Morgunblaðið - 08.06.1974, Blaðsíða 5

Morgunblaðið - 08.06.1974, Blaðsíða 5
MORtiUNBLAÐIÐ, LAUCARDACUR 8. JUNI 1974 5 Guðmundur Daníelsson: 88S8338888888888S8888838 Er vinstri stefna dyggð? GREIN sú, sem hér fer á eftir, birtist í Suðurlandi hinn 5. júní sl. Morgunblaðinu þykir ástæða til, að hún komi fyrir augu fleiri lesenda og er hún birt hér með leyfi höfundar. HÉR talar utanflokka maður, ég hef aldrei gengið í stjórnmála- flokk. i þau tíu ár, sem ég var ritstjóri Suðurlands eftir að Ingólfur Jónsson tók við blaðinu af okkurGíslaBjarnasyni.varég persónulega óháður, þó að blaðið væri málgagn Sjálfstæðisflokks- ins. Áður vorum við Gísli búnir að gefa blaðið út sem ópólítfski menningarmálgagn fyrir Sunn- lendinga í heild, frá 1953—1963, i tíu ár. Og það er best ég ljósti því upp núna, að i þau tíu ár, sem ég var ritstjóri I þjónustu Ingólfs og Sjálfstæðisflokksins, kaus ég þann flokk ekki nema stundum. En núna, 30. júni 1974, ætla ég að kjósa Sjálfstæðisflokkinn og róa að því öllum árum, að sem flestir geri það. Þessa ákvörðun hef ég tekið á undanförnum vikum. Landsfræg- ur árekstur okkar Ingólfs út af landhelgismálinu og NATO í fyrrasumar og uppsögn mín á rit- stjórnarstarfinu skiptir hér engu máli fyrir afstöðu mína núna. Það eru aðrir veigameiri hlutir, sem máli skipta: Skipbrot vinstri stefnunnar i höndum núverandi ríkisstjórnar. Það eru verk og vinnubrögð vinstri stjórnarinnar, sem valda afstöðu minni og ákvörðun núna, ásamt fávíslegum orðum og gjörðum þeirra manna, sem segjast ætla að efla hana til valda á ný í næstu kosningum, endurreisa þessa ömurlegu rúst á lögbergi íslenzkra stjórnmála. Hægt er að koma í veg fyrir, að slikt þjóðarslys hendi með þvi að efla Sjálfstæðisflokkinn í sér- hverju kjördæmi Iandsins. Hvað er vinstri stefna? Aðal lögvitringur þeirrar ríkis- stjórnar, sem nú lafir sjálfskipuð við völd, Ölafur Jóhannesson for- sætisráðherra fékk spurninguna til ihugunar i sjónvarpsþætti eftir að keðjusprengingar „vinstri"- fylkingarinnar hófust fyrir alvöru snemma í vor, og leysti sig undan henni með svipuðu svari og ahnar lögvitringur fyrr á tið, Pílatus að nafni: þegar orðið sannleikur var nefnt í áheyrn hans, þá spurði hann einfaldlega: „Hvað er sannleikur?" Ég gat ekki láð Ólafi Jóhannes- syni þó að hann afgreiddi.spurn- inguna í stil við Pílatus, því að hver veit lengur hvað átt er við með orðinu „vinstri" í merking- unni stjórnmálastefna? — Þetta var um það leytið, sem svo nefnd Möðruvallahreyfing geystist inn i fjölmiðlana undir flokksheitinu „Vinstri framsóknarmenn". Þeir þóttust nú aldeilis vera menn, sem gætu migið standandi, gagn- stætt „hægri" framsóknarmönn- um. Ekki leið á löngu þar til Helgi Sæm og nokkrir i viðbót þóttust allt i einu vera orðnir of gáfaðir og róttækir til að fylgja lengur Gylfa Þ. í Alþýðuflokknum, gáfu út dagskipun, sögðust vera orðnir „vinstri jafnaðarmenn", ekki man ég hvort þeir æptu lfka herópið: „öreigar allra landa, sameinist!" Þessir náðu umsvifalaust sam- bandi við Ólaf Ragnar Grimsson, sem búinn var að fussa og sveia „hægri" framsókn forsætisráð- herra, og byrjuðu að bræða saman flokk. Enn er þó ótalinn „primus motor" allra þessara viðburða, Magnús Torfi ráðherra. Virtist hann hafa hvílst vel og safnað góðum kröftum í ráðherrastóli sínum, því að nú sló hann prívat eign sinni á „Samtök frjálslyndra og „vinstri manna", lokaðí þá Björn og Hannibal úti og vlsaði þeim til gistingar hjá gömlu félög- unum i Alþýðuflokknum, mönn- unum, sem i óvirðingarskyni eru stundum nefndir „hægri kratar" i ræðu og riti „vinstri manna". Vinna nú þessar þrjár fylkingar að: „öreigar allra landa, samein- ist!" og ætla að bjóða fram lista í öllum kjördæmum landsins. Þing- flokkurinn Bjarni Guðnason, Frjálslyndi