Morgunblaðið - 19.10.1977, Qupperneq 16

16
MORGUNBLAÐIÐ, MIÐVIKUDAGUR 19. OKT0BER 1977
MORGUNBLAÐIÐ, MIÐVIKUDAGUR 19. OKTOBER 1977
17
fe

Útgefandi
Framkvæmdastjóri
Ritstjórar
Ritstjórnarf ulltrúi
Fréttastjóri
Auglýsingastjóri
Ritstjóm og afgreiðsla
Auglýsingar
hf. Árvakur, Reykjavík.
Haraldur Sveinsson.
Matthías Johannessen,
Styrmir Gunnarsson.
Þorbjörn Guðmundsson.
Bjöm Jóhannsson.
Ámi Garðar Kristinsson.
Aðalstræti 6, sími 10100.
Aðalstræti 6, sími 22480.
Áskriftargjald 1500.00 kr. á mánuði innanlands.
í lausasölu 80.00 kr. eintakið.
Kjörin í brenni-
depli á ný
Verkfallsbarátta BSRB og aðferðir samtakanna i henni hafa
verið mjög í sviðsljósinu að undanförnu en minna hefur farið
fyrir sjálfri kjarabaráttunni og umræðum um sjálf kjaramál
opinberra starfsmanna. í fyrradag hófust hins vegar samningavið-
ræður á ný að tilhlutan sáttasemjara og í gærkvöldi var talið
hugsanlegt að einhver hreyfing kynni að komast á samninga-
málin. Ekkert lá þó ákveðið fyrir um það, þegar þetta var ritað.
Nú þegar kjaramálin sjálf eru að komast i brennipunkt á ný er
kannski ekki úr vegi að rifja upp afstöðu Morgunblaðsins til kjara
opinberra starfsmanna eins og hún kom fram i forystugrein
blaðsins hinn 6 október sl þegar úrslit lágu fyrir í allsherjar-
atkvæðagreiðslu um sáttatillöguna. Þá sagði Morgunblaðið m.a. i
íorystugrein: „Morgunblaðið hefur ekki treyst sér til að hvetja
opinbera starfsmenn til að samþykkja alfarið sáttatillöguna, þó
það geri sér hins vegar grein fyrir því, að það var ábyrgðarhluti að
fella hana, eins og ástatt er i þjóðfélaginu. Vissir hópar opinberra
starfsmanna eru ekki of sælir af launum sínum Það er alls ekki út
í hött að finna leiðir til að lyfta kjörum þeirra Hitt er svo jafn rétt,
að margir opinberir starfsmenn hafa sæmileg eða nokkuð góð
laun og enn aðrir ágæt. Nú þarf að leggja áherzlu á að skilja þarna
á milli og róa að þvi öllum árum að þeir, sem minnst hafa, rétti
sinn hlut. Það er engum til góðs að of mikils launamisræmis gæti
í þjóðfélagi okkar Og Morgunblaðið segir ennfremur i
þessari forystugrein: „Það hafa þó ekki verið opinberir starfs-
menn, sem skarað hafa i eld verðbólgubálsins á undanförnum
árum. Þvert á móti; þeir hafa margir sýnt mikið langlundargeð
Má i því sambandi minna á svokallaða olíusamninga, á timum
vinstri stjórnar, er þá skipuðu opinberum starfsmönnum, ekki sízt
hinum lægst launuðu, aftar launþegum hins frjálsa vinnumark-
aðar. Og enn segir Morgunblaðið: „Óskir opinberra starfsmanna
eru þær helztar að samtök þeirra nái fram hækkun á lægstu
launum, einnig einhverjum leiðréttingum í miðju launastigans „tfl
samræmingar við aðra starfshópa í þjóðfélaginu" eins og komizt
hefur verið að orði."
