Morgunblaðið - 14.02.1978, Page 5

MORGUNBLAÐIÐ, ÞRIÐJUDAGUR 14. FEBRUAR 1978
5
r
Ræðismaður Chile á Islandi:
Mun ekki taka þátt
í pólitísku vafstri
— aðeins fyrirgreiðsla við
ferðafólk og vegna viðskipta
VEGNA blaðaskrifa um ræðis-
mannsembætti Chile hér á landi
hafði Morgunblaðið samband við
Þorgrím Þorgrímsson og spurði,
hvað hann vildi segja um þetta
starf hans. Hann sagði, að hér
væri um algerlega ópólitískt starf
að ræða og eingöngu I sambandi
við fyrirgreiðslur við ferðafólk og
vegna viðskipta, „og mér kom
ekki við, þegar ég var beðinn um
að taka þetta að mér, hvaða
stjórnskipulag er í landinu; hvort
þar eru kommúnistar við völd eða
einhverjir aðrir, er ekki mitt mál.
Að öðru leyti vil ég vfsa í kjarna
umsagnar sem hefur áður komið
fram á prenti frá mér:
Ég legg áherzlu á, að hér koma
stjórnmál ekki nærri að neinu
leyti og ástæðan fyrir því, að ég
tókst þetta á hendur, er sú ein, að
ég hef frá því ég lærði spönsku á
unglingsaldri í Bandarikjunum
og á Spáni haft mikinn áhuga á
þessari tungu og þeim þjóðum,
sem hana tala.
Upphaf þessa máls var það, að
sendiherra Chile í Kaupmanna-
höfn, Mario Rodriguez, sem verið
hefur sendiherra lands síns f
meira en 40 ár í Kanada og
Bandarikjunum, kom hingað til
lands að leita að ræðismanni og
komum við 4 til greina. Embættis-
skylda sendiherrans bauð honum
að leita að slíkum manni, og þar
sem lagt var að mér að taka við
starfinu, fóru leikar svo, að ég
varð við þvi. Þetta er ólaunað
starf og af minni hálfu fullkom-
lega ópólitískt. Stjórnarfarið gæti
þess vegna verið kommúnískt.
Ég hef að vísu ekki komið til
Chile, en af viðtölum við menn og
lestri bóka vissi ég, að hér væri
um að ræða þjóð, sem væri talin
friðelsk og rólynd. Landið væri
ekki ósvipað Islandi að því leyti
að það væri land mikilla and-
stæðna, jöklar og eyðimerkur,
fjalllendi mikið og síðast en ekki
sízt væri þetta mikil fiskveiði-
þjóð. Að lokum vil ég ítreka, að
engin hætta er á aó ég taki upp
áróður eða annað pólitískt vafstur
fyrir þá stjórn, sem nú situr, en
því ver hafa byltingar og hallar
valdatökur löngum tíðkazt í S-
Ameríku og eru stjórnvöld oft eft-
ir því.“
Haukur Angantýsson skák-
meistari Reykjavíkur ’78
KEPPNI er nú lokið i 6 flokkum
af 7 á Skákþingi Reykjavíkur
1978. Keppendur voru alis 130.
Efstu menn í A-flokki urðu:
Vinninga
af 11 möguiegum.
1. Haukur Angantýsson 8
2. Þórir Ólafsson 7,5
3. Bragi Halldórsson 7
4. Björn Jóhannesson 6,5
5. Leifur Jósteinsson 5,5
I B-flokki urðu efstir:
vinninga
af 11 mögul.
1. Jóhann Hjartarson 9,5
2. Agúst Ingimundarson 7,5
3. Guðni Sigurbjarnason 7
Haukur Angantýsson.
1 C-flokki urðu efstir: vinninga
af 11 mögul.
1. Elvar Guðmundsson 8
2. Jóhannes G. Jónsson 7,5
3, Helgi Samúelsson 6,5
I D-flokki urðu efstir:
vinninga af 11 mögul.
