Morgunblaðið - 09.11.1967, Blaðsíða 3
MORGUNBLAÐIÐ, FIMMTUDAGUR 9. NÓV. 1967
3
THOR V ALDSEN SFÉL AGIÐ
efnir til skemmtikvölds á Hótel
Sögu, sunnudagskvöldið 12. nóv.
n.k. til ágóða fyrir húsbúnað í
hina nýju viðbyggingu við
Vöggustofu félagsins við Sunnu-
torg. Þessi nýja deild er ætluð
fyrir börn á aldrinum 2—3V2
árs. Fyrst og fremst fyrir þau
.börn, er nú dvelja á Vöggustof-
unni og engan samastað eiga og
til að vera griðastaður fyrir börn
á þessu aldursskeiði, sem ein-
hverra hluta vegna geta ekki
dvalið hjá mæðrum sínum um
stundarsakir, vegna veikinda
mæðranna eða annarra erfið-
leika. Þessi deild á að taka til
starfa seint næsta haust, að öll-
um líkindum um mánaðamótin
nóvember/desember 1968 og
rúmar um 18—20 börn.
Eins og fyrr er sagt, er þessi
skemmtun haldin til að afla fjár
til kaupa á húsbúnaði í bygg-
inguna.
Skemmtikvöld Thorvald-
sensfélagsins
Félagið hefur engan styrk hlot
ið til þessarar byggingar, Thor-
valdsensfélagskonur einar hafa
aflað fjárins á margvíslegan
Lionsklúbbur
í Hornoíirði
Höfn, Hornafirði. 8. nóv.
STOFNSKRÁRHÁTÍÐ Lions-
klúbbs Hornafjarðar var haldin
síðastliðið laugardagskvöld í
Hótel Höfn. Hátíðin hótfst með
bæn í Hafnarkirkju, við orgelið
var Eyjólfuir Stefámsson söng-
stjóri. Hátíðina sátu auk heima-
manna fulltrúar ýmissa Lions-
klúbba, þeirra á meðal núver-
andi og fyrrverandi umdæmis-
stjórar á íslandi, þeir Gunnar
Helgason og Benedikt Antons-
son. Allir aðkomumenn fluttu
kveðjur og færðu klúbbnum
margs konar gjafir. Axel
Tulinius fyrrverandi umdæmis-
stjóri klúbbanna á Austurlandi
færði klúbbnum góðar gjafir og
kveðjur frá klúbbum á Auistur-
landi. Skarphéðinn Pétursson
formaður klúbbsins stjórnaði
hátíðinni sem fór mjög vel fram.
Þess skal getið að loftfar það
er Húsvíkinga sáu í gær fór hér
yfir með miklum hraða kl. 2
mínútur yfir 3. — Gunnar.
hátt, með sölu á jólamerkjum fé-
lagsins árlega, sem allir þekkja,
leikfangahappdrætti o.fl. Basar
félagsins, sem hefur starfað í
Austurstræti 4, í rúm 60 ár, hef-
ur gefið góðar tekjur og hefur
hann oft og á margan hátt get-
að liðsinnt hjálparþurfa fólki.
Almenningur hefur alltaf tek-
ið félagskonum frábærlega vel
er þær hafa hafizt handa með
fjáraflanir og hefur félaginu oft
borizt stórar og höfðinglegar
gjafir.
Félagskonur vonast nú eins og
endranær til að bæjarbúar bregð
Stúlkur sýna þ.jóðbúninga Norð-
urlandanna aex á samkomu Thor
valdsens félagsins.
ist vel við og fjölmenni á
skemmtun þessa á Hótel Sögu,
sunnudagskvöldið 12. nóv. n.k.
Mjög verður vandað til
skemmtiatriða og happdrætti
þess, sem á skemmtuninni verð-
ur.
Nýtt jólohort fró flsgrímssafni
• •
Oxnadals-
heiði ófær
Öxnadalsheiði varð ófær
fólksbílum í gærkvöldi og
mun vegagerðin aðstoða um-
ferð yfir heiðina á morgun.
