Morgunblaðið - 02.03.1977, Blaðsíða 14

Morgunblaðið - 02.03.1977, Blaðsíða 14
14 MORGUNBLAÐIÐ, MIÐVIKUDAGUR 2. MARZ 1977 „Arið 1957 vard ég heimsmeistari, mig minnir aðég hafi unnið Botvinnik 12*-9**........." Morgunbladió rædir vid Vassily Smyslov fyrrum heimsmeistara og aóstodarmann Spasskys Viðtal: Ágúst I. Jónsson Myndir: Friðþjófur Helgason „SKAKIN hefur ekkert breytzt og mun ekkert breytast. Ég hef tekið þátt í skákmótum um allan heim í 40 ár og skákin er alltaf sú sama. Þessi mikla íþrótt, sem verið hefur allt mitt líf ásamt tónlistinni, breytist ekkert næstu 100 árin. Venjurnar verða þær sömu eftir 2000 ár, ef þær breytast breytist íþróttin og verður ekki skák lengur. I skákinni er ekki spurt um tíma eða ár, heldur um persónuleika skákmannsins, hæfileika hans og þjálfun. En hver þeirra er mestur, annar hvor gömlu meistaranna Laskers eða Capablanca, eða ungi heimsmeistar- inn Karpov eða einhver enn annar? Það er spurning, sem ég get ekki svarað." Sá eldri af hinum Iveimur fyrr- verandi heimsmeisturum í skák, sem nú gista ísland, Sovétmaður- inn Vassily Smyslov, fjallar í orð- unum hér að ofan um skákíþrótt- ina, sem hefur verið atvinna hans og eina starf allt frá tæplega tví- tugsaldri. Smyslov er Ijúfur mað- ur í viðmóti. Stór, sterkbyggður, broshýr með stór gleraugu og mikið nef setur sérstakan svip á þennan góða fulltrúa skáklistar- innar. Við hittum Smyslov að máli í kaffiteríunni á Hótel Loftleiðum á mánudagsmorguninn og það spillti ekki „selskapnum" að Boris Spassky, hinn fyrrverandi heimsmeistarinn í skák, sem hér tekur nú þátt í einvíginu við Tékkann Hort, og glæsileg eigin- kona hans, Marina Spassky, bætt- ust í hópinn er nokkuð var liðið á viðtalið. Snæddu þau hjónin morgunverð með blaðamanni og Smyslov, sem er aðstoðarmaður Spasskys. Var margt spjallað, en látum það bíða og snúum aftur að viðtalinu við Smyslov. Hann er 55 ára, en þó enn í fullu fjöri sem skákmaður. ff Til meistara ff framtíðarinnar —Ég var rúmlega 6 ára gamall þegar ég lærði mannganginn af föðurmínum, segir Smyslov. -r-Faðir minn var góður skákmað- ur og á móti í Pétursborg tókst honum að sigra sjálfan Aljekin. Faðir minn lagði skákina þó aldrei fyrir sig, en starfaði sem verkfræðingur. Skákáhugann fékk ég hjá honum og sömuleiðis leiðbeindi hann mér fyrstu skref- in á tónlistarbrautinni og byrjaðí að kenna mér á píanó um svipað leyti og mannganginn. Ég hef allt- af haft mikinn áhuga á tónlist og 27 ára gamall tók ég próf í söng, en ég hef aldrei haft atvinnu af tónlistinni. Syng fyrir vini mína, en ekki peninga. — Mina fyrstu formlegu skák tefldi ég árið 1929 og þá gegn frænda mínum, sem var góður áhugaskákmaður. Hann gaf mér hrók í forgjöf og mér tókst að vinna skákina. Eftir þessa skák gaf hann mér bók með beztu skák- um Aljekins og skrifaði á hana „Til meistara framtíðarinnar, frá frænda". Þegar þetta var, var ég átta ára gamall. —14 ára tók ég fyrst þátt í opin- beru skákmóti og 17 ára varð ég skákmeistari Moskvuborgar, en þar er ég fæddur og uppalinn. Jafngilti sá sigur því að hafa náð alþjóðlegum meistaratitli, en stór- meistari varð ég árið 1941. Eftir heimsstyrjöldina hóf ég þátttöku í alþjóðlegum skákmótum erlendis og mitt fyrsta mót utan Sovétríkj- anna var í Hollandi árið 1947. „Við Botvinnik erum góðir vinirff —Ég keppti fyrst við Botvinnik um heimsmeistaratitilinn í skák árið 1954. og tapaði þá á jöfnu, við fengum báðir 12 vinninga. 