Morgunblaðið - 14.02.1978, Page 15
MORGUNBLAÐIÐ, ÞRIÐJUDAGUR 14. FEBRUAR 1978
15
Litið inn á taflæfingar hjá Mjölni og Taflfélagi Reykjavíkur
Stjórnandinn Ottó R. Rögnvaldsson fylgist með skákum strákanna, en hann hefur
séð um skákæfingarnar í Fellahelii í vetur.
Frændurnir Gunnar Jónsson (t.v.) og Óskar Haraldsson. Gunnar kenndi Óskari að
tefla fyrir nokkrum árum síðan, en er þó árinu vngri.
„Afi kenndi mér að tefla,
hann var góður í skák”
Laugardag einn í fyrri mánuði þegar
vetur konungur fór ómjúkum höndum
um vegfarendur lögðu blaðamenn leið
sína inn á Grensásveg á taflæfingu hjá
yngstu félögum Taflfélags Reykjavíkur.
Aðeins 37 strákar voru mættir af þeim
50 til 60 sem venjulega mæta á hverja
æfingu, en þeir sem mættir voru létu
ófærðina engin áhrif hafa á sig og tefldu
af jötunmóði. Forsvarsmenn Taflfélags-
ins tjáðu okkur að fyrir tveimur vikum
hefði byrjað innanfélagsmót hjá þeim
yngstu og að í dag væri tefld þriðja
skákin í því móti, en hver skák er eins og
háifrar klukkustundar löng.
Ekki voru þó allir sem höfðu notað
þann umhugsunartíma til fulls, og voru
nokkrir þegar búnir með sína skák. Þar
á meðal var hressilegur strákur, Davíð
Ólafsson að nafni, og fannst okkur ekki
úr vegi að spjalla lítillega við hann.
Hann sagðist hafa lært að tefla fyrir
tveimur árum síðan og hefði afi kennt
honum mannganginn, „en afi var góður I
skák. Siðan hef ég reynt að koma hingað
eins oft og ég get, og ég hef ekki misst úr
einn einasta laugardag í allan vetur.
Hins vegar tefli ég lítið sem ekki neitt í
skólanum en ég er úr Breiðholtinu.
Ég hef teflt við nokkra meistaraflokks-
menn, þar á meðal Margeir Pétursson og
Stefán Briem, en tapað fyrir þeim báð-
um. í dag gekk mér þó betur og ég vann.
Ég fylgdist með einvigi þeirra Korchnois
og Spasskys um daginn og ég held að
Spassky hafi verið spældur yfir að tapa.
Korchnoi er ágætur en samt held ég að
Karpov vinni einvigið við hann, ég veit
ekki af hverju, ég bara held það.
Það er gaman að tefla en ekkert
gaman að drepa mennina, miklu frekar
að það sé skemmtilegt að vinna skákirn-
ar“.
Feiminn og hlédrægur 9 ára snáði
fylgdist af áhuga með skák tveggja
félaga sinna. Hann kvaðst heita Tómas
Björnsson og sagðist vera nýbúinn að
gera jafntefli. Tómas , lærði að tefla i
haust, nánar tiltekið i september og
kenndi bróðir hans honum manngang-
inn. „Hingað kem ég stundum, en ég
tefli einnig niðri i skóla og er í skólalið-
inu. Ég ætla að tefla þangað til i sumar,
en þá ætla ég að hætta .. . kannski held
ég svo áfram að tefla næsta haust.
Ég fylgist ekkert með mótum eða ein-
vígum erlendis, en ég fór og horfði á
fjöltefli Friðriks Ólafssonar og Williams
Lombardys".
Meðal elztu félaganna í þessum flokki
er Jóhann Hjartarson, 14 ára gamall.
Hann gekk í Taflfélag Reykjavíkur 1974,
en hafði teflt talsvert heima hjá sér
áður. Áhugann kvaðst hann hafa fengið
er einvígið milli Fishers og Spasskys var
haldið hér 1973. „Ég hef eiginlega ekk-
ert teflt i skólanum, en ég hef hins vegar
teflt við suma af landsliðsmönnum okk-
ar og unnið þá nokkrum sinnum. Þá
tefldi ég um daginn i fjöltefli við þá
Friðrik og Lombardy en mátti bíta í það
súra epli að tapa skákinni.
í sumar tefldi ég á unglingamóti í
Noregi, en þar voru 38 þátttakendur.
Fékk ég fimm vinninga á mótinu af átta
mögulegum. Ég fylgist mikið með þvi
sem er að gerast í skákheiminum, og þá
bæði hér heima og erlendis.
Ég hélt með Korchnoi í viðureign hans
við Spassky og gladdist mjög yfir sigri
hans. Hins vegar held ég að Karpov
vinni Korchnoi, því Karpov hefur unnið
öll þau mót sem hann hefur tekið þátt í
að undanförnu með svakalegum yfir-
burðum. Þá var Karpov líka yngri og það
hefur mikið að segja I keppni sem þess-
ari. Persónulega er ég allur á móti Rúss-
unum, og vona að Korchnoi vinni, en
möguleikar hans eru eins og ég segi mun
minni. Nei, það er vist óhætt að segja að
ég sé enginn Rússavinur".
