Morgunblaðið - 08.06.1974, Qupperneq 12
12 MORGUNBLAÐIÐ, LAUGARDAGUK 8. JUNI 1974
MKNNTASKÓLANUM á Isafirdi
var slitið mánudaginn 3. júnf s.l.
Þetta var merkisdagur í sögu
skólans, þvf þá var fvrsti
stúdentahópurinn útskrifaóur
þaóan. Þetta var einnig mikill
merkisdagur fvrir Isfiróinga og
aöra Vestfirðinga. Það voru marg-
ir vantrúaóir á þaö í bvrjun, aó
grundvöllur væri fvrir rekstri
menntaskóla á tsafirói, en revnsl-
an hefur sannaó áþreifanlega aó
sú svartsýni var ástæóulaus. Að-
sókn aö skólanum hefur verió
mikil, og engir erfióleikar verið á
þvf aó ráóa góða kennara til skól-
ans, en þaö óttuóust margir f bvrj-
un.
Skólaslitaathöfnin fór fram í
Alþýðuhúsinu á ísafirói, og hófst
kl. 14. Skólameistarafrúin, Bryn-
dís Schram, bauð gesti velkomna
og kynnti atriðin. Fyrst Iéku þeir
sr. Gunnar Björnsson, Jónas
Tómasson og Jakob Hallgrímsson
kammertónverk. Því næst flutti
Magnús Torfi Ólafsson mennta-
málaráðherra ávarp, og síðan
flutti Jón Baldvin Hannibalsson
skólameistari skólaslitaræðu, og
afhenti nýstúdentum frá Ml, 30
að tölu, prófskírteini sin. Ur fé-
lagsfræðikjörsviði útskrifuðust
15, úr náttúrufræðisviði 8 og úr
eðlisfræðisviði 7. Fyrsti stúdent-
inn sem Ml útskrifaði var Ársæll
Friðriksson. Dúx skólans var
Halldór Jónsson, með aðaleink-
unn 8,0 og semidúx var Margrét
Gunnarsdóttir með einkunnina
7,8.
prófskírteini sín í hendur, afhenti
skólameistari verðlaun fyrir
góðan námsárangur, og Bolli
Kjartansson bæjarstjóri afhenti
Halldóri Jónssyni peningaverð-
laun úr sérstökum sjóði, sem
bæjarstjórn ísafjarðar hefur
stofnað til, og mun verðlauna þá
nemendur sem fram úr skara.
Einnig flutti Bolli skólanum
heillaóskir. Því næst frumflutti
Sigríður E. Magnúsdóttir laga-
flokk við undirleik Ölafs Vignis
Albertssonar. Halldór Jónsson
flutti ávarp fyrir hönd ný-
stúdenta og í lok athafnarinnar
sleit skólameistari skólanum.
Seinna um daginn héldu skóla-
meistarahjónin veislu í skíðaskál-
anum fyrir utanbæjarnemendur
og aðstandendur þeirra, og um
kvöldið var haldið afar fjölmennt
lokahóf í Góðtemplarahúsinu.
Blaðamaður Mbl. var viðstaddur
skólaslitin, og tók hann nokkra
nemendur tali, og ræddi auk þess
við skólameistarahjónin.
Texti og m.vndir:
Sigtryggur Sigtr.vggsson.
Fyrirheit um bygg-
ingar hafa hrein-
lega verið svikin
Rœtt við Jón lMdvin Hanni-
' *
bakson skölameistam M
JÓN Baldvin Hannibalsson hefur
frá upphafi veriö skólameistari
Menntaskólans á ísafirói. Hann
hefur mátt þola margar raunir
frumherjans, en hann hefur einn-
ig haft gleði af því aö sjá starf sitt
bera ávöxt. Kona Jóns, Brvndís
Schram, hefur einnig átt þátt í
uppbvggingu skólans. Hún hefur
kennt þar frá upphafi og tekiö
þátt í félagslffi meö nemendum.
Þaö höfóu margir ótrú á Ml þegar
honum var komiö á laggirnar, og
viö hófum viótaliö við Jón Bald-
vin meó þvf aó sp.vrja um þetta
atriói.
,,Það var mjög útbreidd skoðun,
að enginn grundvöllur væri fyrir
stofnun menntaskóla á Isafirði.
Fólki hafði fækkað á Vestfjörð-
um, og til að stofna skóla þarf að
hafa nemendahóp og gött kenn-
aralið, og menn slógu því föstu að
hvorugt væri fyrir hendi. Þessum
hugmyndum verður kannski bezt
lýst með orðum brottflutts Isfirð-
ings, sem taldi skólann ómerki-
lega atkvæðasmölun pólitíkusa."
— Atti stofnun skóians sér
langan aðdraganda?
...Skólinn átti sér aldarfjórðungs
aðdraganda, því strax árið 1946
var flutt á Alþingi tillaga þess
efnis að reistir skyldu mennta-
skóiar á Vestfjörðum og Austur-
landi. Skólinn hefði betur verið
stofnaður þá, því einmitt upp úr
þessu hófst brottflutningur ís-
firðinga og annarra Vestfirðinga
til Reykjavíkursvæðisins. Ef skól-
inn hefði þá verið til staðar, hefði
hann kannski dregið úr þeim
fólksflutningum."
