Morgunblaðið - 05.07.1967, Blaðsíða 12

12
MORGUNBLAÐIÐ, MIÐVIKUDAGUR 5. JULI 1967.
Kve n n a d aJ k
- I;,

Vmislegt um eggjahvítu
STUNDUM kemur fyrir okkur,
að eiga afgangs eggjahvítur, sem
við getum síðan notað í alls
kyns ljúffenga rétti, kökur og
ábæti. Þá sakar ekki að vita, að
ef við geymum eggjahvíturnar í
glasi með loki, geymast þær í ís-
skápum í 2-3 vikur, og að þeim
tíma liðnum getum við stífþeytt
þær, ef eggin hafa verið ný, þeg-
ar þau voru aðskilin. Þá getur
komið sér vel að vita, að 4 eggja
hvítur eru u.þ.b. 1 dl., og, að
við getum notað 2 eggjahvítur í
staðinn fyrir 1 egg, t.d. í kökur,
sem fleiri egg eru í. Hér fylgja
nokkrar uppskrifti'r, sem eggja-
hvítur eru í.
KÖKUR OG ÁBÆTISRÉTTIR:
Kókósmakrónur:
2 eggjahvítur
125 gr. kókósmjöl
150 gr. sykur.
Allt hrært vel saman og hitað
í potti, þar til deigið er orðið
þykkt og samanhangandi. Sett í
litla toppa á vel smurða plötu og
bakað síðan við meðalhita
(175°) í u.þ.b. 12 mínútur.
Kókósmarengekökur.
2 eggjahvítur
250 gr. flórsykur
1 tsk. sítrónusafi
4 matsk. kókósmjöl.
Eggjahvíturnar stífþeyttar.
Þeytið síðan u.þ.b. helminginn af
flórsykrinum og síðain sítrónu-
safanum með, saman við eggja-
hvíturnar. Hinn helmingurinn af
flórsykrinum ásamt kókósmjöl-
inu er síðan settur saman við
deigið. Sett í smá toppa á vel
smurða plötu. Þessar marenge-
kökur eru bakaðar við mjög væg
an hita (125°) í 30-40 minútur.
Súkkulaðimarengekökur.
2 eggjahvitur
100 gr. sykur
2 matsk. kakó
u.þ.b. 50 gr. saxaðir hnetu-
kjarnar.
Eggjahvíturnar stífþeyttar, þá
er helmingurinn af sykrinum
þeyttur saman við. Síðan er hinn
helmingurinn af sykrinum sett-
ur saman við, ásamt kakóinu og
hnetukjörnunum. Deigið sett í
litla tiyjpa á vel smurða plötu.
Bakið við mjög vægan hita í
30-40 mínútur.
Eggjahvítuhnetukaka.
200 gr. smjör eða smjörlíki
200 gr. sykur
IV2. tsk. ger
50-100 gr. saxaðir hnetukjarnar
4-5 eggjahvítur.
Smjörið brætt, hrært vel með
sykrinum, síðan er hveiti, geri
og hnetukjörnum blandað sam-
an við, og að lokum stifþeyttum
eggjahvítunum. Kakan bökuð í
vel smurðu formi við vægan hita
í tæpa klst.
Góður ábætisréttur.
Þetta er mjög þægilegur og
ljúffengur ábætisréttur. Hann
má búa til úr nýbökuðum mar-
engekökum, eins má nöta í hann
marengekökur, sem brotnað hafa
í kassanum.
6-6 litlar marengekökur
Vá 1. þeyttur rjómi
125 gr. vínber
1-2 hrá, rifin epli.
Til skrauts: vínber og rifið
súkkulaði. Marengekökurnar
brotnar niður og blandað saman
við þeyttan rjómann ásamt vín-
berjunum og eplunum. Borinn
fram í litlum ávaxtaskálum.
itíkir riddarar.
U.þ.b. Vz 1. ávaxtamauk
8 þunnar franskbrauðssneiðar
með smjöri
Marenge: 2 eggjahvítur
100 gr. sykur.
Ávaxtamaukið sett á smurðar
franskbrauðssneiðar. Eggjahvít-
urnar stífþeyttar, sykurinn
þeyttur saman við og marenge-
inn síðan settur ofan á brauð-
sneiðarnar. Settar á plötuna, eða
í flatt eldfast mót og bakað við
vægan hita i 12-15 mínútur.
Borðaðar heitar og eru beztar
með köldum, þeyttum rjóma.
Eggjahvítusmjörkrem.
2 eggjahvítur
125 gr. flónsykur
u.þ.b. 200 gr. smjör.
Blandað samam eggjahvítun-
\
um og flórsykrinum og þeytið
yfir gufu, þar til það er orðið
þykkt. Kælið. Þeytið síðan smjör
ið saman við, það á að vera kalt
en ekki hart. Mjög gott er að
blanda saman við kremið hnetu-
kjörnum, rifnu súkkulaði eða
kirsuberjum. Mjög gott á kökur,
og má þá sprauta því í alls kon-
ar mynztri.
