Morgunblaðið - 29.06.1977, Blaðsíða 19

MORGUNBLAÐIÐ, MIÐVIKUDAGUR 29. JUNI 1977
19
Fimmtugur:
Kristján Flygenrmg
verkfræðingur
Það er meira en lítið mótsagna-
kennt, að eins rólegur og jafnvæg-
ur maður og Kristján skuli bera
nafnið Flygenring, sem vel mætti
þýða á íslenzkt tæknimál:
fljúgandi disk. Daglega ekur
þessi gætni Gaflari milli Hafnar-
fjarðar og Reykjavíkur á hæg-
gengri biltik til verkfræðistarfa
sinna. Og ennþá furðulegra er, að
við skulum vera frændur svo ólík-
ir sem við erum um hreyfing og
hraða. Þó er mér ekki grunlaust
um, að ég likist einum furðufugli
úr þessari ættarálmu, eða séra
Júliusi sáluga Þórðarsyni albróð-
ur athafnamannsins, Ágústs
Flygenrings, afa Kristjáns verk-
fræðings, sem er fimmtugur i dag.
Meðal margra virðulegra afa-
bræðra Kristjáns voru þeir
Matthias forni og Albert faðir
Kristjáns Albertssonar, eins
mesta menningarsnyrtis landsins
og kúltúrfægis. Séra Július var
eini sprelligosinn kannski óafvit-
andi af þessum settlegu systrung-
um ömmu minnar af Saurbæing-
um á Kjalarnesi, sem ég veit um.
Þegar nýnorskan eða landsmálið
var innleitt við messugerðir i út-
kjálkasóknum Noregs með endur-
heimtu frelsi og sjálfstæði í byrj-
un aldarinnar var séra Júlíus
fenginn sem sálusorgari eins
safnaðarins. Þá héldu þessir
blessaðir sveitamenn, að nýnorsk-
an væri alveg eins og hið heilaga
drottinsmál, Islenzkan. Auðvitað
skildi ekkert sóknarbarna upp né
niður í ísienzkum guðsorðalestri
séra Júliusar frekar en latínu-
messu katólskra uppi i sveit mót-
mælenda. En menn þögðu og létu
á engu bera. Svo var það eftir
nokkurra mánaða þjónustu og al-
menna þögia ánægju sóknarbarna
með nýja prestinn, að blaðran
sprakk með hveilum og skerandi
hrossahlátri frá einum messu-
gesta. Þá var óvænt komið að-
skotadýr í heimsókn allar götur
norðan af islandi sem skildi hvert
orð í fagnaðarboðskap klerks. Þar
sem séra Júlíus þótti fremur
værukær að eðlisfari og enginn
fljúgandi diskur Guðs um geim,
og var vel kunnugt um íslenzku-
kunnáttu sóknarbarna sinna, tók
hann oftlega með sér eintak af
gömlu ísafold og þrumaði þess í
stað í stólnum mergjaðar pólitisk-
ar skammargreinar eftir Björn
ritstjóra og síðar ráðherra. Þá
loksins komust drottinssvik sálna-
hirðisins upp og honum var í
skyndi skotið í hempunni yfir
landamærin til Sviþjóðar eins og
fljúgandi diski, þar sem Norð-
mönnum þótti hann meira en
frambærilegur fyrir frændur sina
og fyrri kúgara, Svía, sem Danir
kalla vara-Þjóðverja (Reserve-
Tyskere). Þar gerðist séra Júlíus
fyrirmyndar forstöðumaður og
sáluhirðir sjómannaheimilis i
Karlshöfn (Karlshamn) og síðar
virtur sóknarprestur i Lundar-
stifti og víðar eftir að hafa gengið
að eiga sænska skerjagarða-piku
fyrir prestsmaddömu. Hann bætti
einnig ráð sitt með að sjá um
norska þýðingu íslenzkra sálma.
Eitthvað á þessa leið heyrði ég
fyrir löngu söguna af séra Júliusi,
logna eða sanna.
Kristján er fæddur í Hafnar-
firði, sonur Garðars bakara
Flygenrings og Ingibjargar
Kristjánsdóttur frá Rauðkolls-
stöðum i Hnappadalssýslu. Hann
er þéttur á velli og þéttur i lund,
broshýr og góðlegur og lítið eitt
búttaður í andliti og sköllóttur
með árum. Ekki svo að skilja að
hann líkist vellyftum brauðkoll-
um föður síns. Með einkennandi
einbeittum viljastyrk sínum og
sjálfsaga ætti honum að vera
kleift að fá deigið til að falla og
hárið til að vaxa á ný. Ég hefi
oftlega leikið mér að gera af hon-
um skyndiskissur, sem eru bæði
uppblásnar og „punkteraðar" á
víxl. En sálarlífið er alltaf
óhagganlegt og allir vita hvar þeir
hafa þann góða dreng, Kristján.
Hann lauk prófi í vélaverkfræði
í Kaupmannahöfn fyrir tæpum
aldarfjórðungi. Hann hóf störf
hjá Stálsmiðjunni og gerðist síðar
meðeigandi verkfræðistofunnar,
Einarsson og Pálsson, unz hann
hóf starfrækslu Verkfræðistofu
Guðmundar og Kristjáns upp úr
1960 ásamt Guðmundi Björnssyni
frá Kópaskeri, sióar prófessor.
Sérgrein Kristjáns hefir verið
skipulag og teikning hreinlætis-
og loftræstikerfa auk margvis-
legra hitamiðstöðva og hvera-
veita. Ekki er mér kunnugt um
neinar ketilsprengingar í kötlum
hans og kerfum og öðrum loft-
þrýstidælum, eins og í heilags-
anda-veitu og guðsorðadælu afa-
bróður hans i guðshúsi frænda
vorra Norðmanna forðum.
