Morgunblaðið - 27.10.1977, Blaðsíða 3

MORGUNBLAÐIÐ, FIMMTUDAGUR 27. OKTÓBER 1977
3
Ekki ástæða
tíl að hætta við
lögbannsmálið
- segir Páll S.
Pálsson, hrl.
„VERKFALLI BSRB hefur aó-
eins verió frestað og því er athöfn
eins og sú, sem málið snýst um,
enn yfirvofandi. Þess vegna er
ekki ástæða til að hætta við að
þingfesta málið í hæstarétti,“
sagði Páll S. Pálsson, hrl., er Mbl.
spurði hann í gær, hvort sam-
komulagið, sem undirritað var af
hálfu BSRB og fjármálaráðherra,
hefði einhver áhrif á lögbanns-
mál sjávarútvegsráöuneytisins
vegna hindrunar verkfallsvarða
BSRB á því að rannsóknaskipið
Arni Friðriksson léti úr höfn.
„Sjávarútvegsráðuneytið fól
mér að flytja þetta mál og hraða
því og það hef ég gert,“ sagði Páll.
„Áfrýjunarmálið verður þingfest
hjá hæstarétti 2. nóvember og þá
mun ég leggja fram málið tilbúið
til munnlegs flutnings og óska
eftir málflutningi sem fyrst“.
Sem kunnugt er hafnaði fógeti
lögbannskröfu ráðuneytisins og
var þeim úrskurði áfrýjað til
hæstaréttar.
Ólafsvík:
Lárus Sveins-
son með 70 tonn
Ólafsvík, -l>. októlM'r.
TOGARINN Lárus Sveinsson
landaði hér í dag um 70 lestum
þar af var rösklega helmingur
þroskur. Tiðarfar hefur verið
stirt á togaramiðum og afli þvi
rýr.
Dragnótabátar eru nú að hætta
með dragnótina og sumir þeirra
ætla að róa með línu. Nokkrir
smærri bátanna hafa verið með
línu að undanförnu og aflað all-
vel. Helgi.
Happdrætti Sjálf-
stæðisflokksins:
Sent og sótt
Hausthappdrætti Sjálfstæðis-
flokksins er nú komið í fullan
gang eftir að póstþjónusta hófst á
ný. Svo sem kunnugt er, eru vinn-
ingar i happdrættinu að þessu
sinni 10 litsjónvarpstæki, en fólk
hefur um þessar mundir mikinn
hug á að eignast slik tæki. Dregið
verður í happdrættinu 12. nóvem-
ber næstkomandi.
Athygli skal vakin á því, að
skrifstofa happdrættisins í Vul-
höll, Háaleitisbraut 1, er opin frá
ki. 9 til 22 og sér hún um að senda
miða og sækja greiðslur, ef fólk
óskar, en símanúmerið er 82900.
Lífeyrisþegar BSRB
fá sömu hækkanir
LÍFEYRISÞEGAR BSRB munu
fá sömu hlutfallslegar kjarabætur
og félagar i Bandalagi starfs-
manna ríkis og bæja, þar sem sú
regla gildir i lífeyrissjóði opin-
berra starfsmanna, að þeir fá
hlutfall af þeim tekjum, sem þeir
myndu hafa, ef þeir væru enn i
starfi. Auk þess — sagði Haraldur
Steinþórsson, framkvæmdastjóri
BSRB, er líklegt að þeir fái flestir
eins flokks hækkun, þar sem 15
ára reglan nær til þeirra einnig.
Haraldur Steinþórsson kvað
samninganefnd BSRB hafa lagt
talsverða áherzlu á að ná fram
kjarabótum til lífeyrisþega og fór
nefndin fram á að þeir fengju
persónuuppbótina. Þá var samn-
inganefndinni bent á að þeir
hefðu ekki greitt af þeirri upp-
hæð og því væri það ekki fram-
kvæmanlegt, en hins vegar
myndu þeir fá eins flokks hækk-
un, þ.e.a.s. þeir, sem hafa 15 ára
starfsferil að baki.