flokkurinn, kom á síð- ustu stundu og spurði: „Má ég ekki, mamma, með í leikinn þramma?" „Viltu þá stuðla að þvi með okk- ur að koma „vinstri" stjórn aftur til valda?" spurðu þeir Magnús Torfi, Helgi Sæm og Ölafur Ragn- ar. „Já, betri vinstri stjórn," svar- aði Bjarni. „Betri?" hváðu hinir mjög svo hneykslaðir. „Já, — og svo vil ég lika fá öruggt sæti á lista," sagði Bjarni, sem von var. „Við höfum ekki fleira við þig að tala," sögðu mikilmennin. Og er Bjarni því orðinn utanlegsfóst- ur „vinstri" hreyfingarinnar og fæðist sennilega aldrei, jafnvel þó að Steinunn ljósmóðir yrði sótt, sem er næstum því óhugsandi, þar sem hún er komin i góða og vel borgaða vinnu uppi í spítala fyrir gæskurfka ráð heilbrigðis- málaráðherra. Mér hefur verið sagt, að hin orðglaða og raddsterka „vinstri" fylking skiptist nú í 9 eða 10 flokka. Allir telja þeir sig mikla föðurlandsvini, en þeir vilja hafa landið varnarlaust: Segja sig úr NATO og reka varnarlið Banda- rikjamanna nokkurn veginn um- svifalaust úr landi, til þess að við getum með sanni sagt, að við sé- um sjálfstæð og fullvalda þjóð og kalla sig „hernámsandstæðinga". En eins og flest, sem úr þeirri vígorðamaskínu kemur, er nafn- giftin markleysa og út i hött, því að island hefur aldrei verið her- numið, nema fyrst eftir að síðari heimsstyrjöldin braust út. Varnarliðið er hér vegna samn- ings, sem alþingi gerði á sinum tíma við Bandaríkjamenn vegna aðildar okkar að NorðurAtlants- hafs varnarbandalaginu. Og við þetta varnarlið getum við losnað strax og meiri hluti alþingis- manna telur það tímabært með hliðsjón af friðarhorf um í heimin- um. Alveg nýlega hafði fréttastofa Ríkisútvarpsins viðtal við tvo af talsmönnum eóa leiðtogum tveggja af þessum 9 eða 10 „vinstri" flokkum á Íslandi: Fyrst var rætt við flokksleiðtoga „Marx- Leninista". Hann sagði berum orðum og umbúðalaust, að flokk- ur hans stefndi að blóðugri bylt- ingu á íslandi, valdaráni þar sem beitt yrði drápstækjum. Mér dett- ur ekki í hug, að hann hafi verið að gera að gamni sinu. Þarna er „vinstri" flokkur, sem býr sig undir hryðjuverk og manndráp i því skyni að koma á eins flokks lögregluriki, afnámi ritfrelsis og skoðanafrelsis, það er að segja hreinræktuðu einræði. Tveimur dögum siðar var rætt við fulltrúa svo nefndrar „Fylk- ingar". Hann sagði ekki jafn ber- um orðum og Marx-Leninistinn, að flokkur hans stefndi að þjóð- félagsbyltingu með vopnavaldi og tilheyrandi manndrápum, en sagði að slikt væri eiginlega auka- atriði, — verið væri að mennta liðsmenn „Fylkingarinnar" í því skyni að gera þá sem hæfasta til starfa, þegar stund byltingarinn- ar rynni upp. Eftir útvarpsboðskap þessara tveggja „vinstri" flokka á islandi munu enn fleiri en áður telja sig eiga samstöðu með þeim, sem skrifuðu undir kjörorðið „Varið land". Er vinstri stefna dyggð? Ja, það var hún upphaflega. Hún steypti gömlu harðstjórunum af stóli og rétti hlut lítilmagnans. Hugsjónir og fögur orð hefur Framhaldábls. 21. l + l Listahátíð í Reykjavík Þjööleikhúsiö Dramaten konunglega leikhúsið í Stokkhólmi sýnir Vanja frœndi eftir Tjechow. 1 . sýning laugardag 8. júní kl. 20.00. 2. sýning sunnudag 9. júní kl. 20.00. 3. sýning mánudag 10. júní kl. 20.00. i? ftit lönó Leikfélag Reykjavíkur frumsýnir Selurinn hefur mannsaugu EFTIR Birgi Sigurðsson 1 . sýning laugardag 8. júní kl. 20.30. 2. sýning sunnudag 9. júní kl. 20.30. 3. sýning mánudag 10. júní kl. 20.30. &888888888888888888SSSSS Hjálpar- tæki HÖFUM FYRIRLIGGJANDI ÚRVAL AF TÆKJUM TIL ENDURHÆFINGAR til notkunar í heimahúsum og á stofnunum. Einnig tæki til þess aö létta lömuðum störfin heimafyrir og á vinnustað. REMEDIA HF lækningatækjaverzlun, Miöstræti 12. S. 27511 — 27632.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.