Morgunblaðið - 06.07.1977, Qupperneq 18

18
MORGUNBLAÐIÐ, MIÐVIKUDAGUR 6. JULl 1977
— íþróttir
Framhald af bls. 31
una, þar sem Sigþór Ömarsson á
að vinna úr sendingunum, en
hann má sin einfaldlega ekki við
margnum.
I Keflavíkurliðinu vakti annar
bakvarðanna, Öskar Færseth, sér-
staka athygli fyrir mjög góðan
leik og var hann bezti maður
valiarins ásamt Gisla Torfasyni,
sem óneitanlega er kjölfesta
Keflavíkurliðsins.
Dómari í leiknum var Magnús
V. Pétursson og var óþarflega
flautuglaður að þessu sinni.
Magnús hefur það hins vegar
fram yfir flesta aðra íslenzka
dómara, að enginn er í vafa um á
hvað hann er að dæma hverju
sinni. Mættu aðrir dómarar taka
sér bendingar hans til fyrirmynd-
ar.
— Bylting
Framhald af bls. 1
henni mun hafa verið lokið á
fimm tímum.
Zia hershöfðingi tók fram að
hann hefði engan pólitískan
metnað, sagði að enginn sem hlut
ætti að máli hefði hvatt til bylt-
ingarinnar, fullvissaði þjóðina
um að Pakistan yrði áfram
islamskt ríki og iagði áherzlu á að
stjórnin yrði aftur falin í hendur
fulltrúum þjóðarinnar þegar
kosningar hefðu farið fram. Þar
sem dómarar eiga að stjórna
fylkjunum og þar sem Zia hefur
rætt við forsetann og forseta
hæstaréttar, Yaqub Ali Khan,
virðist sýnt að herinn vilji tryggja
heiðarlegar ksoningar.
Stjórn Bhuttos vann stórsigur í
þingkosningum 7. marz, en hreyf-
ing stjórnarandstæðinga,
Pakistanska þjóðarbandalagið
(PNA), hélt því fram að brögð
hefðu verið i tafli og krafðist
nýrra kosninga. Viðræður stjórn-
arinnar og andstæðinga hennar
voru komnar í ógöngur, en þær
áttu að hefjast aftur i dag.
Allt var með kyrrum kjörum i
helztu borgum Pakistans í dag, en
hermenn voru á verði við helztu
opinberar byggingar. Flugsam-
göngur voru með eðlilegum hætti
og útvarpið hélt áfram venjuleg-
um útsendingum, en fjarskipti
milli stærstu borga og umheims-
ins rofnuðu um tima.
— Rhódesía
Framhald af bls. 1
Uppreisnarmennirnir sem
standa að RAP hafa lýst sig and-
viga stuðningi Smiths við friðar-
tilraunir Breta og Bandaríkja-
manna er miða að því að mynduð
verði meirihlutastjórn blökku-
manna og endi bundinn á skæru-
stríðið. Þeir vilja banna samtök
blökkumanna sem styðja skæru-
hernaðinn gegn stjórn Smiths og
ætla að halda uppi harðri and-
stöðu gegn stefnu stjórnarinnar.
Bráðabirgðaleiðtogi flokksins
er Ian Sandeman, fyrrverandi
foringi úr Coldstreams Guards
sem er fæddur i Bretlandi. Stofn-
un flokksins fylgir í kjölfar
harðnandi andspyrnu hægri-
manna gegn stjórn Smiths og af-
sagnar Des Frosts, formanns
Rhódesíufyikingarinnar, og þing-
mannsins Wickus de Kocks.
— Frystihúsin
Framhald af bls. 2
Þá hefur Þjóðhagsstofnun gert
rekstraryfirlit frystihúsa án salt-
fisk- og skreiðardeildar fyrir árið
1975 og er þá miðað við stærðar-
flokkun eftir mótteknu hráefni.
Þar kemur í ljós, að þau frystihús
sem taka á móti 7000 tonnum eða
meira, en þau eru 10 talsins bera
sig mjög vel og skila 346 millj. kr.
brúttóhagnaði, sem er.6.6% af
tekjum. Dæmið lítur hins vegar
ekki eins vel út hjá þeim 13 frysti-
húsum, sem taka á móti
4000^7000 tonnum, þar er
brúttóhagnaður aðeins 34 millj.
kr. eða 0,7% af tekjum. Það 21
frystihús sem tekur á móti 2.500
til 4000 tonnum skilar alls 359
millj. kr. brúttóhagnaði sem er
6,3% af tekjum. 20 frystihús taka
á móti 1000—2500 tonnum og þar
er hagnaðurinn aðeins 9 millj. kr.
og brúttóhagnaður af tekjum
0,3%. 6 frystihús taka á móti
minna en 1.000 lestum og standa
þau í járnum, sína hvorki hagnað
né tap. Alls er hér um að ræða 70
frystihús og brúttóhagnaður
þeirra er 748 millj. kr. og brúttó-
hagnaður af tekjum 3,8%.