Haraldur kvað ætið mikla
vinnu í hvert sinn, sem skipan
flokkakerfis BSRB hefur verið
endurskoðað, að meta lifeyrisþeg-
ana inn i launastigann. Þá væri
litið á þá stöðu, sem maðurinn
hefði haft, hefði hann enn verið i
starfi og hann síðan settur inn i
stigann samkvæmt þvi. Hefur
m.a. komið til að meta hafi þurft
störf manna, sem látnir höfðu
verið i langan tima, vegna ekkna-
lífeyris. Haraldur kvað nú þurfa
að kanna starfsaldur allra lif-
eyrisþega BSRB og hafi þeir 15
ára starfsaldur að baki, hljóta
þeir að vera færðir upp um einn
launaflokk — sagði Haraldur
Steinþórsson.
Björgvin Gunnarsson t.v. og Óskar Hermannsson með fallegan lax
úr gjánni, sem þeir gera nú fiskeldistiiraunir í. Ljósm.: Uuðfinnur
Laxeldi heppnast vel
1 stórri gjá rétt vest-
an við Grindavík
Grindavfk. 26. október.
UM 4 kílómetra fyrir vestan
Grindavfk er allstór gjá í
hrauninu og liggur til sjávar. 1
þessa gjá settu þeir Gunnar
Magnússon, Björgvin Gunnars-
son og Öskar Hermannsson 100
laxaseiði fyrir 2'A ári, en þeir
eru allir miklir áhugamenn um
fiskrækt. t gjánni sem er mjög
djúp og allt að 22 metrar að
breidd er mjög jafnt hitastig
eða 9—11°C. Er þetta jafnasta
hitastig sem mælst hefur í gjá
sem þessari á landinu og þykir
ákjósanlegt til þessara til-
rauna.
Það leið ekki langur tími frá
því að þeir félagar höfðu sleppt
seiðunum í gjána, þar til að
sýnt þótti, að nokkuð af seiðun-
um myndi dafna vel. Fyrir
skömmu náði Björgvin 66 sm
hæng úr gjánni og vó hann 6
pund, en þess má geta að seið-
unum hefur aldrei verið gefið
fóður, því gjáin hefur einhvern
samgang við sjó, og berst alls
konar æti inn i hana svo sem
kuðungar, marflær og svif.
Telja menn að hér sé hinn
ákjósanlegasti staður til fisk-
ræktar og í nágrenninu er víð-
áttumikið svæði, þar sem má
koma fyrir _ eldiskerjum, enn-
fremur mikið af tjörnum, sem
ennfremur má ala lax í. Gat
Björgvin þess, að á síðasta ári
hefði hann veitt 5 punda ufsa i
gjánni, en ekki er vitað hvernig
hann komst þangað.
í Staðarhverfi vestan Grinda-
vikur, sem nú er í eyði, er ung-
ur líffræðingur Sigurður
Helgason að byggja sér íbúðar-
hús, sem á að vera tilbúið fyrir
áramót. Hann hefur á þessu ári
gert ýmsar athuganir, borað
éftir sjóblönduðu vatni, sem
hann ætlar aó nota i fiskeldis-
stöð, sem hánn er nú að reisa i
Staðarhverfi.
Vona Grindvíkingar að Sig-
Framhald á bls. 37.
Geir Hallgrímsson
Konur
sækja
íÓðin
Aðalfundur fé-
lagsins í kvöld
MALFUNDAFÉLAGIÐ Óðinn
heldur aðalfund í kvöld, fimmtu-
daginn 27. október kl. 20.30 í Val-
höll, Iláaleitisbraut 1. A dagskrá
eru venjdleg aðalfundarstörf og
þá mun Geir Hallgrímsson for-
sætisráðherra ræða efnahags- og
kjaramál. Til skamms tíma hafa
eingöngu karlmenn verið félagar
í Óðni, en að undanförnu hafa
konur verið skráðar þar félagar.
Of mikill ökuhraði í borg-
inni miðað við aðstæður
Nú eftir nokkurt hlé hef-
ur umferðarlögreglan í
Reykjavík tekið til við
hraðamælingar að nýju, en
þær féllu niður meðan á
verkfalli opinberra starfs-
manna stóð. Að sögn lög-
reglumanna, sem unnu að
mælingum í gær og fyrra-
dag virðist ökuhraði á göt-
um borgarinnar mun meiri
en eðlilegt getur talizt, ekki
sízt ef tekið er tillit til að-
stæðna.
Þannig voru allmargir ökumenn
teknir fyrir of hraðan akstur i gær-
morgun á timanum milli kl. 7 og 9
er margir eru á leið til vinnu bæði
akandi eða með strætisvógnum.
