Morgunblaðið - 30.03.1977, Blaðsíða 3

Morgunblaðið - 30.03.1977, Blaðsíða 3
MORGUNBLAÐIÐ, MIÐVIKUDAGUR30. MARZ 1977 Jónas Rafnar bankastjóri: ____w Utvegsbank- »» inn stendur vel fyrir sínu » ? n Sjá frlsögn af umríeðum 4 Alþingi áhM7. -? -? ALLMIKLAR umræður spunnust í gær í samein- uðu Alþingi um fjárhagsaf- komu Útvegsbanka íslands, er Guðlaugur Gíslason kvaddi sér hljóðs utan dag- skrár og gerði skrif í blöð- um um bankann að umtals- efni. Að því tilefni sneri Morgunblaðið sér til Jónas- ar Rafnar, bankastjóra Út- vegsbankahs, og bað hann um skýringar á þessu máli. Jónas sagði að kveikjan að þessum skrifum, forsíðu- frétt í Dagblaðinu, hefði verið klausa í „Orðspori" annars tölublaðs Frjálsrar verzlunar, sem gefið er út í samvinnu við samtök verzl- unar- og athafnamanna, en þar var frá því skýrt, að Útvegsbankinn yrði gjald þrota innan skamms. Um þetta segði Jónas Rafnar: „Við þessar upplýsingar blaðsins er það fyrst og fremst að athuga, að ríkis- banki eins og Útvegsbanki íslands getur ekki orðið gjaldþrota í eiginlegri merk- ingu orðsins, nema því að- eins að áður hafi komið til greiðsluþrots hjá ríkissjóði. En burt séð frá þvi stendur Útvegsbanki íslands vel fyrir sínu. Þess má geta t.d., að i reikningum allra bankanna, og þá ekki sizt hjá Útvegs- bankanum, eru allar fast- eignir færðar langt undir sannvirði. Reikningar bank- ans eru núf í prentun og koma út á.næstunni, en þar kemur fram að tekjuafgangur síðastliðið ár hafi numið um 30 milljónum króna. Sú upp- hæð er ekki há miðað við peningagildi í dag, en er ekki munurinn á innláns- og út- lánsvöxtum of lítill?" spurði Jónas og hann bætti við að gjaldskrá bankanna hefði ekki verið hækkuð þrátt fyrir aukinn tilkostnað. Hann Jónas Kafnar nefndi einnig, að ríkissjóður tæki sinn hlut, 60% af brúttótekjum gjaldeyrisbank- anna af öllum gjaldeyrisvið- skiptum. Þróun innlána hjá Útvegsbankanum hefði verið hagstæð síðastliðið ár, þar sem innlánsaukningin hefði numið 34%, sem væri ekki óhagstæðara hlutfall en hjá hinum bönkunum. Siðan sagði Jónas Rafnar banka- stjóri: „Það fer ekki á milli mála að hlutur Útvegsbanka ís- lands í fjármögnun sjávarút- vegsins er of stór miðað við stærð bankans og getu. Ég hygg, að ég fari rétt með, að hlutfallstölur sjávarútvegs- lána af heildarútlánum bank- ans hafi á árinu 1965 numið 36% árið 1975 54,3% og í maímánuði síðastliðnum fór þetta hlutfall allt upp í 60,5%. Þegar litið er á þess- ar tölur, verður að sjálfsögðu að taka tillit til endurkaupa Seðlabankans til þess að rétt mynd fáist. í skýrslu Hag- fræðideildar Seðlabankans í febrúarlok síðastliðins, kem- ur fram, að Útvegsbankinn fjármagnar 35% af öllum sjávarútvegi, m.a. með endurkaupum Seðlabank- ans. Ég hef verið á þeírri skoðun, að miðað við getu bankans hafi þátttaka hans í sjávarútvegi verið of mikil, og verði ekki komizt hjá breytingum. Þetta segi ég alls ekki sem gagnrýni á sjáv- arútveginn sem er meginstoð atvinnulifsins og því alls góðs maklegur, heldur vegna þessa sjónarmiðs að við- skiptabanki verður að gæta þess að vera ekki of einhæf- ur. Eins og allir vita, eru sveiflur í sjávarútveginum nokkuð miklar og þær hafa verið fljótar að koma fram i útlánagetu Útvegsbankans." Þá gat Jónas Rafnar bankastjóri þess, að hann teldi að Útvegsbankinn eða hlutur hans hefði að nokkru verið fyrir borð borinn í sam- bandi við stofnun útibúa og tók hann fram að þar væri ekki við neinn sérstakan að sakast — bankinn hefði ekki fylgt eins fast þeirri stefnu að stofan útibú og hinir bank- arnir. Hins vegar hefði bank- inn nú sótt um stofnun úti- búa á allmörgum stöðum. Þá væri þess einnig að gæta að áhrifa gossins í Vestmanna- eyjum hefði mjög gætt á afkomu bankans, þar sem hann væri eini bankinn, sem hefði útubú i Eyjum. Staða Vestmannaeyja við bankann hefði verið erfið um siðustu áramót, en fyrir náttúruham- farirnar hefði hún verið allt önnur og