Morgunblaðið hefur gagnrýnt verkfallsforystu BSRB harðlega
síðustu daga fyrir framkvæmd verkfallsins. Sú gagnrýni hefur
verið byggð á óhrekjanlegum rökum En það er ekki úr vegi nú,
þegar samningaviðræður standa yfir á ný, að minna á, að
Morgunblaðið hefur sýnt skilning á nauðsyn kjarabóta fyrir
opinbera starfsmenn eins og ofangreindar tilvitnanir sýna. Mætti
það verða til umhugsunar fyrir þá, sem veitzt hafa að Morgun-
blaðinu með sleggjudómum einungis vegna þess, að blaðið hefur
flutt sannar og réttar fréttir af verkum verkfallsforystu BSRB
Geir Hallgrimsson forsætisráðherra gerði skýra grein fyrir
afstöðu ríkisstjórnarinnar til samningamála BSRB á Alþingi í
fyrradag. í þingræðu benti forsætisráðherra á, að krafa BSRB um
endurskoðunarrétt á samningstíma með verkfallsrétti fæli I sér
brigðir á því samkomulagi, sem gert var við BSRB, þegar lögin
um verkfallsrétt voru sett. Forsætisráðherra kvað upp úr með það,
að útilokað væri að samþykkja slíkan endurskoðunarrétt með
verkfallsrétti og ríkisstjórnin mundi ekki beita sér fyrir slíkri
lagasetningu.
Þá gerði forsætisráðherra að umtalsefni kjör hinna lægst
launuðu meðal opinberra starfsmanna og sagði, að ríkisstjórnin
gæti ekki gengið lengra I málum þeirra en hún hefði gert með
síðasta tilboði sínu, þar sem kjör BSRB væru þá komin upp fyrir
hinn almenna vinnumarkað og væri það þvi óverjandi Hins vegar
sagði Geir Hallgrimsson, að ríkisstjórnin væri reiðubúin til þess að
tryggja að enginn starfsmaður, sem næði starfsfestu sæti lengi í
neðstu þrepum launastigans.
Þá ræddi Geir Hallgrimsson um miðbik launastigans og sagði
ríkisstjórnina hafa gengið svo langt til móts við kröfur BSRB um
15—20% hækkun um miðbik launastígans umfram hækkanir
ASÍ, að naumast væri hægt að ganga lengra, ef ekki ætti að
hleypa af stað óstöðvandi kjarakapphlaupi
í lok ræðu sinnar lýsti Geir Hallgrímsson þeirri von sinni að þeir
almennu hagsmunir yrðu virtir sem i þvi væru fólgnir að
starfsmenn ríkisins fengju sambærileg kjör og aðrir vinnandi
menn í landinu. Eins og fram kemur í þessari ræðu forsætisráð-
herra er afstaða ríkisstjórnarinnar i samningamálum BSRB afar
skýr og ætti það út af fyrir sig að skapa grundvöll til samnínga, ef
forystumenn BSRB eru að sama skapi fúsir til þess að leiða þessa
deilu til lykta Matthías Á Mathiesen fjármálaráðherra sagði í
viðtali við Morgunblaðið í gær, að hann vonaðist til þess að menn
drægju nokkurn iærdóm af þessari deilu Á þvi er full þörf og er
ekki vafi á þvi, að ýmislegt, sem fram hefur komíð í sambandi við
hana, mun verða mönnum æríð umhugsunarefni á næstu mánuð-
um
Gerð sundlaugar við Grens-
ásdeild til rnnræðu á Alþingi
Á ALÞINGI í gær kom fram fyrirspurn frá Magnúsi Kjartanssyni alþingismanni til
forsætisráðherra, hvað liði framkvæmdum við gerð sundlaugar við Grensásdeild
Borgarspítalans, en framkvæmd þess máls hafði verið skotið til ríkisstjórnarinnar,
eftir miklar umræður á síðasta þingi. Af þessu tilefni voru mættir á þingpalla
fjölmargir sjúklingar Grensasdeildarinnar ásamt hjúkrunarfólki, sem var því til
aðstoðar.
Forsætisráðherra, Geir Hallgrímsson, svaraði því til að reiknað væri með sérstakri
fjárveitingu í fjárlögum næsta árs til þessara framkvæmda. Nokkrar meiri umræður
urðu um málið og vísast í því tilefni á þingsíðu blaðsins en eftir umræður um þetta
mál var sjúklingum deildarinnar ásamt hjúkrunarfólki boðið í kaffi hjá Alþingi og
fór þá Morgunblaðið og ræddi við einn sjúkling deildarinnar og lækni. Fara þau
viðtöl hér á eftir:
Sjúklingum hjálpað af þingpöllum í gær.
