Morgunblaðið - 29.05.1975, Blaðsíða 30

30
MORGUNBLAÐIÐ, FIMMTUDAGUR 29. MAl 1975
Bayern
Munchen
Evrópu-
meistari
LIÐ BAYERN MlINCHEN: Sepp IVIaier,
Bernd Duernberger, Björn Anderson, Georg
Schwarzenback, Franz Beckenbauer, Franz
Roth, Josef Kapellmann, Uli Höness, Conny
Torstensson, Gerd MUIler, Klaus Wunder.
LIÐ LEEDS UNITFD: David Stewart, Paul
Reaney, Frank Gray, Billy Bremner, Paul
Madeley, Norman Hunter, Peter Lorimer,
Allan Clarke, Joe Jordan og Johnny Giles.
DÖMARI: Michel Kibatdjian, Frakklandi.
AHORFENDUR: 50.000.
Marka-Miíller greiddi Leeds náðar-
höggið í sögnlegnm nrslitaleik í París
Bayern Mlinchen bætti enn
einni stjörnu í safn sitt í gær-
kvöldi er liðið bar sigurorð aí
Englandsmeisturunum Leeds
United I úrslítaleik Evrópubikar-
keppni meistaraliða í knatt-
spyrnu sem fram fór á Parce des
Princes-Ieikvanginum í París í
gærkvöldi. Tvö mörk gegn engu
urðu úrslit f leik sem var lengst af
fremur jafn, og ef eitthvað var þá
voru Englendingarnir sterkari
aðilinn, einkum f fyrri hálfleik,
en hurð skall oft nærri hælum við
mark Bayern Múnchen.
Leikurinn var annars hinn
sögulegasti frá upphafi til enda.
Völlurinn var þéttsetinn áhang-
endum liðanna, og þegar á leið
þeirra að vellinum tók að bera á
ryskingum og látum, og voru þá
brotnir gluggar í flestum þeim
byggingum sem áhangendurnir
áttu leið fram hjá, og bifreiðar
sem urðu á vegi þeirra skemmdar.
Parísarlögreglan hafði mikinn
viðbúnað vegna leiks þessa, og
var fjöldi öryggisvarða inni á leik-
vanginum og meðal áhorfenda.
Þegar á 4. mfnútu leiksins bar
til tíðinda. Björn Anderson,
sænski leikmaðurinn í Bayern-
liðinu, lenti í árekstri við Frank
Grey — Leeds-leikmann með
þeim afleiðingum að hann fékk
svöðusár á höfuðið og var borinn
útaf. í hans stað kom Sepp Weiss
inn. Skömmu fyrir lok hálfleiks-
ins lenti svo ein helzta stjarna
Bayern-liðsins, Uli Höness, í
árekstri við varnarleikmann
Leeds, og meiddist það mikið að
hann varð að fara af velli. Kom
Klaus Wunder f hans stað. Mikil
harka var í leiknum allt frá upp-
hafi og fyrir leikhlé höfðu tveir
leikmenn, Paul Reaney, Leeds, og
Georg Schwarzenback, Bayern,
fengið að sjá gula spjaldið hjá
hinum franska dómara leiksins,
sem var sannarlega ekki öfunds-
verður af hlutverki sínu í þessum
leik.
Allan fyrri hálfleikinn var
Leeds betri aðilinn í leiknum og
vörn Bayern Miinchen var í
stöðugum vandræðum. Peter
Lorimer og Norman Hunter
fengu báðir góð marktækifæri, en
skutu yfir markið, og að margra
dómi var sleppt vítaspyrnu á Bay-
ern er Franz Beckenbauer stöðv-
Fram
AÐALFUNDUR handknattleiks-
deildar Fram verður haldinn I
kvöld, fimmtudaginn 29. mal í
Glæsibæ uppi. Hefst fundurinn
kl. 20.30.
aði AHan Clarke sem kominn var í
færi, á mjög grófan hátt.
I seinni hálfleik var leikurinn
til muna jafnari. Bayernliðið tók
Gord Miillcr — skoraöi cnn cinu sinni á
mikílsvcröu uiiunubliki.
smátt og smátt að ná betri tökum
á leiknum, en aldrei þó svo að það
kæmist í verulega hættuleg færi.
