Morgunblaðið - 04.03.1978, Blaðsíða 28

28
MORGUNBLAÐIÐ, LAUGARDAGUR 4. MARZ 1978
Sveinn
Björnsson
Málefni þau sem borgarstjórn
Reykjavíkur fjallar um eru marg-
þætt og snerta með einum eða
öðrum hætti hagsmuni hvers
einstaks manns í borginni. í jafn
stuttu máli og hér er um að ræða
verður aðeins fátt eitt nefnt.
Veigamikill þáttur í félagsmál-
um Reykvíkinga er starf og
þátttaka fjölda manna og kvenna
í hinni frjálsu félagshreyfingu
hér í borg.
Þessa starfsemi þurfa borga-
yfirvöld að standa vörð um og
stuðla að eflingu hennar eins og
framast er unnt.
Eg hefi á undanförnum áratug-
um kynnst vel uppbyggingu
íþróttastarfs og fylgst með,
hvernig aukin félagsleg aðstaða
til íþróttaiðkana hefur laðað til
sín fólk á öllum aldri og ekki síst
æskuna, sem oft á tíðum finnur
sér þar verðugt viðfangsefni til
að takast á við, á sínum við-
kvæmu þroskaárum.
Sú sjálfboðavinna, sem unnin
hefur verið á þessum vettvangi,
hefur verið borgarlífi okkar
ómetanleg, og ber því borgaryfir-
völdum að rétta henni örvandi
hönd.
Við þurfum að vinna áfram að
uppbyggingu íþróttamannvirkja
og félagslegrar aðstöðu víðsvegar
um borgina, styrkja íþróttafélög-
in, skátahreyfinguna og aðra
frjálsa félagsstarfsemi. Hraða
þarf framkvæmdum í Breiðholti
og skapa þar félagslega aðstöðu,
sem nauðsynleg er svo stóru og
myndarlegu byggðarlagi. Skóla
mætti nýta enn meir í þágu
félagsstarfsemi, enda er stefnt í
þá átt.
Standa þarf vörð um málefni
aldraðra og skapa þeim betri
aðstöðu svo þeir fái notið ávaxta
erfiðis síns.
Atvinna borgarbúa verði
tr.vggð við arðbær störf, enda er
það undirstaða að velferð borgar-
anna. Unnið verði að því að skapa
almenningi sem hagkvæmust
viðskiptakjör með því að tryggja
frjálsa verzlun.
Stuðla þarf að eðlilegum vexti
og endurnýjun borgarinnar og á
þann hátt skapa ungu fólki sem
er að stofna heimili og fyrirtækj-
um sem veita aukna atvinnu
aðstöðu til búsetu og starfa innan
borgarinnar, hvort heldur sm er
í nýjum hverfum eða innan
borgarhverfa sem eru endurnýj-
uð.
Það yrði mér ánægjulegt verk-
efni að starfa að hinum ýmsu
borgarmálefnum, enda eiga borg-
arfulltrúar að hafa vakandi
áhuga á þeim málum, sem eru til
úrlausnar og ákvörðunar hverju
sinni.
Sveinn
Björnsson
Illu heilli hefur Sjálfstæðis-
flokkurinn aldrei náð meirihluta
■á Alþingi. Það hefur hins vegar
verið lán Reykjvíkinga að búa
jafnan við samhenta forystu
meirihluta sjálfstæðismanna.
Þetta hefur gert kleift að móta
langtímamarkmið í stjórn
borgarinnar og fylgja þeim fram.
Þetta er frumskilyrði góðrar
stjórnunar.
Víðsýni hefur verið aðalsmerki
borgarstjórnarmeirihlutans.
Leitazt hefur verið við að koma
til móts við áhuga- og hagsmuna-
mál allra borgarbúa jafnt.
Þessar eru meginástæðurnar
fyrir því, að hér er gott að búa
og að Reykvíkingum þykir vænt
um borgina sína.