„Okkur
mikið hjart-
ansmál
að fá
sundlaug
að
deildinni”
ÞETTA er okkur starfsfólkinu
alveg eins og sjúklingum
mikiS hjartansmál, að fá
þessa sundlaug að Grensás-
deildinni, það yrði alger bylt-
ing fyrir alla endurhæfingu
hjá okkur, sagði Jóhann
Gunnar Þorbergsson. læknir
við Gressásdeild Borgar-
spítalans, er Morgunblaðið,
ræddi við hann á þingpöllum
F gær.
Fyrir lamað fólk og fólk með
skerta hreyfigetu er þetta
ótrúlegur munur að fá vatnið
inn i endurhæfinguna. Allar
hreyfingar verða miklu léttari í
vatninu, þannig að endurhæf-
ing verður öll mun léttari, þeg-
Jóhann Gunnar Þorbergsson. læknir
við Grensásdeild Borgarspitalans.
ar fólkið finnur að hreyfingarn-
ar eru miklu léttari eykur það
sjálfstraustið til muna, en það
verður þess aftur valdandi að
allur bati verður miklu fljótari.
Þá er það okkar draumur, að
með komu slikrar sundlaugar
gætum við hjálpað mun fleira
fólki heldur en þvi sem á deild-
inni dvelst hverju sinni. Það er
mikill fjöldi af fólki, sérstaklega
gömlu fólki sem er heima hjá
sér og nýtur engra aðstoðar
við, en með tilkomu laugar-
innar myndi það gjörbreytast.
Þá er gaman að geta þess að
erlendir sérfræðingar, sem hafa
heimsótt okkur hafa sagt mér
að Grensásdeildin yrði i
fremstu röð endurhæfingar-
stöðva, aðeins ef hún fengi
sundlaug.
Það að endurhæfing sé allt
of dýrt fyrirbæri, tel ég alranga
skoðun, endurhæfingin er
aldreí of dýru verði keypt, hún
skilar sér ætíð margfaldlega
aftur. Enda er það okkar stefna
að sem allraflestir sjúklingar
sem leita okkar hjálpar geti
hjálpað sér að mestu sjálfir, en
það er aðeins hægt, fáum við
sundlaug að deildinni.
Það var i morgun þegar flest-
ir sjúklingarnir mættu í æfing-
ar, sem þeir fóru fram á það að
þeim yrði hjálpað til að komast
á þingpalla, til þess að geta
fylgst með þeim umræðum,
sem þar kynnu að verða um
þetta mál. Okkur fannst þetta
alveg sjálfsagt og flest allt
starfslið deildarinnar var boðið
og búið að veita sína aðstoð í
þessu sambandi, sagði Jóhann
að lokum.
Gestur Þorsteinsson
„Gerð sund-
laugar
er okkur
stórmál”
FÓLK gerir sér alls ekki grein
fyrir því hversu geysimikilvægt
þaö er fyrir hið bæklaða fólk
deildarinnar og fleiri sem eru
ekki þeirrar gæfu aðnjótandi að
fá inni á deildinni að fá sundlaug,
sagði Gestur Þorsteinsson einn
sjúklinga Grensásdeildar, sem
mættur var í þingsali í gær er
Morgunblaðið ræddi við hann.
Eg lenti sjálfur í því óhappi að
hálsbrotria og lamast að miklu
leyti á öllum útlimum. Þetta hef-
ur tekið mig fulla þrjá mánuði og
ég á töluvert í land að ná mér, en
ég er þess alveg fullviss að væri
til sundlaug við deildina hefði
það flýtt mínum hata og allra
þeirra sem þarna hafa dvalist.
Þegar fólk er í vatni eru allar
h'reyfingar þess miklu auðveldari.
