Morgunblaðið - 01.07.1976, Blaðsíða 34
34
MORGUNBLAÐIÐ, FIMMTUDAGUR 1. JULl 1976
15 ÍÞRÚTTAMENN TIL MONTREAL
8 frjálsíþróttamenn, 3 sundmenn
2 júdómenn og 2 lyftingamenn
FRAMKVÆMDANEFND íslenzku Ólympíunefndarinnar tiikynnti á fundi sínum
meö fréttamönnum í gær, að ákveðið hefði verið að senda fimmtán íslenzka
íþróttamenn til Ólympíuleikanna I Montreal. Ellefu þessara íþróttamanna höfðu
náð tilsettu lágmarki sérsambanda sinna, en nefndin ákvað síðan að bæta fjórum
við, sem voru mjög nærri því að ná lágmörkunum.
— Við teljum, að þetta fólk
sé í það góðri æfingu að það
geti náð sömu afrekum og
lágmörkin voru hvenær sém
var, sagði Gísli Halldórsson,
formaður' Ólympíunefndar-
innar á fundinum með frétta-
mönnum, — en það hefur hins
vegar ekki haft heppnina með
sér að undanförnu og því skort
örlítið á að ná lágmörkunum.
Gísli sagði, að það hefði verið
mjög erfitt fyrir Ólympíu-
nefndina að taka ákvörðun um
val þátttakenda á leikana. Fyrir
skömmu hefði stóra Ólympíu-
nefndin gefið framkvæmda-
nefndinni heimild til þess að
senda 13 þátttakendur, en
framkvæmdanefndin hefði í
gær farið fram á að fá að bæta
tveimur við þá tölu, og fengið
hana. — Það íþróttafólk sem
við völdum án þess að það næði
lágmörkunum teljum við vera á
sama stigi og hitt sem náði
þeim, sagði Gísli.
Þátttakendurnir
Frjálsíþróttamenn verða fjöl-
mennastir á Ólympíuleikunum,
en alls voru valdir átta. Fimm
höfðu náð lágmörkunum, þau
Lilja Guðmundsdóttir, IR, sem
á að keppa í 800 metra hlaupi
og 1500 metra hlaupi, Þórdfs
Gísladóttir, sem á að keppa í
hástökki, Hreinn Halldórsson,
sem keppir í kúluvarpi,
Erlendur Valdimarsson, sem
keppir í kringlukasti, og Stefán
Hallgrímsson, sem keppir í tug-
þraut. Þeir, sem valdir voru án
þess að ná lágmörkum, voru:
Ágúst Ásgeirsson, sem keppir i
1500 metra hlaupi og 3000
metra hindrunarhlaupi, Bjarni
Stefánsson, sem keppir í 400
metra hlaupi, og Óskar Jakobs-
son, sem keppir í spjótkasti.
Flokkstjóri frjálsíþrótta-
fólksins verður Örn Eiðsson og
Guðmundur Þórarinsson
verður þjálfari hópsins.
Þrír sundmenn keppa á
leikunum. Vilborg Sverris-
dóttir sem keppir f 100 metra
skriðsundi, 200 metra skrið-
sundi og 400 metra skriðsundi,
Þórunn Alfreðsdóttir, sem
keppir i 100 metra flugsundi og
200 metra flugsundi og
Sigurður Ólafsson sem keppir í
100 metra skriðsundi, 200
metra skriðsundi, 400 metra
skriðsundi og 1500 metra skrið-
sundi. Flokkstjóri og þjálfari
hópsins verður Guðmundur Þ.
Harðarson. Þau Vilborg og
Sigurður náðu^ lágmörkum
Ólympíunefndar, en Þórunn
Alfreðsdóttir var margsinnis
alveg við þau.
1 lyftingum keppa þeir
Gústaf Agnarsson í þungavigt
og Guðmundur Sigurðsson í
milliþungavigt. Báðir náðu þeir
lágmörkum alþjóða Ólym-
píunefndarinnar, en Lyftinga-
samband Islands setti ekki
ákveðin lágmörk fyrir lyftinga-
menn. Flokkstjóri lyftinga-
Frá fundl Ólymplunefndarinnar I gærkvöldi.
mannanna verður Brynjar
Gunnarsson.
Tveir keppendur verða i
júdó, þeir Gísli Þorsteinsson,
sem varð Norðurlandameistari
í léttþungavigt, og Viðar Guð-
johnsen, sem varð Norður-
landameistari í unglinga i milli-
vigt. Þjálfari júdómannanna
verður Japaninn Mugata.
Aðalfararstjóri islenzka
flokksins í Montreal verður
Sveinn Björnsson, varaformað-
ur Ólympíunefndar íslands.
Ólympiuliðið heldur utan 15.
júli. Flogið verður með Flug-
leiðum beint til Mirabellflug-
vallar í Montreal, og komið
heim aftur 2. ágúst. Þannig get-
ur farið að sundfólkið fari fyrr
utan, en það á að hefja fyrst
keppni af íslenzku þátttakend-
unum, eða 18. júlí.
Kostnaðarsamt fyrirtæki
Framkvæmdanefnd Ólympíu-
nefndarinnar sagði á fundinum
með fréttamönnum í gær, að
eitt aðalverkefni nefndarinnar
hefði verið að útvega fé til ferð-
arinnar og reyna að styrkja æf-
ingar íþróttafólksins fyrir leik-
ana gegnum sérsamböndin.
Áætlað væri að ferðin til Kan-
ada kastaði um 5 milljónir
króna. Hefði rfkið veitt alls 3.5
milljónir króna. Hefði rfkið
veitt alls 3.5 milljónir króna til
Ólympíunefndarinnar og hefði
hún einnig fengið verulegan
stuðning frá nokkrum bæjar-
og sveitarfélögum, mest frá
Reykjavíkurborg eða 950 þús-
und krónur. Alls hefði nefndin
veitt tvær milljónir sjö hundr-
uð og fimmtíu þúsund krónur
Framhald á bls. 20
Ágúst Asgeirsson, lR, keppir 1
1500 metra hlaupl og 3000
metra hindrunarhlaupi.
Gústaf Agnarsson, A — keppir
(lyftingum
Stefán Hallgrlmsson, KR —
keppir I tugþraut
Bjarni Stefánsson, KR keppir I
400 metra hlaupi
Erlendur Valdimarsson, KR
keppir I kringlukasti
Gfsll Þorsteinsson, A keppir I
júdó
Guðmundur Sigurðsson, Á —
keppir I lyftingum
Hreinn Halldórsson, KR —
keppir I kúluvarpi
Óskar Jakobsson, tR — keppir (
spjótkasti
Viðar Guðjóhnsen, Á — keppir
I júdó
Vilborg Sverrisdóttir, SH —
keppir (skriðsundi
Lilja Guðmundsdóttir, lR —
keppir ( 800 metra og 1500
metra hlaupi
Þórdfs Gfsladéttir, IR — keppir
(hástökki
Þórunn Alfreðsdótttr, Ægi —
keppir (flugsundum.
Sigurður Ólafsson, Ægi —
keppir ( fjórum skriðsunds-
greinum
Þau keppa á Olympíuletkunum