Morgunblaðið - 11.06.1977, Blaðsíða 36

AKilASINí.ASIMINN ER:
22480
JHoreimbTn&tÖ

LAUGARDAGUR 11. JUNÍ 1977.
Frekari verkf alls-
aðgerðir í bígerð
TÍU—manna nefnd Alþýðusam-
bands íslands sat fund f gær og
ræddi hugmyndir um framhalds-
aðgerdir þegar þessari verkfalls-
hrinu, sem nú stendur yfir, lýkur,
en henni lýkur með allsherjar-
verkfalli í einn dag hinn 21. júnf.
Tillögur 10—mannanefndarinnar
voru sfðan ra-ddar í samninga-
nefnd ASÍ f gær og ætlunin mun
að félög innan ASÍ taki síðan
endanlega ákvörðun um hoðun
þeirra, sem verður að eiga sér
stað á þriðjudag, eigi samfella að
verða í aðgerðunum.
Mikil leynd hvildi á samninga-
fundunum í gær yfir þessum að-
gerðum Alþýðusambandsins og
vildi enginn samninganefndar-
manna ASÍ segja neitt um málin.
Þó er ljóst að aðgerðir þessar
munu verða mjög róttækar og
munu þær lama svo til allt
athafnalíf landsmanna. F’ullyrt
var að ekki væri um allsherjar-
verkfall að ræða. Aðgerðir þessar
munu vera algjör nýlunda hér-
lendis, þar sem verkalýðs-
hreyfingin mun ekki hafa beitt
slíkum aðgerðum áður. Hugsan-
lega getur hér verið um verkföll
nokkurra lykilstétta að ræða, sem
nái til alls landsins.
Teflir Karpov
í Réykjavík?
Ákveðið að halda sterkt alþjóðamót í febr. n.k.
SKÁKSAMBAND íslands sam-
þvkkti á fundi f fyrrakvöld að
efna til alþjóðlegs skákmóts í
Reykjavfk f febrúar n.k. eða nán-
ar tiltekið dagana 4.—25. febrúar.
Er hugmvndin að hafa þetta mót
minna í sniðum en fyrri alþjóða-
mót, keppendur verði 12 að tölu
og aðeins verði boðið mjög
sterkum skákmönnum til móts-
ins. Er ætlunin að heimsmeistar-
anum Karpov verði boðið sérstak-
lega (il mótsins, en hann hefur
látið f ljós áhuga á þvf að tefla
hér á islandi.
Högni Torfason, varaforseti
Skáksambandsins, staðfesti þetta
í samtali við Mbl. í gær. Sagði
hann að venjan hefði verið sú að
halda alþjóðaskákmótin annað
hvert ár og væri nú komin röðin
að Skáksambandi islands að
halda mótið, en Taflfélag Reykja-
víkur stóð að síðasta alþjóðamóti.
Högni sagði að á mótskrá Alþjóða-
skáksambandsins væri ekkert
mót skráð í febrúar og hefði Skák-
sambandið því drifið sig í það að
ákveða dagsetningarnar strax og
senda þær til FIDE.
Skáksambandsmennirnir hafa
hug á því að mótið verði mjög vel
mannað. Er Karpov heims-
meistari að sjálfsögðu efstur á
blaði, en hann mun hafa getið
þess í bréfi til Guðmundar Sigur-
jónssonar, að hann hefði mikinn
hug á þvi að heimsækja skákland-
ið Island og tefla þar. Aðrir skák-
menn á óskalistanum eru Larsen,
Hort, Spassky, Ljubojevic og
fleiri og svo er vonast eftir þátt-
töku beggja íslenzku stórmeist-
aranna, Friðriks Ólafssonar og
Guðmundar Sigurjónssonar.
Ljósm. Öl. K.Mag.
Rigningu spáð sunnanlands
BLÓMARÓSIN brosir blftt f sólskininu á fimmtudaginn en blóma-
rósirnar sunnanlands brosa varla í dag, þvf Veóurstofan spáir
sunnanátt og rigningu. Á morgun er spáð vestlægari átt og skúrum.
Norðanlands og austan verður þurrt og sæmilega hlýtt verður um
allt land.
