Morgunblaðið - 04.03.1978, Síða 22
22 MORGUNBLAÐIÐ, LAUGARDAGUR 4. MARZ 1978
ævistarfs síns í verki. Þannig
mætti lengi halda áfram því af
svo mörgu er að taka.
Að lokum vil ég ítreka að
samviska er sá förunautur, sem
traustastur verður við meðferð
borgarmála sem og annars. Eg
vona mér eða þeim, sem til
framboðs veljast, megi lánast að
hafa hana að vegvísi.
Bessí
Jóhannsdóttir
íslenzkt þjóðfélag hefur tekið
stórt stökk inn í nútímann á
sárafáum árum. Afleiðingin er
sú, að krafan um að geta aðlagað
sig ólíkum aðstæðum fljótt og vel
er mjög í brennidepli.
Ungt fólk á íslandi í dag er á
margan hátt ráðvillt. Það horfir
á hvernig hrunadans verðbólg-
unnar leikur alla: Langur vinnu-
dagur, upplausn heimila og
minnkandi gildi fornra verðmæta
eins og heiðarleika og siðgæðis.
Reykjavík er á margan hátt
andlit landsins. Hún er þjónustu-
og menningarmiðstöð lands-
manna. Stærstu verkefnin á
næsta kjörtímabili, og e.t.v. um
langa framtíð, verða atvinnu- og
menntamál. Iðnaður hlýtur að
vera sú atvinnugrein, sem fram-
tíöin byggir á, einnig þarf að efla
sjávarútveg og fiskvinnslu í
Reykjavík.
Reykjavík verður að skapa
ungu fólki, sem er að hefja sitt
lífsstarf, atvinnutækifæri við
þess hæfi, um leið og hlúð er að
þeim, sem þegar hafa skilað sínu.
Lífshamingjan er ekki fólgin í
brauðstritinu einu. Tengja þarf
kynslóðirnar í leik og starfi.
Áfengis- og fíkniefnaneyzla
hefur mjög vaxið á undanförnum
árum, þrátt fyrir ötult starf
ungtemplara og A.A.-samtak-
anna, sem hafa lyft grettistaki í
baráttunni við áfengisvandamál-
in. Einnig binda menn nú miklar
vonir við S.Á.Á. Krabbameins-
félagið hefur og unnið athyglis-
vert starf um fræðslu um skað-
semi reykinga. — Önnur fíknilyf
eru þó í þjóðfélaginu, sem minna
er rætt um, en valda ómældum
hörmungum. Hverskonar fyrir-
byggjandi starf á þessu sviði þarf
að auka. Til þess að svo verði þarf
að virkja starf áhugamannsins,
þar er fólginn sá eldmóður, sem
duga skal.
I velferðarsamfélagi er sífellt
hætta á of miklum afskiptum
ríkisvalds og, sveitarfélaga af
málefnum félaga og einstaklinga.
Við verður að sporna gegn þeirri
þróun. Sveitafélög eiga í sem
minnstum mæli að vera rekstrar-
aðilar.
Allir borgarbúar verða að lifa
með því hugarfari, að þeir stuðli
sem bezt að vexti borgarinnar og
fegurra mannlífi, því hér er um
að ræða mál, sem varða okkur
811.
Birgir ísl.
Gunnarsson
Störf borgarstjórnar eru fjöl-
þætt og snerta meira eða minna
daglegt líf allra borgarbúa. Það
gefur því auga leið, að borgar-
stjóri þarf á hverjum tíma að
vera við því búinn að láta alla þá
málaflokka til sína taka, sem
heyra undir borgarstjórn, svo og
þau mörgu fyrirtæki, sem rekin
eru á vegum borgarinnar.
Það er því varla, að borgar-
stjóri geti leyft sér að eiga
einhverja eftirlætismálaflokka.
Þó fer aldrei hjá því að unnið sé
meira á einu sviði en öðru og á
þessu kjörtímabili, sem nú er
senn að líða, fná nefna eftirtalda
málaflokka, sem unnið hefur
verið að og vafalaust verða
ofarlega á baugi næsta kjörtíma-
bil.
Nýtt aðalskipulag hefur verið
samþykkt fyrir Reykjavík, en þar
er gerð grein fyrir, hvernig
borgin geti þróazt í næstu 20 ár.
