Morgunblaðið - 13.03.1977, Blaðsíða 38
38
MORGUNBLAÐIÐ, SUNNUDAGUR 13. MARS 1977
Þórdís Arnfinnsdóttir
frá Brekku - Minning
Fædd 23. júní 1898.
I)áin 3. marz 1977.
Þórdís Arnfinnsdóttir var fædd
á Brekku í Langadal, Nauteyrar-
hreppi, N-ís., 23. júní 1898. Voru
foreldrar hennar hjónin Arnfinn-
ur Guðnason bóndi þar og Jónný
Jónsdóttir. Ólst Þórdís upp hjá
foreldrum sínum á Brekku til
fulloróinsára. Hún giftist eftirlíf-
andi manni sinum, Bjarna Jónasi
Guömundssyni frá Lónseyri á
Snæfjallaströnd, árið 1934. Er
Bjarni mörgum kunnur, el ki sizt
vegna ævisögu hans, er Þorsteinn
Matthíasson hefur skráð, undir
heitinu: Alltaf skrölti rokkurinn
hjá Bjarna.
Bjarni og Þórdis hófu búskap á
ísafirði og dvöldust þar til ársins
1963, að þau fluttust til Hvera-
gerðis. Þaöan fluttust þau síðan í
Voga á Vatnsleysuströnd 1972 til
fósturdóttur sinnar, Bergljótar
Friðþjófsdóttur og manns hennar,
Guðjóns Torfasonar frá Drangs-
nesi. Fyrir fáeínum vikum réðu
þau hjón það af að setjast að á
hinu nýja elliheimili Suðurnesja,
Garðvangi i Garði. Eftir að suður í
Garð kom, hrakaði heilsu Þórdís-
ar mjög. Tæpri viku áður en hún
lézt, var hún flutt á Borgarsjúkra-
húsið i Reykjavík. Trúlega hefur
Þórdís vitað að hverju fór, eftir
að i sjúkrahúsið var komið. Á það
bendir eftirfarandi: Forstöðu-
kona eliiheimilisins i Garðinum
heimsótti Þórdísi sál. á sjúkrahús-
ið og lét þau orð falla, að hún
vonaði, að henni (þ.e. Þórdísi)
batnaði og hún kæmi aftur í Garð-
inn. Þórdís taidi öll tormerki á
slíku. Heilsa hennar var aldrei
sterk. Tók berklaveiki ung og var
fyrsti eða annar sjúklingur, sem
gekkst undir svonefnda höggn-
ingu. Var þá annað lungað, hið
vinstra, numið burt. En þrátt fyr-
ir það, að Þórdís sál. væri aldrei
fullkomlega heil heilsu, var hún
sífellt vinnandi, fyrir sig og sína
og aðra. Hún var hörð af sér með
afbrigðum.
Eins og áður segir ólst Þórdís
upp á Brekku í Langadal. Af syst-
kinum hennar lifa enn: Kjartan,
verkamaður í Reykjavík, Magnús,
verkstjóri, s. st., og Jensína, ekkja
Magnúsar Jenssonar bónda á
Brekku. Sonur þeirra var Halldór
oddviti í Súðavík, er lézt s.l. vor,
iangt um aldur fram, öndvegis-
maður. Látin eru: Halldór, dó
ungur heima, Kristfn, dó ung úr
lungnabólgu heima, og Snorri,
hótelstjóri á Blönduósi.
Bjarni og Þórdis eignuðust
tvær dætur, en þeim varð ekki
langra lifdaga auðið. Lifði sú, sem
fyrr fæddist, aðeins fram að fæð-
ingu, en sú, er siðar fæddist, lifði
aðeins i tæpa tvo sólarhringa.
Þetta urðu hjónunum þung örlög.
En dætramissirinn bættist að
nokkru, er þau tóku í fóstur fjög-
urra mánaða stúlkubarn vegna
erfiðra ástæðna foreldra hennar
um þær mundir. Stúlkan óx og
dafnaði og ólst upp hjá þeim til
þess tíma, er hún fór að lifa sjálf-
stæðu lifi. Hefur Bergljót Frið-
þjófsdóttir verið fósturforeldrum
sínum yndi og styrkur, svo og
^ Fermingarkápur ^
Grofrifflað flauel, litir: brunt, dökkblatt, flöskugrænt, svart,
Ijósbrúnt
Stærðir: 32
42
Verð: 14.995.
KJORGARÐI | ISKEIFUNN115l I SIMI 86566
síðar maður hennar og dæturnar
tvær, Þórdís og Friðlaug.
Þórdís Arnfinnsdóttir kynntist
mörgum — og öllum vel. Vildi
láta litið á sér bera, og mátti því
teljast ein af hinum kyrrlátu i
landinu. Hún átti það skap, sem
engin styrjöld fylgdi. Átti aldrei
miklum veraldarauði að fagna, en
var rik af mannkærleika. Á við
hana bænin: Gef mér hvorki auö
né völd, en gef mér minn daglega
málsverð og dálitið að gefa fátæk-
um. Þórdis unni kristni og kirkju
og mat mikils fjársjóði trúarinn-
ar. Hún hlýddi mikið á útvarp og
las blöð og fræðandi bækur. Var
minnug á menn og málefni. Þetta
síðasttalda kom okkur í andlegt
samband. Kynni okkar urðu ann-
ars ekki löng, en góð, og það skipt-
ir mestu. Hún var hlý manneskja.
Að leiðarlokum þakka vanda-
menn Þórdísar henni langa og
góða samfylgd. Bjarni þakkar
henni langa og ljúfa sambúð og
Bergljót og hennar fjölskylda
minnast hennar með innilegri
þökk.
Auðunn Bragi Sveinsson.
AL'Gi.ÝSINGA-
SÍMINN ER:
22480
...hvertmeð
sínumóti.
FYRIR FEITT HÁR
Nýr Ursus G-360
1. Ný 65 hestafla véi
2. Ný olíusia
3. Nýr lofthreinsari
4. Nýr, betri vatnskassi
5. Nýr, endurbættur
dráttabiti
6. Nýtt endurbætt Ijósakerfi
7. Nýr endurbættur gírkassi
8. Nýir og betri þyngdar
klossar
9. Nýtt og endurbætt
bremsukerfi
10. Ný og endurbætt kúpling
11. Nýr og betri startari
12. Ný og endurbætt
handbremsa
1 3. Nýr og betri
vinnustunda mælir
14. Nýr og fallegri litur
Verð á 65 ha. Ursus kr. 968 þús.
Verð á 40 ha. Ursus kr. 680 þús.
Sem sagt eldri gerðin var góð,
en sú nýja er ennþá betri.
Vélaborg hf„
sími 86655 og 86680,
Sundaborg 10.