Ólafsfjarðarmúli var fær í
gærkvöldi, en hins vegar
varð að fara um Dalsmynni,
þar sem Vaðlaiheiði var lok-
uð. í dag á að aðstoða um-
ferð yfir Möðrudalsöræfi, ef
veður leyfir.
Nokkur hálka var á vegum
sunnanlands og í grennd við
Reykjavík í gær og sénstak-
lega voru erfiðleikar í Kömb-
um.
JÓLAKORT Ásgrimssafns þetta
ár er gert eftir olíumálverki úr
Svarfaðardai í Eyjafjarðarsýslu,
sem er álitinn vera einn af sér-
kennilegustu og fegurstu dölum
á ísilandið, en safnið hefur leit-
azt við með kortaútgáfunni að
kynna ýmsa merka staði á land-
inu. Frummyndin að málverkinu
gerði Ásgrímur Jónasan í hinztu
ferð sinni til Norðurlands, árið
1951.
Þetta nýprentaða kort er í sömu
stærð og hin fyrri litkort safns-
ins, með íslenzkum, enskum og
dönskum texta á bakhlið, ásamt
mynd af Ásgrími.
Ásgrímssafn hefur þann hátt
á, að gefa aðeins út eitt litkort
á ári, en vanda því betur til
prentunar þess. Nú í fyrsta sinn
er beitt þeirri tækni við gerð
listaverkakortanna frá safninu,
að áferð mélverksins kemur
greinilliega í ljós í eftirprentun.
Myndamót var gert í Litróf, en
Víkingsprent h.f. annaðist prent
un.
Einnig hefur safnið gert það
að venjtu sinni, að byrja snemma
sölu jólakortanna, til hægðar-
auka fyrir þá sem langt þ-urfa
að senda jóla- og nýánskveðju.
Einnig þá sem hafa hug á að
láta innramma kortið til jóla-
gjafa. Eins og fyrr hefur verið
frá sagt í sambandi við korta-
útgáfu Ásgrímssafns, er ágóði
seldra korta notaður til greiðslu
fyrir viðgerð á málverkum þeim,
sem fundust í kjallaranum í húsi
Ásgrkns Jónsisonar að honum
látnum.
Listaverkakortin eru aðeins
til sölu í Ásgrímssafni, Berg-
staðastræti 74, og Baðstofunni i
Hafnarstræti 23, þar sem safn-
ið er ekki opið nema 3 daga í
viku, sunnudaga, þrið'ju- og
fimmtudaga frá kl. 1,30—4.
Akgieinor
við Shorú
FRETTARITARI Mbl. í Kjós
Steini á Valdastöðum, hefur í
fréttum sínum oft bent á nauð-
syn þess að lagfæring verði gerð
á blindlhæð við Skorá í Kjós, en
þar hafa oft og iðulega orðið
mjög harðir bílaárekstrar. í gær
simaði Steini Mbl., að þessar
lagfæringar hefðu nú verið gerð
ar. Hefur blindhæðinni verið
skipt í akreinax og merki sett
upp á háhæðina til frekara
öyggis. Sagði Steini að lagfær-
ingin væri til stórrar bótar fyrir
umferðaröryggið og ástæða til
að fagna þessum framkvæmd-
um.
Allt-í-eiá
heimilistrygging
á hvert
bindindisheimili!
ÁBYRGÐ h.f. býður bindindisfólki ódýra heimilistryggingu.
Fjölbreytta tryggingu fyrir alla fjölskylduna.
Brunatrygging, vatnstjónstrygging, þjófnaðartrygging,
ábyrgðartrygging, slysaörorkutrygging o. fl. tryggingar,
allt í einu skírteini.
ÁBYRGÐ h.f. tryggir aðeins bindindismenn.
Þess vegna fá þeir ódýrari tryggingar hjá ÁBYRGÐ.
Það borgar sig að lífa í bindindi.
