Morgunblaðið - 23.05.1967, Blaðsíða 14

14
MORGUNBLAÐIÐ, ÞRIÐJUDAGUR 23. MAÍ 1967.
2ja herb. íbúð
Til sölu er ný, fullgerð 2ja herbergja íbúð
á 2. hæð 1 sambýlishúsi við Hraunbæ.
Vandaðar innréttingar. Teppi á gólfum.
Afhendist strax. Gott lán áhvílandi.
ÁRNI STEFÁNSSON HRL.
Málflutningur. Fasteignasala.
Suðurgötu 4. — Sími 14314.
6 herb. íbúð
Höfum til sölu endaíbúð í nýrri blokk við Meist-
aravelli, 6 herbergi og eldhús, um 140—150 ferm.
með tvennum svölum suður og vestur. Harðviðar-
innréttingar, íbúðin teppalögð, mjög glæsileg íbúð.
Sameign öll fullfrágengin nema lóð. Bílskúrsréttur.
Útborgun 1 milljón sem má skipta þannig: Strax
600 þús. og 400 þús. á 1—1*4 ári.
Tryggingar og Fasteignir
Austurstræti 10 a. 5. hæð. — Sími 24850.
Kvöldsími 37272.
Háaleitisbraut
Til sölu er nýleg 5 herbergja íbúð á hæð
í sambýlishúsi við Háaleitisbraut. Miklar
og góðar innréttingar. Gólf teppalögð.
Bílskúrsréttur. Sérhitamæling. Teikning
til sýnis á skrifstofunni.
ÁRNI STEFÁNSSON HRL.
Málflutningur. Fasteignasala.
Suðurgötu 4. — Sími 14314.
SifflLFBOflALIflAR
Skráning sjálfboðaliða fer fram á kosningaskrif- fe*
stofunni, Hverfisgötu 44, á virkum dögum kl. 2—7 |||i
......... 8
Hálfrar aldar afmœli
Leikfélags Akureyrar
LEIKFÉLAG Akureyrar valdi
sér veglegt og skemmtilegt við-
fangsefni í tilefni af hálfrar ald
ar afmæli sínu, er það frumsýndi
Jónsmessunæturdraum Shake-
speares í snilldarlegri þýðingu
Helga Hálfdánarsonar sl. laugar
dag 6. maí, og færði upp þenn-
an klassíska og fræga leik með
mikilli reisn og myndarskap.
Leikhúsgestir voru í sólskins-
skapi, enda var þetta kvöld
öllum viðstöddum ógleymanleg
hátíðarstund. Formaður Leik-
félagsins, Jón Ingimarsson,
flutti ávarp að lokinni leiksýn-
ingúnni til að minnast afmælis-
ins og þakkaði mörgum ágætum
starfsmönnum þess og stuðnings
mönnum frá liðnum árum, sem
nú eru annað hvort komnir
undir græna torfu, burtu flutt-
ir eða hafa dregið sig í hlé. En
á sýningunni voru staddir sjálf
ur menntamálaráðaherra og
ýmsir fyrirmenn leikhúsmála úr
höfuðborginni, sem heiðruðu
Leikfélagið með nærveru sinni
og fluttu því heillaóskir og gjaf
ir. — Minntist ráðherrann á það,
sem verðugt var, hversu mikil-
vægu menningarhlutverki leik-
starfsemin hefði að gegna til
aukin§ skilnings og siðfágunar,
.og bæri að þakka þeim hinum
mörgu, sem fórnað hefðu kröft-
um sínum á altari listarinnar af
áhuga einum saman, sam-
félaginu til ávinnings. Átti þetta
ekki sízt við Leikfélag Akur-
eyrar, sem oft hefur búið við
fjárþröng og erfiðar aðstæður en
þó aldrei látið hugfallast, og hef
ur leyst af höndum mörg erfið
og vandasöm verkefni með
prýði.
Shakespeare er engum öðrum
líkur og ber höfuð og herðar
yfir flest eða öll leikritaskáld
önnur, ofurmenni að vitsmun-
um .Hann er því ekkert lamb að
leika sér við, og allra sízt þeg-
ar hann færir inn á sviðið í einu
glsásilegt hirðlíf forngrískrar
menningar og fákæna hand-
verksmenn, auk þess sem hann
lýkur upp álfheimum og lætur
dísir og ljúflinga blandast
heimskum jarðarlýð með gleði
og gáska. Allt ofið saman í eina
undursamlega heild.
Talið er að Shakespeare muni
hafa verið um það bil 25 ára
gamall, er hann samdi þetta leik
rit, sem fyrst þykir sanna ótví-
ræða snilligáfu hans. Hyggja
menn að það hafi fyrst verið
sýnt Elísabetu Englandsdrottn-
ingu fyrir um 370 árum, og
muni vera beint til hennar orð-
um Oberons álfakonungs:
„Ég sá um leið, en það gazt
þú samt ekki, hvar Amor flaug
með alvæpni yfir jörð, og undir
svölu tungli tók hann mið til
vesturs; þar sat vestumey á há-
stói; og svo hratt þaut hans
ástarör af streng sem skyldi hún
nísta hundrað þúsund hjörtu; en
ég sá eldflaug Amors Iitla
slokkna í úrugs mána meyjar-
hreinum geislum. Svo vék hin
tigna vestumey á braut í skír-
lífisþönkum, ósnortin af ást“.