1957 varð ég siðan heimsmeistari eftir að hafa unnið Botvinnik með þremur vinníngum, míg minnir að vinningarnir hafi skipzt 12V4 á móti 9H. Ári síðar átti heims- meistarinn fyrrverandi rétt á nýju einvígi um titilinn, sam- kvæmt þágildandi reglum FIDE. Sigraði Botvinnik í það skiptið, ég held það hafi verið 1214:1014. —Við Botvinnik erum góðir vinir, fyrst tefldum við saman ár- ið 1940 og opinberar skákir okkar á milli eru orðnar um 100 talsins. Botvinnik er 10 árum eldri en ég og hann er að mestu hættur að tefla. Hann er þó ekki hættur að sinna skákinni. Starfar nú við að mata tölvur og þröa þær. Hann trúir þvi staðfastlega að hægt sé að gera tölvurnar svo fullkomnar að mannshugurinn standist þeim ekki snúning. —Sjálfur tek ég enn þátt í alþjóðlegum skákmótum og í desember á siðasta ári tefldi ég fyrst á sovézka meistaramótinu. Ég varð í 6.—7 sæti ásamt Tal og fengum við báðir 6'/4 vinning. Þetta var mjög sterkt mót, gífur- lega erfitt, og ég var enn mjög þreyttur þegar ég aðeins viku síð- ar fór til Englands og tefldi á Hastingsmótinu. Árangurinn þar varð ekki góður, ég varð í 5. sæti. ff Fischer veit það ekki sjálfurff —Bezti aldur skákmanna hefur verið talinn á milli þrítugs ogg fertuggs, en mér finnst semm nú komist skákmenn enn fyrr á topp- inn. Karpov er nærtækasta dæm- ið í þessu sambandi, hann er ekki nema 25 ára, en eigi að síður bezti skákmaður í heimi. Hann er tví- mælalaust áhugaverðasti per- sónuleikinn í skákheiminum, sem komið hefur fram undanfarin ácatug. Karpov er orðinn mjög góður, en hann á eftir að verða enn betri. skák SPASSKY — HORT — SPASSKY — HORT — SPASSKY — HORT — SPASSKY — HORT Ekki einu sinni aðstoðar- mennirnir trúaðir á annað en jafntefli í 2. skákinni # FLESTIR hölluðust að þvi, að annarri einvígisskák Spasskys og Horts á Hótel Loftleiðum lyki með jafntefli. Fór skákin I bið eftir 41 leik, en skákmennirnir setjast að nýju að taflinu klukkan 17 í dag. Að eftir Ágúst I. Jónsson stoðarmenn þeirra hafa ef- laust legið yfir biðstöðunni í alla nótt og reynt að finna sem beztar leiðir í framhaldinu fyrir skákmeistarana. Hvorugur þeirra var þó bjartsýnn á að þeirra maður næði að sigra í dag. Ladislav Alster, aðstoðarmaður Horts, sagði að skákinni lyki með jafntefli, en Hort ætti þó heldur betra. Vassily Smyslov, aðstoðar- maður Spasskys, sagði hins vegar að skákinni lyki með jafntefli, engu öðru en jafntefli. Hort stýrði hvítu mönnunum í gærkvöldi og kom upp Nimzo- indversk vörn. Virtist Spassky fá heldur frumkvæðið f skákinni, en biskupapar Horts varð sterkt er leið á skákina og undir lokin hafði hann heldur tekið frumkvæðið í sinar hendur. Jafntefli var þó lík- legast og sagði Friðrik Ólafsson reyndar þegar eftir 20 leiki að hann hefði oft séð samið um jafn- tefli í stöðunni eins og hún var þá. í lok