í yfirliti um afkomudreifingu
frystihúsanna kemur fram, að 5
frystihús sýna meira en 10%
halla eða alls 26% brúttóhalla
sem er alls kr. 167,8 millj. kr., 7
frystihús eru rekin með 5,1—10%
halla. Halli þeirra var á árinu
1975 alls 78,9 millj. kr. eða 8%. 16
frystihús eru rekin með 0,1 til
5,0% halla, heildartap þeirra nam
94,6 millj. kr. og að meðaltali
I, 9%. 15 frystihús á landinu voru
rekin með 0,0 til 4,9% hagnaði,
eða alls 73,5 millj. kr. sem er 1,9%
brúttóhagnaður að meðaltali. 16
frystihús eru rekin með
5,0—9,9% hagnaði, alls 456,0
millj. kr. eða 8,0% meðaltals-
gróða, 6 frystihús hafa 10,0 til
14,9% hagnað. Heildarhagnaður
þeirra var 223,9 millj. kr. eða
II, 4% að meðaltali og 5 frystihús
af 70 voru rekin með 15,0% hagn-
aði og yfir eða alls 327,7 millj. kr.
hagnaði, og þar 'er brúttóhagnað-
urinn 21,3%., en meðalbrúttó-
hagnaður er 3,8% eða 739,8 millj.
kr.
— Nazisti
Framhald af bls. 1
segja að þeir hafi nýlega frétt að
Rosehmann byggi í Argentínu
undir nýju nafni.
Roschmann var yfirmaður her-
liðsins í Gyðingahverfinu í Riga.
Hann mun hafa komið til Argent-
ínu 1948 og kallað sig Fritz Wegn-
er.
1 Bonn var sagt í dag að dóm-
stóll í Hamborg hefði gefið út
tilskipun um handtöku Rosehm-
anns og gefið honum að sök að
hafa skotið að minnsta kosti 50
Gyðinga til bana og fyrirskipað
aftökur margra fleiri. Alls munu
30.000 óbreyttir borgarar hafa
verið myrtir í Riga.
— Viðræður
Framhald af bls. 2
að miðað við svipaðar viðmiðunar-
reglur, en ekki stórfelldar breyt-
ingar á þeim.
Enda segir í 16. grein laganna,
að ráðherra fari með framkvæmd-
ir laganna og setji um þær reglu-
gerðir, og það er auðvitað óþekkt
með öllu að lægra sett stofnun
geti gripið til svo viðtækra stjórn-
unaraðgerða, sem þessar breyt-
ingar voru. En þetta er bara mis-
skilningur en ekki misklíð milli
Hafrannsóknarstofnunarinnar og
sjávarútvegsráðumeytisins.
Þessar viðmiðunarreglur munu
fá sömu meðferð hjá ráðuneytinu
og aðrar tillögur Hafrannsókna-
stofnunarinnar; ég mun ræða þær
víð aðila og siðan fá þær sína
meðferð."
— Skipstjórar
Framhald af bls. 2
eins átt það á hættu að þeir
myndu grípa til enn róttækari
aðgerða, cf reglurnar tækju
gildi,“ sagði ráðherrann.
Þegar Mbl. spurði, hvort skeyt-
ið hefði orðið til þess að ráðherra
ákvað að reglurnar skyldu ekki
taka gildi, sagði Matthias: „Nei,
ákvörðun mín byggðist á þeim
rétti, sem ég tel að ráðherra hafi
samkvæmt lögum.
En því neita ég ekki að ég hafði
ríkanilning og samúð með þéim
sjónarmiðum, sem skipstjórarnir
settu mjög'ákveðið og einarðlega,
en af fullri kurteisi, fram í skeyti
sínu."
Að sögn Harðar Guðbjartsson-
ar, skipstjóra, munu milli 30 og 40
togaraskipstjórar hafa undirritað
skeytið.
— Afnám tolla
Framhald af bls. 2
um að ganga í EFTA og þessi
stefna væri ekki enn fyrir hendi.