Það hefur verið mér dýrmæt
reynsla og lærdómur að kynnast
vandamálum og viðfangsefnum
samfélags okkar í gegnum störf
að margvíslegum borgarmálefn-
um. Eg hef verið eini verkfræð-
ingurinn í borgarflokki sjálf-
stæðismanna síðustu tvö kjör-
tímabil og gegnt formennsku í
stjórn veitustofnana (rafmagns-,
hita- og vatnsveitu) og í stjórn
Strætisvagna Reykjavíkur þetta
kjörtímabil.
I öllum þessum fyrirtækjum
hefur verið unnið markvisst að
meiri háttar framkvæmdum og
framfaramálum þetta kjörtíma-
bil, sem ekki er rúm tii að greina
fr_á að þessu sinni. Fæst af þessu
ber fyrir augu í daglega lífinu,
þótt undantekningar megi finna
eins og áningarstað fyrir farþega
S.V.R. á Hlemmi, sem nú er að
rísa.
Þessi fyrirtæki öll, sem saman-
lagt velta nálægt 10 milljörðum
króna á þessu ári, eru borgarbú-
um afarmikilvæg hvert með
sínum hætti og þá ekki sízt
atvinnustarfseminni í borginni.
Það verður eitt meginviðfangs-
efni borgarstjórnar á næsta
kjörtímabili að treysta og efla
atvinnulífið. Undir forystu
borgarstjóra hafa þegar vefíð
samdar og lagðar fram áætlanir
hér að lútandi. Mér hefur veitzt
sú ánægja að taka þátt í þessari
stefnumótun og vænti þess að
geta lagt fram mitt lið til að láta
þau markrhið rætast, sem stefnt
er að.
Valgarö
Briem
Ákvarðanataka um stjórn
ríkisins fer fram á Alþingi. Þar
sitja 60 fulltrúar sem hafa þau
störf að aðalstarfi og eru þau svo
viðamikil að naumast er gert ráð
fyrir að tími sé til annarra
verkefna.
Stjórnun borgarinnar fer fram
í borgarstjórn, borgarráði, nefnd-
um og ráðum og eru aukastörf
þeirra sem þau vinna. Borgarfull-
trúar og varaborgarfulltrúar
þurfa því ekki að leggja lífsstarf
sitt á hilluna til þess að geta leyst
slík verkefni af hendi.
Þetta er mikilvægur kostur
sem hefur gert mér og ýmsum
öðrum mögulegt að fullnægja
löngun til stjórnmálaafskipta á
þessum vettvangi. Af þessu leiðir
þó, að eðlilegt er, að þeir sem
taka þátt í stjórnun borgarinna,
velji sér svið, sem þeir hafa
mestan áhuga á, fremur en að
skipta sér jafnt af öllu.
Á yfirstandandi kjörtímabili
hefur mér verið falið að sitja í
stjórn Innkaupastofnunarinnar
og í Umferðarnefnd.
Innkaupastofnunin gegnir
veigaipiklu hlutverki í rekstri
borgarinnar. Annast innkaup
allra vara erlendis frá og flest
stærri innlend innkaup. Hún
annast útboð og samningsgerð
um allar verklegar framkvæmdir
og þjónustu fyrir allar borgar-
stofnanir.
Við rekstur Innkaupastofnun-
arinnar verður að gæta fyllstu
óhlutdrægni um leið og leitað er
hagkvæmustu kjara. Með útboð-
um sínum sparar Innkaupastofn-
unin borgarbúum miklar fjár-
hæðir.
Umferðin er öllum borgarbú-
um nauðsyn. Hún snertir hags-
muni okkar a%lra frá vöggu til
grafar. Hún verður að vera greið
en örugg. Það er verkefni Um-
ferðarnefndar að stuðla að því og
draga úr slysahættu svo sem
auðið er.
Að þessu tvennu myndi ég öðru
fremur kjósa að starfa áfram
næsta kjörtímabil
Þórólfur V.