1. Árni A. Árnason 7,5
2. Jón Ulfljótsson 7
3. Guðmundur Halldórsson 7
! E-flokki urðu efstir: vinninga
af 11 mögul.
1. Jóhann P. Sveinsson 8,5
2. Erlendur Jónsson 8,5
3. Guðmundur Theódórss. 8
1 unglingaflokki urðu efstir:
vinninga
af 9 mögui.
1. Jóhann Hjartarson 9
2. Jóhannes Gísli Jónss. 8
3. Elvar Guðmundsson 7
4. Arni A. Arnason 6
5. Snorri Þór Sigurðss. 6
Keppni í kvennaflokki stendur
nú yfir og er hún haldin á Loft-
Ieiðahótelinu og keppir Jana
Hartston, alþjóðlegur kvenna-
meistari, með sem gestur.
Hraðskákmót Reykjavíkur var
haldið 5. febrúar. Efstir urðu:
vinninga
af 18 mögul.
1. Jóhann Hjartarson 14
2. Guðmundur Pálmason 14
3. Guðni Sigurbjarnas. 12,5
4. Björn Þorsteinsson 12
5. OmarJónsson 12
Philip Jenkins á
hljómleikaferð
ísafirði 10 febr SL FIMMTUDAG
Philip Jenkins við flygilinn I Alþýðu-
húsinu á f safirði.
Ljósm. Ulfar.
hélt Philip Jenkins, pianóleikari. ein-
leikshljómleika í Alþýðuhúsinu á ísa-
firði
Jenkins. sem hefur verið búsettur i
London sl 6 ár. er prófessor við Royal
Academy of Musik Þar áður var hann
búsettur á Akureyri um 4—5 ára skeið
og var þá aðalpianókennari við Tónlist-
arskóla Akureyrar Jenkins hélt á þeim
tima tvenna tónleika hér, auk þess sem
hann og Guðný Guðmundsdóttir kon-
sertmeistari héldu hér tvileikstónleika
fyrir u.þ.b 2 árum
I þetta sinn er Philip Jenkins á
tónleikaferð á íslandi Hann var með
tónleika á Akranesi fyrr i vikunni
Seinna i mánuðinum efnir hann svo til
tónleika viðsvegar um England, en ráð-
gerir aðra íslandsferð með haustinu
Tónlistarskóli ísafjarðar og mennta-
skólinn sáu um undirbúning tónleik-
anna. Úlfar.
Sýningu
Ómars lýkur
í kvöld
SÍÐASTI sýningardagur
málverkasýningar Ómars
Skúlasonar, er staðið hefur
undanfarið yfir á Kjarvals-
stöðum, er í dag. Hefur
sýningunni verið tekið vel,
aðsókn allgóð og nokkrar
myndanna hafa verið
keyptar af söfnum og sýn-
ingargestum. Sýningin er
opin frá kl. 14—22 i dag.
INNLENT
Lilja —
„snoturmynd”
KVIKMYNDIN Lilja var kynnl
blaðamönnum í gær, en hún
var ein myndanna sem kom til
álita I samkeppni þeirri er
kvikmyndahátlðin gekkst fyrir
og þótti raunar ásamt verð-
launamyndinni Bónda bera þar
af. Lilja er byggð á hinni
kunnu sögu Halldórs Laxness ;
um Nebúkadnesar og er mynd-
in yfirleitt mjög trú uppruna-
legu sögunni nema hvað höf-
undarnir Hrafn Gunnlaugsson
og Snorri Þórisson hafa fært
sögusviðið fram til okkar tfma.
Hrafn er leikstjóri myndar-
innar en Snorri hefur annast
kvikmyndun og Jón Þór Hann-
esson sér um klippingu og hljóð
en Guðný Halldórsdóttir er að-
stoðarleikstjóri. Myndin er rétt
um hálf klukkustund í sýningu,
litmynd og helztu leikarar eru
Eyjólfur Bjarnason, Viðar Egg-
ertsson, Herdis Þorvaldþsdótt-
ir, Aróra Halldórsdóttir og
Valdimar Helgason.