Unnið hefur verið að úttekt á
atvinnulífinu í borginni og tillög-
ur að stefnuskrá í atvinnumálum
lagðar fyrir borgarstjórn.
I samræmi við áætlun um
umhverfi og útivist, sem sam-
þykkt var 1974, hefur verið unnið
mikið að fegrun borgarinnar,
grænum svæðum verið fjölgað
mikið og reynt að glæða útivist-
arsvæðin lífi.
Sérstakt átak hefur verið gert
til að byggja upp stofnanir fyrir
aldraða, en mikil þörf er á slíkum
stofnunum í Reykjavík, enda
hlutfallslega fleira aldrað fólk
hér en annars staðar á landinu.
Fleiri málaflokka mætti nefna,
sem mikið hefur veið unnið að,
eins og t.d. dagvistunarmál,
skólamál, íþróttamál og heil-
brigðismál.
Þá má enn nefna, að þrátt fyrir
miklar framkvæmdir borgarinn-
ar og mikið umrót í efnahagsmál-
um, hefur tekizt að stýra fjár-
málum borgarinnar á þá leíð, að
borgarsjóður hefur komizt áfalla-
lítið úr þeim ólgusjó, sem gengið
hefur yfir íslenzkt efnahagslíf á
undanförnum árum. Sama má
segja um þau borgarfyrirtæki,
sem hafa sjálfstæðan fjárhag.
Traust fjármálastjórn er grund-
vallaratriði varðandi framfarir
og frekari uppbyggingu í borg-
inni.
Það er ósk mín og von, að ég
megi halda áfram að hafa gott
samstarf við borgarbúa um mál-
efni Reykjavíkurborgar á næsta
kjörtímabili.
Davíð
Oddsson
Ekki þarf að fara mörgum
orðum um nauðsyn þess, að
sérhver Reykvíkingur sem forð-
ast vill fjármálalega kollsteypu
standi vörð um traustan, sam-
hentan og varfærinn meirihluta
við stjórnvöl borgarinhar.
Samanburðurinn við samkrulls-
stjórnir annarra sveitarfélaga er
Reykjavík ákaflega hagstæður og
yfirboðsflokkarnir í borgarstjórn
hafa sýnt að þeir ná ekki saman
í mikilvægustu málum og eru
harla ólíklegir til að halda
sæmilega á fjármálum borgar-
innar, sem verið hafa hennar
aðalsmerki, öfugt við ríkið.
Stærasta mál borgarstjórnar,
sem á döfinni er nú, hlýtur að
vera markviss en varfærinn
uppbygging eldri bæjarhluta,
sem miðar að því að glæða þá
nýju lífi og þar með nýta betur
þær fjölmörgu þjónustustofnan-
ir, sem þar eru. Að því hlýtur að
reka, að yfirvöld húsnæðismála
beini frekari fjármunum til
kaupa og viðhalds á eldra hús-
næði en nú er gert, og stöðvi .þá
óheillavænlegu ofþenslu byggðar
í borginni, sem úreltar úthlutun-
arreglur leiða til.
Skynsamlegu samspili friðunar
einstakra húsa eða bæjarhluta
annars vegar og lífvænlegri
uppbyggingu hins vegar verður
ekki komið á nema ungu fólki
verði gert kleift að koma sér fyrir
jafnt í gömlum og grónum
hverfum og í landnámsbyggðum
borgarinnar á hverjum tíma. Slík
stefnubreyting slær einnig vopn-
in úr höndum þeirra, sem reyna
að æsa til öfga og prédika
fúafriðunarstefnu í pólitískum
tilgangi, En einsog fyrri daginn
hefur þeim tekizt með öfgunum
að afsk%æma góðan málstað.
Elín
Pálmadóttir
Gerum góða borg betri. Til þess
vil ég gjarnan leggja krafta mína
næstu fjögur árin, ef guð og
kjósendur lofa. Stjórnmálastarf
er ekki bara togstreita. Það er
spurning um lífshætti. Möguleik-
arnir til að bæta lífið í borginni
gefast á alþingi vegna afgerandi
lagasetninga og í borgarstjórn.