Þorleifsson
Fæddur 10. október 1940 í
Reykjavík. Ókvæntur. Sonur
hjónanna Ólafar Diðriksdóttur
og Þorleifs Eyjólfssonar, sem lést
1973. Býr með aldraðri móður
sinni. Hefur starfað hjá Reykja-
víkurborg í 21 ár, lengst af við
akstur. Hefur átt sæti í stjórn
Málfundafélagsins Óðins frá ár-
inu 1976.
Áhugamál mín varðandi mál-
efni borgarinnar eru:
I. Atvinnumálin, bæta aðstöðu
fyrirtækja og koma iðnaðinum
inn í borgina, svo tryggja megi
vinnu fólks og koma í veg fyrir
atvinnuleysi með uppbyggingu
iðnfyrirtækja, bæta aðstöðu fisk-
iðnaðarins og flýta allri aðstöðu
við höfnina.
II. Bæta aðstöðu borgarstarfs-
manna og stuðla að launajafn-
rétti við sömu vinnu.
III. Tryggja skólafólki næga
atvinnu yfir sumarmánuðina t.d.
við þrifnað á borgarlandinu og
við önnur störf.
IV. Tryggja öldruðu fólki létta
vinnuaðstöðu við þeirra hæfi.
Setja upp fleiri staði um borgina
fyrir aldraða til samveruhalds og
dægrastyttingar 'og útlána á
lestrarefni, koma upp sjúkrahús-
aðstöðu fyrir aldraða sem fyrst
svo ekki þurfi að láta það vera
eitt og að mestu ósjálfbjarga.
V. Flýta gerð sjúkrahúsa og
koma á fót heilsugæslustöðum í
öllum hverfum borgarinnar sem
fyrst.
VI. Koma upp aðstöðu fyrir
unga fólkið og efla æskulýðs-
starfið í öllum borgarhverfum
með leiktækjum og öðru áhuga-
verðu.
VII. Bæta þarf umferðarmenn-
inguna og koma á fót meiri
fræðslu fyrir ökumenn og vegfar-
endur til að minnka slysaöldu þá,
er verið hefur á undanförnum
árum.
Þórunn
Gestsdóttir
Ég er fædd og uppalin í
Reykjavík og hef lagt hin ýmsu
störf fyrir mig eftir að ég lauk
Kvennaskólaprófí fyrir tuttugu
árum, s.s. flugfreyjustörf, banka-
störf og fararstjórastörf bæði hér
heima og erlendis. Aðalstarf mitt
síðastliðin fimmtán ár hefur
verið móður- og húsmóðurstarfið,
en ég á fimm börn á aldrinum
5—15 ára. Undanfarið hef ég
starfað lítillega að dagskrárgerð
hjá Ríkisútvarpinu, og í október
s.l. sótti ég námskeið hjá Stjórn-
málaskóla Sjálfstæðisflokksins
og er það ástæðan fyrir því, að
kjörnefnd leitar til' míii um
framboð í þessu prófkjöri.
Stjórnmál tengjast öllum þátt-
um okkar daglega lífs og fylgja
einstaklingnum frá vöggu til
grafar og má telja upp dagvistun
barna, uppeldismál, skólamál,
atvinnumöguleika, málefni aldr-
aðra og félagslega aðstöðu. Erfitt
er því fyrir mig sem húsmóður og
foreldri að sitja hjá og taka enga
pólitíska afstöðu, því öll þessi
mál snerta fjölskylduna. Við sem
búum í Reykjavík ætlumst öll til
að hér sé Iífvænlegt að búa, við
viljum geta notið okkar sem
fjölskylda og einstaklingar og þar
tengjast margir þræðir saman.
Þeir þræðir sem ég tengi
störfum borgarstjórnar eru: Dag-
vistunarmál, hvert barn fái
vistun á leikskóla eða dagvistun-
arheimili er þess óskar, barnið
njóti sín sem einstaklingur í
þjóðfélaginu og velferð þess ætíð
höfð í huga. Ég tel mjög nauðsyn-
legt að foreldrar leggi sinn skerf
af mörkum í skólamálum, fylgist
vel með og hafi tillögurétt. Hvað
varðar málefni unglinga væri
æskilegt að félagsaðstaða skap-
aðist fyrir unglinga í hverjum
borgarhluta, og hafa ber í huga
að unglingarnir eru spegilmynd
okkar sem fullorðin teljumst.
