Morgunblaðið - 02.02.1978, Side 13
13
MORGUNBLAÐIÐ, FIMMTUDAGUR2L.FEBRÚAR 1978
Eins og allir vita af eigin raun, er áfengis neyta, fyigjast
mjög að ástir og vín í skemmtanalífinu.
leiðbeiningar. A þennan hátt
kynnast unglingarnir okkur betur
og þá geta þeir leitað til okkar
undír fjögur augu og við hjálpað
þeim frekar, því það kemur mjög
oft i ljós að þeir eiga við eitthvert
af þessum ofangreindu vandamál-
um að stríða. Þá reyna þeir að
hafa uppi á okkur með einhverj-
um hætti og þeir vita margir hvar
okkur er að finna, t.d. í vinnu.
þannig hefur starfsfólk úti-
deildar kynnst nokkrum hópum
unglinganna en það segir að oft
séu þetta sömu hóparnir eða
„klíkurnar" á ferðinni, nýir bæt-
ist við að sjálfsögðu, en eftir að
hafa starfað að þessu í nokkra
mánuði hafa þau kynnst mjög
mörgum unglingum og þau segj-
ast yfirleitt geta gengið eðlilega
inn í hópana og farið að spjalla
við unglingana. Sögðu þau það
vera mjög mikilvægt, þannig væri
litið á þau sem vini fremur en
„yfirvald“ og væru unglingarnir
óhræddir við að Jeita til þeirra,
eins og kom í ljós hér að framan.
Er áfengi
mikið vanda'mál?
Drekka unglingar á aldrinum
14—17 ára mikið, hvernig gengur
þeim að ná i vínföng og hversu
miklir peningar fara í það hjá
þeim og er að finna einhverjar
sérstakar ástæður fyrir drykkj-
unni?
— Margir drekka þeir mikið,
það er óhætt að segja það, segir
Sigurður, og það er vissulega
æskilegt að dregið sé úr áfengis-
neyzlunni. Við reynum ekki að
prédika bindindi yfir unglingum,
en við reynum að hvetja þá fil að
reyna að finna hvað geti komið í
staðinn fyrir áfengisneyzlu og við
viljum hjálpa þeim til að finna
slíka lausn. Unglingar, sem
drekka kannski tvö til þrjú kvöld
í viku, vita það vel að slíkt hefur
ekki góð áhrif á heilsuna og þeir
hafa vissulega áhyggjur af heilsu-
fari sínu og áhyggjur af því hve
þeir drekka mikið.
— Það virðist ekki vera erfitt
fyrir unglinga að ná í áfengi,
segja þremenningarnir, það getur
gengið þannig fyrir sig að eldri
systkini kaupa það fyrir þá eða
eldri unglingar þekkja einhverja
sem eru nógu gamlir til að mega
kaupa og þannig gengur áfengið
niður eftir árgöngunum. Vilji ein-
hver afla sér áfengis þá er það
létt, ekki sízt ef hann hefur eitt-
hvað af peningum og það er líka
vitað að til eru menn sem oft
halda tii utan við áfengisútsölurn-
ar og gera unglingunum þennan
,,greiða“ fyrir smá „toll“.
— Um ástæðurnar fyrir
áfengisneyzlu er erfitt að segja,
en það sem einkennir marga ungl-
inga er áhugaleysi og stefnuleysi.
Unglingarnir eru að leita að ein-
hverju, en það vefst fyrir þeim
hvað það er, þeir fara niður í bæ,
niður á plan af þvi að aðrir fara
þangað og stundum þegar við
stöndum frammi fyrir þessu
áhugaleysi og förum að spyrja
hvað þeir vilji gera finnast þeim
slíkar spurningar hálf asnalegar
og segja: Gera? — það veit ég
ekki. En þá er mikilvægt að
stöðva ekki við slíkt svar heldur
að reyna að fá þá til að hugsa
málin og ræða þau frekar. Þeir
hafa ekki áhuga á skólanum, það
er kannski af því þeim gengur illa
að læra og þeim gengur e.t.v. illa
að læra vegna þess að þeir fá ekki
nægilegan frið heima fyrir og lít-
inn stuðning við námið. Við slikar
umræður við unglingana geta
þeir oft sjálfir fundið lausn á
vandamálum sínum. Stundum má
rekja orsakir áfengisneyzlunnar
til atvinnuleysis — unglingarnir
hafa hreinlega ekki haft annað að
gera og þegar við höfum t.d. út-
vegað vinnu í slíkum tilfellum
hefur það gert mikið gagn.
