Morgunblaðið - 09.07.1974, Blaðsíða 32

32
MORGUNBLAÐIÐ, ÞRIÐJUDAGUR 9. JÚLl 1974
Kvöld í Tívolí s*"
Fólk grípur andann á lofti. .. hvernig enda þessi
ósköp... en þarna kemur hinn loftfimleikamaðurinn
út úr myrkrinu hangandi á fótunum í slánni, hann
grópur í hendur félaga síns á síðasta augnabliki þeir
sveifla sér í hring og áður en varir sitja báðir öruggir
á slánni hátt uppi í loftinu og veifa niður til
áhorfendanna, sem varpa nú öndinni léttar, og reka
upp fangaðaróp.
Maríanna verður að taka þátt í öllu. Hún verður að
fá að fara í draugalestina og speglasalinn, aka í
rafmagnsbíl og freista gæfunnar f hlutaveltunni.
Ofan úr „Króknum" heyrist glaðleg rödd: „Flær,
flær... Flóa-sirkus... Fóla-sirkus... Næsta sýning er
að hefjast. Allar flærnar mínar eru í bandi. Þér farið
ekki út með fleiri flær, en þér komuð með inn. Sjáið
þessa einstæðu sýningu, línudansmeyna, miss
Babett, Felix, hina hjólandi fló, Óskar í hringekj-
unni, flóa-ballet og margt fleira. Fimmtíu aurar fyrir
börn og ein króna fyrir fullorðna. Komið inn og verið
velkomin.“
Einn er frábrugðinn
Einn þessara hatta er lftið eitt frábrugðinn hinum
höttunum þrem, en hver þeirra er það: A — B — C
eða D? — Gættu nú vel að.
ANNA FRÁ STÓRUBORG -
„Þetta verðum við að sjá“, segir Lísa og brátt
standa þau í þéttum hóp í kring um minnsta fjöl-
leikahús í heimi, þar sem örlitlar flær hjóla og ganga
á línu og draga vagna, sem eru hundrað sinnum
stærri en þær.
Sýningin í flóa-sirkusinum stendur ekki nema
stundarfjórðung . ... og þá er haldið áfram skemmti-
göngunni . . . . í „sjóræningja-hringekjuna" og f
„Skrítna eldhúsið“ og fleira og fleira.
En kvöldið í Tívolí líður eins og önnur kvöld og
þegar klukkan er kortér yfir ellefu er skotið upp
flugeldum, sem merki þess, að skemmtunum dagsins
sé lokið. Menn flykkjast að Tívolí-tjörninni, bæði
fullorðnir og þau börn, sem enn eru á stjái. Meðal
þeirra eru Maríanna og Lísa og Pétur. Marfanna og
Lísa gleyma því, að þær eru þreyttar, en Pétur litli
er hálfsofandi á handlegg föður síns. Og það er
auðvitað ekkert gaman.
Klukkan í Ráðhústurninum lýsir eins og tungl yfir
dökka trjátoppana. Stóri vísirinn færist hægt... tólf
mínútur yfir ellefu . . . þrettán mínútur yfir . . .
fjórtán mínútur yfir. . . allt er hljótt f kring um
tjörnina, nokkrir bátar renna yfir vatnið út í
myrkrið. Allir bíða.
Svo. . . um leið og ráðhúsklukkan slær kortér yfir
ellefu, þjóta fyrstu flugeldarnir til lofts og úr þeim
drífur gullregn yfir dimman himininn, og þúsundum
stjarna í öllum regnbogans litum rignir yfir Tívolí.
Um leið lýsir af fljótandi eldspúandi eyjum á
tjörninni svo vatnsflöturinn verður eins og glitrandi
eldhaf. Og áður en það slokknar, er kveikt á sólum á
ströndinni hinum megin . . Það eru margar litlar
sólir og ein stór í miðjunni og sólirnar snúast í hringi
og frá þeim kastast stjörnuljós í allar áttir. Og allt í
einu er skotið upp hundruðum logandi flugelda
hvaðanæva úr garðinum... Það hvín og brakar og
brestur og smellur og allt fólkið hrópar upp yfir sig
af hrifningu.