Þegar Leeds sótti var hins vegar
meiri hætta á ferðum og á 66.
mfnútu kom að þvf að liðið skor-
aði. Þvaga hafði myndast fyrir
framan mark Bayern og úr henni
náði Peter Lorimer knettinum og
skaut óverjandi i markið hjá Sepp
Maier.
En öllum til mikillar furðu og
áhangendum Leeds til óbland-
innar skelfingar og síðan reiði
dæmdi dómarinn markið af.
Ætlaði allt vitlaust að verða á
vellinum. Áhangendur Leeds rifu
upp stólsetur sem voru úr málmi
og grýttu þeim inn á völlinn. Hitti
ein þeirra öryggisvörð í höfuðið
og var hann borinn af velli, mikið
meiddur. Eftir það réðust nokkrir
englendingar inn á völlinn og
tókst þeim að kasta stólsetu í höf-
uðið á þýzka markverðinum, Sepp
Maier, og hlaut hann nokkur
meiðsl af. Lögreglan sló hins
vegar hring um dómarann, og
eftir 12 mínútna hlé tókst loks að
koma þeirri ró á, að unnt væri að
halda leiknum áfram.
En atvik þetta reyndist vera
vendipunktur f leiknum. Leeds
liðið var greinilega ekki í jafn-
vægi eftir það, og á 71. mínútu
tókst þremur Þjóðverjanna að
leika laglega gegnum vörn þeirra
og Josef Kapellmann átti síðan
nákvæma sendingu á Roth, sem
afgreiddi knöttinn viðstöðulaust í
netið, og á 82. mínútu tókst Gerd
Mtiller, sem hafði verið lftt áber-
andi í leiknum fram til þessa að
renna sér í gegnum vörn Leeds-
liðsins og skora eitt af sínum sér-
stæðu „pot“ mörkum. Þar með
voru úrslit leiksins endanlega
ráðin. Leeds-liðið gerði tilraunir
til að sækja á lokamínútunum, en
sóknir þess voru illa skipulagðar
og auðveldar viðureignar fyrir
Bayern-liðið, sem lét sér greini-
lega það vel lfka að hafa skorað
tvö mörk, og gerði varla tilraunir
til þess að sækja á lokamfnút-
unum.
Með þessum sigri hefur Bayern
Munchen bætt enn einni skraut-
fjöður í hatt sinn og vestur-
þýzkrar knattspyrnu. Sem kunn-
ugt er hreppti Borussia Mönchen-
gladbach Evrópumeistaratitil
bikarhafa nýlega, og árangur
þýzku liðanna f keppninni gæti
þvf varla verið glæsilegri. Það var
aðeins UEFA-bikarinn sem fór til
annars lands.
A-Þýzkaland tapaði
Austur-Þjóðverjar sem eiga að leika landsleik við íslendinga 5. júnf
n.k., léku landsleik við Pólverja f Halle f A-Þýzkalandi f gærkvöldi,
og var sá leikur lokaundirbúningur þýzka liðsins fyrir leikinn á
Islandi.ÚrsIitin urðu þau að Pólverjar sigruðu f leiknum 2—1, eftir
að staðan hafði verið 0—0 f hálfleik. Lato og Marx skoruðu fyrir
Pólland en Vogel skoraði fyrir A-Þýzkaland. Áhorfendur að leikn-
um voru 20.500.-
Sigfús Jónsson —náði ágætum árangri.
Sigfús á 15:00,0 mín
— og Sigurður P. bœtti fgrri
árangur sinn um tœpa mínútu
SIGFÚS Jónsson, hlaupari úr IR,
sigraði í 5000 metra hlaupi á móti
sem fram fór í Darlington i fyrra-
kvöld. Hljóp hann vegalengdina á
15:00,0 mín., sem er ágætur
árangur ef tekið er tillit til þess
Islandsmótið 3. deild
Leikur Reynis í Sandgerði og UMF Njarðvíkur fór fram í
Sandgerði s.l. laugardag við heldur léleg skilyrði, þar sem mjög
hvasst var meðan á leiknum stóð. Þarna var um fremur jafna
viðureign að ræða. Njarðvfkurliðið þó öllu betri aðilinn og hafði
góð tök á miðjunni og sterka vörn, en hins vegar fremur kraftlitla
framlfnu. Eftir atvikum var 0-0 ekki ósanngjörn úrslit f leiknum.
að kalt var í veðri er hlaupið fór
fram og völlurinn sem keppt var á
var afleitur, brautir lausar og
ójafnar. Annar Islendingur,
Sigurður P. Sigmundsson, tók
einnig þátt í þessu hlaupi og varð
hann fjórði á 15:58,2 mfn., sem er
tæplega mínútu betri tími en
hann hafði bezt náð áður í þessari
grein.