Þvi væri það nú krafa forsvars-
manna iðnaðarins, að stjórnvöld
beittu sér fyrir því að fá aðlögun-
artímann, sem gilda átti til 1980,
framlengdan nokkur ár til viðbót-
ar, en Davíð kvaðst telja að þetta
væri ekki gert sérstaklega fyrir
iðnaðinn heidur væri hér á ferð
þjóðarnauðsyn, þar sem stjórn-
völd hefðu ekki komið því enn i
verk sem þurfti að gera strax upp
úr 1970.
Sigurður Markússon sagði, að
mikilvægasti áfanginn varðandi
útflutning sjávarafurða hefði
náðst með næstsíðustu tollalækk-
uninni 1. júlí í fyrra, en engu að
síður hefðu breyting^rnar sem
orðið hefðu á þessu eina ári verið
minni en menn áttu almennt von
á. Þó hlytu menn að vera þakklát-
ir að þessi áfangi væri nú allur í
höfn, og þó svo að menn merktu
ekki áhrif þessa verulega nú
strax, væri enginn vafi á því að ef
horft væri til framtíðarinnar
skipti afnám tollana miklu máli.
Þarna hefði ástandið á mörkuðun-
um mikil áhrif. Nú væru Banda-
ríkin okkar aðalmarkaður, þar
sem bæði fengist'hátt verð og
engir tollar væru fyrir hendi, en
ekki væri nokkur vafi á þvi að
mikill kostur væri á þvi að hafa
Evrópumarkaðinn í bakhöndinni
ef markaðsaðstæður versnuðu i
Bandarikjunum.
— Fundu gildru
Framhald af bls. 1
an var hins vegar vör um sig og
iýsti upp íbúðina með kastljósum
og engan sakaði.
Fresturinn sem ræningjar
Zahabi settu rann út í dag án þess
að þeir létu frá sér heyra.
Talsmaður stjórnarinnar sagði
að ekkert hefði heyrzt frá öfga-
sinnuðum sértrúarflokki sem
rændi dr. Zahabi síðan í gær-
kvöldi og að enginn nýr frestur
hefði verið settur.
Dr. Zahabi var rænt á sunnu-
dagsmorgun og ræningjarnir
sögðust fyrst ætla að myrða hann
á hádegi í gær ef 60 pólitiskir
fangar yrðu ekki látnir lausir en
framlengdu frestinn í einn sólar-
hring.
Ræningjarnir kröfðust auk þess
200.000 punda í lausnargjald
vegna ofsókna sem þeir sögðu að
stjórnin hefði haldið uppi gegn
sértrúarflokki þeirra sem kallast
„A1 Takfir Wal Hijira“.
Maður sem sagði ekki til nafns
hringdi i Reuter og sagði að dr.
Zahabí hefði verið myrtur og lík
hans væri að finna i einu út-
hverfa Kaíró. Lögreglan fann
ekki líkið þrátt fyrir mikla leit og
telur að hringingin hafi verið
gabb.
— Lóguðu
Framhald af bls. 32
fararsnið var á læðunni þrátt fyr-
ir að bifreiðin kæmi aðvífandi, og
ók hún þá inn í hópinn. Lágu þá
þegar tveir yrðlingar í valnum, en
mennirnir tveir hlupu síðan hina
yrðlinganna fljótlega uppi og lóg-
uðu þeim. Læðan skauzt hins veg-
ar undan og komst í skjól, en
mönnunum tókst eftir nokkurn
tima ð fæla hana úr fylgsni sínu
og vinna á henni.
Fréttaritari
— Kartöflur
Framhald af bls. 32
vegna þessa dráttar á verð-
lagningunni.
1 heildsölu hækkar hvert
kíló af kartöflum úr 92.52
krónum i 106.63 krónur og
smásöluverð á 2.5 kílöa kar-
töflupokum hækkar úr 296
krónum í 344. Fimm kílóa kar-
töflupokinn hækkar í smásölu
úr 586 í 862 krónur. Auk hærra
innkaupsverðs á kartöflunum
stafar hluti verðhækkunarinn-
ar af hækkuðum tilkostnaði
við pökkun þeirra.
— Skák
Framhald af bls. 17
31. Hxe8 — Hxe'8, 32. fxg4 —
fxg4 og svarti hrókurinn leikur
lausum hala á e-línunni)
Hfe8, 31. Hf6 — Hel+, 32. Kg2
— Hf8, 33. Hxf8+ — Kxf8, 34.
d5
(Eða 34. h3 — h5).
Bd6
(Korchnoi lætur öryggið sitja i
fyrirrúmi. Eftir 34. . . He2, 35.
