGINN
Aðgangseyrir: 40 kr. fyrir fullorðna og 20 kr. fyrir börn.
BARNAGÆZLA KL. 17—20.
★ Silfurmerki fylgir hverjum aðgöngumiða.
VEITINGAR Á STAÐNUM
Sérstakur strætisvagn fer frá Kalkoínsvegi á heilum og
hálfum tíma allan sýningartím ann.
KOMIÐ — SKOÐIÐ — KAUPIÐ
Afgreiðslustarf
Unglingsstúlka og vön stúlka óskast til
afgreiðslustarfa í búð. — Upplýsingar á
skrifstofunni, Grettisgötu 3, sími 20950.