— Hvenær hófst svo starf-
ræksla skólans?
„Hann tók fyrst til starfa haust-
ið 1970. Nemendur voru 35 fyrsta
árið, langflestir af Vestfjörðum.
Aðeins 9 nemendur voru annars
staðar frá. Síðan hefur aðsókn
manna úr öðrum landsfjórðung-
um aukist, og eru nú þriðjungur
nemenda utan Vestfjarða. Hins
vegar er það algjör undantekning
ef fólk héðan af Vestfjörðum leit-
ar annað til menntunar.
— Nú voru margir sem héldu
því fram að hingað fengjust engir
góðir kennarar. Hvernig hafa þau
mál þróast?
,,Ég tel að skólinn hafi einvala
kennaraliði á að skipa. Við vorum
aðeins tveir fastir kennarar fyrsta
árið, ásamt stundakennurum á
staðnum. Nú eru hér 9 fastir
kennarar, en kennarar eru 16 í
allt. Það er orðið auðveldara að fá
góða kennara nú en áður. Það
hefur dregið úr aðstreymi til
Reykjavíkur, og menn eru tilbún-
ir að fara út á landsbyggðina ef
þeir fá gott starf og góð starfsskil-
yrði."
— Hefur skólinn verið byggður
upp samkvæmt einhverri fyrir-
framgerðri áætlun frá byrjun?
,,F’yrst var hann byggður upp
samkvæmt fyrirframgerðri áætl-
un. Eg hef síðan stefnt að því að
skipta honum í tvær megin deild-
ir, raungreinakjörsvið, sem er líkt
og stærðfræði- og eðlisfræði-
deildir í öðrum menntaskólum, og
félagsfræðikjörsvið, sem ekki
þekkist í öðrum menntaskólum.
Þar er uppistaðan greinar eins og
bókfærsla, vélritun, stjórnun,
þjóðhagfræði og rekstrarhag-1
fræði. Með þessarri deild er j
stefnt að tveimur markmiðum, í
fyrsta lagi að búa nemendur und-
ír nám í félagsfræðigreinum við I
Háskólann, og í öðru lagi að veita
þeim nemendum sem ekki hyggja
á frekara háskólanám hagnýta
þekkingu."
— Hvernig standa húsnæðismál
skólans?
,,Það er ennþá kennt I gamla
barnaskólanum á ísafirði, en við
erfðum það húsnæði þegar barna-
skólinn fékk nýtt húsnæði. Nem-
endur skólans voru í vetur 150 og
bekkjadeildirnar 9. Kennslustof-
urnar eru einnig 9, svo miðað við
stærð skólans er húsrými nægi-
legt, ef eingöngu er miðað við
kennsluþarfir. Skólinn er enn
sem komið er einsetinn. Sam-
kvæmt byggingaráætlun átti
heimavist fyrir 150 manns, skóla-
húsnæði fyrir 250 nemendur,
íþróttahús og kennarabústaður að
vera tilbúnir ekki sfðar en haustið '
1975. Það sem gert hefur verið er
það, að heimavist fyrir 86 nem-
endur verður fullbyggð fyrir
haustið, bygging mötuneytis og
samkomusalar er nú fokheld og
verður tilbúin haustið 1975. Þá er
eftir skólabyggingin sjálf, og sam-
kvæmt fyrri reynslu af fram-
kvæmdahraða og fjárhagsáætl-
unum tekur sú framkvæmd
minnst 3 ár. Nú þegar eru bygg-
ingarnar 4 árum á eftir áætl-
unum, og það gefur auga leið, að
fyrirheit um byggingar skólans
hafa hreinlega verið svikin."
— En þrátt fyrir erfiðleika i
starfi, lítur þú væntanlega ánægð-
ur yfir farinn veg?
„Eg verð aldrei svo gamall, að
ég gleymi því hvað þetta hefur
verið skemmtilegt. Það má segja,
að ég hafi aldrei litið á mig sem
skólamann og ekki heldur sem
kennara. Að byggja upp nýjan
skóla frá grunni, sem fæstir
höfðu trú á að væri gerlegt, það
hefur verið óendanlega fjölbreytt
viðfangsefni, einmitt vegna þess
hve það hefur verið erfítt."
— Nú hafið þið hjón tekið þátt í
félagslífi þessa unga skóla?
,,Já, það má segja það, en það
hefur þó fyrst og fremst mætt á
Bryndísi. Hún hefur t.d. oftast
nær sett upp leikrit fyrir þær
þrjár aðalhátíðir sem skólinn'
heldur, og þá viðurkennd leikhús-
verk, eftir höfunda eins og Arra-
bal, Inesco og Brecht."
— Hvað er þér nú efst í huga
Jón, á þessum merkisdegi skólans
og jafnframt merkisdegi í þfnu
lífi?