Það sýnir snilligáfu höfundar-
ins, að engin ellimörk eru finn-
anleg á leiknum og fá menn
notið þess engu síðuf að horfa
á hann nú en á dögum Elísa-
betar drottningar. Þannig er um
allt, sem vitrir menn og snjallir
hafa ort. Það er tímalaust, list-
in er eilíf.
Margt hefur Shakespeare sagt
viturlegt og ógleymanlegt um
ástina og gerir það einnig í þessu
leikriti, þegar hann lætur Þes-
evs ræða um nunnurnar, sem:
„umlykjast köldum, klausur-
múr til dauðans sem ófrjó syst-
ir, lifa skuggalífi og syngja
dapra sálma að fölu tungli. Víst
kemur þreföld blessun þeim sem
buga sitt blóð á slíkri meyjar-
pálmagöngu. — En meiri sælu
rignir á þá róis, sem ilm sinn
gaf, en þá sem vex og visnar á
meyjar.grein og deyr í helgri
dygð.
Þó er Jónsmessudraumurinn
magnaður skopleikur um ást-
ina, góðlátlegur og miskunnar-
laus í senn. Hér er það ekki
þrumustormur ástríðunnar, sem
geisar í algleymingi eins og í
Rómeó og Júlíu, er Shakespeare
orti síðar, heldur dregur skáld-
ið dár að sveimhugaást æskunn
ar, sem hengir sig á hvað, sem
hún fyrst kemur augunum á, en
er mestmegnis ímyndun og hug-
arórar, prottnir af stundargirnd,
óráðsdraumur, sem hverfur eins
og reykur og bóla.
Brjálæðingar, elskendur og
skáld, eru í einu númeri hjá
Þesves, sem er málpípa höfund-
arins og lítur úr mikilli hæð
yfir mannlífið, sem er leiksvið
lítilla sanda og sæva:
......Elskendum og vitfirr-
ingum kraumar dátt í kolli sú
ímyndun, sem elur fleiri sýnir
en róleg hugsun hefur við að
skýra, Brjálað fólk, einnig elsk
endur og skáld er gert úr tómri
ímyndun; hinn óði sér fleiri
djöfla en fengju rúm í víti;
elskhuginn sér í ásýnd flökku-
stelpu Helenu fegurð, heillaður
af ást; og skáldsins augu í ynd-
islegri sturlun renna frá himni
á jörð, frá jörð til himins.
Elskendurnir tvennir, sem
sjónlaus Amor hefur þanið sinn
bjarta væng yfir, haga sér eins
og hreinir óvitar á sviðinu,
gengnir af göflunum af ást’. Því
að
Fólið Amor tekur frá
telpum vitið, væskill sá.
Hrekkjalómurinn Bokki, eða
Hrói heillakarl, gerir vitleysuna
ennþá meiri með gáska sínum,
og blindar persónurnar sitt á
hvað með því að dreypa ástar-
safa á augun, svo að þær verða
ennþá meira á valdi blekking-
arinnar. Meira að segja álfa-
drottningin Títanía verður svo
leikin af þessum töfrum, að hún
fær ofurást á vefaraskrípi með
asnahaus, gælir við hann hug-
fangin, kyssir á flipann og læt
ur hirðmeyjar sínar klóra hon-
um í hausnum.
Loks skopast Shakespeare að
ástarharmleikjum með leiksýn-
ingu handverksmannanna, sem
endar á því að elskendurnir
reka sig í gegn, eins og löngum
hefur tíðkazt, þar sem þessi teg-
und af brjálsemi hefur náð há-
marki.
Það yrði of langt mál, að
dæma um einstaka leikendur,
því að þeir munu alls vera um
30 að tölu. En yfirleitt má segja,
að leikurinn sé ágætlega settur
á svið, og leikendur fari með
hlutverk sín af góðum skilningi
og geri þeim prýðileg skil. Eink
um fannst mér álfasýningarnar
skínandi góðar, og hreyfingar
og dansar ungu stúlknanna, sem
léku dísirnar, ljómandi fagrir.
Skopleikur handverksmannanna
var dýrlegur, og voru þeir
hver öðrum skemmtilegri. Og
loks var svo Hrói heillakarl
með glettum sínum og ærslum
svo óviðjafnanlega vel leikinn,
að ég efast um að hægt hefði
verið að gera það betur.
Það er ástæða til að hvetja
sem flesta til að sjá þennan
fagra og tilkomumiklar leik.
Leikfélagi Akureyrar árna ég
heilla á þessu merkisafmæli
þess, þakka því dugmikið menn
ingarstarf á liðnum árum, og
vil bera fram þá ósk í nafni
margra, að starf þess megi fær-
ast í aukana og að það fái, senn
hvað líður, betri aðbúnað til að
stunda list sína.
Benjamín Kristjánsson.
Ódýrasti vinnu-
fatnaðurinn á
markaðinum. Úr
14-14 oz. nankin.
Ábyrgð tekin á
hverri flík. Fæst
um allt land.
BARN ALEIKTÆKI
fyrir allskonar leiksvœði barna,
btxði viÖ sambýlishús, sumarbústaði,
leikvelli o.tL
ÍÞRÓTTATÆKI
tyrir ífrróttasali og íþróttavolli.
Leitið upplýsinga
Vélaverksfœði
BíRNHARÐS HANHESSONAR tf.
Suðurlandsbraut 12, Reykjavík
Slmi 35810

.4