Morgunblaðið - 21.05.1975, Side 7
MORGUNBLAÐIÐ, MIÐVIKUDAGUR 21. MAl 1975
7
eftir INGVA
HRAFN JÓNSSON
„Það er svo sannarlega
ástæða til bjartsýni”
„MAÐUR er alltaf bjartsynn i upp-
hafi vertíðar og vonar að vel veið-
ist. Þetta á ekki síður við í ár. því
að menn mega ekki taka alltof
mikið mið af síðasta ári. því að
það var fyrst og fremst veðráttan
og Iftið vatn i ánum, sem gerði
það að verkum að minna veiddist.
Það virtist vera mikill lax i ánum. Í
sumar litur mjög vel út um vatnið i
•ánum, það er enn talsverður snjór
i fjöllunum, sem ætti að duga vel
fram á sumar," sagði Þór Guð-
jónsson veiðimálastjóri er við hitt-
um hann að máli i tilefni þess að
laxveiðitímabilið hófst i gær með
þvi að veiðibændur lögðu net sin i
fyrsta skipti.
— Nú er það svo Þór, að sl. 5 ár
hafa verið ævintýri líkust hjá
okkur hvað miklar laxagöngur og
veiði snertir á sama tima og laxa-
gengdin hefur farið minnkandi i
flestum löndum heims. Erum við
komnir það vel á veg. að við séum
búnir að tryggja okkur þetta mikla
og jafnvel vaxandi laxamagn?
— Það er aldrei hægt að tryggja
sig algerlega. Það koma alltaf
sveiflur í náttúruna, sem við ráð-
um ekki við. En ef við litum á þá
geysijákvæðu þróun, sem orðið
hefur i fiskeldis- og fiskræktunar-
málum okkar og hinn mikla
árangur er vissulega ástæða til
bjartsýni. Einkum vegna þess, að
þessi mál eru svo tiltölulega ný
hjá okkur. Við höfum verið að
þreifa okkur áfram hægt og sig-
andi og stöðugt bætt við þekkingu
okkar og reynslu og reynt að beita
henni á sem hagnýtastan hátt. Við
þurfum Ifka að gera okkur grein
fyrir að þessi þróun er ekkert
einkamál fárra, það verða allir að
taka saman við okkur, bændur og
veiðimenn. Með þvi móti getum
við tryggt áframhaldandi veru-
legan árangur. Það er með ræktun
fisks sem aðra ræktun, að það
verður alltaf að nota þá tækni og
aðferðir, sem beztareru á hverjum
tima. Mjög mikilvægt er að menn
fari eftir ákveðnum reglum i sam-
bandi við þessi mál, bæði i eldinu
og ræktuninni til að árangur náist.
Það eru þvi miður alltof mörg
dæmi þess að menn hafi lagt út I
hundruða þúsunda kostnað við að
sleppa seiðum í ár, sem siðan hafa
engum arði skilað vegna þess að
ekki var farið rétt að er seiðunum
var sleppt. ekki gerðar nægilegar
rannsóknir á hita og öðrum skil
yrðum í ánni né athugað hvort
timinn til sleppingar var sá rétti.
Seiðin eru ákaflega viðkvæm og
ef ekki er farið rétt með þau i
flutningum og þeim siðan bara
mokað i árnar getur svo farið að
menn hafi hreinlega verið að
kasta peningunum á glæ. Þetta
verður aldrei nægilega vel brýnt
fyrir mönnum.
— Nú er unnið að mjög miklum
rannsóknum hér á landi á vegum
Sameinuðu þjóðanna á laxi og sil-
ungi. Koma niðurstöður þessara
rannsókna ekki til að verða mikil-
vægar fyrir okkur og þróun þess-
ara mála?