betri. Þetta væri áf ástæðum, sem allir skyldu, uppbyggingingin i Eyjum hefði tekizt með aðstoð Við- lagasjóðs og Útvegsbankans Hún hefði tekizt vel og sagð- ist Jónas efast um að aðrir hefðu rétt jafnhratt við og Vestmannaeyingar eftir þetta áfall. Hann kvað það skyldu Útvegsbankans að standa við bakið á Vestmannaeying- um. Framhald á bls. 18 Sinfóníutónleikan Sheila Armstrong syngur BREZKA söngkonan Sheila Armstrong verður einsöngvari á þrettándu reglulegu tónleikum Sinfónfuhljómsveitarinnar f Háskólabfó á morgun, fimmtu- dag. Stjórnandi er Karsten Anderson. A efniskránni eru Sinfónfa nr. 25 eftir Mozart, Scheherazade eftir Ravel, Letter Scene úr Eugen Onegin eftir Tsjaikovsky og Capriccio Espagnol eftir Rimsky-Korsakoff. Sheila Armstrong syngur nú ööru sinni meö Sinfóniuhljóms- veitinni en hún var einsöngvari á tónleikum í nóvember 1974 undir stjórn Vladimirs Ashkenazy. Hún hefur sungið bæði í óperuhlut- verkum og á hljómleikum beggja vegna Atlantshafsins og hlotið af- bragðsgóða dóma. Kemur hún fram að staðaldri með öllum helztu hljómsveitum I London og syngur auk þess föst hlutverk við Glyndenbourne-óperuna, við Skozku óperuna og við Covent Garden. Ennfremur hefur hún margsinnis komið fram í brezka sjónvarpinu, m.a. I glæsilegri uppfærslu BBC á Leðurblökunni. „Erum tilbúin aðfara heim" — segir Friðrik Brekkan farar- stjóri á Tenerife „ÞAÐ eru sffelldar hótanir f gangi hérna á Tenerife, en ís- lenzku ferðamennirnir 60, sem eru hér f Puerto de la Cruz, eru hins vegar f góðu yfirlæti Engu að sfður verðum við að lfta raunsætt á málin og ef þau þróast til verri vegar erum við tilbúin að panta vél strax að heiman til að sækja okkur," sagði Friðrik Brekkan, farar- stjóri hjá íslenzku ferðaskrif- stofunum á Tenerife, f samtali við Morgunblaðið f gærkvöldi. Framhald á bls. 18 Aðalfundur vinnuveit- enda á morgun AÐALFUNDUR Vinnuveitenda- sambands íslands verður haldinn í húsakynnum sambandsins á morgun og hefst klukkan 13.30. Á dagskrá eru venjuleg aðalfundar- störf, en auk þess mun Jónas Haralz, bankastjóri, flytja ræðu á fundinum. Ráðgert hafði verið að fundurinn stæði i tvo daga eins og undanfarin ár, en vegna stöðu samningamála var ákveðið að ljúka aðalfundarstörfum á einum degi, segir í fréttatilkynningu frá Vinnuveitendasambandinu. Boðskapur sem heillaði mig " SÉRA Þðrir Stephensen, dðm- kirkjuprestur, lagði m.a. út af kvikmyndinni Jónatan Livingston Mávur, sem ni'i er sýnd f Reykjavfk, f predikun sinni við hátfðarmessu f Dðm- kirkjunni s.l. sunnudag. Þótti það athyglisvert og spurði Mbl. sr. Þóri hvað það væri við kvik- myndina, sem hefði verið það athyglisvert, að hann minntist á hana f stólræðu: „Fyrir nærri tveimur árum var mér gefin bókin Jónatan Livingston Mávur. Eg hafði heyrt hennar að góðu getið, en ekki lesið hana fyrr en þá, og ég tvílas hana vegna þess, hve mér fannst boðskapur hennar athyglisverður og höfða mjög til minna eigin skoðana. Höfundurinn, Richard Bach, skrifar þessa bók að sjálfsögðu sem Hkingasögu. I mávahópn- um sjáum við svo margt, sem á sér hliðstæður I mannlifinu. Vald hópsins og lágkúrulegur, jarðbundinn hugsunarháttur kemur sterklega fram. En Jónatan braut af sér þá fjötra, sem reglur hópsins bundu hann i, af þvl að hann var viss um, að það hlaut að vera eitthvað æðra og meira til en það að berjast um ætið, sem var eina takmark hópsins. Og þar með f ann hann, að Iíf hans hafði öðlazt tilgang. Og hann segir: „Við getum hafið okkur yfir fávizkuna, við getum fundið, að okkur er gefin snilld, skilningur og kunnátta. Við getum verið frjálsir! Við getum lært að fljúga!" Og smám saman finnur Jónatan, að „sá mávur sér lengst, sem f lýgur hæst". Framhald á bls. 18 Kvikmynd Reynis Oddssonar mm* mimmm£m&@^ m • » í litum og á breiðtjaldi ? Áhrifarík, sönn og góð mynd að flestra dómi * sýnd í Stjörnubíói og úti á landi.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.