Morgunblaðið - 12.07.1974, Blaðsíða 13

MORGUNBLAÐIÐ, FÖSTUDAGUR 12. JULl 1974
13
Þing norrænna
barnabókahöf-
unda í Færeyjum
Dagana 1. — 6. þ.m. var 6. þing
norrænna barna- og unglinga-
bókahðfunda haldið í Þórshöfn í
Færeyjum. Um 110 erlendir þátt-
takendur sóttu þingið og 20 — 30
Færeyingar. Auk rithöfunda sátu
þingið starfsfólk útvarps og sjón-
varps, sem sér um barnaefni í
þessum fjölmiðlum, ritstjórar
barnablaða, bókaverðir o.fl. Frá
Svíþjóð voru flestir þátttakend-
anna. Héðan að heiman voru 13
þátttakendur. — Þessi þing eru
haldin annað hvert ár, til skiptis á
Norðurlöndunum, og eru þau
styrkt af norræna menningar-
málasjóðnum. Þingið 1972 var
haldið í Reykjavík.
Þessi þing eru einn þátturinn í
norrænni samvinnu, — og sannar-
lega ekki sá ómerkasti. Tekið er
til meðferðar lestrarefni ungu
kynslóðarinnar, útgáfa barna-
bóka, já, og raunar allt efni sem
ætlað er börnum og unglingum í
útvarpi, sjónvarpi, kvikmynda-
húsum, leikhúsum og öðrum opin-
berum stöðum.
Höfuðviðfangsefni þingsins í
Færeyjum var: Barnabók-
menntirnar og skólarnir. Einn
fyrirlesari var frá hverju Iandi:
Steinbjörn Jacobsen skáld frá
Færeyjum, Róbert Fisker rit-
höfundur frá Danmörku, Lars
Furuland dósent frá Svíþjóð. Elsa
Breen rithöfundur frá Noregi,
Marita Lundquist rithöfundur frá
Finnlandi, og Armann Kr. Einars-
son frá Islandi.
Umræður fóru fram að loknum
framsöguerindunum, og vinnu-
hópar störfuðu um einstök
málefni. Loks voru ályktanir
bornar fram. Nefna má, að sam-
þykkt var tillaga, samhljóða, um
að fyrir efni ætlað börnum og
unglingum í fjölmiðlum væri
greitt jafnt og fyrir annað efni.
Þá var gerð ályktun á þinginu um
hið sjálfsagða réttlætismál, að
nemendur fái að taka próf á
móðurmáli sínu. En eins og
kunnugt er af fréttum, var tveim
færeyskum nemendum vísað frá
prófi, vegna þess að þeir neituðu
að tala á öðru máli en sínu eigin.
Þetta 6. þing norrænna barna-
og unglingabókahöfunda f Þórs-
höfn var mjög vel undirbúið og
skipulagt, en formaður undir-
búningsnefndar var Öskar
Hermannsson, en með honum í
nefndinni var Hanna Lisberg,
Jóhannes Enni og ritari þingsins,
Hanna Absalonsen.
Þingið var haldið í Mennta-
skólanum í Þórshöfn, — í stórum
og vistlegum húsakynnum.
Menntamálaráðherra færeysku
Iandstjórnarinnar, Ásbjörn Joen-
sen, setti þingið með ræðu, og við
opnunina lásu upp og sungu
færeyskir listamenn. Meðan
þingið stóð yfir var móttaka fyrir
alla þinggesti, bæði hjá borgar-
stjóranum f Þórshöfn og lög-
manninum í Tinganesi. Geta má
þess einni& að þátttakendum var
boðið í lengri og skemmri
skemmtiferðir þingdagana, m.a.
voru skoðaðir hinir sérkennilegu
hellar í Vestmannabjörgunum, og
farið var til Kirkjubæjar.
1 sambandi við þingið voru
haldnar sýningar á færeyskum og
þýddum barnabókum.
Þinginu lauk sfðan á föstudags-
kvöld með mjög veglegri veizlu í
Hótel Færeyjum, þar sem nær 200
gestir sátu til borðs. Mörg þakkar-
ávörp voru flutt og mikið sungið,
m.a. ljóð, sem ort höfðu verið f
tilefni þingsins. Að síðustu sleit
formaður færeyska rithöfunda
félagsins, Jákup í Jákupsstovu,
þinginu með ræðu. Eftir að borð
höfðu verið fjarlægð, sýndi 30
manna hópur Færeyinga, klæddir
þjóðbúningum, færeyska dansa.
Loks var stiginn almennur dans.
Erlendu fulltrúarnir rómuðu
mjög framúrskarandi gestrisni
Færeyinga. Til gamans má geta
þess, að einstök veðurblíða og sól-
skin var alla þingdagana, og
sagðist undirbúningsnefndin
hafa pantað þetta veður.
Talsvert var skrifað í færeysk
blöð fyrir þingið og meðan það
stóð yfir. Kom þar m.a. fram, að
þetta þing yrði vonandi færeysk-
um barnabókmenntum til örvun-
ar og stuðnings. En eins og
kunnugt er, hafa færeyskar bók-
menntir átt mjög erfitt upp-
dráttar sökum fámennis þjóðar-
innar.
Að lokum var ákveðið að næsta
þing norrænna barna- og
unglingabókahöfunda, hið 7. í
röðinni, yrði haldið f Osló 1976.
-
óskar eftir starfsfólki
i eftirtalin störf:
BLAÐBURÐARFÓLK
ÚTHVERFI
Skipholt 35 — 55,
Vesturbœr
Framnesvegur
Upplýsingar í síma 35408.
Hvammstangi
Umboðsmaður óskast strax.
Uppl. hjá Karli Sigurgeirssyni í
síma 1350 og hjá afgreiðslunni
í síma 10100.
Mosfellssveit
Umboðsmaður óskast til að
annast dreifingu og innheimtu í
Markholtshverfi.
Uppl. í síma 10100.
GEFJUN AKUREYRI
- fisléttur og hlýr, fóöraóur með dralon eða ull.
Ytra byrði úr vatnsvörðu nyloni, innra byrði úr bómull.
Hann má nota sem sæng og það fylgir honum koddi.
Hægt er að renna tveimur pokum saman og gera úr
þeim einn tvíbreiðan.
Gefjunar svefnpokinn
fyrir sumariö.
fcu faáÉfaíÉÉlákátBÉa