— Ég er nærri viss um að
Sigurður á eftir að bæta þennan
árangur sinn mjög mikið í sumar,
og jafnvel sigrast á 15 minútria
markinu, sagði Agúst Ásgeirsson,
er Morgunblaðið ræddi við hann í
gær um mót þetta. — Sigurður
hafði engan til að keppa við, og
hljóp auk þess í galla í kuldanum.
Ágúst Ásgeirsson sigraði í 800
metra hlaupi á 1:58,1 mín., þar
varð Jón Diðriksson annar á
2:00,0 min. og Gunnar Páll Jóa-
kimsson varð þriðji á 2:01,4 mín.
— Þetta var hálfgert æfinga-
hlaup hjá okkur, sagði Ágúst. —
Við hlupum fyrri hringinn á 60,0
sek., og vorum jafnir þegar 300
metrar voru eftir í markið. Það
var aldrei við því að búast að við
næðum góðum tíma, eins og veðri
og velli var háttað.
Hannu
Siitonen
FINNINN Hannu Sittonen náði
bezta spjótkastsárangri ársins er
hann þeytti spjótinu 90,22 metra
á móti sem fram fór I Jyváskylá I
Finnlandi s.l. sunnudag. Sem
kunnugt er varð Siitonen Evrópu-
meistari I þessari grein t fyrra og
kastaði þá 89,54 metra og hann
á Norðurlandametið: 93,90
metra.
Vestur-þýzki heimsmethafinn I
spjótkasti, Klaus Wolfermann,
keppti á mótinu í Javáskylá og
varð að sætta sig við þriðja sætið
með 84,70 metra kasti.
Á móti þessu náðist góður
árangur I öðrum greinum. Irena
Szewinska frá Póllandi hljóp 200
metra hlaup á 22,9 sek. Önnur
varð Riitta Salin á 24,5 sek.
Mona-Lisa Pursiainen sigraði I
400 metra hlaupi á 52,1 sek. og
Nina Holmen sigraði I 1500
metra hlaupi á 4:21,0 min.
Önnur i þeirri grein var sovézka
hlaupadrottningin Ludmila Brag-
ina sem hljóp á 4:27,8 min.
Pentti
Kahama
FINNSKI kringlukastarinn Pentti
Kahma setti nýtt finnskt met i
kringlukasti á móti sem fram fór I
Modesto i Kaliforniu i fyrradag.
Kastaði hann 66,84 metra og
sigraði hinn nýja heimsmethafa í
greininni John Powell. Á móti
þessu kastaði Powell 66,12
metra, en sem kunnugt er hljóðar
heimsmet hans upp á 69,10
metra, og var það sett fyrir
þremur vikum.
Christa
Vahlensiek
Vestur-þýzka stúlkan Christa
Vahlensiek setti nýtt heimsmet i
maraþonhlapi kvenna um siðustu
helgi, er hún hljóp vegalengdina
á 2:40,15 klst. I sömu keppni
setti Vahlensiek nýtt heimsmet
kvenna i klukkustundarhlaupi
hljóp 16.872 km. Gamla metið
átti Brenda Welsh frá Banda-
ríkjunum og var það 15.970
metrar.
Bogi
Þorsteinsson
BOGI Þorsteinsson, fyrrverandi
formaður Körfuknattleikssam-
bands íslands, verður f-illtrúi
sambandsins á ársþingi FIBA,
sem haldið verður í Alsir dagana
2.—6. júni. Er þarna um að ræða
ársþing Evrópudeildar sambands-
ins, en auk Evrópulanda eiga öll
Afrikulönd sem liggja að Mið-
jarðarhafinu aðild að þessari
deild.
Jón
*
Asgeirsson
JÓN Ásgeirsson, fréttamaður og
fyrrum stjórnarmaður I Hand-
knattleikssambandi fslands,
hefur nú tekið við störfum sem
framkvæmdarstjóri Knattspyrnu-
sambandsins. Mun Jón starfa hjá
KSf og tekur hann við störfum af
Sigurði Jónssyni knattspyrnu-
manni úr Val. Skrifstofa KSÍ
verður framvegis opin frá kl.
13.00 — 15.00. Simi 84444.