Að sögn lögreglunnar einkennir
tillitsleysi akstur sumra öku-
manna. þeir geysast áfram án til-
lits til aðvörunarmerkja, er greina
frá hvar sé von á gangandi fólki.
t.d. við gangbrautir eða biðstöðv-
ar strætisvagna.
Einnig finnst lögreglunni öku-
menn alls ekki aka eftir aðstæð-
um. en þær voru t.d. alls ekki sem
beztar i gærmorgun er unnið var
að hraðamælingum, myrkur,
dimmviðri og rigning og mikið af
gangandi fólki á ferðinni, dökk-
klæddu fólki. sem ekki er alltaf
gott að koma auga á.
— Við teljum að ökuhraðinn sé
alltof mikill miðað við aðstæður
og tillitsleysið of ríkjandi. það eru
fleiri sem þurfa að flýta sér til
vinnu en ökumenn.
í þessu sambandi má minna á
Framhald á bls. 37.
Að áliti lögreglunnar ! Reykjavík er ökuhraði altof mikill á götum
borgarinnar um þessar mundir. ekki sizt ef tekið er tillit til aðstæðna,
haustveðráttu, er verið hefur siðustu tvo—þrjá daga.
BRATT hefjast samningaviðræð-
ur við þau 16 aðildarfélög Banda-
lags starfsmanna ríkis og bæja,
sem eftir eiga að gera sérkjara-
samning við fjármálaráðherra.
Ræðir samninganefnd hvers fé-
lags við fjármálaráðuneytið og
samkvæmt lögum um kjarasamn-
ing BSRB hafa þau til þess 45
daga. Verði eigi samkomulag inn-
an þess tíma, tekur kjaranefnd
við málinu og úrskurðar. Hefur
hún 45 daga frest til að taka
ákvörðun.
1 þessum samningum er rætt
um röðun í launalfokka og um
önnur sérkjaraatriði aðildarfélag-
anna. Ljóst er nú að aðalkjara-
Hólmavík:
Fólksbíll útaf
vegna hálku
Ilólmavík. 26. október.
FÓLKSBÍLL af gerðinni Skoda
Pardus skemmdist mikið þegar
hann rann útaf veginum á Ennis-
hálsi vegna hálku i dag. En Ennis-
háls er á milli Bitrufjarðar og
Kollafjarðar. I bílnum voru tvær
konur og sluppu þær alveg
ómeiddar, en eins og áður sagði er
bíllinn mikið skemmdur.
Fréttaritari.
samningurinn, sem gerður var í
fyrradag, verður eigi gildur fyrr
en um miðjan nóvembermánuð,
þar sem atkvæðagreiðsla um
hann fer eigi fram fyrr en 9. og
10. nóvember, síðan er eftir að
safna kjörgögnum 6g telja at-
kvæðin. Samþykki félagar í BSRB
hann, tekur hann gildi.
Það er því ljóst — samkvæmt
upplýsingum Haralds Steinþórs-
sonar, framkvæmdastjóra BSRB,
að öpinberir starfsmenn fá ekki
greitt samkvæmt hinum nýja
kjarasamningi fyrr en í fyrsta
lagi hinn 1. desember. Benda þvi
líkur til þess að dregið verði af
verkfallsfólkinu laun fyrir þann
hálfa mánuð, sem það var í verk-
falli, í desembermánuði eða eins
og Haraldur sagði: „Ætli það
verði ekki dregið frá uppgjör-
inu,“ og á hann þar við uppgjörið,
sem er mismunur gamla
samningsins og hins nýja, sem
gildir frá ágústmánuði, en síðasta
tilboð fjármálaráðherra fyrir
verkfall gildir fyrir júlimánuð.
„Samt sem áður fá menn verulega
upphæð greidda," sagði Haraldur.
Haraldur var spurður um hið
nýja vaktaálag og hvort BSRB
hefði i kjarasamningunum náð
betra hlutfalli fyrir vaktavinnu
en gerðist á hinum almenna
vinnumarkaði. Hann kvað nei við,
en kvaðst ætla að með þessum
samningi hefðu opinberir starfs-
menn svo til náð þeim vakta-
vinnukjörum, sem þar gerðust.
Vaktaálag BSRB er eins hjá öll-
um, þar sem það er reiknað af
ákveðinni upphæð. Mismunur
launa er i launastiganum, en allir
fá jafnt fyrir aðvaka.
Viðræður um sérkjara-
samninga hefjast senn