TRYGGINGAFÉLAG FYRIR BINDINDISMENN
Skúlagötu 63 - Reykjavík - Símar: 17455 - 17947
ABYRGÐP
STAKSTEIMAR
Að láta mata sig \
Það hefur vakið athygli h veTn
ig íslenzka sjónvarpið minntist
50 ára afmælis rússnesku bylt-
ingarinnar. Auðvitað er sjálfsagt
að sjónvarpið minnist svo merki
legs atburðar í sögu þessarar ald
ar, en mörgum þótti harla vafa-
söm þjónusta við sannleikann að
sýna einhliða áróðursmynd rúss
neska, þar sem allt var gyllt,
svo að úr varð ómerkileg glans-
mynd.
Slíkar myndir segja auðvitað
engan sannleika. Þarna var eink
um lögð áherzla á Messíasarhlut
verk Lenins í kommúniskri sögu
og síðan rakin nokkur atriði í
sögu Sovétríkjanna, sem koma
sér vel fyrir kommúnismann.
Dæmi: Sýnt var þegar Litvinov
undirritaði viðskiptasamning við
erlent ríki, en ekki minnzt einu
orði á undirritun sáttmála Hitl-
ers og Stalíns. Ekki var minnzt
á alla sögu Stalínismans — og
hefur Stalín þó stjórnað Sovét-
ríkjunum lengst af þetta 50 ára
tímabil. Svona barnalegur áróð-
ur, matreiddur í einhverri örygg
ismáladeildinni í Moskvu — er
svo langt fyrir neðan virðingu
sjónvarpsins að engu tali tekur,
því að ekki skal því trúað að
sjónvarpið ætli að ganga lyginni
á hönd af diplómatískum ástæð-
um.
Sjálfsagt var að minnast rúss-
nesku byltingarinnar í sjónvarp
inu eins og fyrr getur og jafnvel
að fá efnivið frá Rússum. En
sjónvarpið hefur sýnt sjálfstæð
og ágæt vinnubrögð, og stingur
því slík mynd í augu. Það hlýt-
ur að vera hlutverk — og raun-
ar skylda — íslenzka sjónvarps-
ins að vinna úr slíkum efnivið,
en láta ekki mata sig eins og
ómálga barn. Sjónvarpið er að
vísu á barnsaldri, en svo ósjálf-
bjarga er það ekki.
Um dagskrá útvarpsins í til-
efni af byltingarafmælinu skai
ósagt látið. Á hana hlustuðum
við ekki.
Staðreyndum
snúið við
Vísir sagði í forustugrein sl.
laugardag:
„Stjórnarandstæðingum tókst
ekki að fá meirihluta þjóðarinn-
ar til að trúa því, að henni
mundi vegna betur ef skipt yrði
um ríkisstjórn og Framsókn og
kommúnistum fengin völdin. Því
tilboði þeirra var vísað á bug í
þrennum alþingiskosningum.
Þjóðin var ánægð með stjórnar-
farið og afkomu sína, enda fengu
allar stéttir sinn hlut í afrakstri
velgengnisáranna.
En svo gerist það, sem engin
ríkisstjórn fær við ráðið, að
mikill aflabrestur verður á vetr-
arvertíð, stórkostlegt verðfall á
helztu útflutningsvörunum dyn-
ur yfir og síldveiðin bregzt að
nokkru leyti, bæði hvað afla-
magn og tilkostnað snertir. Þá
reka stjórnarandstæðingar upp
siguróp og segja við þjóðina:
Þarna sjáið þið, þetta vorum við
búnir að segja ykkur. Þetta er
„gjaldþrot stjórnarstefnunnar."
Og bæði Tíminn og Þjóðviljinn
eyða miklu rúmi á hverjum degi
til þess að reyna að telja al-
menningi trú um að aflabrest-
urinn og verðfallið eigi sáralít-
inn þátt í erfiðleikunum. Þannig
er öllum staðreyndum snúið við,
reynt að blekkja þjóðina og æsa
til andspyrnu gegn ráðstöfunum,
sem eru óhjákvæmilegar til þess
að koma í veg fyrir enn stærri
áföU.“