Og það eitt veitir sjúklingum
geysilegt sjálfstraust, sem svo aft-
ur leiðir af sér meiri framfarir í
endurhæfingunni.
Ef slik sundlaug væri til staðar
myndi það einnig leiða til þess að
fleiri kæmust til meðferðar vegna
þess að endurhæfingin gengi fyrr
fyrir sig. Þetta hefur verið algert
hörmungarástand hjá okkur. Það
hefur verið reynt eftir getu að
komu sjúklingum í sundlaug hjá
Styrktarfélagi vangefinna að Háa-
leitisbraut 13, en sú sundlaug er
upphaflega byggð fyrir ungbörn
svo það eitt gefur vel til kynna
hversu þessi vandræði eru mikil.
En í þessa sundlaug komast auð-
vitað ekki nándar nærri ailir, sem
það vilja.
Það að við erum hingað komin
er algjörlega að frumkvæði sjúkl-
inganna sjálfra, við fréttum af því
að Magnús Kjartansson þingmað-
ur ætlaði að bera fram þessa
fyrirspurn til ráðherra og fórum
við þá þess á leit við starfsfólkið
að við fengjum að fara hingað og
fylgjast með framvindu þessa
máls, sem er eins ogaður sagði
mjög stórt mál í okkar augum á
deildinni, sagði Gestur að lokum.
Heilbrigðisráðherra:
Fjárveiting tryggð til sund-
laugar endurhæfingarstöðvar
Hafa fatlaðir aðstöðu til þingmannsstarfs í Alþingishúsinu?
FJÖLDI sjúklinga og starfsmanna Borgarspítala (endurhæfingar-
stöóvar/ Grensásdeildar) heimsótti þinghúsið og sat þingpalla, er rædd
var fyrirspurn um fjárveitingu til sundlaugarb.vggingar við deildina í
gær. ! ræóum Geirs Hallgrímssonar forsætisráöherra og Matthíasar
Bjarnasonar heilbrigðisráðherra kom m.a. fram, að umspurð fjárveit-
ing væri innifalin í kr. 1.300.000.000.00 fjárveitingu til byggingar
heilbrigðismannvirkja í gjaldalið 381, undirlið 0301, í frumvarpi til
fjárlaga fyrir árió 1978.
Fyrirspurn
Magnúsar Kjartanssonar
Magnús Kjartansson (Abl) minnti á þings-
ályktunartillögu, sem hann hefði flutt ásamt
Jóhanni Hafstein (S), Einari Agústssyni (F)
og Eggert G. Þorsteinssyni (A) á sl. þingi,
um fjárveitingu til þessa mannvirkis. Tillaga
þessi hefði ekki fengið fullnaðarafgreiðslu.
Hins vegar hefði henni verið vísað til hæst-
virtrar ríkisstjórnar, að tillögu fjárveitinga-
nefndar, með sérstökum meðmælum um, að
hún yrði tekin til greina við undirbúning og
gerð fjárlaga fyrir næsta ár. Hins vegar sé ég
ekki, sagði þingmaðurinn, í frumvarpi til
fjárlaga neina fjárveitingu sérstaklega
merkta þessu verkefni. Þar af leiðir að spurt
er, hvers vegna sá þingvilji, sem kom fram í
rökstuðningi með vísun málsins til ríkis-
stjórnarinnar, var ekki virtur við gerð fjár-
lagafrumvarpsins. — Þingmaöurinn rakti og
að nokkru umræður um málið á fyrra þingi
og jákvæðar undirtektir ráðherra og þing-
manna þá.
Fjárveiting hefur
þegar verið tryggð
Geir Hallgrímsson forsætisráðherra sagði
þessa fyrirspurn heyra efnislega undir verk-
svið fjármálaráðherra (gerð fjárlaga) og
heilbrigðisráðherra (sem færi með mál heil-
brigðisstofnana). Engu að síður hygðist hann
svara fyrirspurninni, en sagðist vona, að svar
sitt yrði ekki fordæmi um frávik frá hefð-
bundnum þingvenjum um slfkar fyrirspurn-
ir, eftir verkaskiptingu ráðherra.
