Morgunblaðið - 23.10.1977, Blaðsíða 20

Morgunblaðið - 23.10.1977, Blaðsíða 20
20 MORGUNBLAÐID, SUNNUDAGUR 23. OKTÖBER 1977 Gnnnar Þórðarson ; ;Má ekki bjóða ykkur lnmmurf' Gunnar Þórðarson með liinimu dagsins í barminum. GUNNAR Þórðarson hefur lengi verið álitinn einn fremsti popptónlistarmað- ur okkar íslendinga og varð m.a. fyrstur úr þeirri stétt til að hljóta lista- mannalaun. Hann hefur undanfarin ár, frá því að hann hætti að leika f hljómsveit að staðaldri, aðallega fengizt við að leika inn á hljómplötur og hefur samhliða því í æ ríkara mæli farið að út- setja tónlist og stjórna undirleik á plötum annarra listamanna. Yfirleitt hefur allt sem Gunnar hefur snert á, breytzt í gull, eins og hjá Mídasi konungi. Með öðr- um orðum, þær plötur sem hann hefur átt aðild að, hafa yfirleitt hlotið mjög góðar viðtökur og margar hverjar selzt í stærri uppiögum en almennt tíðkast hér. Má sem dæmi um þetta nefna gengi Lónlí blú bojs, Ríó, Vísna- plötunnar og fleiri platna, þar sem Gunnar hefur verið einn af leiðandi aðil- um í mótun og fram- setningu tónlistarinnar. Og sem dæmi um plötur sem hann hefur átt aðild að sem útsetjari og stjórn- andi má nefna „Látum sem ekkert c" með Halla, Ladda og Gísla Rúnari, „Eniga Meniga" með Olgu Guðrúnu og jólaplötuna „Jólastjörnur" frá síðasta ári. Raunar hefur Gunnar verið svo eftirsóttur til slíkra starfa með ýmsum listamönnum, að hann hefur ekki haft undan og honum hefur ekki unnizt tími til að gera nema eina plötu í eigin nafni. Sem dæmi um annirnar má nefna, að á slðasta ári gaf útgáfu- fyrirtæki hans, YMIR, út fjórar plötur, þar sem hann kom alls staðar við sögu, þ.e. „Látum sem ekkert c", Lónll blú bojs á ferð, Jensen og Jðlastjörnur. Auk þess átti hann sinn þátt í gerð plótu Ríós, „Verst af öllu", og fleira mætti nefna. Lónlí blú bojs fóru I heiljarmikla landreisu þessu til viðbótar. Strax eftir áramótin fór Gunnar að vinna að tónlistinni fyrir sjónvarpsmyndina „Blóð- rautt sólarlag" og þar á eftir komu plötuupptökur með Ríó og fyrir Vísnaplötuna seinni. Ríó hélt síðan í landreisu á siðast- liðnu sumri og skrapp auk þess til Kanada. Gunnar hefur því haft feykinóg að gera — og I reynd hefur hann ekki getað unnið að neinum sjálfstæðum verkefnum fyrr en nú fyrir skömmu, að næði gafst. Og það næði notaði Gunnar til að gera plötu með gömlum og vinsælum slögurum, lögum sem íslenzkir söngvarar gerðu fræg og vinsæl fyrir 20—25 árum. Meðal þeirra eru lög eins og „0, nema ég", „Nú liggur vel á mér", „Lóa litla á brú", „Vertu ekki að horfa svona alltaf á mig", „Dísa í dala- kofanum" og „Anna í Hlíð". Gunnar annaðist allar út- setningar og stjórnun. Hann leikur sjálfur á f jölmörg hljóð- færi, eins og svo oft áður, en honum til aðstoðar við undirleik eru þeir Sigurður Karlsson (trommur), Tómas Tómasson (bassi), Nikulás Róbertsson (píanó), Sigurður Rúnar Jónsson (fiðla) og Hannes Jón Hannesson (kassagftar). Söngurinn er hins vegar af vörum söngf lokks sem nefnist „Lummur". Platan á nefnilega að heita „Gamlar, góðar lummur", og þar munu Gunnar Þórðarson og „Lummur" flytja — eða öllu heldur færa mönnum gamlar, góðar lummur, eins og fyrr var nefnt. Söngflokkinn Lummur skipa þau Linda Gísladóttir, Ragnhild- urGísladóttir, Ólafur Þórðarson, Jðhann Helgason og Valur Emils- son. Ólaf og Jóhann þarf ekki að kynna, en Valur Emilsson var liðsmaður hinna fyrstu Úðmanna forðum tíð, Ragnhildur hefur samið lög, m.a. á plötuna Jensen og auk þess syngur hún á nýju Visnaplötunni, en Linda kom m.a. við sögu á einni plötu Gylfa Ægissonar. En nú kynnu sumir að spyrja, eins og Slagbrandur: Hvers vegna fór Gunnar Þórðarson að „baka lummur" þegar hann losnaði úrvínnuþjarkinu, í stað þess að gera aðra sólðplötu? Hvers vegna fór han ekki að rækta sinn eigin garð, í stað þess að halda áfram að vinna í görðum annarra? „Mig hefur lengi langað til að taka þessi gömlu lög fyrir og nú gafst timi til þess," sagði Gunnar í samtali við Slagbrand á dögun- um. „Mig langaði að útsetja tðn- listina upp á nýtt og flytja hana á nútimalegan hátt. Þá hefur mig líka lengi langað til að vinna með karl- og kvensöngvurum, nota raddirnar, og þetta féll mæta vel sanian. Mér fannst sem slíkur söngflokkur myndi vikka gömlu lögin út, ná meiru út úr þeim en áður. — Eg hef útsett lögin upp á nýtt og breytt þeim og aukið