Ennfremur má hella eggjahvít
um á disk og láta þær í heitan
bakaraofn, sem iþó má ekki vera
straumur á, láta þær standa um
stund, eða þar til þær eru orðn-
ar að gulri skán, skafa þær síð-
an af diskinum og láta þær í
glas í ísskápinn. Þá getið þið,
með því að leysa þær upp í dá-
litlu vatni notað þær sem nýjar,
þeytt þær, steikt þær eðá gert
við þær það, sem þið viljið. Eru
þær þannig nothæfar eftir langa
geymslu.
Þegar börnin eru uppkomin
í ÞESSU fámenna landi okkar
er hver einstaklingur mikils
virði eins og allir vita, og því
mikilsvert að hæfileikar og orka
nýtist á sem beztan hátt.
Þó er mér nær að halda, að
hér sé til stór hópur kvenna,
sem þarfnast verðugra verk-
efna, og þjóðfélagið hefur hreint
ekki ráð á að vera án þeirrar
starfsorku. Á ég hér við konur
þær, sem á tiltölulega ungum
aldri eru búnar að ala upp börn
sín og hafa tæplega nóg fyrir
stafni með lítið heimili að hugsa
um. Það færist í vöxt, að slíkar
konur leiti aftur út í atvinnu-
lífið, en þær eru líka margar
sem treysta sér ekki, finnst vera
of langt um liðið frá fyrri störf-
um og hafa ef til vill ekki þjálf-
un í neinu vissu sviði.
Námsflokkar Reykjavíkur aug
lýstu á síðastliðnum vetri end-
urhæfingarnámskeið í skrifstofu
störfum fyrir konur, er höfðu
stundað þau störf áður, og er
það eina starfsemin á því sviði,
sem mér er kunnugt um.
Konur eru nú talsvert yngri
að árum, er þær hafa lokið
barnauppeldisstarfi sínu, en þær
voru áður fyrr. Sjá allir, að
kona innah við miðjan aldur
og við góða heilsu, getur orðið
góður starfskraftur á mörgum
sviðum, þótt hún hafi einbeitt
að heimilishaldi og börnum
ser
í 20—25 ár. Það væri áreiðan-
lega gott fyrir margar fullorðn-
ar konur að komast í starf hluta
úr degi (eða 2—3 daga í viku),
og komast við það í nánari snert-
ingu við umheiminn, ef svo má
segja, burtséð frá fjárhagslegri
þörf. fslenzkar konur eru mjög
dugnflklar við störf í hinum
ýmsu kvenfélögum, og nægir
þar að nefna konur í „Hringn-
um“ og hinum ýmsu safnaðar-
félögum, sem eru óþreytandi við
fjáröflun fyrir kirkjur sínar.
En það er svo ótal margt
fleira, sem konur, er eiga sjálf-
ar sinn tíma, geta gert.
1. Tvískiptur kjóll, blússan þverröndótt, appelsínugul og hvit að lit, pilsið einlitt, appelsínugult. 2. Dökkblá, hálfsið kápa með
rennilás að framan. 3. Röndóttur „chiffon“-kjóll, appelsínugulur með gulum röndum. 4. Tjaldkjóll, hárauður. Fjóluvendi stung
ið í vasann. 5. Hárauður kjóll, sláið að ofan bundið saman að aftan, pilsið útsniðið. 6. Hárauður kvöldkjóll með hvitum brydd
ingum í hálsinn, við handveginn og að neðann.
1. Mjög við kapa, hringskorin, rauð- og grænköfl tt. Kauður .'»•! V igi og faldur. 2. Svuntu ;j 11, bómullarblússa undir.
3. Ermalaus, hvítur kjóll, fell iur og hringskorinn. 4. Kjóll m ð íuí m, hvítum og gylltum rÖndurn, uppstandandi kraga og
rúllufaldi. Rennilás framan á V'Vsnimd Y:ð kj'dinn er haft •r-.'1, hvit- Dkkleðurbelti, sem haft er neðarlega. 5. Marglitur
„ehiffon“-kj Tl, slaufa í hálsm ’I-»«. r ð ", Kvóldkj 11. fe !'».• r.lS r : ð miiti, þar tekur við • f“-pils. Mildir litir.
Skipulagt sjálfboðastarf
kvenna við mannúðar- og menn
ingarmál hefur verið reynt í
ýmsum löndum um árabil og
reynzt vel. Má þar nefna að-
stoð við sjúka og aldraða og
gæzlu barna á sjúkrahúsum og
barnaheimilum. Algengt er, að
konur fari t.d. og stytti gömlu
fólki á elliheimilum stundir með
því að lesa fyrir það eða á ann-
an hátt. Er nokkuð um, að kven
félög beiti sér fyrir slíku hér?
Nú, og svo eru það barna-
heimilin, það er ótrúlegt annað
en að gleðja mætti börn þau,
sem engan eiga að með regluleg
um heimsóknum sjálfboðaliða,
sem léku við börnin, læsu fyrir
þau. kenndu þeim vísu eða
rauluðu fyrir þau laglstúf. En
þetta eru atriði, sem hver móð-
ir er þaulkunnug, og trúi ég
því ekiki að óreyndu, að íslenzk
ar konur yrðu eftirbátar ann-
arra að þessu leyti.
Mörg kvenfélög beita sér fyr-
ir gjafasendingum til ýmissa
uppeldisstofnana um jólaleytið,
og er það góðra gjalda vert. En
betur má, ef duga skal, og það
eru fleiri dagar í árinu en jóla-
dagarnir.