Forsætisráðherra sagði það venju, er fjár-
lagafrumvarp væri lagt fram til fyrstu um-
ræðu, að fjárveiting til stofnkostnaðar heil-
brigðisstofnana. (til sjúkrahúsa og læknisbú-
staða) væri tilgreind ósundurliðuð (í heildar-
upphæð). Það væri síðan fjárveitinganefnd-
ar að skipta fjárveitingunni á einstök verk-
efni. Þetta væri öllum þingmönnum kunn-
ugt. Rætt væri hvers vegna að fram kæmi að
bæði heilbrigðisráðherra og fjármálaráð-
herra ætluðust til að sundlaug við Grensás-
deiid fengi umrædda fjárveitingu af 1,3
milljarða króna heildarframlagi i fjárlögum,
svo framkvæmdin gæti farið af stað árið 1978
— og viðunandi framkvæmdaáfanga náð —,
enda lægi fyrir, hver afstaða fjárveitinga-
nefndar væri til málsins frá fyrra ári. Fjár-
veitinganefnd þyrfti .hins vegar að hafa sam-
band við borgarstjórn Reykjavikur, sem
einnig væri kostnaðaraðili að þessari fratn-
kvæmd, áður en málið væri endanlega og
formlega afgreitt. Vilji borgarstjórnar væri
að vísu ljós, en hins vegar hefði hún ekki
gengið frá fjárhagsáætlun tii framkvæmda
fyrir komandi ár. Hér væru þvi formsatriði
ein eftir.
Ræða heilbrigðisráðherra
Matthías Bjarnason heilbrigðisráðherra
gerði síðan grein fyrir fjárveitingum til heil-
brigðisstofnana í framlögðu fjárlagafrum-
varpi — og hvað umrædda heildarfjárveit-
ingu hafa hækkað um 35,7% frá fyrra ári.
Hann hefði rætt um það við fjármálaráð-
herra, hvort ekki væri rétt að hafa fjárveit-
ingu til sundlaugar Grensásdeildar i sér lið,
en fjármálaráðherra talið eðlilegra, að hafa
venjubundinn hátt á — og formlega skipt-
ingu í höndum fjárveitinganefndar. Væri sá
háttur m.a. hafður á vegna nauðsynlegs sam-
ráðs við Reykjavíkurborg sem kostnaðarað-
ila, þó að vilji borgarstjórnar i þessu efni
væri kunnur.
Fjárveiting
á þurru
Jóhann Hafstein (S), sem var einn af flutn-
ingsmönnum málsins, gerði grein fyrir við-
ræðum sinum við viðkomandi ráðherra, eftir
að frumvarp til fjárlaga kom fram. Hefðu
þeir allir staðfest, að unirædd fjárveiting
væri innan tilgreinds útgjaldaliðar fjárlaga.
Hann kvaðst hafa skýrt ýmsum aðilum frá
þessu þ.á m. forstöðumönnum viðkomandi
heilbrigðisstofnunar. Afstaða fjárveitinga-
nefndar til málsins hefði verið áður kunn.
Ætti þvi að vera fulltryggt að viðleitni þeirra
flutningsmanna hefði borið árangur og að
umrædd framkvæmd yrði hafin á næsta fjár-
lagaári.
Magnús
þakkar undirtektir
Magnús Kjartansson (Abl), þakkaði undir-
tektir forsætis- og heilbrigðisráðherra. Hann
hefði, eins og raunar heilbrigðisráðherra,
talið eðlilegt, að um sérstaka fjárveitingu
yrði að ræða þegar i upphafi. Embættismenn
fjármálaráðherra hefðu kosið að hafa heild-
arfjárveitingu, er lyti skiptingu fjárveitinga-
nefndar. Yfirlýsingar beggja ráðherranna
væru þó trygging fyrir þvi, að þetta mál væri
heilt i höfn komið.
Síðan ræddi Magnús aðstöðu fatlaðra til
starfs og þátttöku í þjóðlífi, m.a. til að ferðast
milli staða og jafnvel innanhúss. T.d. væri
ekki starfsaðstaða fyrir fatlað fólk, er t.d.