Svo.......skyndilega. . . . verður allt hljótt og
himinninn ennþá dökkblárri en áður.
Við þökkum fyrir skemmtunina. Deginum í Tívolí
erlokið.
■•■•■•■•■•■•■•■•■•■•■•■•■•■•■•■•■•■•■•■•■•■
SAGA FRA SEXTÁNDU ÖLD Trausta.
En hún mundi þó ekki drepa hann. Og væri þá ekki hitt
allt saman á sig leggjandi fyrir þessa góðu gripi?
En ef þetta yrði nú tekið sem tilræði við sæmd húsmóður-
innar, tilraun til að flekka hana og spilla mannorði hennar?
Hann hafði ekki ljósa hugmynd um, hvað það var. Þegar
hann hafði heyrt um það talað, var jafnan talað á hálfgerðri
huldu, svo að hann skildi það ekki til fulis, og ef hann spurði,
var honum annaðhvort engu svarað eða út í hött. Það eilt
vissi hann, að það var tekið óttalega illa upp, varðaði jafnvel
lífláti. Og ef sýslumaðurinn á Hlíðarenda frétti þetta, hann,
sem var bróðir húsmóðurinnar, mundi hann senda eftir
honum og láta höggva af honum höfuðið.
Við allar þessar hugsanir svitnaði hann af angist og skalf
á beinunum.
Hann jafnaði sig þó og herti upp hugann. Það hlaut að
vera einhverjum örðugleikum bundið að reyna þetta, ann-
ars hefðu þeir ekki heitið honum svona miklum launum. Eitt-
hvað varð hann að leggja í sölurnar. Eða hvort þeir mundu
ekki hlæja að honum, ef hann sneri nú aftur við dyrnar.
Hann hleypti í sig kjarki og opnaði dymar undur hægt.
Gægðist hann þá inn um gættina og leit um allt herbergið.
Úti við vegginn öðrum megin stóð himinhvíla húsmóður-
innar. Glitofinn ársalur úr fínum vefnaði hékk neðan í himn-
inum fyrir allri hvílunni. Renndir hvalbeinshringir voru i
brún hans að ofan og runnu á striðstrengdu rósabandi. Til
höfða og fóta voru þykk tjöld úr dýrindis vefnaði dregin
saman í fagrar fellingar. Glergluggi var á stafninum, rétt
hjá rúminu, og nú rofaði til fyrir sólinni, svo að hún skein
inn um gluggann á alla þessa dýrð.
Hjalti hypjaði sig út úr gættinni og lét aftur dyrnar.
Hjartað barðist svo ákaft í brjósti hans, að honum lá við að
hníga niður.
„Skræfa,“ hugsaði hann með sjálfum sér. „Þér er ekki
matur gefandi, hvað þá heilt folald, — nei, heill reiðhestur,
því að ráðsmaðurinn hafði lofað að ala hann upp fyrir hann.
Eftir nokkur ár gætirðu smalað á hesti, þíninn eigin hesti,
ef þú værir ekki skræfa. I einu stökki gætirðu tekið gólfið
og komizt upp í himinhvíluna. Hún mundi bera þess merki á
eftir, að þú hefðir verið þar. — Hvað ætlarðu að segja
vinnumönnunum ?“
En ef hann flækti sig nú í öllum þessum tjöldum og
kæmist aldrei upp í hvíluna? Ekki yrði hlegið minna að því.
Hann leit inn fyrir aftur til að aðgæta tjöldin betur, og
nú kom hann allur inn úr gættinni.
„Iceland
in a Nut-
shell”
komin út
FJÖRÐA útgáfa af landkynning-
arbókinni ICELAND IN ANUTS-
HELL er nýkomin á markað. Ut-
gefendur eru örn og örlygur hf.
— Ferðahandbækur. Höfundur
er Peter Kidson, ritstjóri er
örlygur Hálfdánarson og aug-
lýsingastjóri Páll Heiðar Jónsson.