— Það er ekki nokkur vafi á því
að þessar rannsóknir eru afar þýð-
ingarmiklar. Hér er um að ræða,
eins og áður hefur verið sagt frá I
þættirjum, þriggja ára rannsóknir
á laxi og silungi sem ætlað er að
afla sem gleggstra upplýsinga um
stofnstærðina í hverri á og hverju
vatni og fá þannig upplýsingar um
hve mikið veiðiálag megi vera á
Spjallað við
Þór Guðjóns-
son veiði-
málastjóra
um nýbyrjað
laxveiðitímabil
Þór Guðjónsson
veiðimálastjóri
hverjum stað til a'ð tryggja bezta
nýtingu stofnanna og áframhald-
andi vöxt. Þá er einnig verið að
gera rannsóknir á ýmsum upp-
eldisaðferðum til að reyna að
finna þá aðferð, sem mestar
endurheimtur gefur. Hafa i því
sambandi verið merkt um 50 þús-
und seiði í Kollafirði, bæði með
hinum nýju örmerkjum sem við
köllum svo og hinum hefðbundnu
sænsku Carlénmerkjum. Sérfræð-
ingar telja hin nýju örmerki bylt-
ingu á þessu sviði, þvi að hér er
um að ræða örsmáan virbút, sem
þrýst er inn i höfuð seiðisins og
hindrar það þvi ekki á nokkurn
hátt i lifsbaráttunni i sjónum auk
þess sem engin hætta er á að það
tapist. Þá er nú verið að Ijúka við
niðursetningu mjög merks nýs
talningartækis i Elliðaánum, sem
Björn Kristinsson tæknifræðingur
hefur fundið upp, og eru það
bandarískir sérfræðingar undir
stjórn prófessors Ole Mathiesens
sem það annast, en Mathiesen er
yfirmaður þessara tilrauna fyrir
S.Þ. Ætla sérfræðingarnir að veiða
þar gönguseiði á leið til sjávar og
merkja þau til að gera samanburð
á hvernig þau standa sig i sjónum
miðað við seiðin úr Kollafjarðar-
stöðinni. Þá er einnig verið að
gera tilraunir i Ártúnsá á Kjalar-
nesi með seiðasleppingar, þannig
að sumum seiðum er sleppt beint i
ána, aðrir hópar eru fyrst settir i
sérstakar sleppitjarnir. Þá er
einnig verið að setja allar veiði-
skýrslur i tölvuúrvinnslu, þannig
að niðurstöður sumarveiðanna á
landinu geti legið sem fyrst fyrir
og við fáum samanburð frá ári til
árs og einnig á hvaða tímum mest
veiði er og ganga. Einnig færðu
þeir okkur mörg dýr tæki af nýj-
ustu og fullkomnustu gerð. m.a.
bergmálstæki til að mæla fisk i
vötnum og tæki til að telja laxinn.
sem merktur er með örmerkjun-
um. Eins og sjá má af allri þessari
upptalningu er hér um feikna um-
fangsmiklar rannsóknir að ræða.
— Hvenær má búast við niður-
stöðunum?
— S.l. ár fór að mestu i undir-
búning og aðaltilraunirnar fara
fram i sumar og næsta sumar. Það
er gert ráð fyrir því að niðurstöð-
urnar muni liggja fyrir árið 1977
og þarf enginn að efast um að þær
verði stórmerkilegar og gagnlegar
fyrir okkur.
— Það er þvi ástæða fyrir veiði-
menn að lita björtum augum til
framtiðarinnar?
— Já, það tel ég svo sannar-
lega
Á leið til lands með lax á færi.
'N
Tann
ENSKIR
PENINGASKÁPAR
eldtraustir — þjófheldir
heimsþekkt
framleiðsla.
E. TH. MATHIESEN H.F.
STRANDGÖTU 1—3, HAFNARFIRÐI. — SÍMI 51919.
Málarínn
á þakínu
velur alkydmólningu með gott veðrunarþol.
Hann velur ÞOL fró Mdlningu h.f. vegna endingar
og nýtni. Einn líter af ÞOLI þekur um það bil
10 fermetra.
Hann velur Þ O L frd Mdlningu h.f. vegna þess að
ÞOL er framleitt í 10 fallegum staðallitum, — og
þegar kemur að mdlningu d gluggunum, girðingunni
og hliðunum, blandar hann litina samkvæmt
nýja ÞOL litakortinu.
Útkoman er: fallegt útlit, góð ending.
Mdlarinn d þakinu veit hvað hann syngur.