„Snotur mynd,“ sagði Hall-
dór Laxness að lokinni sýningu
myndarinnar i gær, og sú lýsing
er líklega nokkuð nærri lagi.
Hér er ekki færst of mikið I
fang né veruleg áhætta tekin.
Sögumaður er látinn bera uppi
atburðarásina að verulegu leyti
enda þótt það þyki nú yfirleitt
ekki góð latina innan þessa
tjáningarmiðils. Leikurinn er
lika nokkuð misjafn og full við-
vaningslegur hjá leikurunum,
sem fara með lykilhlutverkin.
A hinn bóginn er myndin
óvenju hnökralaus af tæknileg-
um sjónarhóli og margt raunar
prýðilega gert. Þegar öllu eá
botninn hvolft held ég þvi að
aðstandendur myndarinnar
megi bærilega við una, enda
var það lika að heyra á Hrafni
Gunnlaugssyni i gær að Lilja
hefði kannski fyrst og fremst
verið æfing og undirbúningur
fyrir viðameiri verkefni i fram-
tiðinni.
„Þessi saga liggur svo langt
til baka á rithöfundarferli min-
um að ég var eiginlega búinn að
gleyma henni, en það var óneit-
anlega gaman að sjá þetta efni
vakið upp aftur i þessari
mynd," sagði Halldór Laxness
að lokinni sýningunni. Halldór
kvaðst hafa skrifað þessa sögu
skömmu eftir t930, liklega 1933
en hann hafi þá einmitt búið
um tima upp á efsta lofti á
Hótel Borg. Þá hafi verið eilifar
jarðarfarir i Dómkirkjunni,
myrkranna á milli og stöðugar
likhringingar frá kirkjunni.
„Ég var alltaf að horfa á þessar
jarðarfarir allan daginn, og fór
þá að velta fyrir mér hvort það
væri eitthvað i öllum þessum
kistum," sagði Halldór.
Halldór kvaðst á hinn bóginn
aldrei hafa haft verulega köll-
un ttl þess að skrifa fyrir kvik-
myndir, þvi að þarna væri á
ferðinni allt önnur listgrein
heldur en bókmenntir eða leik-
ritun. 1 báðum þessum greinum
gæti höfundur lagt sitt hvað til
málanna, og haft áhrif á endan-
lega útkomu en i kvikmyndinni
stæði naumast nema bláhug-
myndin eftir þegar verkið var
búið að fara i gegnum allt sem
þyrfti til að úr yrði kvikmynd.
„Það sem kveikti i okkur
öðru fremur varðandi kvik-
Framhald á bls. 28
Hægt er að velja milli 20 tegunda drykkja, en vélina getur þú fengið með
frá 2 upp í 6 tegundir í einu, svo sem kaffí, te, kakó og súpu, og það tekur
ekki meira en 5 sekúndur að laga drykkinn.
Þú setur bolla undir þá tegund drykkjar sem þú óskar þér. Tekur í
handfangið og þá rennur efnið í bollann, síðan seturðu bollann undir
kranann og færð heitt vatn saman við. Þegar þú ert búinn að hræra
í bollanum ertu kominn með alveg sérstaklcga bragðgóðann heitann drykk.
Þetta er þrifalegt, einfalt og ódýrt, ekkert fer til spillis, enginn uppþvottur,
og drykkirnir eru alltaf nýjir og ferskir.
Fáanlegar eru margar stærðir af vélum, og þær eru jafnvel ekki dýrari
en venjuleg kaffivél, og hægt að nota allstaðar, sem óskað er
heitra ljúffengra drykkja.
Hringið í síma 16463 og fáið sölumann i heimsókn, hann mun gefa ykkur
að smakka og allar nánari upplýsingar.
<k
KOMIST A BRAGDIÐ OG YKKUR MUN VEL LÍKA
lindm
SIMI 16463
HEITIR LJUFFENGIR
DRYKKIR ALLAN
SÓLARHRINGINN