120tonná
handfæri
á 6 dögum
NOKKRIR bátar eru byrjaðir
handfæraveiðar útaf Eldey.
Haraldur AK hóf veiðarnar, og
hefur báturinn fengið 120 tonn af
ufsa á 6 dögum, þar af fékk bátur-
inn 53 tonn á fyrstu tveimur dög-
unum.
Að sögn Kristófers Bjarnasonar
skipstjóra á Haraldi, hafa þeir
stundað handfæraveiðar á þess-
um sömu slóðum ár eftir ár. 13
menn eru á bátnum og eru þetta
allt þrautreyndir menn. Sagði
Kristófer að það væri fyrst og
fremst mannskapnum að þakka
hve vel hefði fiskast, þetta væru
harðduglegir menn, en notaðar
eru venjulegar handfæravindur.
Kristófer tók það fram, að sér
virtist ufsinn fara minnkandi ár
frá ári.
Lagf ært í
kringum
Læragjá
Borgarverkfræðingur lagði í
vikunni fram tillögur um bráða-
birgðaaðgerðir við hitaveitu-
skurðinn f Nauthólsvfk, sem f
daglegu tali fólks er nefndur
Læragjá eða Volga.
Borgarráð féllst á tillögurnar og
fól borgarverkfræðingi að láta
framkvæma þær og gera kostnað-
aráætlun fyrir hreinlætisaðstöðu.
Tillögurnar munu vera i þvi
fólgnar að girða hitaveituskurð-
inn af, færa til veginn og beina
þannig allri umferð frá skurðin-
um, hreinsa svæðið í kring og
koma upp grassvæðum og Ioks að
koma fyrir búnings- og baðað-
stöðu.
Viðræður um launaliðinn
Karpov
áttu að hefjast í gærkvöldi
Samkomulag hefur náðst um fyrirkomulag vísitölubóta
SAMKOMULAG tókst f fyrra-
kvöld milli aðila vinnumarkaðar-
ins um vísitöluna. Samkomulagið
er þó skilyrt um að viðunandi
lausn náist f öðrum óleystum atr-
iðum kjarasamninganna. Samn-
ingamenn vonuðu f gærkveldi, er
gefið var kvöldverðarhlé, að á
kvöldfundi yrði byrjað að ræða
um kauplið samninganna. Jón II.
Bergs, formaður Vinnuveitenda-
sambandsins, kvaðst vona að við-
ræður um kaupliðinn hæfust þá
þegar og samtfmis viðræður um.
sérkröfur þeirra hópa, sem eftir
væri að afgreiða. Björn Jónsson,
forseti Alþýðusambandsins, kvað
kaupliðinn og samningstfmann
V estmannaeyjar:
Þjóðhátíðinhaldin samkvæmt
hefð að ósk huldra vætta
„Það stóð til a8 halda ÞjóShátfð
Vestmannaeyja a8 þessu sinni um
Verzlunarmannahelgina 29.— 31.
júlf I Herjólfsdal, en vegna boða
frá vættum og huldufólki 1 Herj-
ólfsdal og beiSni bæjarstjórnar
vegna atvinnumála í bænum þá
höfum vi8 ákveSiS a8 halda sam-
kvæmt aldargamalli hefS fyrstu
helgi f ágúst og hún verSur þvf
haldin I Herjólfsdal I fyrsta sinn
eftir eldgos 5.— 7. ágúst n.k.",
sagSi GuSmundur Þ.B. Ólafsson
formaSur Knattspyrnufélagsins
Týs í samtali vi8 Mbl. 1 gærkvöldi.