þyrfti að nota hjólastól, á sjálfu Alþingi.
Aðstöðu þeirra þyrfti að bæta, hvarvetna i
þjóðlífinu, enda teldu finnskar heimildir að
allt að 15% manna væru fatlaðir á einn eða
annan veg í þeim mæli að einhverrar aðstoð-
ar þyrftu við.
Verkefni
mörg og brýn
Sigurlaug Bjarnadóttir (S), fagnaði fram-
kominni fyrirspurn, sem minnti á nauðsyn
góðs og þarfs máls. Hins vegar hefði þetta
mál í upphafi verið borið fram með óvenju-
legum hætti, þ.e. ekki sem breytingartillaga
við fjárlög, eins og venja væri, heldur sem
tillaga til þingsályktunar. Það kynni að hafa
tafið málið. Málið væri flutt af núverandi og
fyrrverandi ráðherrum. Þaðætti ekki aö hafa
forgang þess vegna, heldur vegna vægis síns.
Minna mætti á hliðstæð mál, sem taka þyrfti
fyrir i framhaldi af þessu.
Þrjár sundlaugar
Oddur Olafsson (S), fagnaði því að mál
þetta væri nú leyst. Yfirlýsingar ráðherra
sem og umsögn fjárveitinganefndar frá fyrra
ári, þar sem mælt var með þessari fram-
kvæmd sérstaklega við fjárlagagerð 1978,
trygðu það. Hins vegar væru tveir aðrir stað-
ir, þar sem endurhæfing fatlaðra kallaði á
hreyfiaðstöðu i vatni. Við dvalarheimili
Sjálfsbjargar og við Landspitalann. Þar hefði
verið tiltækur grunnur sundlaugar ráðherra-
ár flytjenda málsins — án frekari fram-
kvæmda. Og þar væri endurhæfingarstarf
eldra að árum en annars staðar.
Ráðherrann vék að stjórnarfrumvörpum að
nýjum hyggingalögum og skipulagslögum
sem núverandi stjórn hefði látið undirbúa,
þar sem sjónarmið fatlaðra varðandi hönnun
húsnæðis væru tekin að fullu til greina. Ef
þau næðu fram að ganga væri málum vísað í
réttan framtiðarfarveg. Öðru máli gengdi um
eldri hús, sem fyrir væru. Þaö gæti tekið
lengri tima að koma nauðsynlegum hreyting-
um á innan þeirra veggja, kostnaðar vegna.
Málið heilt í höfn
Einar Ágústsson ulanríkisráðherra sagði
m.a. að hann hefði litið svo á að málaiyktir
þessa máls, þ.e. fjárveiting til sundlaugar
Grensásdeildar, hefðu verið komnar heilar í
höfn á síðasta þingi. Jóhann Hafstein hefði
fylgt þessu máli eftir í þingflokki Sjálfstæöis-
flokksins og fengið vilyrði ráðherra þéss
flokks fyrir málinu. Yfirlýsingar ráðherrra,
sem hér væru fram komnar, staðfestu það.
Skólar og fatlað fólk
Vilhjálmur Hjáimarsson menntamálaráð-
herra greindi frá umræðum norrænna
menntamálaráðherra, varðandi hönnun hús-
næðis i fræðslukerfi með tillili til fatlaðs
fólks. Gefin hefðu veriö út tilmæli til
íslenzkra arkitekta, er hönnuðu skóla-
húsnæði, um þetta efni. Hann minnti og á
stjórnarfrumvörp til skipulags- og hyggingar-
laga. Ennfremur ákvæði i grunnskólalögum
hér um. Ymislegt henti því til réttrar fram-
tíðarþróunar i þessu efni.
Byrja þurfti
einhvers staðar.
Eggert G. Þorsteinsson (A) ræddi um
aódraganda þessa máls og meðferð í þinginu.