Sameiginleg tómstundastörf fjöl-
skyldunar þarf að efla að mun,
samanber hvað áunnist hefur
með skíðaaðstöðu, en verðugt
verkefni fyrir borgarfulltrúa
væri að vinna að uppbyggingu
skemmtigarðs — Tivolís — í
Reykjavík. Neytendamál ættu
húsmæður að taka höndum sam-
an um og beita sér frekar að þeim
málum, en það eru mál sem
snerta hverja fjölskyldu. Þá ber
að stefna að styrkingu atvinnu-
veganna hér í Reykjavík og lífga
gamla miöbæinn upp.
Oft á tyllidögum er rætt um
húsmóðurstarfið sem hornstein
þjóðfélagsins, það starf er ekki
unnið eftir stimpilklukku, en oft
langur og strangur vinnudagur,
en þegar farið er út í þjóðfélagið
og unnið við nákvæmlega sömu
störf eru það byrjunarlaun sem í
boði eru, á þessu verður að gera
bragarbót.
Aðalatriðið í lífinu er að sitja
ekki hjá. Verum ábyrgir einstakl-
ingar og heiðarleg í mannlegum
samskiptum.
Þuríöur
Pálsdóttir
Almenn heill og velferð íbúa
Reykjavíkur sitja í fyrirrúmi í
viðhorfi mínu til borgarmála.
Reykjavíkurborg hefur á ótrúlega
skömmum tíma þanist úr smábæ
í stórborg, og það hlýtur óhjá-
kvæmilega að hafa í för með sér
að atvinnugreinar, félags-, og
heilbrigðis- og menningarmál og
ýmis þjónusta við borgarbúa
hefur ekki náð að uppfylla þær
þarfir sem sjálfsagðar eru í
stórborg. Félagsmál er geysivíð-
tækt hugtak og nær yfir mörg
svið. Utþensla borgarinnar
orsakar einangrun íbúanna og
stórt átak þarf til að bæta
aðstöðu til heilbrigðis, skemmt-
ana og félagslífs í borginni.
Unglingar eru einna mest af-
skiptir í þessum málum og þar er
brýn nauðsyn til úrbóta.
I heilbrigðismálum borgarinn-
ar þarf stöðuga vöku, og þar má
enginn undansláttur vera. Starf-
ræksla heilsugæslustöðva í risa-
stórum úthverfum borgarinnar
er sjálfsögð þjónusta við íbúana.
En meðan fyrirhugaðar bygging-
ar fyrir slíkar stöðvar eru
óreistar gæti gott bráðabirgða-
húsnæði þjónað slíkri starfsemi
með ágætum.
Málefni fatlaðra, blindra, aldr-
aðra og ýmissa þeirra hópa sem
þurfa að lifa við örðug skilyrði í
þjóðfélaginu, er sjálfsögð og
siðferðileg skylda okkar allra að
styrkja og efla eftir bestu getu.
Menningarmál eru mér afar
hugstæð, en ég er því mótfallin,
að viss klíka standi að og ráði
lista- og menningarmálum
borgarinnar. Mörg lista- og
menningarfyrirtæki starfa fyrir
fámennan hóp fólks, og eru ekki
nýtt sem skyldi fyrir almenning.
Á undanförnum árum hefur
mjög verið haldið fram „jafnvægi
í byggð landsins", en Reykvíking-
ar verða að vera vel á verði
gagnvart þeirri þróun, til þess að
sú stefna bitni ekki á borgarbú-
um með aukinni skattabyrði og
þverrandi atvinnumöguleikum.
Björgvin Björgvinsson Eggert Ilauksson
Morgunblaðinu bárust ekki svör tveggja frambjóðenda í prófkjöri
sjáifstæðismanna. þeirra Björgvins Björgvinssonar og Eggerts
Haukssonar.