Guðmundur sagðí að þeir hefðu í
upphafi stefnt að þvi að halda Þjóð-
hátlðina um verzlunarmannahelg
ina, en það hefði mælzt misjafnlega
fyrir vegna hefðarinnar og þá hefðu
„næmir" Eyjamenn borið boð frá
huldum vættum, tröllum og álfum I
Dalnum að þeir hefðu ávallt mikla
hátíð I Dalnum helgina á undan
Þjóðhátið og þeír gætu ekkí miðað
við annað en helgina á undan fyrstu
helgi i ágúst Á þessari forþjóðhátlð
huldra vætta I Herjólfsdal er að sögn
mikið um dýrðir og þar sem sama er
upp á teningnum þegar Iþróttafélög-
in standa fyrir hátiðinni þá ákváðu
Týrararnir að halda sig við gamla
stílinn og þá ekki síður vegna beiðni
frá bæjarstjórn Vestmannaeyja um
hátiðina um fyrstu helgi I ágúst Rök
bæjarstjórnar voru þau að bátafloti
Eyjamanna og reksturinn I frystihús-
unum miðaði sumarleyfi við Þjóð-
hátíðina og ef hún yrði haldin I
júlímánuði gaetí hún raskað bæði
óeðlilega I atvinnulífinu og afla-
brögðum Guðmundur sagði að þeir
hefðu viljað halda Þjóðhátíðina að
þessu sinni um Verzlunarmanna-
helgina til þess að reyna á fá fleira
fólk frá fastalandinu á hátlðina, en
nú hefði peningarsjónarmiðið verið
láta víkja þótt mjög aukinn kostn-
aður væri við það að halda hátlðina
á ný I Herjólfsdal Týrarar hafa að
undanförnu unnið kappsamlega við
að snyrta I Herjólfsdal, en mikíll
fjöldi tyjamanna lagði hönd á plóg-
Framhald á bls. 20.
næst á dagskrá, en hann þorði
ekki að lullyrða, hvort hann
kæmi til umræðu þá um kvöldið.
Björn Jónsson var spurður að
því, hvort hann vildi segja nokk-
uð um það, hvenær hann áliti að
samningsaðilar myndu ná saman,
hvort það yrði í næstu viku. „Það
er ekki fyrir nokkurn mann að
segja til um á þessari stundu,“
sagði Björn og bætti því við að
enn bæri það mikið i milli, þótt
samningsmáiin'í heild hefðu ein-
faldazt mjög við samkomulagið
um visitöluna. Það væri þó skil-
yrt. Hann kvað umræður um
kauplið samninganna hins vegar
mjög skammt á veg komnar. Hann
kvað og ýmsa tæknivinnu hafa
skýrt hlutina og af þeim ástæðum
sagði hann að ekki þyrfti að liða
mjög langur tími unz samkomulag
tækist. „Allir eru að vona,“ sagði
Björn, „að þetta taki ekki langan
tíma.“
Eins og segir í upphafi þessarar
fréttar tókst samkomulag milli
ASÍ og vinnuveitenda í fyrrinótt
um fyrirkomulag vísitölubóta. Að
sögn ASI hefur samkomulagið i
för með sér töluverðar úrbætur
frá því visitölukerfi, sem tíðkazt
hefur.
1 fyrsta lagi verða greiddar al-
mennar vísitölubætur ársfjórð-
ungslega, í fyrsta skipti 1. septem-
ber. I sambandi við vísitöluút-
reikning fékkst það fram, að
áfengi og tóbak er fellt úr visi-
tölugrunninum. Samkvæmt því
visitölukerfi, sem siðast gildi, var
Framhald á bls. 20.
Ekkert hey r-
istíBrendan
EKKERT hefur heyrst í skinn-
bátnum Brendan í rúma tvo sólar-
hringa, en báturinn á nú að vera
staddur um 300 sjómflur suðvest-
ur af Hvarfi á Grænlandi. Ilingað
til hefur Brendan látið til sín
heyra a.m.k. einu sinni á sólar-
hring, og f gærkvöldi var Land-
helgisgæzlan að gera ráðstafanir
til þess að svipast yrði um eftir
bátnum
Smjörlíki
hækkar
VERÐLAGSSKRIFSTOFAN
hefur heimilað hækkun á smjör-
líki. Venjulegt borðsmjörlíki
hækkar í heildsölu úr kr. 245 i kr.
278 i smásölu úr kr. 326 í kr. 370
eða um 13,5%. Jurtasmjörlíki
hækkar í heildsölu úr kr. 348 í kr.
380 og i smásölu úr kr. 460 í kr.
514 hvert kiló eða um 11,7%.