Morgunblaðið - 11.12.1977, Blaðsíða 3
MORGUNBLAÐIÐ, SUNNUDAGUR 11. DESEMBER 1977
51
lengi með. Þangað komu til að
þroska sig þessir frægu leikarar,
sem alltaf voru látnir túlka vissar
manngerðir á sviðinu. Þeir æfðu
hlutverk, sem engum á Broadway
hefði dottió í hug að velja þá í.
Síðan ræddu þeir um túlkunina
og gagnrýndu hver annan. Þetta
reyndist þeim lærdómsríkt.
Hérna höfum við ekki þurft á
sliku að halda, þvi við höfum
fengið margvisleg hlutverk.
— Þú ert búin að leika konur
af mörgum gerðum og ýmsum
aldri, allt frá 17 ára í Táningaást
og Kossi í kaupbæti og upp í ní-
ræða konu í Endaspretti. Þú hef-
ur spannað yfir æði vítt svið. Er i
þessum hópi eitthvert hlutverk,
sem þér þykir vænna um en öll
hin?
— Ég hefi nú svo oft talað um
Snæfríði íslandssól, að það væri
að bera í bakkafullan lækinn. En
mér þykir vænt um öll þau hlut-
verk, sem mér finnst vera vel
skrifuð og vel gerð af höfundar-
ins hendi. Stundum kemur fyrir,
að persónan er sundurlaus, af því
að hún fær ekki að lifa sínu eigin
lífi. Höfundurinn þarf kannski að
koma einhverju að, sem hann vill
segja sjálfur, að það fellur ekki að
persónunni. Góð hlutverk eru að
mínum dómi þau, sem eru vel
skrifuð. Sama hver persónan er,
bara ef hún er sjálfri sér sam-
kvæm.
— Hamingjan góða, segir Her-
dís svo og hlper. — Hver er sjálfri
sér ósamkvæmari en fröken Mar-
grét og þó kann ég að meta hana. í
henni eru svo miklar þverstæður.
Kannski er hún undantekningin
sem sannar regluna.
— Vel gerð af höfundarins
hendi og sjálfri sér samkvæm seg-
ir þú. Nú er mjög haldið á loft
hópvinnu i leikhúsum, þar sem
allir eru með puttana í sköpun
persónunnar og leiksins, að
manni skilst. Hvernig lízt þér á
það? Hefur þú sjálf verið með í
slíkri sýningu?
— Það getur komið ýmislegt
gott út úr slíkum vinnubrögðum.
Raunar er nær alltaf einn höfund-
ur á bak við, sem tekur við hug-
myndum, er fram koma, og vinn-
ur úr þeim. Ég hefi verið með í
einni slikri sýningu, barnaleikrit-
inu Furðuverkið. Þar er að vísu
varla hægt að tala um persónur,
því leikurinn fjallaði um þróun
lífsins frá fyrstu lífverum í fiska,
fugla, apa og síðast menn.
— En þú ert farin að leika í
sjónvarpsleikritum. Er það ekki
ólíkt leik á sviði?
— Jú, og. maður finnur sig þar
auðvitað ekki eins vel heima, þó
það lærist að sjálfsögðu líka. í
sjónvarpi eru teknir stuttir kaflar
í einu og maður þarf alltaf að
setja sig í sömu stellingarnar aft-
ur og aftur. Þar er ekki hægt að
byggja sig upp i hlutverkið. Sama
hve sterk atriðin eru, maður
verður að byrja á þeim sem slik-
um um leið og myndavélarnar
byrja að snúast. En það er gaman
að breyta til og reyna eitthvað
nýtt.
— Sýningar á fröken Margréti
hafa verið þrjár vikur að undan-
förnu. Ertu ekki uppgefin þegar
sýningu lýkur?
— Nei, ég er svo þakklát og
ánægð eftir hverja sýningu, sem
mér finnst hafa gengið slysalaust,
að ég finn ekki fyrir þreytu. En
ég hefi tekið eftir því, að mér
hættir til að sofa yfir mig morgun-
inn eftir, svo ég hlýt að vera
þreytt. Það hefur ekki komið fy^-
ir mig áður. En nú er ég búin að
kaupa mér vekjaraklukku til að
geta vaknað.
— Þarflu að vakna? Ekki gráta
börnin á morgnana. Eru ekki öll
þín börn uppkomin og flogin úr
hreiðrinu. Og sum í leiklistinni?
— Já, Hrafn er leiklistarfræð-
ingur og Tinna Þórdís að Ijúka
námi í leiklistarskóla. En Þor-
valdur er stærðfræðingur og
vinnur á Reiknistofnun Háskól-
ans og Snædís er lögfræðingur og
fulltrúi hjá sýslumanninum á
Húsavík.
En svo ég svari fyrri spurning-
unni, þá þarf ég venjulega að
vakna á morgnana núna til að
fara á æfingu á Ödipusi konungi,
Framhald á bls. 79.
Sambyggðu stereo-settin frá PIONEER eru úrvals hljómtæki eins og þau gerast best enda framleiðir
PIONEER ekki annað. Bæði tækin KH-3500 og M-6500 eru með plötuspilara, kassettusegul-
bandi og útvarpi. Að segja til um mismuninn á þeim teljum við vera í þínum höndum þegar þú
hefur skoðað þau bæði vandlega.
VERÐIÐ, GETUR ENGINN SEM BÝÐUR SAMBÆRILEG GÆÐI, KEPPT VIÐ.
KH-3500VERÐ KR. 189.000 - a M-6500 VERÐ KR. 229.000.-
Við mælum með 3 gerðum af hátölurum sem kosta:
M-270 kr. 23.800 -stk.
CS-313 kr. 24.900 .-stk.
HPM-40 kr. 54.900 -stk.
LAUGAVEGI
1. HÆÐ
Simi fra skiptiborði 28155
flö
PIOIMEER
ÍÉgBSjgjjjgK