Morgunblaðið - 28.05.1970, Blaðsíða 12
12
MORíGUNöLAÐIÐ FIMMTUDAGUR 28. MAÍ 1970
— þáttur í félagslegri þjónustu borgarinnar
EINN þýðingarmesti þátturinn í félagslegri þjónustu
Reykjavíkurborgar við borgarbúa er starfsemi Æskulýðs-
ráðs Reykjavíkur. Æskulýðsráð hefur tvíþættu hlutverki
að gegna: í fyrsta lagi að efla og styðja hið frjálsa starf
hinna ýmsu æskulýðsfélaga, í öðru lagi að skapa hinni
ófélagsbundnu æsku aðstöðu til hollrar tómstundaiðju og
heilbrigðs skemmtanalífs.
Þetta hefur Æskulýðsráð gert m. a.:
• Að Fríkirkjuvegi 11 er veitt fjölbreytt þjónusta
og fyrirgreiðsla við æskulýðsstarf. Þar hafa æsku-
lýðsfélög aðstöðu til fundahalda og skemmtana.
• í Tónabæ, sem borgin keypti á sl. ári, er miðstöð
æskulýðsstarfs. Fyrsta árið komu 70 þúsund gest-
ir í Tónabæ.
• í gagnfræðaskólum borgarinnar gengst Æsku-
lýðsráð fyrir tómstundastarfi í samvinnu við
fræðsluyfirvöld. Um 60% nemenda taka þátt í
þessu starfi.
• í Fossvogi starfrækir Æskulýðsráð siglingaklúbb,
sem hefur notið vaxandi vinsælda. Á klúbburinn
nú um 40 báta og eru meðlimir hans um 700. —
Klúbbfélagar hafa aðstöðu til bátasmíði á staðn-
um og fá leiðbeiningar við það.
• í Saltvík á Kjalarnesi vinnur Æskulýðsráð að
uppbyggingu fjölbreytilegs útivistarsvæðis fyrir
Reykvíkinga, unga sem aldna.
• Á sumrin efnir Æskulýðsráð til búvinnunám-
skeiða, leikjanámskeiða, stangaveiðiferða o. fl.
Sjálfstæðisflokkurinn hefur haft forystu um upp-
byggingu á því starfi Æskulýðsráðs, sem að íraman grein-
ir. Á næstu árum munu fulltrúar SjálfstæÖisflokksins
leggja áherzlu á eftirfarandi atriði í æskulýðsmálum:
• Koma upp aðstöðu til æskulýðsstarfs í einstök-
um borgarhverfum.
• Efla þann þátt í starfi Æskulýðsráðs, sem miðar
að stuðningi við hin frjálsu æskulýðsfélög.
• Vinna að sérmenntun æskulýðsleiðtoga og leið-
beinenda í tómstundastarfi.
% Nýta skólahúsnæði borgarinnar í ríkara mæli til
æskulýðsstarfs.
• Auka kynningu í skólum á æskulýðsstarfi.
• Stuðla að auknum bindindisáhuga meðal æsku-
fólks og vinna gegn neyzlu fíknilyfja, m. a. með
skipulagðri fræðslu.
• Auka tækifæri til útileikja á opnum svæðum í
borginni og skapa aðstöðu fyrir æskufólk í ná-
grenni borgarinnar.
Þetta eru nokkur atriði úr störfum og stefnu Sjálf-
stæðisflokksins í æskulýðsmálum borgarinnar. Æskulýðs-
starf hefur stóraukizt á sl. 4 árum, en á næstu árum er
fyrirsjáanlegt að það mun aukast enn.