„Eg hef stundum hrellt viðmæl-
endur mína með því að segja, að
það sé mín stefna að leggja
Menntaskólann á Isafirði niður.
Þar á ég við, að mín skoðun sé, að
sá menntaskóli sem nú er fyrir
hendi, verði kjarninn að fjöl-
brautarskóla sem eigi að verða
til hér í höfuðstað Vestfjarða á
næstu árum. Til þess að slíkur
skóli verði að veruleika, er alger
nauðsyn á því að Rannsókna-
stofnun fiskiðnaðarins og. Haf-
rannsóknastofnunin setji hér
upp stofur, enda er slíkt algert
réttlætismál. Ég hef þá von að
brátt hylli undir slíkan skóla, því
í haust mun Rannsóknastofnun
fiskiðnaðarins setja hér upp
stofu. ísafjörður er mikill skóla-
bær, og það yrði enn ein lyfti-
stöng fyrir staðinn að fá fjöl-
brautarskóla."
Skólameistarahjónin Jón Baldvin
Hannibalsson og Brvndís Schram
ásamt dóttur sinni Snæfríði.
Ætlar að
vinna í
Frakklandi
BERGROS Asgeirsdóttir er úr
Reykjavfk, dóttir Ásgeirs Jakobs-
sonar og Bergrósar Jóhannsdótt-
ur. Mbl hitti hana að máli I skfða-
skálaveizlunni, og þótti ekki
óeðlilegt að spyrja hana I fyrstu
hvers vegna hún valdi Mennta-
skólann á Isafirði, þegar hægt var
að velja úr fjölda skóla í Reykja-
vfk og nágrcnni.
„Mig langaði til að prófa eitt-
hvað nýtt. Ég tók landspróf í
Reykjavik og lauk við 1. bekk í
MR. Ég var orðin þreytt á Reykja-
vík, og því tók ég þann kostinn að
fara hingað til Isafjarðar, á þenn-
an nýja skóla. Ég hafði aldrei
komið til Vestfjarða áður“.
Krækti sér
1 konuefni
á staðnum
HINIR nýbökuðu stúdentar frá
Ml eru ekki allir af Vestfjörðum.
Sumir eru langt að komnir, t.d.
Jóhannes Laxdal, sem er frá Sval-
barðsströnd. Mbl hitti hann að
máli f veizlu sem skólameistara-
hjónin héldu fyrir „aðflutta“
stúdenta og venzlafólk þeirra í
skfðaskálanum, rétt fyrir ofan
bæinn. Jóhannes var þar staddur
ásamt móður sinni Ester Laxdal
og unnustu sinni Jónfnu
Guðmundsdóttur frá lsafirði.
Faðir Jóhannesar er Baldvin
Ágústsson.
— Nú hefði maður haldið að
það væri nærtækara fyrir þig að
fara í Menntaskólann á Akureyri,
Jóhannes?
„Ég fór nú reyndar fyrst í MA,
og tók þar 1. bekk. Eftir þennan
eina vetur á MA langaði mig að
breyta til, og því fór ég til ísa-
fjarðar. Ég hef verið mjög ánægð-1
ur hér, og sé sannarlega ekki eftir
þvf að hafa skipt um“.
— Hvar stundaðir þú nám?
„Ég var i félagsfræðikjörsviði, og
hef verið ánægður með kennsl
una. Segja má, að nafnið á deild-
inni sé ekki réttnefni, hún ætti
fremur að kallast viðskiptakjör-
svið. Námið í deildinni tel ég vera
mjög hagnýtt og það veitir manni
góða undirstöðu. Ég held að slíkt
kjörsvið eigi erindi inn ‘i alla
menntaskóla".
— Voru einhver vandræði fyrir
þig sem aðkomumann að fá sama-
stað?
„Nei, ég fékk leigt út í bæ strax
og ég kom, með aðstoð skólans. Ég
hef engin vandræði haft af því.“
— Hefurðu tekið mikið þátt í
félagslífi skólans?
„Ég gerði töluvert af því fyrst,
en mun minna í 3. bekk, enda las
ég þann bekk utanskóla. í 4. bekk
vill það oft verða svo að menn
draga sig út úr félagslífinu, enda
síðasti bekkurinn".
— Hvað tekur nú við hjá þér?
„Fyrst í stað mun ég jafna mig
eftir próftörnina sem er bless-
unarlega afstaðin. Síðan fer ég á
sjó héðan frá tsafirði. Hins vegar
er ég alveg óráðinn með veturinn,
en það gæti alveg eins farið svo að
ég dembi mér I háskólann. Ég
reikna síður með því að við setj-
umst hér að á Isafirði, þótt unn-
usta min sé héðan. Húsnæðis-
vandinn er mjög mikill, og hann
er dragbítur á ungt fólk, sem vill
setjast hér að“.
i lok viðtalsins lét móðir
Jóhannesar, Ester Laxdal, þau
orð falla, að hún væri ánægð með
veru sonar síns á tsafirði, kannski
ekki sízt fyrir þá sök að hann
skildi hafa krækt sér í konuefni á
staðnum!