— Þessar aðstæður sem ung-
lingarnir búa við geta orðið til
þess að þeir leiðist frekar út í
aðgerðaleysi, óreglu eða afbrot en
þaó skal taka fram að þar er um
Framhald á bls. 35
KRINGUM
ÁFENGISGLASIÐ
Húseigendafélag Reykjavíkur:
Húseigendum er heimilt að binda
leigu visitölu húsnæðiskostnaðar
Morgunblaðinu hefur borizt
eftirfarandi fréttatilkynning frá
Húseigendafélagi Reykjavfkur:
Þann 12. janúar s.l. var kveðinn
upp í Hæstarétti dómur í máli,
þar sem byggingaraðili og kaup-
andi húss deildu um, hvort vísi-
töluákvæði í samningi þeirra væri
ógilt. Hæstiréttur komst að þeirri
niðurstöðu, að ákvæði 1. og 2.
mgr. 1. gr. 1. nr. 71/1966 um verð-
tryggingu fjárskuldbindinga yrði
að skýra svo, að þau ógiltu ekki
fortakslaust vísitöluákvæðin í
samningi aðila, sem fæli í sér þá
skuldbindingu, að þeir inni báðir
framlög af hendi á tilteknu tíma-
bili eftir samningsgerðina.
Húseigendafélag Reykjavíkur
telur, að dóm þennan megi túlka
þannig, að hér eftir sé húseigend-
um heimilt, að setja ákvæði í
húsaleigusamninga þess efnis að
leigugjald miðist við vísitölu hús-
næðiskostnaðar á undirskriftar-
degi samnings og breytist í sam-
ræmi við breytingu á vísitölunni.
Þess beri þó að gæta, að húsa-
leiga virðist háð verðstöðvunar-
lögum, þannig að ekki virðist
sjálfkrafa heimilt að hækka húsa-
leigu í samræmi við vísitölu strax
og hún hefur verið reiknuð út.
Hins vegar tilkynnir verðlags-
nefnd annað veifið, að hún láti
óátalda slíka hækkun í samræmi
við vísitöluhækkun ákveðins
tímabils.
1 framhaldi af ofangreindu er
rétt að vekja athygli á, að verð-
lagsnefnd hefur ákveðið að láta
óátalda hækkun húsaleigu, sem
svarar til þeirrar hækkunar vísi-
tölu húsnæðiskostnaðar, sem átt
hefur sér stað frá 1. janúar 1977
til 1. októher 1977, enda hafi sú
hækkun ekki verið reiknuð inn í
húsaleigu áður. Þessi ákvörðun
verðlagsnefndar gildir frá 1. des.
1977.
Hækkunarheimildin nemur
27.75% fyrir íbúðarhúsnæði og
28,27% fyrir atvinnuhúsnæði.
(Hækkunarheimildin er ekki
bundin við að vísitöluákvæði hafi
verið í samningi).
Að lokum vill Húseigendafélag
Reykjavíkur hvetja húseigendur
og leigjendur til að ganga strax í
öndverðu tryggilega frá leigumál-
um. Fyrirhyggja í þvi sambandi
kemur í veg fyrir misskilning,
leiðindi og deilur á síðara stigi. Á
skrifstofu félagsins fást eyðublöð
fyrir slíka samninga.
Skúli Einarsson, matsveinn:
Hugleiðing
um prófkjörið
Fredrekstad 25. jan. 1978.
Hvers eiga sjómenn að gjalda
sem ekki höfðu aðstöðu til að
láta skoðanir sínar í ljós við
síðustu prófkjör Sjálfstæðis-
flokksins? Vil ég fyrir hönd
margra sjómanna láta þá ósk i
ljós að endurskoðun fari fram á
hvort öll þau atkvæði sem ekki
komu til skila, mundu ekki
færa fulltrúa okkar sjómanna,
Pétur Siguðrsson, ofar á list-
ann, sem ég veit að honum ber
með réttu.
Eitt dæmi af mörgum vil ég
nefna, að á skipi, sem undir-
ritaður er á, er 12 manna áhöfn
og að minnsta kosti 8 þeirra
hefðu treyst Pétri best fyrir
sínum málum, sem hann og hef-
ur gert undanfarin ár með
sóma og veit ég að hann mun
bera hag okkar sjómanna fyrir
brjósti eins og hingað til.
Vil ég að endingu skora á alla
sjómenn hvar í flokki sem þeir
eru að slá skjaldborg um eina
sjómanninn á Alþingi okkar og
tryggja Pétri Sigurðssyni þann
sess sem honum ber.
Skúli Einarsson,
matsveinn.