Hann sagði m.a. að þótt fleiri þörf verkefni
þyrftu á fjármagni að lialda, hefði éinhvers-
staðar þurft að byrja, hrjóta ísinn. Flutnings-
menn hefðu allir dvalið á Grensásdeild og
þekktu þvi aðstæður þar, þörfina þar. Þar af
leiddi að tillaga þeirra hefði beinst að
byrjunarframkvæmd þar. Eggert sagði að
Alþýðuflokkurinn væri heilshugar að baki
þessu máli og vitnaði til orða .Gylfa Þ. Gísla-
sonar þar um i fyrri umræðum.
Þingsályktun
— fyrirspurn
Olafur Jóhannesson dómsmálaráóherra
minnti þingmenn á að þeir væru ekki að
ræða þingsályktun. Hér hefði verið horin
fram fyrirspurn — og henni hefði verið
svarað. Virða hæri þingsköp. Mál væri til
komið að fella þessa umræðu — og láta
verkin tala í viðfangsefninu.
Umræóur heimilar
í fyrirspurnatíma
Benedikt Gröndal (A) sagði umræður
heimilar í fyrirspurnartima, innan lilsettra
tímamarka. Fyrirspurn væri oft fram borin,
þótt fyrirspyrjandi vissi svarjð. Hér væri um
aðferð að ræða til að vekja athygli á málurn
— og þoka þeim áleiðis.
Benedikt vék aö hönnun húsa með hliðsjón
af þörfum fatlaðra. Hann sagöist harma það
að nú hefði þurft að bera fjölmarga pallgesti
í áheyrendastúku þingsins vegna þess. hvern
veg húsakynni væru.
Þingframboð
fatladra.
Albert Guömundsson (S) sagöist m.a. vilja
staðfesta þann vilja horgarstórnar Reykja-
vikur, sem raunar hefði áður komið glögg-
Framhald á bls. 21.
SKAMMDEGIÐ
KALLAR
Á AUKNA AÐGÆZLU
OF STUTT BIL MILLI ÖKUTÆKJA
VELDUR AFTANÁKEYRSLUM
EIN algengasta tegund árekstra eru
aftanákeyrslur, sem má oft rekja til
gáleysis eða athugunarleysis öku
manna. „Ég leit aðeins til hliðar,"
heyrist oft sagt eftir þessa árekstra,
,,þetta gerðist svo fljótt." Okumenn
fylgjast ekki nógu vel með og að sögn
lögreglunnar er algengasta orsök
þessara árekstra að ökumenn hafa ekki
nógu langt bil milli ökutækja.
Á s.l. ári urðu 439 aftanákeyrslur.
sem lögreglan í Reykjavík gaf skýrslur
um. í þessum árekstrum hafa skemmst
a.m.k. 878 ökutæki, þvi i sumum
árekstrunum lentu saman fleiri en tvö
okutæki Það sem af er þessu ári, eða
fyrstu 9 mánuðina. hefur lögreglan i
Reykjavik gefið skýrslur um 309 aftan-
ákeyrslur. Siðustu 3 mánuði ársins
1976 urðu samtals 133 aftánákeyrslur
er skiptust þannig: í október urðu þeir
37. i nóvember 40 og i desember 56.
Þó að lögreglan hafi gefið þetta
margar skýrslur er það staðreynd að i
mörgum smærri árekstrum er ekki
leitað til hennar. — Er búast má við
snjó og hálku nú á næstu mánuðum. á
götum og þjóðvegum, ættu allir vegfar
endur að hugleiða hvort ekki sé hægt
að fækka aftanákeyrslurn, sagði Óskar
Ólason, það er nauðsyn, þvi i ótrúlega
mörgum tilvikum er ekki um eignatjón
eingöngu að ræða, heldur slazast fólk
oft m.a. í baki og hálsi, og á í þessu oft
svo árum skiptir.
— Það er hreinn dónaskapur er öku-
menn hafa eðlilegt bil á milli ökutækja,
að aðrir ökumenn skuli aka framúr og
troða sér inn á milli þeirra á þann hátt,
sagði Óskar ennfremur. Breyttar
aðstæður krefjast aukinnar aðgæzlu
jafnt hjá ökumönnum og gangandi veg
farendum
í Reykjavik eru þegar orðnar yfir 300 aftanákeyrslur á þessu ári
Algengasta orsökin er of stutt bil milli ökutækja.