taflmennskunnar í gær- kvöldi var sagt að Hort hefði ein- hverja möguleika í biðstöðunni. — Ég tel þá þó ekki mikla og jafntefli næstum ráðin úrslit í skákinni, sagði Friðrik Ólafsson. — Þetta er 95% jafntefli, sagði Guðmundur Sigurjónsson í gær- kvöldi. — Hort hefur möguleik- ana ef einhverjir eru, en þetta er jafntefli og heldur fannst mér skákin lítíð spennandi, sagði Guð- mundur Sigurjónsson. Flestir voru því á einu máli um að skák- inni lyki með jafntefli, en ekki voru allir sama sinnis og Guðmundur um að skákin hefði verið Iftið spennandi. Mörgum áhorfanda fannst skákin vel tefld og í henni mikil undiralda. Sú aldna skákkempa, Benóný Benediktsson, sagði i gærkvöldi að staðan væri ljót hjá Spassky. — Ég trúi á biskupaparið hjá Hort, sagði Benóný. Tefldi fyrir báða ef því var að skipta Jón Þorsteinsson var með skák- skýringarnar framan af skákinni í gærkvöldi og var margt spjallað. Léku skákmennirnir mjög hratt fyrstu 12 leikina, en Hort notaði þó heldur meiri tíma. Eftir að Jón Þorsteinsson hafði staðið á pall- inum í 15 leiki tók Helgi Ólafsson við og átti hann fullt í fangi með að hemja Benóný Benediktsson, sem greinilega vildi helzt taka skák við Helga. Stakk Benóný upp á fjölmörgum leikjum og tefldi fyrir báða meistarana ef þvi ' var að skipta. Kom það þó fyrir að Benóný benti á leið sem stór- meistararnir við borðið inni I skáksalnum siðan völdu. Hort reynir að endurbæta Karpov Friðrik Ólafsson tók siðan við skákskýringunum af Helga Ólafs- syni og byrjaði hann á því að benda áhorfendum á að fyrstu 15 leikirnir í skák Horts og Spasskys væru nákvæmlega þeir sömu og í skák Karpovs gegn Spassky í ein- vígi þeirra á milli árið 1974, en þeirri skák lauk með jafntefli. Sagði Friðrik að hann reiknaði með að Hort væri að reyna að endurbæta Karpov, spurningin væri hvort það tækist hjá honum. Sagði Friðrik að þessi byrjun hefði verið mjög algeng fyrir 10—15 árum, en hefði lítið sézt siðustu ár. Er Friðrik sjálfur gjör- kunnugur þessari byrjun, því auk þess að hafa eðlilega „stúderað" hana í gegnum árin, þá hefur hann teflt hana nokkrum sinnum með góðum árangri. Töluverður fjöldi áhorfenda fylgdist með skákinni í gær- kvóldi, bæði i sjálfum skáksaln- um og eins i skýringasalnum. Er kom að lýsingu Jóns Ásgeirssonar á landsleik íslendinga og Spán- verja í handknattleik, f jólmenntu áhorfendurnir til að hlusta á lýs- inguna, og voru eðlilega ánægðir með úrslitin. Þegar uppskiptin urðu í 33. leik ítrekaði Friðrik þá skoðun sína að skákinni lyki með jafntefli og í 36. leik bauð Spassky andstæðingi sinum jafntefli. Hort þáði ekki boðið og vildi tefla áfram. Þegar leiknir höfðu verið 36 leikir átti Hort eftir um tvær mínútur af skákinni, en Spassky hins vegar mjög rúman tíma. Hort vildi sem sagt ekki gefa sig og sögðu menn að það væri rétt hjá honum. — Rétt að láta Alster kíkja á þetta, sagði einhver. — Það þýðir nú ekki mikið svaraði þá annar, Smyslov verður ekki í vandræðum með jafnteflið í þess- ari stöðu. Hann var ekki einn bezti endataflsmaður i heimi I mörg ár fyrir ekki neitt.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.