Morgunblaðið - 11.09.1968, Blaðsíða 10

*
'i
10
MORGUNBLAÐIÐ, MIÐVIKUDAGUR 11. SEPT. 1968
Blóm, sem ekki
þarf að vökva
MARGIR þeir, sem þessa dagana
eiga leið um Skólavörðuholtið í
dagsins önn, gefa sér tíma til að
staldra við á lóðinni fyrir fram-
an Ásmundarsal, og virða fyrir
sér útisýningu Myndlisíarskól-
ans; 32 höggmyndar, sem eiga
að kynna margt það nýjasta, sem
er að gerast í þessari listgrein á
voru landi. Höggmyndir þessar
eru úr hinum ólíkustu efnum;
sumar vekja athygli áhorfand-
ans fyrir frumleika sakir, aðrar
eru öllu hefðbundnari, en alla
vega er óhætt að fullyrða að
þessi sýning bjóði upp á eitthvað
fyrir alla.
T>egar við brugðum okkur á
svninguna á mánudag var tals-
vert margt fólk þar fyrir. Allir
virtu 'höggmyndirnar fyrir sér
með athygli; eins'taka hristi höf-
uðið yfir ósköpunum, að aðrir
stóðu gleiðir og horfðu íbyggnir
á listaverkin, og gamla konu
heyrðum við biðja Guð að hjálpa
því fólki, sem ekki fyndi sér
annað þarflegra til dundurs, en
að storka tilverunni með slíkum
afskræmingum. Unga fólkið lét
í ljós mikinn fögnuð yfir mörg-
um listaverkanna.
Guðmundur Halldórsson, „rík-
isstjóri á Snorrabraut“, var að
virða fyrir sér Fallinn víxil, þeg
ar við hitrtum hann að máli.
„Ég er búinn að skoða alla
sýninguna, sagði Guðmundur, en
ég veit hreint ekki, hvað segja
skal. í>ó hef ég bara gaman af
að virða þetta fyrir mér og finnst
það rnjög svo lofsvert framtak
að setja listina út í sólina. Það
er eitthvað svo notalegt að reika
hér um“.
Þéttur maður í verkamanna-
fötum kom til okkar, þegar við
vorum að virða fyrir okkur eitt
listaverkið og spurði: Hvar á
að .horfa á þetta? Við töldum,
að hver og einn yrði að finna sér
punkt til að standa á og sam-
þykkti hann það. Um leið og
hann fór skaut hann því að okk-
ur, að sér hefði fundizt mikið til
um Timburmanninn, „en það er
kannske mest vegna þess, að það
Fremst á myndinni sjást nafnlaus verk eftir Signrð Steinsson og ber aftari höggmyndina í
verk Einars Hákonarsonar, sem hann nefnir Organis. Til vinstri sjást Glermynd eftir Gunn-
stein Gíslason og Veggskúlptúr eftir Hallstein Sigurðsson. (Myndirnar tók Sveinn Þormóðsson)
Guðmundur Halldórsson virðir fyrir sér Fallinn víxil eftir Inga
Hrafn Hauksson.
er mánudagur", sagði hann og
glotti.
Næst bar okkur að þremur
verkum, sem létu lítið yfir sér,
en vöktu þeim mun meiri at-
bygli áhorfenda. Fyrst skal telja
þar kassa með súkkulaði í.
Nokkrar deilur risu upp meðal
áhorfenda um það, hvort um át-
súkkulaði eða suðusúkkulaði
væri að ræða, en lítill snáði
leysti vandann með því að lýsa
því yfir, að það væri handfangið
á kassanum, sem máli skipti.
Undir einu kassahorninu lá stafii
af upprifnum umslögum og við
steininn lá safn alis kyns hluta,
m.a. gamall kústhaus, hnakkur
af reiðhjóli, ljósapera og gömui
klípitöng. Allt var þetta málað í
samræmi við rauðamölina á svæð
inu. Ekki vakti þetta minni deil-
ur en súkkulaðikassinn, en ung-
ur alvarlegur maður með gler-
augu tjáði okkur, að þetta væri
eitt bezta verkið á sýningunni;
gleðilegur vottur þess að íslenzk
ir listamenn vissu af því, sem
væri að gerast í kring um þá.
Ung kona með sólgleraugu
gekk um svæðið og virti mynd-
irnar vandlega fyrir sér. Öðru
hverju brosti hún og hristi höf-
uðið, en við sumar myndirnar
stóð hún lengi alvarleg á svip.
Við spurðum hana að nafni og
kvaðst hún heita Kristín Ás-
mundsdóttir.
Kristín kvaðst alltaf hafa gam
an af að fara á Jistsýningar og
taldi þessa að mörgu leyti for-
/itnilega. Myndirnar væru að
vísu svona upp og ofan, en þess
væri heldur ekki að vænta, að
þær féllu allar í smekk hvers ein
asta áhorfanda. „En þetta ber þó
vott um mikla grósku í högg-
myndalist", sagði Kristín að lok-
um og við fengum að smella af
henni mynd við járnblóm eftir
Magnús Tómasson. „Svona blóm
vil ég eiga“, sagði lítil stúlka.
„Það þarf nefnilega ekki að
Timburmaður eftir Jón Jónsson.
Af hverju er
þörf á þjóiareiningu
er umræðuefni ALMENNS FUL LTRÚARÁÐSFUNDAR í Sjálf-
stæðishúsinu á morgun, fimmtudag 12. september kl. 20.30.
Frummælandi:
Dr. Bjarni Benediktsson, forsætisráðherra
Fulltrúaráðsmeðlimir eru hvattir til að fjölsækja
fundinn og taka þátt í umræðum. — Nauðsynlegt
er að meðlimir sýni skírteini við innganginn.
STJÓRN FULLTRÚARÁÐS
SJÁLFSTÆÐISFÉLAGANNA í REYKJAVÍK.