Ba3+ — Kf7, 36. d6 — Bxd6,
37. Bxd6 — cxd6, 38. a4 hefur
hvítur einhverja jafnteflis-
möguleika)
35. Bc3 — Hcl, 36. Bd2 — Hc2,
37. a4 — f4, 38. h3 — f3 + , 39.
Kfl — h5, 40. hxg4 — hxg4
Hér fór skákin i bið. Henni
var þó aldrei haldið áfram, því
að í gærmorgun hringdi
Polugaevsky til Lothars
Schmidts, yfirdómara einvígis-
ins og tilkynnti að hann gæfi
skákina. Biðleikurinn var 41.
Kel. Lokin hefðu getað orðið
þannig: 41. . . Hb2! 42. Be3 —
Bb4 + , 43. Kdl — g3! og vinnur.
— Útreikningar
Framhald af bls. 32
króna. Timabilin eru því 4(4 mán-
uður, 3!4 mánuður og 3(4 mánuð-
ur. Ef um mánaðarlegt uppgjöf er
að ræða á kauptryggingu yrðu
virkar launagreiðslur 7.014,7 mill-
jónir króna, hækkum um 190,5
milljónir eða 2,8%. Ef kauptrygg-
ingatímabil er 2 mánuðir eru
virkar Iaunagreiðslur 6.961,2 mill-
jónir króna eða aukning um 137
milljónir, sem eru slétt 2%. Ef
hins vegar tryggingatimabilið er
þrír mánuðir eru virkar launa-
greiðslur 6.840,5 milljónir, aukn-
ing um 16,3 milljónir eða um
0,2%.
Miðað við mánaðarlegt uppgjör
er hækkunin nokkuð mismunandi
eftir stærð skips. Virkar launa-
greiðslur að bát á stærðabilinu 12
til 20 brúttólestir hækka um 1,4
milljónir króna eða um 2,9%, á
bilinu 21 til 30 brúttólestir er
hækkunin 5,5 milljónir króna eða
1,3%, á bilinu 31 til 50 brúttólest-
ir er hækkunin 17,8 miiljónir
króna eða 3,4%, á bilinu 51 til 110
brúttó ruml., er hækkuunin 73,1
millj. kr., eða 3,7%, á bilinu 111
til 200 rúmlestir er hækkunin
58,2 milljónir króna eða 4,1%, á
bilinu 201 til 300 rúmlestir er
hækkunin 20,7 milljónir króna
eða 1,8% og á bilinu301 rúml. til
500 er hækkunin 13,8 millj. kr.
eða 1,7%.
Miðað við tveggja mánaða tíma-
bil verður lækkun í minnsta báta-
flokknum, sem nemur hálfri ann-
arri milljón eða 0,3%. 1 næst
minnsta flokkinum er hins vegar
aukning um 9 milljónir króna eða
um 2,1%. 1 stærðarflokkinum 111
til 200 brúttórúmlestir er aukning
um 42,3 milljónir króna eða um
3%, í stærðarflokkinum 201 til
300 rúmlestir er aukning um 11,6
milljónir króna eða um 1% og i
stærsta flokkinum, 301 til 500
brúttórúmlestir, er aukning, sem
nemur 3,5 milljónum króna eða
0,4%.
Loks er reiknað út, hver breyt-
ing yrði á virkum launagreiðslum
ef um þriggja mánaða kauptrygg-
ingatimabil yrði að ræða. Þá yrði
minnkun i minnsta bátaflokkin-
um um 6,2 milljónir króna eða um
1,3%. í næst minnsta flokkinum
er aukning, sem nemur 1,3 mill-
jónum eða um 0,3%. í stærðar-
flokki 31 til 50 brúttórúmlestir er
aukning um 2,4 milljónir króna
eða 0,4% og í stærðarflokkinum
51 til 110 rúmlestir er aukning
um 18,2 milljónir króna eða sem
nemur 0,9%. I næsta flokki þar
fyrir ofan er minnkun um 2 mill-
jónir eða 0,1% og í næst stærsta
flokki er einnig minnkun um 0,7
milljónir eða 0,1% og í stærsta
flokkinum 301 til 500 brúttórúm-
lestir er aukning, sem nemur 3,4
milljónum króna eða um 0,4%.
Þær prósentutölur, sem hér
hafa verið nefndar að ofan, gefa
hugmynd um breytingu á tekjum
sjómanna, sem af þessu myndu
leiða, en breytingatölurnar, sem
gefnar eru upp í milljónum, gefa
til kynna breyttar álögur á út-
gerðina vegna virkra launa-
greiðslna.