Bókin er prýdd fjölda mynda eftir
Pál Jónsson. Allt efni bókarinnar
hefur verið endurskoðað og
breytt eftir því, sem þörf hefur
krafið og reynslan leitt í ljós, að
væri nauðsynlegt, auk þess sem
ýmsu nýju hefir verið aukið við.
Bókin er 240 blaðsíður að stærð.
I nýju útgáfunni af ICELAND
IN A NUTSHELL er Islandskort,
prentað I fjórum litum. Allir
helztu staðir, sem nefndir eru í
bókinni hafa tilvísanir í Islands-
kortið og er á svipstundu hægt að
finna viðkomandi staði á kortinu.
íslandskortið er í fremstu opnu
bókarinnar, en í öftustu opnu
hennar er yfirlitsmynd af Reykja-
vík og nágrenni, þar sem sýndar
eru allar helztu leiðir út úr og inn
í höfuðborgina. Auk þess er í bók-
inni nákvæmt kort af miðhluta
Reykjavíkur og Akureyrar.
Efni bókarinnar skiptist í tvo
megin þætti, þ.e. fólkið í landinu
og landið sjálft. Nær helmingi
bókarinnar er varið til að lýsa
öllum kaupstöðum og kauptúnum
á landinu. Fyrst er þar getið
Reykjavíkur og Akureyrar, en
síðan koma allir aðrir kaupstaðir
og kauptún í stafrófsröð og alls
þess helzta getið, sem staðina
varðar.
Viðamikill þáttur er um nokkra
sérstæða ferðamannastaði, sem
auðvelt er að komast til, svo sem
Geysi, Gullfoss, Hallormsstað,
Hóla, Hreðavatn, Kerlingarfjöll,
Laugar, Mývatn, Skaftafell, Skál-
holt, Snæfellsnes, Þingvelli,
Þjórsárdal, Þórsmörk og Fljóts-
hlíð. Þá er einnig sérstakur kafli
um athyglisverða staði í óbyggð-
um, svo sem Landmannalaugar,
Hveravelli, Hvítárvatn, Veiði-
vötn, öskju og Herðubreið.
Sigurjón Rist vatnamælingamað-
ur, lýsir bifreiðaslóðum á Mið-
hálendinu, þ.e.a.s. Sprengisands-
vegi, Fjallabaksvegi nyrðra, Kjal-
vegi, Kaldbaksvegi og Stórasandi
og Arnarvatnsheiði. Lýsingum
Sigurjóns fylgja sérstök kort,
prentuð í tveim litum.
Annað efni bókarinnar er I stór-
um dráttum þannig, að gerð er
grein fyrir sögu þjóðarinnar,
helztu möguleikum til þess að
komast til landsins, hvenær helzt
eigi að koma, hvernig klæðnað
eigi að taka með sér, hvaða ferða-
skrifstofur séu starfandi, hvaða
skilyrði þurfi að uppfylla til þess
að komast inn í Iandið. Listi er
yfir erlend sendiráð hérlendis og
fslenzk sendiráð og konsúlöt er-
lendis. Islenzkri tungu eru gerð
skil, einnig fánanum, skjaldar-
merkinu, þjóðsögnum og þjóð-
görðunum. Islenzkur matur fær
sinn kafla og einnig helztu atriði
varðandi tóbak og áfengi. Sagt er
frá helztu frfdögum á ári hverju,
greint frá listgreinum, trúar-
brögðum og reglum varðandi
mannanöfn, þá koma allskonar
hagkvæmar upplýsingar um raf-
magn, ljósmyndun, þjónustu-
gjöld, frímerkjasöfnun, útgáfu
landkynningarrita og Islands-
korta; listi er yfir hótel og veit-
ingahús, sagt frá útvarpi, sjón-
varpi og póstþjónustunni. Stór
kafli er varðandi allt, er lýtur að
innanlandsferðum, og listi yfir
björgunarskýli. Iþróttum er gerð
skil, einnig veiði f ám og vötnum,
sagt er frá öllum fslenzkum fugl-
um, hestum, hestamennsku og
hreindýraveiðum, minjasöfnum,
minnisvörðum og gömlum húsum.