Kannski hefði farið betur við
Kröflu ef þeir gætnu og framsýnu
starfsbræður, Kristján og Guð-
mundur, hefðu verið hafðir þar
með í ráðum og haft hönd í bagga
um hönnun verksins í stað hins
mikla „Bygmester Solnes". En að
almenningsáliti mætti ætla, að
hann hefði einn síns Iiðs útfært
alla verkfræðisnilld þessa fræga
verks. Þá tók andskotinn reiði-
kast þegar honum fannst, að
Sólnes væri að taka af sér völdin
og tók að bylta sér all óþyrmilega
og æla, spúa og blása öllu óræsti-
legri krásum en þingeysku þrýsti-
lofti sem aflgjafa fyrir orkulaust
mannvirkið yfir þessa blómlegu
byggð og himnarikisreit á jarð-
ríki. „Blessuð sértu sveitin mín,
sumar, vetur, ár og daga!“
Kristján eyðir ekki tekjum sin-
um í neitt fánýtt pjatt heldur til
málverkakaupa, sem prýða lang-
hús hans i Hafnarfirði. Þar hanga
dýrlegar Kjarvalsmyndir auk
verka ýmissa annarra innlendra
listamanna innan um fágæta
antíkmuni. Kristján mun nú
dvelja fjarri heimili sínu í dag við
brúargerð á ársprænunni hjá
veiðikofanum í Bakkafirði austur.
Slikir ofvirkjar kunna ekki að
eiga afmæli og eiga tæpast skilið
svona afmælisgrein, í staðinn fyr-
ir að una sér heima og taka ær-
lega á móti fagnandi gestum. En
Kristján á sér þá afsökun eina, að
hann er með afbrigðum hæversk-
ur og hlédrægur og litt um allt
tilstand gefið. Hann er dagfars-
prúður, jafnlyndur, glaðlyndur og
launfyndinn þó að fari ekki mikið
fyrir honum og frábitinn að trana
sér fram, eins og titt er um marga
Sunnlendinga, sem luma á þeim
mun meiri hóglega stilltum
skemmtilegheitum í staðinn á
völdum og rólegum stundum lifs-
ins.
Kona hans er hafnfirzk eins og
hann, Margrét Bjarnadóttir skip-
stjóra Jóhannessonar og er
stúdent að mennt. Þau eiga þrjú
börn. Ég óska þessum samvöldu
Gaflarahjónum áframhaldandi
gæfu og gengis.
Ef ég þekki Kristján rétt þá
held ég, að hann kæri sig ekki um
aðra og betri afmælisgjöf en að
laxinn bíti gráðugt á öngulinn i
kvöld, að loknu erfiðu dagsverki
við göngubrúargerð á bökkum
veiðiár þeirra verkfræðifélaga i
sumardýrðinni í Bakkafirði við
Bakkaflóa. Kannski fer laxinn
líka í samúðarverkfall með okkur,
sem ætluðum að sækja þennan
vinsæla verkfræðing heim i
kvöld, en ferst fyrir vegna þessa
ófyrirgefanlega uppátækis af-
mælisbarnsins.
Til hamingju með daginn og
megi verk þin standa styrk og
traust eins og skaphöfn þín og
persónuleiki og halda áfram að
ylja blessuðu mannfólkinu i
þessu Iskalda en fagra landi um
alla framtiö. Að lokum, varaðu
þig á Kröflu á heimleiðinni! Það
er hvort eð er orðið of seint fyrir
þig að koma þar nærri. Annars er
þér öllu óhætt í þvi viti, þar sem
Andskotinn hirðir ekki góða
menn eing og þig.
Örlygur Sigurðsson.
óhreinn fatnaður þarf mjög gott þvottaefm...
Gaulverja-
bæjarkirkju
gefinn sjóður
að upphæð
2 millj. kr.
SUNNUDAGINN 19. júni
s.l. var Gaulverjabæjar-
kirkju afhentur Minning-
arsjóður Loftsstaðasyskina
að gjöf. Sjóðurinn er 2
milljónir króna og er gef-
andinn Jón Jónsson fyrr-
um bóndi á Vestri-
Loftsstöðum og organisti í
kirkjunni um árabil.
í skipulagsskrá sjóðsins
segir, að verja skuli vöxt-
um af höfuðstól hans til
viðhalds Gaulverjabæjar-
kirkju eða til styrktar safn-
aðarstarfinu á annan hátt.
Jón Jónsson stofnar sjóð-
inn og gefur til minningar
um föður sinn, Jón Jónsson
og systkini hans, Sigríði,
Þuríði og Bjarna, en þau
Frainhald á bls. 21
MeÓ Ajax þvottaefní veróur misliti
þvotturinn alveg jafn hreinn og
suóuþvotturinn.
Hinir ttýju endurbættu
efnakljúfar gera það kleift
aó þvo jafn vel meó ölium
þvottakerfum.
Strax við lægsta hitastig leysast óhreinindi og blettir upp og
viðkvæmi þvotturinn verður alveg hreinn og blettalaus.
Við suðuþvott verður þvotturinn alveg hreinn og hvítur.
Ajax þvottaefni, með hinum nýju efnakljúfum sýnir ótvíræða
kosti sína, einnig á mislitum þvotti — þegar þvottatíminn er
stuttur og hitastigið lágt. Hann verður alveg hremn og litirnir
skýrast.
Hreinsandi efni og nýjr. endurbættir efnakljúfar ganga alveg
inn í þvottinn og leysa strax upp óhreinindi og bletti i
forþvottinum. Þannig er óþarft að nota sérstök forþvottaefni.
Ajax þvottaefní þýóirs
gegnumhreinn þvottur meó ölium
þvottakerfum.