við þau sums staðar. Það eru töluverð tilbrigði í þessu." — En af hverju ekki sólóplötu? Marga er farið að lengja eftir henni. „Eg ætla að gera hana næst. Eg fer núna að gera tónlist við kvik- myndina Lilju, en síðan hefur mér dottið í hug að gera tvöfalt albúm. Eg hef verið beðinn að semja verk fyrir Sinfðníuna og það myndi þá taka eina hliðina." — Er kannski erfiðara að semja efni fyrir sólðplötu en að vinna að úisetningum ágömlum lögum eða að semja n.v lög við gamla texta, eins og t.d. fyrir Vísnaplöt- una? ,,.f á, þessi „úrvinnsla" liggur einhver veginn betur fyrir mér og er fljðtunnari. Aður fyrr gerði ég mest af því að semja lögin fyrst og síðan voru settir við þau textar, en nú upp á siðkastið hef ég aðallega gert lög við texta sem hafa legið fyrir. — Þegar ég gerði sólóplötuna, þá var ég heima í einn og hálfan mánuð og samdi, gerði ekkert annað á meðan. Eg hef bara ekki haft tíma til að vinna þannig á þessu ári." — Nú varðstu fyrir talsverðri gagnrýni í fyrra, þegar Vísna- platan kom út, varst kallaður Ijót- um nöfnum og sumir töldu, að sá sem hefði hlotið listamannalaun ætti að vinna að alvarlegri verk- efnum en þú hefur nú verið að fást við. „Eg tók gagnrýnina dálitið al- varlega í fyrra, en nú snertir hún mig ekki eins. Það er hægt að setja út á allt mögulegt og ég vil bara leyfa mtiiiuum að gera það eins og þeir vilja. En mér finnst lika, að ég eigi að fá að ráða því sjálfur hvað ég geri. Mér finnst gaman að þessari tðnlist sem ég hef verið að fást við, til dæmis „lummunum". Það eru sumir sem telja að ég ætti bara að vera að semja einhverja klassík. En mér finnst ég bara ekki hafa tilfinn- ingu fyrirþví." 1 þessu sambandi má nefna það, sem frðður maður sagði í samtali við Slagbrand: Gunnar langar til að vinna að þessari tónlist, hann hefur gaman af henni og það er ekki hægt að gera að þvi þótt tónlistarsmekkur hans sé sá sami og meðal fðlksins í landinu. Plöt- ur Gunnars hafa orðið mjög vin- sælar og það er ekki hægt að ásaka hann fyrir þær vinsældir. Hann flytur þá tónlist sem hann hefur áhuga á og fðlkið vill heyra hana. Það er hljðmplötufyrirtæki Gunnars, Ymir, sem gefur plöt- una með lummunum út, og er það fyrsta plata fyrirtækisins á þessu ári, en á siðasta ári gaf það út f jðrar plötur. Hvers vegna hefur útgáf a ekki verið meiri á þessu ári? „Eg er bara búinn að vera upp- tekinn í öðru og hef ekki haft tíma til þess fyrr að f ara að gefa út. Það fer eiginlega ekki al- mennilega saman að vera plötuút- gefandi og virkur tðnlistarmaður, nema þá að maður ákveði að vinna eingöngu við plötugerð sins eigin fyrirtækis," segir Gunnar. Eins og fyrr var nefnt fer Gunn- ar nú að finna að tónlist við kvik- myndina Lilju. Hann hefur á undanförnum árum fengizt tals- vert við gerð tðnlistar fyrir kvik- myndir og leikhúsverk og Slag- brandur spurði hann hvort ekki færi að verða grundvöllur fyrir útgáfu plötu með slikri tónlist eftir hann: „Þegar tðnlistin við Lilju er fullgerð, þá er komið efni á stóra plötu, held ég, en ég veit ekki hvort það svarar kostnaði að gefa slikt efni út," svarar Gunnar. Það sem Gunnar á við, er að hann efast um að almenningur hafi áhuga á að kaupa slíka plötu. Kannski, kannski ekki. En víst er, að fðlk hefur hingað til viljað hlusta á tðnlist Gunnars Þórðar- sonar. Nú hafa verið gefin út á plötum um 120 lög eftir Gunnar og önnur lög sem hann hefur út- sett eða mótað að miklu leyti eru líklega orðin álika mörg og þau frumsömdu. Þannig er ekki óeðli- legt að álíta, að um 240 lög með gæðastimpli Gunnars hafi verið flutt opinberlega, en það sam- svarar efni á 20 stórar plötur. Tilsamanburðar má nefna, að Elvis Presley gerði liðlega 50 stðrar plötur og var þó byrjaður á slikri iðju á meðan Gunnar var enn stráklingur. Elvis gerði líka pltilur f'.vrir alla stærstu pltilu- markaði heims, en Gunnar hefur eingöngu gert plötur fyrir ís- lenzkan markað, enn sem komið er. Framlag Gunnars er því með ðlíkindum og kæmi varla á óvart þótt þjóðin væri búin að fá leið á honum. En þess sjást engin merki og Slagbrandur á von á að menn vilji hlýða á verk Gunnars Þðrð- arsonar lengi enn. —sh. Söngflokkurinn Lummur: Ólafur Þórðarson, Ragnhildur Gfsladðttir, Jðhann Helgason, Linda Gisladðttir og Valur Emilsson. Ljósm.: Friðþjófur.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.