Loks hefur Þjóðhagsstofnun
sett upp töflu, er gefur til kynna
hvernig hlutfallsleg skipting
skiptaverðmætis er milli kaup-
tryggingabáta, aflalaunabáta,
annars vegar miðað við þá ver-
tíðarskiptingu, sem tíðkazt hefur,
og hins vegar miðað við að
mánaðarlegt uppgjör breytist, ef
hætt yrði við gildandi kerfi og
hitt tekið upp. Miðað við alla
stærðarflokka samkvæmt vertlða-
skiptingunni er hlutfalisleg skipt-
ing skiptaverðmætis þannig að
kauptryggingabátar hafa nú
2,8%, aflalaunabátar 26,8% og
aflahlutabátar 70,4%. Ef hins
vegar yrði um mánaðarlegt upp-
gjör að ræða yrðu þessar breyt-
ingar á: Kauptryggingabátar
hefðu þá 4,1%, aflalaunabátar
18,7% og aflahlutabátar 77,2%.
— Þessir sigrar
Framhald af bls. 32
Breshnev ekki verið viðlátinn I
augnablikinu. En loks var fall-
izt á að Polugaevsky mætti taka
í hönd mér áður en við settumst
að tafli og þetta handtak finnst
mér vera svolitill siðferðilegur
sigur, sem léttir á spennunni.
Þannig er andrúmsloftið
hérna til muna manneskjulegra
og það hefur góð áhrif á mig.“
Annað mál, sem kom upp áð-
ur en einvígið hófst, var fána-
málið. „Já. Ég stakk fyrst upp á
því að ég tefldi undir fána Hol-
lands, sem er mitt dvalarland
sem stendur," sagði Kortsnoj."
Þessu höfnuðu Sovétmenn,
enda þótt rétturinn væri minn
samkvæmt reglum Alþjóða-
skáksambandsins.
Ég sagði þá, að fyrst þeir
gætu ekki fallizt á neinn þjóð-
fána, þá tefldi ég bara undir
sjóræningjafánanum, með
hauskúpu og leggjum. Þetta
sögðust Rússarnir því síður
geta fallizt á, svo útkoman varð
sú, að ég tefldi hérna fána-
laust.“
Talandi um fána. Kortsnoj
hefur nú ákveðið að flytjast til
V-Þýzkalands með haustinu.
„Ég hef gert samning til nokk-
urra ára við vestur-þýzkan
skákklúbb og samningurinn
færir mér helmingi meiri pen-
inga, en ég hefði annars feng-
ið.“
Þegar Mbl. spurði Kortsnoj,
hvort eitthvað hefði gerzt við-
vfkjandi ósk hans um að fá fjöl-
skylduna til sln frá Sovét-
ríkjunum, sagði hann: „Ég geri
mér vonir um að þau fái að fara
til Israels. Það virðist vera eina
leiðin, sem nú er opin út úr
Sovétríkjunum og ég hef séð til
þess, að fjölskylda mín hefur
fengið boð um að koma til
tsraels. Ég er bjartsýnn á að
sovézk stjórnvöld gefi leyfi til
ferðarinnar, en auðvitað draga
þau það á langinn til að reyna
að draga úr mér kjark."
Þá spurði Mbl. Kortsnoj, hver
hann teldi að yrði úrslit einvíg-
is þeirra Spasskys og Portisch.
„Ég tel að Portisch sé sterkari
og að hann vinni einvigið."
— Og mæti þá Viktor
Kortsnoj I einvígi um réttinn til
að skora á heimsmeistarann?
„Ég er bjartsýnn fyrir mína
hönd, að mér takist að komast i
einvígi við Portisch. En ég veit
líka, að hann verður erfiðasti
andstæðingur minn I keppninni
um að fá að mæta Karpov.“
— Sem þig langar. ..
„Sem ég ætla mér.“
— Finnum illa
Framhald af bls. 17
byggjandi afl gagnvart hugsan-
legri innrás N-Kóreu og legðu
alla áherzlu á að aðgerðir til að
koma I veg fyrir röskum á jafn-
vægi væru gerðar áður en brott-
flutningurinn færi fram, þetta
væri þeim mun mikilvægara að
Seoul, höfuðborg landsins, væri
aðeins 25 milur frá landa-
mærunum og aðeins 2'A
minútna flug fyrir N-
Kóreumenn þangað. Fram til
þessa hefðu tilraunir til að fá
N-Kóreumenn að samninga-
borðinu til að semja um varan-
legan frið mistekizt.