Þar sem mér gefst ekki tækifæri
nema e.t.v. í örlitlum mæli sem
varamaður til - hins fyrra, væri
mér hugleikið að fá tækifæri til
að leggja lið sem borgarfulltrúi.
Undanfarin ár hefi ég fengið að
starfa sem borgarfulltrúi í um-
boði sjálfstæðismanna. Lagt
áherzlu á ákveðna málaflokka,
einkum þar sem var óplægður
akur að mínum dómi, þ.e. í
uppbyggingu umhverfismála svo
og í stjórnmálaflokki í deiglu og
umsköpun, fræðslumálum. Jafn-
framt því sem borgarfulltrúi
tekur þátt í ákvarðanatöku um
alla þætti borgarmála. Við slíkæ
reynslu lærist sú staðreynd að
þarna er sífellt um að ræða
vandasamt val milli verkefni —
takmarkað af litlu fjármagni. Ég
tel rétta þá stefnu undanfarinna
ára að taka fyrir ákveðin brýn
verkefni á hverjum tíma og
leggja á þau höfuðáherzlu. Á
síðasta kjörtímabili voru allir
borgarfulltrúar sammála, um að
átak í málefnum aldraðra skyldi
hafa forgang með uppbyggingu
húsnæðis og sjúkraþjónustu, og
enn þarf svo fram að halda.
Jafnframt er nauðsynlegt að
leggja áherzlu á annað sem e.t.v.
hefur farið hægar á meðan, svo
sem dagvistunarstofnanir, þó
nokkuð hafi miðað, þar sem 42%
af börnum á forskólaaldri njóta
nú dagvistunar í einhverjum
mæli.
Fjölmörg eru þau átök, sem
gera þarf. Grunnurinn er að
sjálfsögðu trygg atvinna, svo að
íþúar þessarar borgar geti í anda
sjálfstæðisstefnunnar haft tæki-
færi til að byggja upp sína eigin
tilveru sjálfir og standa á eigin
fótum. Að því þarf af forsjálni að
huga vel á næstu árum. Svo og í
húsnæðismálum, svo að ungum
og öldnum gefist færi á að koma
sér fyrir í endurnýjuðum húsum
í gamla bænum, engu síðitr en
nýjum hverfum. Og þegar frum-
þörfum atvinnu og húsnæði er
fullnægt, er nauðsynlegt, ekki
síst með auknum frístundum, að
sjá fyrir tækifærum til ánægju-
legrar og uppbyggjandi lífsfyll-
ingar með menntunartækifærum
hvenær sem er á ævinni og
ánægjulegum viðfangsefnum,
með áherslu á því sem fjölskyld-
urnar una sér við saman, svo sem
skíðaiðkun, hestamennsku, skák
o.fl. — í stað þess að einangra
aldurshópa hvern á sinni hillu.
HEFST í DAG KL. 14
Athugið... Athugið að þér þurfið ekki að vera meðlímur í Sjálfstæðisfélögum i Reykjavík til að geta tekið þátt í prófkjörinu við komandi borgar- stjórnarkosningar. Allir stuðningsmenn Sjálfstæðisflokksins i Reykjavík við kom- andi borgarstjórnarkosningar hafa atkvæðisrétt. Mánudag 6. marz kosning í Valhöll Mánudaginn 6 marz verður opinn einn kjörstaður í Valhöll Háaleitis braut 1. Er kjörstaðurinn opinn milli 15:30—20:30 og er þein ætlaður, sem ekki eiga þess kost að kjósa laugardag og sunnudag
Hvenær er kosið? Laugardaginn 4. marz og sunnudaginn 5. marz er kösið á framan- greindum sjö kjörstöðum í hínum einstöku hverfum borgarinnar frá kl. 14—19, Mánudaginn 6. marz verður kosið á einum kjörstað í Valhöll, frá kl. 15:30—20:30 Háaleitisbr. 1. Kjósendur eru hvattir til þess að kjósa tímanlega Upplýsingamiðstöð sími82900 (5línur) Á meðan kosnigin stendur yfir er starfrækt sérstök upplýsingamið- stöð Eru þar veittar helztu upplýsingar svo sem um prófkjörskrá. kjördeildaskiptingu o.þ.h