Taflfélagið Mjölnir er sennilega
yngsta taflfélagið á Höfuðborgarsvæð-
inu, en þó það sé ungt hefur félagafjöldi
þess aukist jafnt og þétt, og eins og
Taflfélag Reykjavíkur er það með sér
deild fyrir yngstu félagana. Þær æfingar
fara fram í Fellahelli og þangað brugð-
um við okkur næst. Aðstaðan þar er að
visu ekki eins góð og hjá Taflfélagi
Reykjavíkur, en hinir ungu skákmenn
settu það ekki fyrir sig og tefldu af engu
minni grimmd og hörku en félagar
þeirra í T.R.
Við borð eitt sat drenghnokki í kjöltu
föður síns og starði forvitnum augum í
kringum sig.
„Ég heiti Steinar Sveinsson og er sex
ára“, sagði hann þegar við inntum hann
eftir nafni. Steinar sagði að þetta væri í
fyrsta skiptið sem hann hefði mætt á
taflæfingu, en pabbi hans kenndi honum
að tefla. „Ég horfði á einvígið á milli
Horts og Spasskys í sjónvarpinu og fékk
áhugann þaðan, en ég hef aldrei teflt við
neina meistara, hvorki innlenda né er-
lenda. Ég fylgdist líka með einvíginu á
milli Korchnois og Spasskys og hélt með
báðum, svo held ég að Karpov vinni
Korchnoi. Af hverju, bara, annars veit
ég það ekki“, sagði Steinar að lokum, og
þó ekki væri hann hár i loftinu skein
áhuginn úr honum.
Hæglátur og hljóður piltur sat hugsi
við borð og velti fyrir sér skákstöðunni á
borðinu fyrir framan sig. Hann kvaðst
vera 10 ára og heita Þráinn Vigfússon og
vera búinn að tefla í sex ár, þó svo hann
hafi ekki gengið i taflfélag fyrr en i
fyrra. „Ég tefli ekkert í skólanum, en ég
hef einnig teflt niðri í Pósthússtræti af
og til, frá því æfingar hófust þar fyrir
stuttu.
Ég hef engum mótum tekið þátt í, en
ég tefldi í fjölteflinu við Hort út á Nesi í
fyrra, þegar hann setti heimsmetið.
En ég tefldi ekki á móti bandarísku
unglingunum, sem voru hér um daginn".
Öskar Haraldsson, sem er þrettán ára,
tefldi hins vegar við þá og gerði jafntefli
í einu skákinni. „Þeir bandarísku voru
ekki eins góðir og við. Ég veit ekki af
hverju, kannski fáum við betri þjálfun
en þeir. Ég er búinn að tefla heillengi,
ég held ég hafi byrjað að tefla fyrir
svona sex sjö árum, en frændi minn
Gunnar Jónsson, sem er ári yngri en ég,
kenndi mér mannganginn.
Fjölteflið við þá Lombardy og Friðrik
tefldi ég þó ekki. Ég ætlaði að gera það,
en ég vissi ekki af því, það var svo illa
auglýst. Svo var ég líka að gera eitthvað
annað þetta kvöld.
Ég veit ekki af hverju ég tefli, mér
finnst það gamari, og þar að auki er skák
miklu betri íþrótt en spil svoleiðis. Ég á
tvær skákbækur og ég les þær oft. Þá
renni ég yfir skákirnar í blöðunum og
fer yfir þær heima,“ sagði þessi skýri
piltur að lokum.
Umsjón með taflæfingunum í Fella-
helli hefur Ottó Rögnvaldsson og er
hann 17 ára. Þar sem okkur fannst
óvanalegt að svo ungur piltur sæi um
æfingar fengum við hann til að fræða
okkur eilítið um sjálfan sig. „Það at-
vikaðist þannig að mér hafði verið feng-
ið það starf að sjá um húsið niðri í
Pósthússtræti 17, en þar erum við einnig
með æfingasal, og svo var mér boðin
þessi staða i vetur. Við vorum fyrst tveir
með skákæfingarnar hérna, en hinn
hætti fyrir tveimur vikum síðan og ég
hef verið með þetta einn síðan. Ég kann
ágætlega við þetta, strákarnir eru fínir
og þetta er allt í lagi.
Venjulega koma hingað svona 10—20
strákar, og flestir eru úr Breiðholtinu,
en hérna eru aðeins æfingar fyrir þá
yngstu, það er að segja þá sem eru á
aldrinum sex til fjórtán ára, en fullorðn-
ir og unglingar tefla í Pósthússtrætinu.
Ég hef reynt að kenna strákunum undir-
stöðuatri )i skáklistarinnar, og hef stuðst
við skákbók eina, en annars koma þeir
hingað bara og tefla hver við annan.
Sjálfur hef ég teflt siðan ég man eftir
mér og ætla að halda því áfram og
ókomna framtíð“, sagði Ottó urr leið og
við þökkuðum fyrir og héldu í út i
vetrargaddinn.
„Kannski hætti ég að tefla í
sumar," sagði Tómas Björnsson
og brosti kankvislega.
Steinar Sveinsson er án efa
meðal yngstu félaganna í
IMjöIni, ef ekki sá yngsti, en
hann er aðeins sex ára gamall.
*
Davíð Olafssyni fannst lítið
koma tii allra manndrápanna í
skákunum.
Þráinn Vigfússon var einn af
mörgum sem tók þátt í fjöltefl-
inu við Hort í Mýrarhússköla í
fvrra, en þá setti llort heims-
niet í skák.
Þó hann sé ekki nema 14 ára,
hefur Jóhann Hjartarson lagt
marga af sterkustu skákmönn-
um okkar að velli við skák-
borðið.